Imran's Poetry: 06/28/14

Jun 28, 2014

Her shaam teri yaad main jalta huwa dekhon

Kab tak dil-e-be'taab machalta hua dekhon

Aanchal ki tarah tan se lipat jayon teray

Aur khud ko teri zaat main dhalta hua dekhon

Dil pe ik tarfa qayamat karna

Muskuratay huwey rukhsat karna

Achi aankhin jo mili hain us ko

kuch to lazim hua wehshat karna

Jurm kis ka tha , saza kis ko mili

Kiya gayi baat pe hujat karna

Kon chahey ga tumhain meri tarah

Ab na kisi se mohabbat karna

Ghar ka darwaza khula rakhna hai

Waqat mil jaye to zehmat karna

Teri tareef karta hai to is main kiya burai hai

Khuda ne apne hathon se teri surat banai hai

Hazaron ki tarah sun le teri ruswai ky dar se

Teri tasveer hum ne kitabon main chuppai hai

Teri masoom surat ki yahi tareef hai sun le

Zubaan pe hai yahi sab ky khudai hai khudai hai

Marz yeh ishq ka aisa laga keh phir nahin choota

Dua bhi hum ne ki dawa bhi azmaya hai

Raaz ki baatein likhi aur khat khula rehney diya

Jane kiyon ruswaeiyon ka silsila rehne diya

Umar bhar mere sath reh kar woh na samjha dil ki baat

Do dilon ky darmiyaan ek fasla rehne diya

Apni fitrat woh badal paya na is ky ba'wajood

Khatam ki ranjish magar gila rehnay diya

MAin samjhta tha khushi de gi mujhay sabir-e-fraib

Is liye main ne ghamon se raabta rehne diya

Toota hua sheesha jora nahin jata

Aankh se nikla hua ansoo phir wapis nahin ata

Tum to keh kar bhool chukay ho sab kuch

LAkin mujh se woh pal bhulaya nahin jata

Teri mohabbat ne zanjeerain dali hain aisi

Keh churrana bhi chahon to churraya nahin jata

Mehfil main bhi mujh ko tanhain nazaat ati hai

Tere bin yeh dil kahin aur lagaya nahin jata

Mere dil ki deewaron par sirf tera hi naam likha hai

Mitana bhi chahon to mitaya nahin jata

Saans rukney se pehlay ek jhalak dikha jana

Be'wafa zindagi ka aitabaar kiya nahin jata

Meri hasti main jo likha hai mitaaon kaisay

Ab tum hi batao keh tumhain bhulaon kaisay

Log kehtay hain keh main jo hon woh tum hi to ho

Tere honey ko main sab se chuppaon kaisay

Jaagti aankhon se bhi dekhon to tera sapna dekhon

Apni aankhon main kisi aur ky khwaab sajaon kaisay

MAin jo chahon bhi to keh na paaon kuch bhi tum se

Meri jo halat hai woh main tum ko samjhaon kaisay

Hamain kho kar bhot pachtao gy

Hamain kho kar bhot pachtao gy
Jab hum nahin hon ge

Bhari duniya ko veeraan pao gy

Jab hum nahin hon ge

Hazaron manzalein hon gi

Hazaron karwaan hon gy

Nighaein hum ko dhoondain gi

Na jane hum kahan hon gy

Hamain apna nahin jana

Tamana-e-gham tumhara hai

Keh phir kis par sitam farmao gy

Jab hum nahin hon gy

Bhout asaan sahi

Raah-e-wafa ki manzalein lakin

Akelay kahan tak jao gy

Jab hum nahin hon ge

Hamain kho kar bhot pachtao gy
Jab hum nahin hon ge

Bhari duniya ko veeraan pao gy

Jab hum nahin hon ge

Raqas karney ka hukam jo mila dariyaon main

Hum ne khush ho kar bhanwar bandh liya paaon main

Un ko bhi hai kisi bheegaye huwey manzar ki talaash

Boondh tak bo na sake jo kabhi sehraon main

Ay mere hamsafro tum bhi thakay haaray ho

Dhoop ki tum to milawat na karo chaayon main

Jo bhi ata hai batata hai naya koi ilaaj

Batt na jaye tera bi'maar maseehaon main

Hosla kis main hai yousaf ki kharidaari ka

Ab to mehangai ky charchay hain zulaikhaon main

Woh khuda hai kisi toote huwey dil main ho ga
Masjadon main ussay dhoondo na kalisaaon main

