Imran's Poetry: 03/13/14

Mar 13, 2014

Rang pehrahan ka Kushboo Zulf lehraney ka naam

Mousam-e-gul hai tumharay baam par aney ka naam

Dosto is chasham-o-lab ki kuch kaho jis ke bagair

Gulistaan ki baat rangeen hai na mehkhaney ka naam

Phir nazar main phool mehkay Dil main phir shamaein jala'ein

Phir tasawar ne liya is bazam main janey ka naam

Dilbari tehra zubaan khalaq khulwaney ka naam

Ab nahin letay pari ro zulf bikraney ka naam

Mohtasib ki khair, Oncha hai usi ke faiz se

Rind ka, saqi ka ,mae ka, kham ka , paymaney ka naam

Hum se kehtay hain chaman walay Ghreeban-e-chaman

Tum koi acha sa rakh lo apney veeranay ka naam

Faiz un ko hai taqazay-e-wafa hum se jinhain

Aashna ke naam se piyara hai beiganay ka naam

Poet : Faiz Ahmed Faiz

Dasht-e-tanhai main Ae jan-e-jaan larzaan hai

Teri awaz ke saye , teray honthon ke sarab

Dast-e-tanhai main doori ke khs-o-khaak talay

Khil rahay hain teray pehlo ke saman aur gulaab

Uth rahi hai kahin qurbat se teri saans ki anch

Apni kushboo main sulagti hui madham madham

Door ufaq paar , chamakti hui qatra qatra

Gir rahi hai teri dildaar nazar ki shabnam

Is qadar piyaar se ae jaan-e-jahan rakha kiya hai

Dil ke ruksaar pe is waqat teri yaad ne haat

Youn gumaan hota hai garcha hai abhi subha furaaq

Dhal gaya hijar ka din A bhi gaye wasal ki raat

Poet : Faiz Ahmed Faiz

Mujh se pehli se mohabbat meray mehboob na mang

Main ne samjha tha keh tu hai to darkhashaan hai hayaat

Tera gham hai to ghame-e-dehar ka jhagra kiya hai

Teri surat se hai aAalam main baharon ko sabaat

Teri ankhon ke siwa duniya main rakha kiya hai

Tu jo mil jaye to taqdeer nagoon ho jaye

Youn na tha , main ne faqat chaha tha youn ho jaye

Aur bhi dukh hain zamaney main mohabbat ke siwa

Rahatein aur bhi hain wasal ki rahat ke siwa

In-ginat sadiyon ke tareek bemana talisam

Raisham-o-atlas-o-kamkhwaab main banwaye huaye

Loat jati hai idher ko bhi nazar kiya kejiye

Ab bhi dil-kash hai tera husan magar kiya kejiye

Mujh se pehli se mohabbat meray mehboob na manag

Poet : Faiz Ahmed Faiz

In ankhon ki masti ke mastaney hazaron hain

In ankhon se wabasta afsaney hazaron hain

Ik tum hi nahin tanha ulfat main meri ruswa

Is shaher main tum jaisay dewanay hazaron hain

Ik sirf hum hi mae ko ankhon se pilatay hain

Kehnay ko to duniya main Mea-khanay hazaron hain

Is shaam-e-farozan ko andhi se daratay ho

Is shaam-e-farozan ke parwaney hazaron hain

Barishon ke mousam main Barishein to hoti hain

Dil main bheeg janey ki khwaishein to hoti hain

Wasal ke ujalon ki orhni main chup kar bhi

Hijar ke andheron ki wehshatein to hoti hain

Dushmanon ko bhi hum ne sath le kar chalna hai

Zindagi ki rahon main sazishein to hoti hain

Rahbar haqeeqat main Rahbari nahin kartay

Muntazir musafir ki manzalain to hoti hain

Doston ki apas main dushmani nahin hoti

Doston ki apas main ranjasein to hoti hain

Poet : Aisha Masood

Dair lagi aney main tum ko , shukar hai phir bhi aye to

Aas ne dil ka sath na chora, Waisay hum ghar aye to

Shafaq, dhanak, Mehtaab ,ghata'ein ,taray .nagmay , bijli, phool

Us daman main kiya kiya kuch hai woh daman hath aye to

Chahat ke badlay main hum ne baich di apni marzi tak

koi milay to dil ka gahak , koi hamain apnaye to

Kyn yeh mehar angaiz tabassum , mad-e-nazar jab kuch bhi nahin

Haye koi anjaan agar is dhokay main a jaye to

Suni sunaye baat nahin yeh apney oper beeti hai

Phool nikaltay hain sholon se , chahat aag lagay to

Jhoot hai sab tareekh hamesha apney ko doh'rati hai

