Pyaar ki arzoo thi jo mujhe mil na saka

Pyaar ki arzoo thi jo mujhe mil na saka

Dil main woh phool sajaya jo kabhi khil na saka

BAsi hai ik hi moorat mere dil main 

Khoya jo ussay phir waisa koi kabhi mil na saka

Chupaya hai tujhe palkon main khwaab ki tarah 

Meri aankhon ke samandar ko kinara mil na saka

Dil ke raastay main koi is tarah se na bhatkay 

Keh dil doobta hi chala gaya koi sahara mil na saka

Teri chahat main jane kitni door nikal gaya hoon main 

Par meri kismat ik pal ko bhi to mere sath chal na saka

HAi yeh meri dua keh sada abaad raho tum 

Mile her woh sukh tumhain jo mujhe kabhi mil na saka

Daagh duniya ne diya zakham zamane se mile

Daagh duniya ne diya zakham zamane se mile

Hum ko yeh tohfay tumhain dost bananay se mile

Hum tarastay hi tarastay hi tarastay hi rahe

Woh falaane se falaane se falaane se mile

Khud se mil jatay to chahhat ka bharam reh jata 

Kiya mile aap jo logon ke milaaney se mile 

Kaisay maan'ain  keh unhain bhool gaya tu ae dil 

Un ky khat aaj hum'main  tere sirhaaney se mile

Yeh jo dewaane se do chaar nazar atay hain

Yeh jo dewaane se do chaar nazar atay hain 

In main kuch sahib-e-israar nazar atay hain 

Tere mehfil ka bharam rakhtay hain so jate hain 

Warna yeh log to baidaar nazar atay hain 

Door tak koi sitara hai na koi jugnoo

Marg-e-umeed ke asaar nazar atay hain 

Mere daaman main shraron ke siwa kuch bhi nahin 

Aap phoolon ky khridaar nazar atya hain 

Kal jise choo nahin sakti thi farishton ki nazar 

Aaj woh ronaq-e-bazaar nazar atay hain 

Hashar main kon gawahi meri de ga sagar

Sab tumharay hi taraf'daar nazar atya hain 

Zindagi par kitaab likhon ga

Zindagi par kitaab likhon ga

Us main sare hisaab likhon ga

Pyaar ko waqat guzaari likh kar 

Chahaton k azaab likhon ga 

Hui barbaad mohabbat kaisay 

Kaisay bikhray hain khwaab likhon ga 

Apni khwaish ka tazkara kar ky 

Us ka chahra gulaab likhon ga 

Main us se judai ka sabab 

Apni qismat khraab likhon ga 

Main bhi kabhi zindagi par kitaab likhon ga 

Apni qismat khraab likhon ga 

 

Mere hamsafar mere ham'nasheen

Mere hamsafar mere ham'nasheen 

MAin ne rab se manga to kuch nahin 

Main ne jab bhi maangi koi dua 

Nahin maanga kuch bhi tere siwa

Yeh talab kiya keh mere khuda 

Sabhi rahatein 

Sabhi chahatein

Woh ata kare tujhe manzilein 

Yeh talab kiya keh mere khuda 

Tujhe bakhat de

tujhe taaj de

Tujhe takht de 

Mere ham safar 

Mere chara'gar 

Yeh hai dosti ka kahin safar 

Mere sath chalna zara soch kar 

Zara dekh to mera hosla 

Mere paas jo bhi woh hai tera

Nahin aur kuch bhi tere siwa

Mero dosti 

Meri zindagi 

Mer khamoshi 

Meri be'basi

Mera ilm bhi 

Mera naam bhi

Keh meri subha 

Meri shaam bhi 

Keh jo mil sakein mere daam bhi 

Woh sabhi kuch tujhe ata kare 

Mere chara gar tu yaqeen to kar 

Mujhe mangana to na aa saka 

Main ne phir bhi maangi yahi dua

Keh gawahi de ga mera khuda

Main ne jab bhi us se talab kiya 

Nahin mangana kuch bhi tere siwa

 