Hum ko aapas main mohabbat nahin karney detay
Ik yahi aib hai is shaher ky danaaon main

Mujh se kartay hain imran is liye kuch log hasad
Kiyon main shaher main maqbool haseenaon main

Raat bhi baarish toot ky barsi

Raat bhi baarish toot

kay barsi

Aik jaisi shiddat

Thi

Baahir bhi aur andar bhi

Yeh baarish khoobsurat hai

Ik arsay baad

Meri rooh main

Sairaab hone ki tamana jaag uthi hai

Magar badal ky rastay main

Bhout se pairr atay hain

Main pal bhar kay liye shadaab hoon

Aur apni baaqi umar

Phir sehra main kaaton

Main apni pyaas pe raazi rahoon gi

Meray ansoo meray dil ki kfalat ky liye kaafi hain

Ab ky baarish main

Kuch aisa karna

Apni hatheli par

Qatron ko jamaa karna

Jo jamaa ho jayein

Woh sab teri chahat

Aur jo reh jaye

Woh sab meri chahat

Yeh na samjho keh hamain tum se mohabbat nahin

Hamain to aadat hai bas khamosh rehney ki

Churra kar hath narmi se yahi kehti hai mujh ko

Abhi tak ghair mehram hoon tumhari kuch nahin lagti

Kiya kashish thi us ki aankhon main mat poocho

Mujh se mera dil lar para mujhay woh shakhs chayea

Yeh dais hai andhay logon ka

Ae chaand yahan na nikla kar

Ae zindagi ik baar tu nazeek aa keh tanha hoon main

Ya door se phir de mujhay koi sada tanha hoon main

Duniya ki mehfil main kahin main hoon bhi shayed nahin

Ik umar se isi soch main dooba hua tanha hoon main

Kushiyon ki yeh shaam aur yaadon ka yeh samaa

Apni palkon pe hargiz sitaray na layein gay

Rakhna sambhal ke chan khushiyaan mere liye

Main loat ayon ga to eid manaein gay

Sheeraza hayat parishaan ho gaya

Yeh marhala bhi khair se asaan ho gaya

Meray sakoon-e-dil ko to hona hi tha tabbah

Un ki bhi ik nigha ka nuqsaan ho gaya

Ban gayi dil ki majboori mulaqatein

Ho gayi hain ab to zaroori mulaqatein

Aankhon se kuch keh ky bichar jana

Jaan le lein gi yeh adhoori mulaqatein

Tum to apney ho tumhain dil se nikalein kaisay

Hum to dushman ko bhi be ghar hone nahin detay

Sabab rone ka woh poochain to itna kehna qasad

Mujhay hansana nahin ata , jahan par tum nahin hotay

Tumhain dil ky aainay main basa kay jaan-e-tamana

Hum kaisay kahin keh hamain koi aur acha lagay

Mera hamsafar jo ajeeb hai to ajeeb tar hon main aap bhi

Ussay manzalon ki khabar nahin mujhay raaston ka pata nahin

Rakhtay hain jo auron kay liye pyaar ka jazba

Woh log kabhi toot kar bikhra nahin kartay

Kis ne kaha unhain niqaab ne husan-e-shabab ko chupaya hai

Utaar de us zaalim ko aaj us ne ik aur Aashiq barhaya hai

Kon kehta hai mujhay thais ka ehsaas nahin

Zindagi aik udaasi hai jo tum paas nahin

Maang kar na peeon yeh meri khudari hai

Is ka matlab yeh nahin keh mujhay pyaas nahin

Ae shang dil apna aqeeda to batata ja

Ae sang'dil apna aqeeda to bata'ta jaa

Tujhay mohabbat pe yaqeen nahin ya mujh pe

Woh kuch sunta to main kehta , mujhay kuch aur kehna tha

Mujhay kuch aur kehna tha

Woh kuch sunta to main kehta , mujhay kuch aur kehna tha

Woh pal bhar ko jo ruk jata mujhay kuch aur kehna tha

Ghalat fehmi ne baton ko barha dala youn hi warna zahid

KAha kuch tha woh kuch samjha , mujhay kuch aur kehna tha

Kisi se juda hona agar itna asaan hota faraz

To jisam se rooh ko lenay kabhi farishtay nahin atay

Main ne poocha kaisay nikalti hai ik pal main jaan

Us ne chalty chalty mera hath chor diya

Is dard ki duniya se guzar kiyon nahin jatay

Yeh log bhi kiya log hain mar kiyon nahin jatay