Acha mera khwaab-e-jawani thora sa dhar aye to

Nadani aur majboori main yaro ! Kuch to faraq karo

Ik be-bas insaan karay kiya toot ke dil a jaye to

Poet : Andleeb Shadmani

Kuch din to baso meri ankhon main

Phir khwaab agar ho jayo to kiya

Koi rang to woh meray chahray ko

Phir zakham agar mehkayo to kiya

Jab hum hi na mehkay phir sahib

Tum bad-e-saba kehlayo to kiya

Ik aina tha so toot gaya

Ab khud se agar sharmayo to kiya

Main tanha tha main tanha hoon

Tum ayo to kiya na ayo to kiya

Jab dekhney wala koi nahin

Jal jayo to kiya bujh jayo to kiya

Ik veham hai yeh duniya is main

Kuch kho'yo to kiya kuch payo to kiya

Hai youn bhi ziyaan aur youn bhi ziyaan

Jee jayo to kiya mar jayo to kiya

Poet : Abaidullah Aleem

Kat hi gayi judai bhi kab yeh hua keh mar gaye

Teray bhi din guzar gaye meray bhi din guzar gaye

Teray liye chale thay hum teray liye thehre gaye

Tu ne kaha tha to jee uthay , tu ne kaha to mar gaye

Woh bhi gubar-e-khaak tha, hum bhi gubare-e-khaak thay

Woh bhi kahain bikhar gaya , hum bhi kahin bikhar gaye

Koi kinar-e-aab jo betha hua hai sar-nagoon

kasti kidher chali gaye , janey kidhar bhanwar gaye

Woh barish wasal hui sara gubaar dhul gaya

Woh bhi nikhar nikhar gaya hum bhi nikhar nikhar gaye

Itnay qareeb ho gaye itney raqeeb ho gaye

Woh bhi adeem dar gaye , hum bhi adeem dar gaye

Poet : Adeem Hashmi

Faslay aisay bhi hon ge yeh kabhi socha na tha

Samney betha tha meray aur woh mera na tha

Woh ke kushboo ki tarah phaila tha meray chaar soo

Main usaay mehsoos kar sakta tha cho sakta na tha

Raat bhar pichali se Aahat kaan main ati rahi

Jhank kar dekha gali main koi aya na tha

Aaj us ne dard bhi apney alehda kar liye

Aaj main roya to meray sath woh roya na tha

Yeh sabhi veeraniyan us ke juda honey se thein

Ankh dhundlayi hui thi shaher dhundlaya na tha

Yaad kar ke aur bhi takleef hoti thi adeem

Bhool janey ke siwa ab koi chara bhi na tha

Poet : Adeem Hashmi

Teri ishq ki intiha chahta hoon

Meri sadgi dekh kiya chahat hoon

Sitam ho keh ho wada-e-be'hijabi

Koi baat sabar azma chahta hoon

Yeh jannat mubarak rahay zahadon ko

Keh main ap ka samna chahta hoon

Zara sa to dil hon magar shokh itna

Woh lan-turani suna chahta hoon

Koi dam ka mehmaan hon ae ahl-e-mehfil

Chragh-e-sehar hon bujha chah'ta hoon

Bhari bazam main raaz ki baat keh di

Bara be-adab hoon saza chah'ta hoon

Deepak raag hai chahat apni ka hai suna'ein tumhain

Hum to sulagtay he rehtay hain kahay sulgaein tumhain

Tark-e-mohabbat tark-e-tamana kar chukney ke baad

Hum pe yeh mushkil aan pari hai kaisay bula'ein tumhain

Dil ke zakham ka rang to shayed ankhon main bhar aye

Rooh ke zakhmon ki gehraei kaisay dekha'ein tumhain

Dard hamari mehroomi ka tab tum jano ge

Jab khaney aye gi Chup ki sayein sayein tumhain

Sanata jab tanhai ke zehar main bujhta hai

Woh ghariyan kyn kar kat'ti hain kaisay bata'ein tumhain

Jin baton ne piyaar tumhara nafrat main badla

Dar lagta hai woh bat'ein bhi bhool na jay'ein tumhain

Rang barangay geet tumharay Hijar main hath aye

Phir bhi yeh kaisay chah'ein keh sari umar na pay'ein tumhain

Urtay panchi dhaltay saye jatay pal aur hum

Beran shaam ka daman tham ke roz bula'ein tumhain

Door gagan par hansaney walay nirmal komal chaand

Be'kal man kehta hai ayo hath laga'ein tumhain

Poet : Zahoor Nazar

Aik toota hua sheesha hon utha kar rakh lo

Kaam ayon ga mujhay ghar main saja kar rakh lo

Meray halat pe hanstay hain zamaney walay

Aisay aalam main mujhay apna bana kar rakh lo

Main bhi aik phool hoon ho jayon ga pati pati

