Imran's Poetry: 07/02/14

Jul 2, 2014

Yeh raat yeh tanhai

Yeh dil ki dhrakne ki

Awaaz aur snaata

Yeh doobty taaron ki

Khamosh ghazal khawani

YEh waqat ki palkon par

Sooti hui veerani

Jazbaat-e-mohabbat ki

Yeh aakhri angraai

Bajti hui her janib

YEh mout ki shanaei

Sab tum ko boltay hain

Pal bhar ko tum aa jaao

Band hoti meri aankhon main

Apni mohabbat ka

Ek khwaab saja jaao

Ek baar tum aa jaao

Gham-e-hasti ka asad kis se ho jaz marg ka ilaaj

Shamma her rang main jalti hai sehar hone tak

Ghazab kiya tere waaday pe aitabaar kiya

Tam'maan raat qayamat ka intizaar kiya

Kaabay kis munh se jaao gy ghalib

Sharam tum ko magar nahin aati

Ishq ne ghalib nikama kar diya

Warna hum bhi aadmi thay kaam ke

Ishrat-e-qatra hai dariya main fanaa ho jana

Dard k ahad se guzarna hai dawa ho jana

Main tanha tha magar kal shab

Main tanha tha

MAgar kal shab

Meri awaragi , achi lagi mujh ko

Mere ham'raah tak kar saans leti

Ik nad, achi lagi mujh ko

Udaasi aordhti shakhon se lamhon ki tarah

Jhartay huwey pattay

Shagoofon ki bujhi hui kushboo

Hawa ki chaal-e-awara

Fiza ka bankpan , phailaye huwey malboos-e-be'khwaabi

Gali koochon main qehat-e-shor-e-dildaaran

Sitaron ki qubaa main , Tairgi ke be'sabab tankay

Khala sunsaan

Jaisay maqtalon main nachty, be'annt snattay ke

lau jhankay

Brahna paidr, jaisay estaadi pathron ka halqa-e-maatam

Main tanha tha

Magar kal shab

Firaaq-e-yaar ki rut se galay milti khizaan ki saadgi achi lagi

Bhout achi lagi mujh ko

Deep jis ka sirf mehel'laat hi main jalay

Chand logon ki khushiyon le kar chale

Woh jo saaye main her maslihat ko paale

Aisay dastoor ko

Subh-e-be'noor ko

Main nahin maanta

Main nahin jaanta

MAin bhi khaaif nahin takhta-e-daar se

Main bhi mansoor hoon , keh do agihyaar se

Kiyon daraaty ho zindaan ki dewaar se

Zulam ki baat ko

Jehel ki raat ko

main nahin maanta

Main nahin jaanta

Phool shaakhon pe khilney lage tum kaho

Jaam rindon ko milne lage tum kaho

Chaak seenon ke silney lage tum kaho

Is khulay jhoot ko

Zehan ki loot ko

Main nahin maanta

Main nahin jaanta

Tum ne loota hai sadiyon hamara sakoon

Ab na hum par chale ga tumhara fasoon

Chara-gar main tumhain kis tarah se kahoon

Tum nahin chara-gar

Koi maanay magar

Main nahin maanta

Main nahin jaanta

Woh kehta hai usay phoolon ki chahat hai

Woh kehta hai

Usay phoolon ki chahat hai

Magar jab phool khiltay hain

Woh un ko tor deta hai

Woh kehta hai

Usay baarish ka mousam acha lagta hai

Magar jab baarish hoti hai

