Imran's Poetry: 02/24/15

Feb 24, 2015

Kaaghaz ki kashtiyaan thein bahaao bhi khoob tha

Mousam ka paaniyon se lagaao bhi khoob tha

Manzar teray khayal kay sab toot'tay rahay

Sochon ka waswason se bachaao bhi khoob tha

Zarrey chamak rahay thay falak se zameen tak

Sehra main chandani ka paraao bhi khoob tha

Bilkul badal gaye thay taqazay bhi adal kay

Munsaf ka aik simt jhukaao bhi khoob tha

Chahat kay lafz saaray baghawat main dhal gaye

Jalti hui Anna ka Allaao bhi khoob tha

Aansoo bhi kar sakay na haqeeqat ko be'niqaab

Teri taraf se aakhri ghaao bhi khoob tha

Meri qabar pe zaroor aana Khuda kay liye

Niklay hain hum ghar se sada kay liye

Be'ghar huye hum kisi be'wafa kay liye

Hum bhat'taktay rahay ajnabi shaher main

Dil-e-be'chain lay kar kisi wafa kay liye

Mera jurm tha sirf un se wafa karna

Logon ne pathar uthaye saza kay liye

Mujhay shouq-e-ruswaai na tha lakin

Hum dar'badar huye un ki raza kay liye

Meray jism main ab dam kahan baaqi

Haath uthaye bhi hain to dua kay liye

Mar jaaon teray shaher main agar

Meri qabar pe zaroor aana Khuda kay liye

Teri zulfon se jugnoo iktisaab-e-noor karta hai

Yeh banjaara isi ban main thakawat door karta hai

Khirad jo kuch bhi karti hai hadood-e-rasam kay andar

Junoon jo kuch bhi karta hai bila dastoor karta hai

Jo khair'andaish bhi dono ka hai woh kis sakhawat se

Mujhay bad'naam karta hai , tumhain mashoor karta hai

Mujhay toba ka poora ajar milta hai ussi Saa'at

Koi zohra jabeen peenay pe jab majboor karta hai

Woh hans kar baat hi kar lain to kaafi se ziyada hai

Pari'zaadon se jhagrra kab koi mazdoor karta hai

Mujhay se itnay qareeb ho jaao

Udaas shab ki saleeb ho jaao

Meri baanhon ko sonp do sab kuch

Meri khatir ghreeb ho jaao

Mujh main utro meray lahoo ki tarah

Meri rooh kay raqeeb ho jaao

Tum jo choo lo to dard ghat jaye

Aao meray tabeeb ho jaao

Kuch na bolo magar kaho sab kuch

Aaj aisay khateeb ho jaao

Agar Aanso baha detay to un kay paas kya rehta

Woh hum ko hosla detay to un kay paas kya rehta

Nishaan hum ko nahin milta koi un tak ponchanay ka

Hamein apna pata detay to un kay paas kya rehta

Woh is main tha keh jis kay dam par woh zinda hai

Hum un ka dil dukha detay to un kay paas kya rehta

Musafir saray phool khila kay apni raah chal detay

Shajar tehni jhuka detay to un kay paas kya rehta

Hamari yaadon ne hi ab tak unhain abaad rakha hai

Woh hum ko bhi bhula detay to un kay paas kya rehta

Umar ki sari thakan laad kay ghar jaata hoon

Raat bistar pe main sota nahin mar jaata hoon

Aksar auqaat bharay shaher kay san'natay main

Is qadar zor se hansta hoon keh dar jaata hoon

Meray aanay ki khabar sirf diya rakhta hai