Khaak mutthi main liye qabar ki yeh sochta hoon

Khaak mutthi main liye qabar ki yeh sochta hoon 

Insaan jo martay hain to ghroor kahan jata hai

Agar raasta badalna ho to kuch mushkil nahin

Agar raasta badalna ho to kuch mushkil nahin 

Bara sada sa jumla hai sitaray mil nahin saktay 

Dastaan khatam hone wali hai

Dastaan khatam hone wali hai 

Tum meri aakhri mohabbat ho

I love you more than you can imagine

I love you more than you can imagine

When i see your eyes It brighten up my day 

I love you more then words can ever tell 

Even more then what i am about to say 

I don't remember the last time i felt like this 

You make me feel the real me 

Tou don't know how happy it makes me 

When i can share things with you , comfortably 

I love the way you smile 

I love the way you make me laugh

And you give me hope 

When things get a little sad

All of yours hugs makes me feel free 

From all the drama and trouble that life brings my way

If i would have one wish and one wish only 

I wish for this love to be here to stay

Un se nahin mila kar dekho

Un se nahin mila kar dekho 

Yeh dhoka kha kar dekho 

Doori main kiya bhaid chupa hai 

Is ki khoj laga kar dekho 

Kisi akeli shaam ki chup main

Geet puraane gaa kar dekho 

Aaj ki raat bhout kaali hai 

Soch ky deep jala kar dekho 

Jaag jaag kar umar kaati hai 

Neend ki dewaar hila kar dekho

Mujhe kaamil yaqeen hai tum meri ho jao gi ik din

Mujhe kaamil yaqeen hai tum meri ho jao gi ik din 

Tumhare dil main utron ga , mohabbat ki sada ban kar 

Mere josh-e-junoon par saari khalqat mujh ko takti hai 

Zara tum bhi nazar dalo , na baitho youn khuda ban kar 

Tumhain yeh raaz batlaa doon ' keh aksar chaand raaton main 

Tere aangan main ata hoon sitaron ki zia ban kar 

Jigar ka khoon laya hoon teray singhaar ki khatar 

Hatheli par racha lena yeh mehkay ga hina ban kar 

 

Hijar ki shab nala-e-dil woh sadaa denay lagay

Hijar ki shab nala-e-dil woh sadaa denay lagay

Sun'nanay wale raat katney ki dua denay lagay 

Kis nazar se aap ne dekha dil-e-majrooh ko 

Zakham jo kuch bhar chalay thay phir hawa denay lagay 

juz zameen koo-e-janaa kuch nahin paish-e-nigah

Jis ka darwaza nazar aya sadaa denay lagay

Baagh'ban ne jab aag di gulshan ko mere 

Jis pe takiya tha wohi pattay hawa denay lagay

Muthiyon main khaak le kar dost Aye waqat-e-dafan 

Zindagi bhar ki mohabbat ka sila denay lagay 

Aaina ho jaye mera ishq un kay hussan ka 
Kiya maza hi dard agar khud hi dawa denay lagay