Woh kamray main afsurda sa ho kar band ho jat ahai

Woh kehta hai

Hawaein ishq hain us ki

Hawaein lakin chalein jab to

Woh khirki band rakhta hai

Mujhe ab dar sa lagta hai

Woh jab bhi mujh se kehta hai

Ussay mujh se mohabbat hai

Raat us ne poocha tha tum ko kaisi lagti hai

Raat us ne poocha tha

Tum ko kaisi lagti hai

Chandni december ki

Main ne kehna chaha tha

Saal-o-maah ke baaray main

Guftago ky kiya mahni

Chahaye koi manzar ho

Dasht ho , samandar ho

June ho , december ho

Dharkano ka her naghma

Manzaro'on pe bhaari hai

Saath jab tumhara ho

Dil ko ik sahara ho

Aisa lagta hai jaisay

Ik nasha sa taari hai

Lakin us ki qurbat main

Kuch nahin kaha main ne

Takti reh gayi mujh ko

Ussay yeh kon samjhaye

Woh dasht-e-khamoshi main

Ungliyon main seepiyaan pehnay

Kisi sookhay samandar ki

Adhoori pyaas ki baatein

Bhout chup chaap sunta hai

Bhout khamosh rehta hai

Ussay yeh kon samjhaye

Khushi ke aik ansoo se

Samandar bhar bhi jatay hain

Bhout khamosh rehnay se

Ta'aluq mar bhi jaate hai

Tum aksar poochtay thay na jo hum bichray to kiya ho ga

Tum aksar poochtay thay na

Jo hum bichray to kiya ho ga

Tum aksar sochtay thay na

Na mil paaein to kiya ho ga

To dekho ab bhi zinda hain

Abhi bhi chaand taktay hain

Abhi bhi phool khiltay hain

Abhi bhi dil ke dariya main hazaron dard behtay hain

Abhi bhi kuch nahin badla magar phir bhi kami si hai

Tumhare baad janaa aankh main her dam nami si hai

Dil udaas rehta hai barishon ke mousam main

Dil udaas rehta hai

Barishon ke mousam main

Zindagi pighalti hai

Khwaishon ke mousam main

Waqat tehar jata hai

Muntazir nigahon main

Junglon ke khatray hain

Bastion ki raahon main

Ho sake to loat ana

Pyaar ki panahon main

Ishq ka ijaara hai

Dil ki shahraahon par

Woh nafraton ka sawaal kar ke

Mohabbaton ke jawaab maange

Chale hain tanha

Shakist-e-murda

Koi to mera bhi dard jaane

Koi to us se hisaab maange

Mere bachay ne jab mujh se kaha mama

Zara jugnoo mujhe laa do

Mujhe titli ke rangon ko bhi choona hai

Sitaray asmaan par hi uggay hain kiyon

Zameen par kiyon nahin atay

Mujhay bas chaand laa do , us se khailon ga

Main chonk uthi

Yahi kuch main ne apni maa se poocha tha

Mera masoom sa bachpan

Jo mutthi se phisal kar kho gaya shayed

Mera bacha jo mera aaj hai

Aur aney wala ik haseen kal hai

Lahoo main is ki baaton se hi halchal hai

Yeh mera qeemti pal hai

Mera bacha haseen tabeer ban kar samney hai aur

Maazi khwaab lagta hai

To kiya main khwaab se aagay nikal ayi

Main maa hoon ilam hai mujh ko