Main hawaon ki tarah aa kay guzar jaata hoon

Simta rehta hoon bhout halqa-e-ehbaab main main

Chaar diwaari main aatay hi bikhar jaata hoon

Main ne apnay khilaaf khud hi gawahi di hai

Agar woh teray haq main nahin hai to mukar jaata hoon

Zindagi ki raahon main ranj-o-gham kay mailay hain

Chaar soo andheray hain un'ginat jhamailay hain

Kashtiyan hain kaaghaz ki baarishon ka mousam hai

Aandiyon kay jhakkar main paaniyon kay railay hain

Dard ka samandar hai mohabbaton ki bazi main

Ghamon ki rawani main dard kitnay jhailay hain

Tum bina adhoori hai zindagi do pal ki hai

Aanso'on kay dariya main kis qadar akelay hain

Na'tamaam raston main dushmano kay pehray hain

Be'wafa zamanay ne khail kaisay khailay hain

Kis ko maan lain apna kis se dushmani rakhein

Iss be'basi main gham be'shumaar jhailay hain

Baat ik lamhay ki hai waqat kab muyassar hai

Khwaishein hazaron hain haath meray phailay hain

Aa kay tum hi rakh jaao dil pe haath "Shokat" kay

Door reh kay baaton se dil kis kay behlay hain

Kuch un ki adaaon ka talab'gaar bhout tha

Kuch apni anaaon se mujhay pyaar bhout tha

Socha tha keh paa loon ga ussay ik na ik din

Pehli si mohabbat pe Aitabaar bhout tha

Manzil kaisay naseeb ho teray dayaar ki

Raasta jo teray ghar ka pur'israar bhout tha

Us ne kuch is andaz main izhaar kiya tha

Iqraar kam , iqraar main inkaar bhout tha

Mujh ko faqat pyaar main ruswaiyaan mileen

Shayed keh main mohabbat ka gunnah'gaar bhout tha

Apnay dil ki halat woh kisi ko dikhata na tha

Ussay kya gham tha woh kisi ko bata'ta na tha

Khizan kay mousam jab se us ka naseeb hi tehra

Ussay tab se koi aur mousam bhaata na tha

Logon ko hansaanay kay wastay zindagi bita di us ne

Kitna ajeeb tha woh shakhs khud muskuraata na tha

JAnay kis kay intizaar main baitah rehta tha shub-o-shaam

Misal-e-moorat bana woh palk bhi jhapkaata na tha

Aaj reh reh kar yaad aaya woh Mohsin

Jo dua de kar bhi dua bata'ta na tha

Main likhon ghazal to meri jaan hila doon sab ko

Bas ik lafz main tehreer suna doon sab ko

Woh jo kehtay hain keh koi hum sa ho to samnay aaye

Aaghaz-e-ghazal se pehlay hi hara doon sab ko

Mujh ko fursat hi nahin milti tumhari yaad se warna

Do gharri ro loon aur pani main baha doon sab ko

Aaj main chup hoon keh tera naam jaan koi jaan na ly

Be'wafa nahin hoon jo tera naam bata doon sab ko

Tum yeh jaan lo main ban chuka hoon aag jalta suraj

Mujh se door hi raho aisa na ho keh jala doon sab ko

Tum khafa kiyon ho tumhain mujh se gila kiya hai ?

Tum khafa kiyon ho

Tumhain mujh se gila kiya hai ?

Achanak be'rukhi itni

Bataao to huwa kya hai ?

Manaon kis tarah tum ko ?