Woh jo hum main tum main qaraar tha tumhain yaad ho keh na yad ho

Woh jo hum main tum main qaraar tha tumhain yaad ho keh na yad ho 

Wohi wada yehni nibah ka tumhain yaad ho keh na yaad ho

Woh jo lutf mujh pe thay Paish'tar woh karam keh tha mere haal par 

Mujhe sab hai yaad zara zara tumhain yaad ho keh na yaad ho

Kabhi baithay sab main  jo ru'baru to ishaaron hi se guftagoo

Woh biyaan shouq ka bar'mala tumhain yaad ho keh na yaad ho

Woh naye gilay woh shikayatein woh mazay mazay ki hikayatein 

Woh her ik baat pe roothna tumhain yaad ho keh na yaad ho

Kabhi hum main tum main bhi chah thi kabhi hum se tum ko bhi raah thi 

KAbhi hum bhi tum bhi thay Aashna tumhain yaad ho keh na yaad ho

Woh bigarna wasal ki raat ka woh na man'nana kisi bhi baat ka 

Woh nahin nahin ki her aan ada tumhain yaad ho keh na yaad ho

So zikar hai kai saal ka Kiya ik aap ne wada tha 

So nibhaney ka to zikar kiya tumhain yaad ho keh na yaad ho

Jisay aap gintay thay aashna jissay aap kehtay thay be'wafa 

Main wohi hoon momin mubtala tumhain yaad ho keh na yaad ho 

Paani paani kar gayi mujh ko qalandar ki yeh baat

Paani paani kar gayi mujh ko qalandar ki yeh baat 

Tu agar mera nahin banta na ban apna to ban

Hawa se baat karney do

Hawa se baat karney do 

Hamain us se gila hai jo 

Ussay bhi to batana hai 

Kabhi aa kar kaiwaron ko bajati hai 

Hamain sote huwey aksar jagati hai 

KAbhi pardes se sandesa laati hai, keh koi aney wala hai 

MAgar ata nahin koi 

Yeh palkon pe laraztay sab chiraagon ko bhujati hai

Kabhi yeh bansuri ke sur jagati hai 

KAbhi yeh dharkan ki taal main rach bas si jaati hai

Purane kushk paton ko girati hai

Parindon ko urrati hai , unhain be'ghar banati hai

Hawa se baat karney do

Samandar ke yeh seenay par 

Utar ke kashtiyaan dekho chalati hai

Yeh chaaron aur kaisay ati jati hai 

Yeh kaisay saahilon ki rait ko dheeray se choo kar 

Nit naye chaheray banati hai 

Phir un ko khud mita'ti hai

Yeh kaisay badalon ko par bina urna sikhati hai

Phir un se le ke boondain 

Aa ke dharti ko sajati hai

Nafas ke taar main kaisay utar k muskuraati hai

Yeh kaisay gun'gunaati hai

Yeh kaisay chalti hai aur kis tarah se tham si jati hai

Hawa se baat karney do

Barishon ka mousam hai

Barishon ka mousam hai 

Rooh ki fizaon main 

Gham'zada hawaein hain 

Be'bas udasi hai 

Is ajeeb mousam main 

Be'qaraar raaton ki 

Be'shumaar baatein hain 

An'ginat afsaney 

Hein jo bhout khamoshi se 

Dil pe sehtay phirtay hain 

Aur ba amr-e-majboori 

Sab se kehtay phirtay hain 

Aaj mousam acha hai

Jo roothe use mana lena

Jo roothe use mana lena 

Jo bigre use bana lena 

Sab kuch de ky sab kuch paa lena 

Yeh jo hasti ka afsana hai 

JAb ishq kiya to jana hai 

Tum door raho ya paas raho 

Hum chahte hain kush baas raho 

Youn hi ban ky hamari aas raho 

Kiyon kho kar hi kuch pana hai 

JAb ishq kiya to jana hai 

Yeh ishq hamari marzi yeh 

Ishq hamari majboori 

YAhi ishq hamari manzoori 

Kiyon sooli pe charh jana hai 

Jab ishq kiya to jana hai

Yeh thaka thaka sa jo chand hai

Yeh thaka thaka sa jo chand hai 

Yeh to khwaab hai , kisi aankh ka 

Jissay jaagney ki saza mili 

Yeh jo chaand hai , yeh azaab hai 

Woh azaab 

Jis ne mila dia hai gulaab lamhon ko khaak main 

Yeh jo chand hai , yeh jawaab hai 

Kisi is tarah ke sawaal ka 

Keh jo aaj tak na utha kabhi kisi zehan main 

Yeh jo chaand hai 

Yeh to baab hai kisi dard ka 

Kisi hijar ka , kisi wasal ka 

Kisi zard zard si fasal ka 

Yeh thaka thaka sa jo chand hai 

Kabhi ban paray to yeh is se pooch ke dekhna 

Issay gahri gahri si neend se

Bhala kis ne aa ky jaga dia 

Issay rog kis ne laga diya