Mera bacha

Mujhe kab , kiyon bulaata hai

Rulaati hai ussay kiya baat , kis pal muskuraat hai

Woh kab araam karta hai , woh kaisay khil'kilaata hai

Main maa hoon ilam hai mujh ko

Magar jab yeh bara ho ga

Mujhe yeh kuch bataye ga

Yeh kuch mujh se chup'paye ga

YEh samjhe ga keh maa ko kiya khabar is ki

Woh ghar baithay bhala kiya jaan paye gi

Woh ghar ta'kheer se aa kar bahaney jan banaye ga

MAin sab kuch jaa kar anjaan ban jaaon gi us lamhay

Keh yeh her maa ki fitrat hai

Mera bacha yeh kaisay jaan sakta hai

Keh us ki in ragon main ,maa lahoo ke sath chalti hai

Ussay kaanta bhi chubh jaye to maa ka dil tarapta hai

Woh jis jaga bhi chala jaye

Duaon ke ghannay hisaar main mehfooz hota hai

Woh maa ke dil main hota hai

Qadam jis pal utha'ta hai

Woh jis raste pe jata hai

To thandi chayon sa aanchal bhi us ke sath hota hai

MAin maa hoon ilam hai mujh ko

Na ura youn thokron se meri khaak-e-qabar zaalam

Yahi ik reh gayi hai mere pyaar ki nishaani

Ishq main khoye jaao gy to baat ki teh paao gy

Qadar hamari kuch jaano gy dil ko kahin jo lagao gy

Sabar kahan be'taabi-e-dil se chain kahan be'khwabi se

So so baar gali main uth ke ghar se bahir aao gy

Ask to paani se hain lakin jalty jalty awain gy

Dil ki lagi hairaan hain saahib kis dhab mil ke bhujaao gy

Chahat meri suljhi kartay hain ranj-o-taab main rehtay hain

Tum jo abhi be'taab ho jaisay jee se uth jaao gy

Poet : Mir Taqi Mir

Baat karni mujhe mushkil kabhi aisi to na thi

Jaisi ab hai teri mehfil kabhi aisi to na thi

Le gaya cheen ke kon aaj tera sabr-o-qaraar

Be'qarari tujhe ae dil kabhi aisi to na thi

Teri aankhon ne khuda jane , kiya kiyea jaado

Keh tabiyat meri mayal kabhi aisi to na thi

Aks-e-rukhsaar ne kis liye tujhe chamkaya

Taab tujh mein mah-e-kaamal kabhi aisi to na thi

Kiya sabab tu jo bigarta hai "zafar" se her baar

Khoo teri hoor shumaail kabhi aisi to na thi

Poet : Bahadar Shah Zafar

Mareez-e-mohabbat unhi ka fasana sunaata raha dam nikalty nikalty

Magar zikar-e-shaam-e-alam jab keh aya Chraagh-e-sehar bujh gaya jaltay jaltay

Unhain khaton main likha dil muztarib hai jawaab un ka aya mohabbat na kartay

Tumhain dil laganey ko kis ne kaha tha Behal jaye ga dil behaltay behaltay

Aray koi wada khilaafi ki had hai hisaab apney dil main laga kar to dekho

Qayamat ka din aa gaya rafta rafta mulaaqat ka din badaltay badaltay

Woh mehmaan hamaray rahe bhi to kab tak hui shamma gul aur na doobe sitaray

Qamar is qadar un ko jaldi thi ghar ki woh ghar chal diye chandani dhaltay dhaltay

