Main kiyon ussay pukaaron keh loat aao eid aayi hai
Kya ussay khabar nahin keh kuch bhi nahin meri eid us kay baghair
Apr 22, 2015
Eid ka din hai khushi bhout bari hai
Eid ka din hai khushi bhout bari hai
Is par bhi woh dareechay main udaas kharri hai
Hain khushiyan mananay main magan ghar kay sabhi log
Aur us ki aankhon main to sawan ki jharri hai
Sab khushiyan hain us ki teray naam se mansoob
Yeh ehad nibhanay main woh her ik se larri hai
Aa jaao keh us ki khushiyan bhi hon dobala
Muddat se jo aas ki sooli pe charri hai
Suno ! Eid pe apno ko parishaan nahin kartay
Pyaar karo pyaar main taqat barri hai
Bin sajan kay meri eid udaas hai
Bin sajan kay meri eid udaas hai
Manaon kaisay main khushi deed udaas hai
Raqsan hai hon ton pe udaasi
Jo milay khushi ki woh naveed udaas hai
Chalay bhi aayo ab kay eid par tum
Kehtay hain dost keh meri guft-o-shuneed udaas hai
Khiltay nahin dil kay aangan main phool
Dil kay gulistaan ka khursheed udaas hai
Aao eid pe mil kar muskuraain hum
Teray janay se meri eid udaas hai
Eid kay din sab milain gay apnay apnay yaar se
Eid kay din sab milain gay apnay apnay yaar se
Hum galay mil mil kay roein gay dar-o-dewaar se
Khawab dekhye thay mil kar hum ne gulshan kay
Aankh khuli to niklay na paaon regzaar se
Wahin pe giraye khizan ne murjhaye pattay
Aas thi phool khilanay ki jahan ki
Tu jo chor gaya mujhay to roothay rang mujh se
Uth gaya Aetabaar bhi mera Aetabaar se
BE'wafai se bujh gaya mera dil ka chiragh
Roshan huwa tha jo kabhi teray pyaar se
Teray bina kya eid kya eid ka chand
Teray bina kya taaluq mera singhaar se
Khizaan chaai hai gulshan main gulon ki eid kya ho gi
Khizaan chaai hai gulshan main gulon ki eid kya ho gi
Kisi nadaar kay bhookay bachon ki eid kya ho gi
Kabhi jalta hai aangan main kabhi choolha nahin jalta
Bataao to bhala un be'bason ki eid kya ho gi
Woh khush hain jin kay apnay eid par mojood hain lakin
Juda jin se huye apnay to un ki eid kya ho gi
Nazar ab aa gaya hai chand phir bhi khush nahin hain woh
Siwa mehboob kay un Aashiqon ki eid ki eid kya ho gi
Abhi tak muntazir hain chooriyan mehndi bhi kajal bhi
Nahin pehni gayi un payalon ki eid kya ho gi
Chali aayo tumhari deed se to mir ki her eid hoti hai
Siwa teray bhala hum gham'zadon ki eid kya ho gi
Koi us shakhs ko bas itna bata de
Koi us shakhs ko bas itna bata de
Keh mera chaand meri eid usi se hai
Aankh nam kar gaya bichray huye logon ka khayal
Aankh nam kar gaya bichray huye logon ka khayal
Woh dekho dard-e-dil de kar chali ja rahi hai eid
Suno jana baad tumharay eid aayi to
Suno jana
Baad tumharay eid aayi to
Aa kay dareechon se takraai
Darwazay pe dastak bhi di
Bill'aakhir mayoos gayi hai
Woh kya janay
Baad tumharay dil aur aankhein jeetay jee
Taboot main hum ne rakh chorri hain
Honton pe likha sanaata
Haathon ayr pairon se un ki
saari shakist cheen li hum ne
Eid agar aangan main hamaray
Jhaank bhi leti to
yeh sab dekh kar dar jana tha
Us ne pal main mar jana tha
Yeh eid bhi aayi hai mujhay tanha paa kar yaaro
Yeh eid bhi aayi hai mujhay tanha paa kar yaaro
Eid mubarak kehna ho ga sab ko aansoo chupa kar yaaro
Aayi eid chala woh dil jala kar yaaro
Kaisay ab yeh eid manaaon main muskuraa kar yaaro
Din khushi kay bhi hoon tanha kitna main
Ro para tanhai ko galay laga kar yaaro
Kya guzri hai tanha yeh zindagi
Ab kay eid pe hum zindagi se chalay rishta tor kar yaaro
Eid ki sachi khushi to apno ki deed hai
Eid ki sachi khushi to apno ki deed hai