Tum utha kar mujhay joray main saja kar rakh lo

Yaad rakhna keh main tanhai main kaam ayon ga

Main khilona hoon mujhay sab se chupa kar rakh lo

Woh nahin paas to tum kyn ho pareshaan sabir

Un ki tasveer ko seenay se laga kar rakh lo

Poet : Sabir Ali Sabir

Rabt-e-ba'ham ki ibtida kaghaz

Woh tumhara likha hua kaghaz

Motiyon se sajay huye alfaaz

Kushbo'on se basa hua kaghaz

Is pe likha hua tha naam tera

Is liye bhi bhala laga kaghaz

Hijar ki shab main jagti ankhain

Aur askhon main bheegta kaghaz

MAin ne kaghaz pe dil ka bojh likha

Mujh ko dil ki tarah laga kaghaz

Pehlay tukron main bat gaye tehreer

Phir hawa'on ke sang ura kaghaz

Mout shehbaz taiz barish thi

Zindagi raah main para kaghaz

Poet : Shehbaz Khawja

Tum se ulfat ke takazay na nibhaye jatay

Warna hum ko bhi tamana thi keh chahay jatay

Dil ke maron ka na kar gham keh yeh andha naseeb

Zakham bhi dil main na hota to karahay jatay

Kaash ae abr-e-bahari teray behkay se qadam

Meri umeed ke sehra main bhi gahay jatay

Lazat-e-dard se Asooda kahan dil wale

Hain faqat dard ki hasrat se krahay jatay

HAi teray fitna-e-raftaar ka shohra kiya kiya

Garcha dekha na kisi ne sar-e-raahay jatay

Di na mohlat hamain hasti ne wafa ki warna

Aur kuch din gham-e-hasti se nibahay jatay

Poet : Shaan-ul-haq Haqi

Aur ik haseen shaam ko main chal para salam ko

Aur ik haseen shaam ko

Main chal para salam ko

Gali ka rang dekh kar

Nai tarang dekh kar

Mujhay bari kushi hui

Main kuch isi kushi main tha

Kisi ne jhaank kar kaha

Praye ghar se ja'yea

Meri qasam na ai'ya

Wohi haseen shaam hai

Bahar jis ka naam hai

Chala hoon ghar ko chor kar

Na janey jayon ga kidher

Koi nahin jo tok kar

Koi nahin jo rok kar

Kahay keh loat ayeah

Meri qasam na jayea

Poet Salam Machli Shaheri

Ashiyane ki baat kartay ho dil jalaney ki baat kartay ho

Ashiyane ki baat kartay ho

Dil jalaney ki baat kartay ho

Sari duniye ke ranj-o-gham de kar

Muskuraney ki baat kartay ho

Hum ko apni khaber nahin yaro

Tum zamaney ki baat kartay ho

Zikar mera suna to chir kar kaha

Kis dewane ki baat kartay ho

Hadsa tha guzar gaya ho ga

Kis ke janey ki baat kartay ho

Poet : Javaid Qureshi

Main khyal hoon kisi aur ka mujhay sochta koi aur hai

Sar-e-aina mera aks hai pas-e-aina koi aur hai

Main kisi ki dast-e-talab main hoo tu kisi ke harf-e-sawal main

Main naseeb hoon kisi aur ka mujhay manghta koi aur hai

Meri roshni taray khdo-khaal se mukhtalif to nahin magar

Tu qareeb a tujhay dekh loon tu wohi hai ya koi aur hai

Tujhay dushmano ki khabar na thi mujhay dostonka pata na tha

Teri dastaan koi aur thi mera waqiya koi aur hai

Kabhi loat ayein to poochna nahin dekhna unhain ghour se

Jinhain rastay main khabar hui keh yeh rasta koi aur hai

Poet : Saleem Kosar

Baat niklay gi to phir door talak jaye ge

Log be-waja udasi ka sabab poochain ge

Yeh bhi poochain ge keh tum itni parishaan kyn ho

Ungliyaan uthain ge sookhay huaye balon ki taraf

Ik nazar dekhain ge guzray huaye salon ki taraf

Choriyon par bhi kai tanz ke'ehye jayain ge

Kanptay haye hathon pe bhi fikray kassay jayien ge

Log zalim hain her aik baat ka tah'na daien ge

Baton baton main mera zikar bhi lay ayein ge

In ki baton ka zara se bhi asar mat lena

Warna chaheray ke tah'sur se samjh jayein ge

Chahay kuch bhi ho sawalaat na karna in se

Meray baray main koi baat na karna in se

Baat niklay gi to phir door talak jaye ge

Poet : Sadarshan fakir

Yeh doulat bhi le lo yeh sohrat bhi le lo

Bhalay cheen lo mujh se meri jawani