Poet : Qamar jalalvi

Dono jahan teri mohabbat main haar ke

Woh jaa raha hai koi shab-e-gham guzaar ke

Veeraan hai meh'kada , kham-o-sagar udaas hain

Tum kiya gaye keh rooth gaye din bahaar ke

Ik fursat-e-gunnah mili woh bhi chaar din

Dekhay hain hum ne hosley parwar'digaar ke

Duniya ne teri yaad se baigana kar diya

Tujh se bhi dil'faraib hain gham roz'gaar ke

Bhoolay se muskura to diyea thay woh aaj faiz

Mat pooch wal'walay dil-e-na'karda-kaar ke

Poet : Faiz Ahmed Faiz

Chragh-e-tor jalao , bara andhera hai

Zara naqaab uthao , bara andhera hai

Woh jin ke hote hain khorasheed asteenoo main

Unhain kahin se bulaao, bara andhera hai

Mujhe khud apni nigahon pe Aaitabaar nahin

Mere qareeb na aao , bara andhera hai

Faraz-e-arsh se toota hai koi tara

Kahin se dhoond ke laao, bara andhera hai

Abhi to subha ke maathay ka rang kaala hai

Abhi faraib na khaao,bara andhera hai

Jissay zubaan-e-khuro main sahraab kehtay hain

Wo roshni si pilaao ,bara andhera hai

Ben'naam zohra jabeenan-e-khitah-e-firdos

Kisi kiran ko jagaoo bara andhera hai

Poet : Sagar Sadiqui

Ragon main dourtay phirney ke hum nahin qayal

JAb aankh hi se na tapka to lahoo kiya hai

Ranj se khoogar hua insaan to mit jata hai ranj

Mushkalain itni parein mujh par keh asaan ho gayein

Ubhraa hua naqaab main hai un ke aik taar

Ubhraa hua naqaab main hai un ke aik taar

Marta hoon main keh yeh na kisi ki nigah ho

Hairaan hoon dil ko roo'on keh peetun jiger ko main

Hairaan hoon dil ko roo'on keh peetun jiger ko main

Maqdoor ho to sath rakhon noha gar ko main

Jee dhoondta hai phir wohi fursat ke raat din

Bhaithay rahain tasawar-e-janaa kiye huwey

Poochtay hain woh keh ghalib kon hai

Koi batlaao keh hum batlaaein kiya

Be'khudi be'sabab nahin ghalib

Kuch to hai jis ki parda'daari hai

Baazecha-e-atfaal hai duniya mere aagay

Hota hai shab-o-roz tamasha mere aagay

Bas keh dushwaar hai her kaam ka asaan hona

Aadmi ko bhi muyassar nahin insaan hona

Ada-e-khaas se ghalib hua hai nukta sra

Salaye aam hai yaaran-e-nukta daan ke liye

Aya hai be'kasi-e-ishq pe rona ghalib

Kis ke ghar jaye ga sailaab-e-bala mere baad

Aah ko chayea ik umar asar hone tak

Kon jeeta hai teri zulaf ke sar hone tak

Noor-e-khuda hai Kufar ki harkat pe khanda zan

Phoonkon se yeh chraagh bhujhaya na jaye ga

Quwat-e-ishq se her past ko bala kar de

Dehar main ism-e-Muhammad se ujala kar de

Naye kapray badal kar jaaon kahan aur baal bnaaon kis ke liye

Woh shakhs to shaher hi chor gaya main bahir jaaon kis kay liye

Jis dhoop ki dil main thandak thi, woh dhoop usi ke sath gayi

In jalti bujhti galiyon main ab khaak uraaon kis ky liye

Woh shaher main tha to us ke liye auron se bhi milma parta tha

In aisay waisay logon ky main naaz uthaon kis ke liye

Ab shaher main is ka badal hi nahin koi waisa jaan-e-ghazal hi nahin

Aiwaan-e-ghazal main lafzon ke gul'daan sajaon kis ke liye

Muddat se koi aya na gaya sunsaan pari hai ghar ki fiza

In khaali kamron main nasir ab shamma jalaon kis ky liye

Dard barhta hi rahay aisi dawa de jao

Kuch na kuch meri wafaon ka sila de jao

Youn bhi na jao keh main ro bhi na sakon furqat main

Meri raaton ko sitaaron ki zia de jao

Aik baar aao kabhi itnay achanak pan se

Na'umeedi ko taheer ki saza de jao

Dushmani ka koi pehraya nadar dhoondo

JAb bhi aao hamain jeenay ki dua de jao

Wohi ikhlaas-o-murawat ki puraani tohmat

Dosto ! koi to ilzaam naya de jao

Koi sehra bhi agar raah main aye anwar

Dil yeh kehta hai keh ik baar sada de jao

Poet : Anwar Masood

Mera naseeb huwein talkhiyaan zamane ki

Kisi ne khoob saza di hai muskurane ki

Meray khuda mujhe taariq ka hosla ho ata

Zaroorat aan pari kashtiyaan jalane ki

MAin dekhta hoon her ik simat panchiyon ky hajoom

Elaahi khair ho siyaad ke ghraney ki

Qadam qadam pe saleebon ke jaal bicha do

Keh sar'kashon ko to aadat hai sar uthane ki

Shareek-e-juram na hote to mukh'bari karte

Hamain khabar hai lutairon ke her thikaane ki

Hazaar hath giribaan tak aa gye "azhar"