Mujhay itna to bata do

Agar ab ho sakay tum se

To yeh ehsaan farma do

Mujhay manzil pe poncha do

Tumhari aankh main aansoo

Mujhay achay nahin lagtay

Tumharay narm honton pe

Gilay achay nahin lagtay

Tumharay muskuranay se

Mera dil muskurata hai

Tumharay rooth janay se

Mera dil toot jaata hai

Main aksar sochta hoon yeh

KEh tum kiyon dil main bastay ho

Koi to baat hai tum main

Jo itnay achay lagtay ho

Tum ik dil ko liye baithay ho

Ishq naslain ujaar deta hai

Hanstay huye chehron ko ghamon se azaad na samjho

Tabasum ki panahon main , hazaron dard hotay hain

Woh baat baat pe deta hai parindon ki misaal Faraz

Saaf saaf nahin kehta mera shaher hi chor do

Chalo mian dhoondta hoon koi aisi wajah keh dil behal jaye

Agar phir bhi na sambhal paaya to, kya tum loat aayo gay

Tu ne hi laga diya ilzaam-e-be'wafai

Meray paas to chasham'deed gawah bhi sirf tu hi tha

Zindagi tanha basar nahin hoti janaab

Bura nahin maano to aap hamaray ho jaao

Sar-e-Meh'khana koi paarsa ab tak nahin aaya

Hamein peenay pilaanay ka maza ab tak nahin aaya

Falak ki gardish hairaan hai us ki be'misaali par

Koi aisa sitam'gar doosra ab tak nahin aaya

Shabaab aaya , hijaab aaya , adaein aa gayein un ko

NAhin aaya to andaz-e-wafa ab tak nahin aaya

Nigahein un ki uttheen ghoom phir kay ghair tak poncheen

Meri janab koi teer-e-qaza ab tak nahin aaya

Palat kay aa nahin sakta Adamm ki raah se koi

YEh duniya chor kay jo bhi gaya , ab tak nahin aaya

YEh ek tum ho keh ek muddat se hum ko bhoolay baithay ho

Yeh ek hum hain keh hum ko bhoolna ab tak nahin aaya

Mohabbat rog hoti hai kaha bhi tha

Rula kar khud bhi roti hai kaha bhi tha

Kinaray kay bhout nazdeek lay ja kar

Yeh kashti ko dabooti hai kaha bhi tha

Issay tum dil ki dharti ka pata mat do

Yeh is main dard boti hai kaha bhi tha

Luta kar dil ko ronay se bhi kya haasil

Bhout na'yaab moti hai kaha bhi tha

Azal se is ki fitrat hai zamanay ko

Jaga kar aap soti hai kaha bhi tha

Yeh sar se paaon tak bas raakh kar dy gi

Bhout bar'baad hoti hai kaha bhi tha

Yeh duniya agar mil bhi jaye to kya hai

Yeh Mehlon, yeh Takhton , yeh Taajon ki duniya

YEh insaan kay dushman Samaajon ki duniya

Yeh doulat kay bhookay Riwajon ki duniya

YEh duniya agar mil bhi jaye to kya hai

Her aik jism ghayal Her ik rooh payaasi

Nigahon main uljhan Dilon main udaasi

Yeh duniya hai ya Aalam-e-bad'hawasi

YEh duniya agar mil bhi jaye to kya hai

YAhan aik khilona hai insaan ki hasti

Yeh basti hai murda paraston ki basti

YAhan to jeewan se hai mout sasti

YEh duniya agar mil bhi jaye to kya hai

Jawani bhat'takti hai bad'kirdaar ban kar

Jawaan jism sajtay hain bazar ban kar

Yahan pyaar hota hai beo'paar ban kar

YEh duniya agar mil bhi jaye to kya hai

Na sadaein badalti hain na wafaein badalti hain

Kuch logon ki bas adaein badalti hain

Toot jaata hai bana banaya Aashiyaana ik pal main

Jab mousamon ki tarah hawaein badalti hain

Apna sab kuch de detay hain hum chahat main

Na'janay phir bhi kiyon logon ki nigahein badalti hain

Woh tera roothna mujh se mera tujh ko mana lena

Mohabbat ki nishaani hai galay mujh ko laga lena

Mohabbat jis se hoti hai usi pe maan hota hai

KAbhi main rooth jaaon to mujhay tum bhi mana lena

Anaa se door hi rehna keh yeh sab kuch mitta dy gi

Anaa kay khol se khud ko her surat bacha lena

Mohabbat kay samandar main kabhi toofan bhi uth'ta hai

Is toofan main mujhay kashti bana dena

Agar doobein gay hum dono to ek saath doobain gay

Mera tum se yeh wada hai magar tum bhi nibha lena

Woh rootha to her baar manaya hum ne

Youn farz-e-mohabbat nibhaya hum ne

Woh meri dehleez pe kabhi aaya hi nahin

Jis kay liye her shaam apna ghar sajaya hum ne

Jab woh gaye to is tarha dhachka laga mujhay

Kuch bhi na is kay baad phir acha laga mujhay

Teray haseen khayalon main youn kho gaya tha main

Her shakhs teray shaher main tujh sa laga mujhay

Jo meray Aeyb kaan main meray bata gaye

Woh shakhs doston se bhi pyara laga mujhay

Zaalim ne meray dil ki woh basti ujaar di

Jis ko basanay main ik zamana laga mujhay

JAb zindagi ki mujh pe haqeeqat khuli "Faraz"

Sara jahan aik tamasha laga mujhay

Nazar-e-mohabbat ka kiya tawaan chahtay ho ?