Hai kon zamaney main mera poochney wala

Nadaan hai jo kehtay hain keh ghar kiyon nahin jatay

Us ne poocha keh kiya pasand hai tumhain

Main bhout dair tak ussay dekhta rha

Chup chaap sar-e-shaher wafa soch rahay ho

Lagta hai koi apni khata soch rahay ho

Tum sochtay rehtay ho keh kiya dekh raha hoon main

Main dekhta rehta hoon keh kiya soch rahay ho

Tu ghubaar-e-safar main khizaan ki sada

Tu samandar hai main sahilon ki hawa

Main ne saari khudai main tum ko chuna

Tu samandar hai main sahilon ki hawa

Kuch baat hai tumhari baaton main

Jo baat yahan tak aa ponchi

Hum dil se gaye , dil tum pe gaya

Aur baat kahan tak ja ponchi

Us ko to bicharney ky dhang bhi nahin atay

Mujh se door reh kar bhi qurbaton main rehta hai

Aik aisay insaan se hum ko nisbatein hain jo

Dosti nahin karta , doston main rehta hai

Main ne masoom baharon main tumhain dekha hai

Main ne pu'nam sitaron main tumhain dekha hai

Mere mehboob teri parda'nasheeni ki qasam

Main ne ashkon ki qataron main tumhain dekha hai

Meri ghaflaton ki bhi had nahin

Teri rehmaton ki bhi had nahin

Na meri khata ka shumaar hai

Na teri ata ka shumaar hai

Kabhi lafaz bhool jayon kabhi baat bhool jaon

Tujhay is qadar chahon keh apni zaat bhool jaon

Uth ky tere paas se jo main chal doon

Jate huwey khud ko teray paas bhool jayon

Ab ky hum bichray to shayed kabhi khwabon main milein

Jis tarah sookhay huwey phool kitabon main milein

Dhoond ujray huwey logon main wafa ky moti

Yeh khazaney tujhay mumkin hai khrabon main milein

gham-e-duniya bhi gham-e-yaar main shamil kar lo

Nasha barhta hai shrabain jo shrabon main milein

Tu khuda hai na mera ishq farishton jaisa

Dono insaan hain to kiyon itney hijaabon main milein

Aaj hum daar pe kheenchay gaye jin baaton par

Kiya ajab kal woh zamaney ko nisabon main milein

Ab na woh main hoon na tu hai na woh mazi hai faraz

Jaisay do saye tamana ky saraabon main milein

Poet : Ahmed Faraz

Main her lamha zakhmi hua hoon

Tumharay rawiye se

Lakin

Tum se tark-e-ta'aluq ki himmat nahin

Kiyon keh

Is sab ky ba'wajood mujhay tum se mohabbat hai

Aur yeh isi mohabbat ka ijaaz hai

Tumharay rawiye ki sard mehri

Naizay ki unni ki manind

Meray dil main khub gayi hai

Lakin dil ab bhi tujhe chahata hai

Yeh chiraagh-e-be'nazar yeh sitara be'zubaan hai

Abhi tujh se milta julta koi doosra kahan hai

Kabhi paa ke tujh ko khona kabhi kho kar tujh ko pana

Yeh janam janam ka rishta tere mere darmiyaan hai

Mere sath chalne wale , tujhe kiya mila safar main

Wohi dukh bhari zameen hai wohi gham ka asmaan hai

Main isi gumaan main bara mutmaein raha hoon

Tera jisam ba taghiyar , mera pyaar jaadwaan hai

Inhi raaston ne jin par kabhi tum thay sath mere

Mujhay rok rok kar poocha tera hamsafar kahan hai

Koi umeed bar nahin ati

Koi surat nazar nahin ati

Mout ka ik din moeiyan hai

Neend kiyon raat bhar nahin ati

Agay ati thi haal-e-dil par hansi

Ab kisi baat par nahin ati

Hai kuch aisi hi baat keh chup hoon

Warna kiya baat kar nahin ati

Hoon wahan jahan se hum ko bhi

Kuch hamari khabar nahin ati

Martay hain arzoo main marney ki

Mout ati hai par nahin ati

Kabhi kis munh se jayo gy faysal

Shram tum ko magar nahin ati

Yeh na thi hamari qismat keh wisaal-e-yaar hota

Agar aur jeetay rehtay yahi intizaar hota

Tere wadon par jiye hum to yeh jaan jhoot jana