Abhi to baat chali bhi na thi zamaney ki

Poet : Azhar duraani

Mere khuda mujhe itna to moh'tabar kar de

Main jis makaan main rehta hoon us ko ghar kar de

Yeh roshni ke ta'aqab main bhaagta hua din

Jo thak gaya to ab is ko muktasir kar de

MAin zindagi ki dua mangney laga hoon bhout

Jo ho sake to duaon ko be'asar kar de

Sitaara-a-sehri doobney ko aya hai

Zara koi meri soch ko ba'khabar kar de

Meri zameen mera aakhri hawala hai

So main rahoon na rahoon is ko barwar kar de

MAin apne khwaab se kat kar jeeon to mere khuda

Ujaar de meri matti ko dar'badar kar de

Poet : Iftikhaar Arif

Teri surat nighaon main phirti rahay

Ishq tera staye to main kiya karoon

Koi to aa ke itna bata de mujhe

Jab teri yaad aye to main kiya karoon

MAin ne khaak-e-nashai'man ko bosay diye

Aur yeh keh kar dil ko bhi samjha diya

Ashiyana banana mera kaam tha

Koi bijli giraye to main kiya karoon

Hussan aur ishq dono main tafreeq hai

Kiya karoon mera dono pe emaan hai

Gar khuda rooth jaye to sajde karoon

Aur sanam rooth jaye to main kiya karoon

Main ne maangi thi yeh masjadon main dua

Main jissay chahta hoon woh mujh ko mile

Jo mera farz tha main ne poora kiya

Ab khuda hi na chahe to main kiya karoon

Jab koi bulbul tu ne do tinkay liye

Jab koi bulbul tu ne do tinkay liye
Toot'ti hain bijliyaan us kay liye

HAi jawani khud jawani ka singhaar
Sadgi kehta hai is san kay liye

Kon veerane main dekhay ga bahaar
Phool jungle main khilay kin ke liye

Sari duniya ky hain wih mere siwa
MAin ne duniya chor di jin kay liya

Baghbaan kaliyaan hon halkay rang ki
Bhaigni hain ik kam'sin kay liye

Wasal ka din aur itna muktasir
Din giny jate thay us din kay liye

Subha ka sona jo hath ata ameer
Bhaig'ty tohfa mo'azan kay liye

Yeh aalam shouq ka dekha na jaye

Yeh aalam shouq ka dekha na jaye
Woh buut hai ya'khuda dekha na jaye

Yeh kin nazron se tu ne aaj dekha
Yeh tera dekhna , dekha na jaye

Hamesha kay liye mujh se bichar ja
YEh manzar bar'haa dekha na jaye

Ghalat hai jo suna par azmaa kar
Tujhe ae be'wafa dekha na jaye

YEh mehroomi nahin paas-e-wafa hai
Koi tere siwa dekha na jaye

Yahi to aashna bantay hain aakhir
Koi na'ashna dekha na jaye

Faraz apne siwa hai kon tera
Tujhe tujh se juda dekha na jaye

Poet : Ahmed Faraz

Tumharay shaher ka mousam bara sohana lage

Tumharay shaher ka mousam bara sohana lage
Main ik shaam chura loon agar bura na lage

Jo doobna hai to itne sakoon se doobo
Keh aas paas ki lehron ko bhi pata na lage

Tumhare bas main agar ho to bhool jao hamain
Tumhain bhoolney main shayed hamain zamana lage

Na jane kiya hai kisi ki udaas aankhon main
Woh munh chupa ke bhi jaye to be'wafa na lage

Hamare pyaar se jalne lagi hai ik duniya
Dua karo kisi dushman ki bad'dua na lage

Poet : Ahmed Faraz

Kal chodhween ki raat thi , shab bhar raha charcha tera

Kal chodhween ki raat thi , shab bhar raha charcha tera
Kuch ne kaha yeh chaand hai , kuch ne kaha chahera tera

Hum bhi wahin mojood thay hum se bhi sab poocha kiyea
Hum hans diye, hum chup rahay , manzoor tha parda tera

IS shaher main kis se milain , hum se to chutein mehfilain
Her shakhs tera naam le , her shakhs dewaana tera

Koochay ko tere chor ky joogi hi ban jayein magar
Jungle tere , parbat tere , basti teri , sehra tera

Tu be'wafa , tu mehrbaan , hum aur tujh se bad'gumaan
Hum ne to poocha tha zara , ye wasaf kiyon tehra tera

Hum per yeh sakhti ki nazar , hum hain faqeer raah'guzar
Rasta kabhi roka tera , daaman kabhi thamaa tera

Haan haan teri surat haseen lakin tu itna bhi nahin
Is shakhs ke ashaar se shorah hua kiya kiya tera

Be'dard sun'nani ho to chal , kehta hai kiya achi ghazal
Aashiq tera, ruswaa tera , shair tera , insha tera