Tum mujh se door ho to apni kya eid hai
Yeh kya kam tha keh tum juda huye mujh se
Haan naya zakham eid pe mela mazeed hai
Ab tak teray aanay ki umeed hai mujhay
Dil-e-nadaan kay liye yeh payam-e-khursheed hai
Ae hawa tu koocha-e-jana se guzri ho gi
Sach bata un kay aanay ki kuch umeed hai
Pehlay to kabhi gham itna na tha
Bichar janay ka gham kiyon itna shadeed hai
Eid ka din hai galay aaj to mil le zaalim
Eid ka din hai galay aaj to mil le zaalim
Rasam-e-duniya bhi hai , moka bhi hai , dastoor bhi hai
Ishq is tarah kay gustaakh taqazay na karay
Husn mastoor bhi , majboor bhi , maghroor bhi hai
Ghroor-e-husn kay sadqay , mohabbat youn nahin kartay
Bhari mehfil main zaahir dil ki wehshat youn nahin kartay
Yeh mana keh tum haseen ho aur tumhein haq hai shararat ka
kisi ki jaan pe ban jaye shahrarat youn nahin kartay
Jissay tum husan kehtay ho woh kaba hai nigahon ka
Addab laazim hai kabay ki ziyarat youn nahin kartay
Kuch apnay husn ki khairaat hi de do hamein
Kisi saahil ko apnay dar se rukhsat youn nahin kartay
Haya aur sharam ko hum zaiwar-e-husn samjhtay hain
Yeh zaiwar lut kay reh jaye sakhawat youn nahin kartay
Tumhari ik nazar par faisala hai zindgaani ka
Maseeha ho kay beemaaron se ghaflat youn nahin kartay
Eid ka din hai galay aaj to mil lay zaalim
Suna hai is eid pe us ki sagaai hai
Suna hai is eid pe us ki sagaai hai
Yeh eid to eid-ul-judai hai
Hansaya tha jis ne in aankhon ko
Is eid pe us kay hi gham se aankh bhar aayi hai
Thi jo kal tak teray dil ki raaj'kumari her eid pe
Bicharnay ki gharri hai yeh sandesa us ki sahaili layi hai
Haathon pe mehandi rachay gi pehan kay laal jora woh
Kaano main jhumkay naak main nath maathay pe bindiya sajaai hai
Bethi hai ban sanwar kay is eid pe woh dulhan
Khushiyon ki baraat wahan pe yahan gham ki baraat aayi hai
Is eid ki khushi ho kaisay kiyon kar mujhay
Is eid ne meray dil ki duniya main naqbb lagaai hai
Bichra hai raat ko mujh se woh khawaab main
Bichra hai raat ko mujh se woh khawaab main
Main ne sara din bhi so liya woh loat kay na aaya
Hazaron maslay hain jo mujhay masroof rakhtay hain
Hazaron maslay hain jo mujhay masroof rakhtay hain
Magar tum anmol itnay ho keh phir bhi yaad aatay ho
Meri qismat pe zawaal aaya hai aaj kal
Meri qismat pe zawaal aaya hai aaj kal
Tum se kehna tha , meray hi rehna
Mana keh qeemti hai bhout aaj tumhara waqat
Mana keh qeemti hai bhout aaj tumhara waqat
Hum bhi baray nayaab thay guzray dino ki baat hai
Tum nigahon se kaho gay to samjh lain gay hum
Tum nigahon se kaho gay to samjh lain gay hum
Lafzon main tumharay woh tafseel kahan hai
Koi poochay keh kya ha tum se taaluq mera
Koi poochay keh kya ha tum se taaluq mera
Us ko batlaa do , jo aankhon ka hai beenai se
Yaaro kuch to zikar karo tum us ki qayamat baanhon ka
Yaaro kuch to zikar karo tum us ki qayamat baanhon ka
Woh jo simatay hon gay un main , woh to mar jatay hon gay
Agar ho jaati meri dosti baadalon kay saath
Agar ho jaati meri dosti baadalon kay saath
To shayed hum tujh par kabhi dhoop bhi na aanay detay
Lehjaa aisa keh mut'maein kar de
Lehjaa aisa keh mut'maein kar de
Kitna saccha hai meray yaar ka jhoot
Kabhi hota nahin jo raabta us se mera
Kabhi hota nahin jo raabta us se mera
Main khud main doob jaata hoon woh mujh ko mujh main milta hai
Kiyon samjh nahin aati teray dewano ki
Kiyon samjh nahin aati teray dewano ki
Daamano ki khabar hai na giribaano ki
Ae jafa kaar teray ehad se pehlay to na thi