Keh kushi se mar na jatay agar aitabaar hota

Koi meray dil se poochay tere teer-e-naam'kash ko

Yeh khalish kahan se hoti jo jigar ky paar hota

Yeh kahan ki dosti hai keh banay hain dost maseeh

Koi chraagh hota , koi ghamgusaar hota

Rag-e-sang se tapka woh lahoo keh phir na thamta

Jise gham samjh rahay ho yeh agar shraar hota

Gham agarcha jaan ghulis hai par kahan be,chain keh dil hai

Gham-e-ishq gar na hota gham-e-rozgaar hota

Kahon kis main ke kiya hai shab-e-gham buri bala hai

Mujhe kiya burra tha marna agar ik baar hota

Huwey mar ke hum jo ruswa huwey kiyon na ghar-e-dariya

Na kabhi janaza utha , na kahin mazaar hota

Ussay kon dekh sakta keh yagaana hai woh yakta

jo doee ki boo bhi hoti to kahin do chaar hota

Yeh masail-e-tasawuff yeh tera biyaan "Imran"

Tujhe hum waali samjhtay , jo na baada-e-khwaar hota

Woh gaye to sath hi le gaye sabhi rang utaar ky shaher ka

Koi shakhs tha mere shaher main kisi door paar ke shaher ky

Chalo koi dil to udaas tha , chalo koi aankh to nam rahi

Chalo koi dar to khulla raha shab-e-intizaar ky shaher ka

Yeh jo main ne taza ghazal kahi , so hai nazar ehal-e-firaaq ki

Keh na mil saka koi nama bar mujhay mere yaar ky shaher ka

So mataa-e-jaan ko liye huwey palat aye tere garifta dil

Kaisay baichtay keh mila nahin koi aitabaar ke shaher ka

Mere tarza-e-naghma srai se koi baagbaan bhi to khush nahin

Yeh mera mizaaj hai kiya karoon keh hoon main bahaar ky shaher ka

Kisi aur dais ki aur ko suna hai "Imran" chala gaya

Sabhi dukh samit ky shaher ka sabhi qarz utaar ky shaher ka

Na'rawa kehiay , na'saza kehiay

kehiay kehiay mujhay bura kehiay

Dil main rakhney ki baat hai gham-e-ishq

Is ko hargiz na barmala kehiay

Aa gayi aap ko maseehai

Marne walon ko marhaba kehiay

Hosh jatay rahay raqeebon ky

Daagh ko aur be'wafa kehiay

Be'hunar rakha gaya , na moh'tabar rakha gaya

Shaher-e-bee'nai main mujh ko be'basar rakha gaya

Mere baaray main mere saray faisalay us ne kiyea

Aur mujhe un faisalon se be'khabar rakha gaya

Chaar soo apne utha li garchay deewar-e-ana

Ek dar-e-imkaan magar kuch soch kar rakha gaya

Phir hua aisa keh mujh ko dar'badar karne ky baad

Naam usi basti ka mere naam pe rakha gaya

Nighaon ky tasadam se ajab takraar karti hai

Yaqeen kamal nahin lakin gumaan hai pyaar karti hai

Larz jata hoon main yeh soch ky kaafar na ho jaon

Tabiyat us ki pooja pe bara israar karti hai

Ussay maloom hai shayed mera dil hai nishanay pae

Labon se kuch nahin kehti nazar se waar karti hai

Main us se poochta hoon khwaab main , mujh se mohabbat hai

Phir aankhain khol deta hoon woh jab izhaar karti hai

Woh her maqaam se pehlay , woh her maqaam ky baad

Sehar thi shaam se pehlay sehar hai shaam ky baad

Her inqalaab-e-mubarak her inqalaab-e-azaab

Shakista jaan se pehlay , shakista jaan ky baad

Mujh pe itni tawajo mujh se itn aguraiz

Mere salaam se pehlay mere salaam ky baad

Chraag-e-bazam-e-sitam hain hamara haal na pooch

Jale thay shaam se pehlay bhujhay hain shaam ky baad

Yeh raat kuch bhi nahin thi yeh raat sab kuch hai

Tallooh-e-jaam se pehlay talooh-e-jaam ky baad

Wohi zubaan wohi baatein magar hai kina farq

Tumharay naam se pehlay tumharay naam ky baad

Hayaat-e-giriya-e-shabnam hayat-e-raqas-e- sharar

Tere payaam se pehlay tere payaam ky baad

Yeh tarz-e-fikar , yeh rang-e-sukhan kahan"Imran"

