Imran's Poetry: 03/13/15

Mar 13, 2015

Kaash yeh mohabbat khawab si hoti ?

Bas aankh khulti aur Qissa khatam

Aaj to dil kuch youn udaas hai wasi

JAisay tanha kashti ko samandar main shaam ho jaye

Koi to baat hai aakhir , meri mehmaan nawaazi main

KEh gham ik baar aatay hain , to phir wapis nahin jatay

Iss dard ki tehweel main rehtay huye hum ko

Chup chaap se bikharna hai , tamasha nahin ban'na

Luta kar her cheez teri chahat ki raah main

Hum hans paray aaj khud ko barbaad dekh kar

Tumhain bhoolain gay aur woh bhi hum

Ajeeb bhool hai waisay tumhari

Woh mera Aakhri jazeera tha

Raat jo Aanso'on main doob gaya

Itni to na kar be'rukhi, kuch to khayal kar

Hum pehlay se hi hain dukhi, kuch to khayal kar

Tera hansana to meri hayaat hai , tera bolna hai meri khushi

Mat cheen mujh se her khushi, kuch to khayal kar

Beshak tu mujh se baat na kar , itna to bata magar

Bin teray kya hai zindagi , kuch to khayal kar

Udaasi , shaam , tanhai, kasak , yaadon ki be'chaini

Mujhay sab somp kar suraj utar jaata hai pani main

Raha zabt main jab na dam , ro diye hum

Teri yaad kar kay sitam , ro diye hum

Safar kis qadar tha kathan be'basi ka

Chalay thay abhi do qadam , ro diye hum

Mila zakham to ho gaye hum pashemaan

Jo toota wafa ka bharam , ro diye hum

Huwa hijar main kabhi zikar tera

Teri chahaton ki qasam , ro diye hum

Saraaha kisi ne na fun be'kason ka

Uthay jhoot par jab qalam , ro diye hum

Hamaari lagan "Hashimi" jee na poocho

Jo dekha tujhay aankh nam , ro diye hum

Kar kay aik doosray se Aarzo-e-wafa

Aao kuch dair jhoot bolain hum

Main apni sari ghazlon sari nazmon se hon sharminda

Teri aankhon main aisi shairy mehsoos hoti hai

Na dua ne kiya asar , youn hi Aanso'on ne kiya safar

Tumhain maanh maang kay thak gaye , meray hont bhi , meray haath bhi

Jo kisi soch kay sanchay main nahin aa sakta

Tu ne kya soch kay uss shakhs ko chaha meray dil

Meray qaatil tujhay mubarak ho

Dil ne samjha hai be'qasoor tujhay

Ek woh shakhs keh hum ko nazar hi nahin aata

Hamaray liye Eid ka chand bana baitha hai

Eid ka din hai bari dhoom ki tayaari hai

Aao hum un se milain jin ki jaib khaali hai

LAfzon se khail kay bantay hain mufakar yeh log

In barray logon ki to shaan hi niraali hai

HAin to hum'dard ghareebon kay par miltay huye ghabraatay hain

Pata chalay na kisi ko ghareebon se rishtay daari hai

Dekh kar Eid ki tayaari ek bachay ne kaha

Ek mera ghar hai jahan bhook hai be'maari hai

YEh oonch neech ki tafreeq kab khatam ho gi

Iss ek jawaab ki duniya sabhi sawaali hai

Eid mili hai to roothay huye logon se milain

Unhain bata dain yeh duniya faqat tumhari hai

Teray sang eid manaaon meri yeh auqaat kya

Dil jalon ki eid kaisi ? dard bhari hayaat kya

Teray sang eid manaaon meri yeh auqaat kya

Jab loatna hi hai ghreebon ko apni bazm main

Phir chamakta din kya ghup andheri raat kya

Main to teri gali ka adna sa ik faqeer hoon

Apnay rab se maangon main teri khairaat kya

Tujhay meri baatein sun'nana gawara nahin hai

Phir tujhay kaisay bataaon main meray halaat kya

Dard sehtay sehtay pathar ka ho gaya hoon "Darwaish"

Zubaan par pyaar ka qufal kisi se karon baat kya

Thehri thehri si tabiyt main rawaani aayi

Aaj phir yaad mohabbat ki kahani aayi

Aaj phir neend ko aankhon se bichartay dekha

Aaj phir yaad koi choat puraani aay

Muddaton baad un pe chala hamara jadu

Muddaton baad hamein baat banaani aayi

Muddaton baad pasheman hua dariya hum par

Muddaton baad hamein pyaas chupaani aayi

Muddaton baad khuli wus'at-e-sehraa hum par

Muddaton baad hamein khaak uraani aayi

Itni asaani se nahin milti fun ki doulat

Dhal gayi umar to ghazlon pe jawani aayi

Jis kay naseeb main hon zamanay ki thokrain

Us bad'naseeb se na sahaaron ki baat kar

Ab jo rootho gay , haar jaao gay

Hum mananay kay gur , bhula baithay

Ab wahan yaadon ka bikhra hua malba hi to hai

Jis jaga Ishq ne buniyad-e-makaan rakhi thi

Ab to raqeeb se bhi adawat nahin rahi

Mujhay woh aziz , jissay tu aziz hai

Hai shiddat-e-khaloos ek jurm-e-Aashiqi

Parwana jal kay shamma ko bad'naam kar gaya

Sunno sahib ! maohabbat dard-e-dil ki aisi dawa hai

Agar mil jaye to marz khatam aur na milay to mareez khatam

Tumhara saath mil jaye to sab dukh bhool jaaon gi

Woh kehti thi keh her surat tumhain apna banaon gi

Nichawar khwaab kar doon gi , tumharay her ishaaray par

KAbhi peepal ki chaaon main kabhi nadiya kinaaray par

Tumhain thandak ataa kar doon gi ik barsaat ki maanind

Bikhartay chand jharno main ujalti raat ki maanind

Mujhay tum se mohabbat hai main logon ko bataon gi

Woh kehti thi keh her surat tumhain apna banaon gi

Main chahon gi tumhain jana umangon se ujaalon tak

Khudi kay dasht se le kar naye janmon kay saalon tak

Meri thandi si tanhai , sulagti raat jaisi ho

Mujhay bas saath lay jaao , bhalay barsa

Woh meri ghazal saraai woh kisi ka muskuraana

Woh zara tehar kay khud hi koi shair gun'gunaana

Shab-e-maah-o-mousam-e-gul , woh kinaar-e-ju woh khilwat

Woh hajoom-e-kaif-o-masti woh fasana dar fasana

Tujhay yaad agar na ho to , tujhay yaad main dila doon

Mujhay yaad hai woh sab kuch , woh maqaam woh zamana

Woh naye naye se jazbay , woh nayi nayi si her shay

Woh nayi nayi umang'ein , woh naya naya zamana

Woh ghataein umadti umadti , woh hawaein mehki mehki

Woh nigahein behki behki , woh adaein walehaana

Woh shakist-e-Azm-o-himmat , woh ghroor-e-fatah-o-nusrat

Woh saroor-e-dard mandi , woh nishaat-e-dilbaraana

Teray sang-e-gham ne tora meray sheesha-e-khudi ko

Mera dil tha toba toba , keh khuda-e-be'zamana

Tor diye hain main ne ghar kay sabhi Aainay

Pyar main haaray huye log mujh se dekhye nahin jaatay