Kasrat is darja mohabbat kay pashmano ki
Faiz saqi ki ajab dhoom hai mehkhano main
Her taraf may ki talab maang hai paimano ki
Raaz-e-gham se hamein aagah kiya khoob kiya
kuch nihayat hi nahin ap kay ehsaano ki
Yaad phir taaza hui haal se teray hasrat
Qais-o-farhad kay guzray afsaano ki
Mujhay be'khudi ki hai aarzoo
Mujhay be'khudi ki hai aarzoo
Mujhay qurbaton ka khumaar de
Meray ang ang main youn utar
Keh mujhay main khud ko utaar de
Tu jo rag rag main bas gaya
To hai dariyaon ka jawaaz kya
Meri zindagi meray paas aa
Meri be'khudi ko qaraar de
Hai nazar nazar teri justagoo
Tu meri wafa ki hai Aabru
KAbhi tu bhi ho meray rubaru
Mujhay jaan se hi guzaar de
Mujhay is tarah se tu yaad aa
Teri yaad ko bhi gumaan na ho
Tu meray khayal main youn samaa
Mera harf harf nikhaar de
Mujh ko maloom nahin chahat kay taqazay lakin
Mujh ko maloom nahin chahat kay taqazay lakin
Hum ne teri baaton kay siwa her baat bhula rakhi hai
Safar mushkil hai maloom hai lakin
Tu hamara hai to her fikar mitta rakhi hai
Tu bhula de to bhula de lakin hum ne
Teri khushboo bhi taveez bana rakhi hai
Tu alag ho to her baar youn lagta hai
zindagi mout kay pehlu main bitha rakhi hai
Teri baatein , teri moorat , teri surat , tera chehra
Tujh main khaliq ne her cheez juda rakhi hai
Bhool gaye afsanay kitnay
Bhool gaye afsanay kitnay
Bikhray khawaab suhanay kitnay
Dil to hai ik khawaab jazeera
US main hain veeray kitnay
Do aankhein hain dost teri
Un main hain meh'khanay kitnay
Saqi ne jab aankh milaai
Toot gaye paimanay kitnay
Shama to ik raat jali thi
Jal gaye thay parwanay kitnay
Apno ki tum baat na chero
Apnay hain be'ganay kitnay
Jungle jungle ronaq dekhi
Shehron main veeray kitnay
Mujh ko mujh se cheen kay tora
Ab bantay ho anjanay kitnay
Aankh ne raat jab ik chaand mukamal dekha
Aankh ne raat jab ik chaand mukamal dekha
Phir samandar ko bhi hotay huye pagal dekha
Raat bhar dair talak ki us ki baatein khud se
Raat bhar samnay chehra us ka pal pal dekha
Aaj yaadon ki ghatta toot kay barsi dil pe
Aaj hum ne bhi barasta hua baadal dekha
Dost cheen liya hum se gham-e-duniya ne
Aaj hum bhool gaye us ko jissay kal dekha
Ek chehra jo bhout hansta tha
Aaj us ki aankhon se bhi behta kajal dekha
Gulaab aankhein sharaab aankhein
Gulaab aankhein sharaab aankhein
Yehi to hain la'jawab aankhein
In hi main ulfat in hi main nafrat
Sawaab aankhein , azaab aankhein
Kabhi nazar main bala ki shokhi
Kabhi saraapa-e-hijaab aankhein
Kabhi chupaati hain raaz dil kay
KAbhi hain dil ki kitaab aankhein
Kisi ne dekhi to jheel jaisi
Kisi ne payein saraab aankhein
Woh aaye to log mujh se bolay
Huzoor aankhein , janab aankhein
Ajeeb tha guftagoo ka aalam
Sawal koi , jawab aankhein
Yeh mast mast be'misaal aankhein
Musawari ka kamal aankhein
Sharaab rab ne haraam kar di
Magar kiyon rakhi halaal aankhein
Hazaron in pe qatal hon gay
Khuda ki bandi sambhaal aankhein
Kiyon hawali kay ujarnay ka mujhay afsos ho
Kon aaya raastay Aaina khanay ho gaye
Raat roshan ho gayi , din bhi sohaanay ho gaye
Kiyon hawali kay ujarnay ka mujhay afsos ho
Sainkaron be'ghar prindo kay thikanay ho gaye
Jaao un kamron kay aainay utha kay phaink do
Be'adab yeh keh rahay hain hum puranay ho gaye
Yeh bhi mumkin hai keh main ne us ko pehchaana na ho
Ab ussay dekhye huye kitnay zamanay ho gaye
Meri palkon par yeh aansoo pyaar ki tohaan hai
Us ki aankhon se giray moti kay danay ho gaye
Subscribe to:
Posts (Atom)