tere kalaam se pehlay tere kalaam ky baad

Her shamma bhuji rafta rafta her khwaab luta dheeray dheeray

Sheesha na sahi pathar bhi na tha dil toot gaya dheeary dheeray

Baarison main marasam bantay hain lamhon main bhala kiya tootein gy

Tum mujh se bicharna chahtay ho dewaar utha dheeray dheeray

Ehsaas hua barbaadi ka jab sare ghar main dhool urri

Ayi hai hamaray aangan main pat jhar ki hawa dheeray dheeray

Dil kaisay jala kis waqat jala hum ko bhi pata aakhir main chala

Phail hai dhuwaan chupky chupky sulagi hai chitta dheeray dheeray

Woh hath praye ho bhi gaye ab door ka rishta hai "Imran"

Ati hai meri tanhai main kushboo-e-hina dheeray dheeray

Aablay poochtay hain paaon se

Kiya mile ga tumhain wafaon se

In mundairon pe kuch chraagh bhi thay

Kon poochay ga ab hawaon se

Bastiyaan zair-e-abb ati gayin

Hont jaltay rahay duaon se

Titliyaan kiyon safar main rehti hain

Bachiyaan poochti hain maa'on se

Abar pawinday khaak lagat hai

Rait girney lagi khyalon se

Bhook ki dhoop hum ko kha jati

Bach gaye mehnaton ki chayoon se

Dil ne hijrat qabool kar li thi

Hoslay ho sake na paaon se

Roya karain gy aap bhi pehron isi tarah

Atka kahin jo aap ka dil bhi meri tarah

Na taab hijar main hai na araam wasal main

Kambakhat chain dil ko nahin hai kisi tarah

Gar chup rahon to gham-e-hijraan choot jayein

Kehtay to hain bhalay ki woh lakin burri tarah

Lagti hai galiyaan bhi teri mujhe kiya bhali

Qurbaan tere , phir mujhe keh le isi tarah

Hoon jaan-ba-lab Butanay sitam gar ky hath se

Kiya sab jahan main jeetay hain faysal sab isi tarh

Main ehwaal-e-dil mar gaya kehtay kehtay

Thakay tum na bas, bas, suna kehtay kehtay

Mujhe chup lagi muddaton kehtay kehtay

Rukay hain woh jane kiya kehtay kehtay

Zabaan gang hai ishq main goosh kar nahin

Bura suntay suntay bhala kehtay kehtay

Shab-e-hijar main kiya hajoom-e-balaa hai

Zubaan thak gayi mehrbaan kehtay kehtay

Gila harza gardi ka beja na tha kuch

Woh kiyon muskuraye baja kehtay kehtay

Sad afsoos jalti rahi wasal ki shab

Zara tehar ae be'wafa kehtay kehtay

Chale tum kahan main ne to dam liya tha

Fasana dil-e-zaar ka kehtay kehtay

Sitam haye ! Gardoon Mufasil na ponchay

Keh sar phir gaya majra kehtay kehtay

Nahin ya sanam Imran ab kuffar se kuch

Keh khoo ho gayi hai sada kehtay kehtay

Talab ko ajar na doon , fikr-e-rah'guzar na karon

Safar main ab keh hawa ko bhi hamsafar na karon

Ubhartay doobtay suraj se tor loon rishta

Main shaam orh kar so jaon aur sehar na karon

Ab is se barh kar bhala kiya ho ehtiyaat-e-wafa

MAin tere shaher main guzron , tujhe khabaer na kron

Yeh mere dard ki doulat , Meri mataa-e-firaaq

In aanso'on ki wazahat main umar bhar na karon

Ujaar shab ki khalish ban kar ban main kho jaon

Main chandani ki tarah khud ko dar'badar na karon

Woh aik pal ko dekhai to de kahin"Imran"

Main jaan ganwa ky bhi us pal ko mukhtasir na karon

Dar-e-nayaab ki tamseel hain us ki aankhain

Aina hai to kabhi jheel hain us ki aankhain

Khud main us shaks ki tasveer ba'zahir dekhon

Meri aankhon main to tehveel hain us ki aankhain

Ghar mumkin hai kisi tarah bhatak jaon main

Raah-e-ehsaas main qandeel hain us ki aankhain

Hum ne dekha hai samandar ki teh'on main ja kar

Dar-e-irfaan ki zambeel hain us ki aankhain

Jis ki tohjeeh na kar pai ho kisi ne bhi"Imran"

Is mazmoon ki tafseel hain us ki aankhain