Ae ishq hamain barbaad na kar

Ae ishq hamain barbaad na kar , hum bhoolaye huwon ko yaad na kar
Pehlay hi bhout na'shaad hain hum to aur hamain na'shaad na kar
Qismat ka sitam hi kam to nahin , yeh taza sitam ejaad na kar
Yeh zulam na kar be'daad na kar, ae ishq hamain barbaad na kar

Jis din se mile hain dono ka sab chain gaya araam gaya
Chaheron se bahaar-e-subha gayi , Aankhon se farogh-e-shaam gaya
Hathon se khushi ka jaam chutha, hinton se hansi ka naam gaya
Gham'geen na bana na'shaad na kar , Ae ishq hamain barbaad na kar

Woh raaz hai yeh gham-e-aah jissay paa jaye to koi khair nahin
Aankhon se ansoo behtay hain , aa jaye to koi khair nahin
Zaalam hai yeh duniya dil ko yahan, bhaa jaye to koi khair nahin
Hai zulam magar fariyaad na kar ,Ae ishq hamain barbaad na kar

Duniya ka tamasha dekh liya , gham'geen si hai be'taab si hai
Umeed yahan ik weham si hai , taskeen yahan ik khwaab si hai
Duniya main khushi ka naam nahin , duniya main khushi nayaab si hai
Duniya main khushi ko yaad na kar , Ae ishq hamain barbaad na kar

Poet : Akhtar Sheerani

Ek pal ki judai gawara kar nahin sakte

Ek pal ki judai gawara kar nahin sakte
Aisa ishq hum dobara kar nahin sakte

Zindagi bhar palat ke na dekha kabhi
Hum phir bhi shikwa tumhara na kar sake

To ne her kisi se dil laga kar dekha
Magar hum apney dil ko awara na kar sake

Jaan tak luta di un ky pyaar main magar
Ek dil hi woh apna hamara na kar sake

Badal saka na judai ke gham utha kar bhi

Badal saka na judai ke gham utha kar bhi
Keh main to main hi raha tujh se door ja kar bhi

Main sakhat jaan tha is qurb se bhi bach nikla
Main jee raha hoon tujhe hath se ganwa kar bhi

Khuda kare tujhay doori hi raas aa jaye
Tu kiya kare ga bhala yahan par aa kar bhi

Abhi to mere bikharney ka khail baaqi hai
Main kush nahin hoon abhi apna ghar luta kar bhi

MAin us ko sattah se mehsoos kar bhi kush hoon
Woh mumtmain hi nahinMeri teh ko paa kar bhi

Abhi to us ne koi faisala bhi nahin kiya
Woh chup hai mujh ko her tarah se azmaa kar bhi

Woh aur log thay jin ka aajaz haal hua
Hamain to kuch na mila apna aap mitta kar bhi

Khula yeh bhaid keh tanhaiyaan hi qismat hain
Ek umar dekh liya mefalian saja kar bhi

Ghazal kehney pe bhi sochon ka bojh kam na hua
Sakoon na mil saka ehwaal-e-dil suna kar bhi

Ruka na zulam mere raakh bananay par bhi "riaz"
Hawa ki kho to wohi hai mujhe jala kar bhi

Jo na mil sake wohi bewafa

Jo na mil sake wohi bewafa
Yeh bari ajeeb si baat hai
Jo chala gaya mujhe chor kar
Wohi aaj tak mere sath hai

Woh roshni ke khyaal main
Woh na aa saka raah main muntazir
Yeh khalish kahan thi wisaal main
Meri justagoo ko khaber nahin
Na woh din rahay na woh raat rahay
Jo chala gaya mujhe chor kar
Wohi aaj tak mere sath hai

Kare pyaar lab pe koi gila na ho
Yeh kisi kisi ka naseeb hai
Yeh karam hai us ki jafa nahin
Woh juda reh kar bhi qareeb hai
Woh aankh hai mere ru'baru
Ussi hath main mera hath hai
Jo chala gaya mujhe chor kar
Wohi aaj tak mere sath hai

Mera naam tak jo na le saka
Jo mujhe qaraar na de saka
Jisse ikhtiyaar to tah magar
Mujhe apna pyaar na de saka
Wohi shakhs meri talaash hai
Wohi dard meri hayaat hai
Jo chala gaya mujhe chor kar
Wohi aaj tak mere sath hai