Dil chahtay ho ya jaan chahtay ho

Parwah nahin anjaam-e-mohabbat jo bhi ho

Bas ab faisala sunna do jo tum chahtay ho?

Phoolon ki gali ho ya kaanton ki dagar

Lay jaao sanam wahan jahan tum chahtay ho

Be'hiss tum nahin to khamosh kiyon ho

MAin ne kar di haan ab aur kya chahtay ho ?

Sunni ho gi jab meri halat ki khabar

Us ne dheeray se dewaar ko thaama ho ga

Tanha ghar se chalta ho ga Kitna adhoora lagta ho ga

Tanha ghar se chalta ho ga

Kitna adhoora lagta ho ga

Jab woh tanha hota ho ga

Mujh ko yaad to karta ho ga

Kya kya naqsh ubhartay hon gay

Meray khatt jab parhta ho ga

Aati hon gi meri yaadein

Khoon kay aansoo rota ho ga

Yaad woh kar kay guzray lamhay

Thandi aanhain bharta ho ga

Meri neendain lootnay wala

Chain se kaisay sota ho ga

Ik pal door na rehta tha jo

Tanha kaisay rehta ho ga

Koh-e-anna ki barf thi , dono hi jamay rahay

Jazbon ki taiz dhoop main na woh pighla na main

Yeh jo be'rukhi hai baja nahin

YEh adaein kiyon , yeh ghroor kya ?

YEh guraiz kis liye is qadar

YEh khafa khafa se hazoor kya

Tujhay yaad karna mazaaq tha

Tujhay bhool jana azaab hai

YEh saza hai jurm-e-firaaq ki

Meray haafzay ka qasoor kya ?

Teray saath hai jo teri anaa

Meray saath mera naseeb hai

Mujhay tujh se kaisi shikayatein

Tujhay khud pe itna ghroor kya ?

Yeh tumhara chehra kitab hai

Issay parh raha hoon main warq warq

Zara baat saada likha karo

yeh mohawaron ka satoor kya

Badla yun rang us ny k bohat hairat hoi mjhy

Mousam ko maat dy gayi fitrat janab ki

Tery lab sey jo ada hoty hain

Naseeb un lafzoon kay bhi kiya hoty hain

Main wahan ja kay tujhay mang loon ga

Koi bata de keh faisly qudrat kay kahan hotay hain

Teri yaad jab had se guzar jati hai

Meri aankhon se tab aanso rawan hoty hain

Main ab kahan chala jaon is dil ko le kar

Teri yaad kay lamhy to har jaga hoty hain

Chot muhabbat ki kha kar bhi jo muskraien

Wo log bhi sabar ki intaha hoty hain

Shikway bhi hazaaron thay aur gilay bhi hazaaron thay

Hum to usi kay thay magar ik wo na hamary thay

Kaha hum ne k kisi aur k honay lagy ho tum

Muskuraty huay bolay kay pehly kab tumhary thay

Zindagi k mor par tanha chor gaya hai wo mujhay

Koi ja kar kahy kay hum jety hi usi k sahary thay

Ye pal hain buray mujh pa to koi bat nai

Kuch pal to tumhary sath achy bhi guzary thay

Badlay hain andaaz un k kuch is andaaz say

Ab barray andaz se hamein nazar andaz karte hain woh

Teri aankhon kay isharon ki bhot yaad aayi

Aaj patt jharr men baharon ki bhot yad aayi

Jab larkhraata huwa nikla kabhi mehkhaney say

Teri baahon k sahaaron ki bhot yaad aayi

Jab bi haathon se men ne ponchay hain aansu apne

Tere daaman k kinaron ki bhot yaad aayi

Aaj is ujrey huway shehr may "mohsin" humko

Apne bichre huway yaaron ki bhot yaad aayi