Magar mujh ko lota do bachpan ka sawan

Woh kaghaz ki kashti woh barish ka pani

Mohalay ki sab se purani nishani

Woh burhiya jissay bachay kehtay thay nani

Woh nani ki baton main paroyon ka deera

Woh chaheray ki jhuriyon main sadiyon ka pehra

Bhulaye nahin bhool sakta hai koi

Woh choti se ratain woh lambi kahani

Kari dhoop main apney ghar se nikalna

Woh chriya woh bulbul woh titli pakarna

Woh guriya ki shadi pe larna jhagarna

Woh jhoolo'on se girna woh gir ke sambhalna

Woh peetal ke chal'lon ke piayaray se tohfay

Woh tooti hui choriyon ki nishani

Woh kaghaz ki kashtiwoh barish ka pani

Poet : Sadarshan Fakir

Main pal do pal ka shaair hoon

Pal do pal meri kahani hai

Pal do pal meri hasti hai

Pal do pal meri jawani hai

Mujh se pehlay kitney shaier

Aye aur a kar chalay gaye

Kuch Aahaien bhar kar loat gaye

Kuch naghmay ga kar chalay gaye

Woh bhi Ik pal ka qissa thay

Main bhi ik pal ka qissa goon

Kal tum se juda ho jayon ga

Go aaj tumhara hissa hoon

Main pal do pal ka shair hoon

Kal aur ayien ge naghmon ki

Khilti kaliyaan chun'na'nay waly

Mujh se behtar kehnay walay

Tum se behtar sun'na'nay walay

Kal mujh ko koi yaad karay

Kyn koi mujh ko yaad karay

Masroof zamana meray liye

Kyn waqat apna barbaad karay

Main pal do pal ka shaier hoon

Pal do pal meri kahani hai

Poet : Sahir Ludhanvi

Main ne chaand aur sitaron ki tamana ki thi

Mujh ko raton ki sihayi ke siwa kuch na mila

Main woh naghma hoon jissay piyaar ki mehfil na mili

Woh musafir hoon jissay koi bhi manzil na mili

Zakham paye hain baharon ki tamana ki thi

Main ne chaand aur sitaron ki tamana ki thi

Kisi gaisoo kisi anchal ka sahara bhi nahin

Rastay main koi dhundla sa sitara bhi nahin

Meri nazron ne nizaron ki tamana ki thi

Main ne chaand aur sitaron ki tamana ki thi

Dil main na-kaam umeedon ke basairay paye

Roshni lenay ko nikla to andheray paye

Rang aur noor ke dhar'on ki tamana ki thi

Main ne chand aur sitaron ki tamana ki thi

Poet : Sahir Ludhanivi

Kabhi kabhi meray dil main khyal ata hai

Keh zindagi teri zulfon ki naram chay'on main

Guzarney pati to shadaab ho bhi sakti thi

Yeh tair'gi jo meri zeest ka muqadar hai

Teri nazar ki shua'on main kho bhi sakti thi

Ajab na tha keh main be-gana-e-alam ho kar

Teray jamaal ki ranayon main kho rehta

Tera gudaaz badan . teri neem baz ankhain

Inhi haseen fasano main hehav ho rehta

Magar yeh na ho saka aur ab yeh aalam hai

keh tu nahin tera gham ,teri justago bhi nahin

Guzar rahi hai kuch is tarah zindagi jaisay

issay kisi ke saharay ki Arzoo bhi nahin

Zamaney bhar ke dukhon ko laga chuka hoon galay

Guzar raha hoon , kuch anjani raah guzharon se

Maheeb saye meri simat barhtay atay hain

Hayat-o-mout ke pur-hole Khaar'zaron se

Na ko jada-e-manzil na roshni ka suraagh

Bhatak rahi hai khala'yon main zindagi meri

In khala'yon main rah jayon ga kabhi kho kar

Main janta hoon meri hum nafas magar youn hi

Kabhi kabhi meray dil main khyal ata hai

Poet : Sahir ludhanavi

Dil hi nahin to dil ke saharon ko kiya karon

Jab paas tum nahin to baharon ka kiya karon

Jalwa'oan se jis ke chaand sitaron main thi zia

Ab woh hansi nahin to sitaron ko kiya karo

Tasveer aur tasawar-e-janaa yeh sab faraib

Main in se door un ke nazaron ko kiya karon

Woh jannat nigha woh firdos-e-rang-o-boo

Guzri hui haseen baharon ko kiya karon

Khwabon se noor cheen le haan Ae khyal-e-yaar

Teray baghair aisay isharon ko kiya karon

Dil hai khizaan naseeb gulistaan hai pur-bahar

Ishrat bhala main aisay nizaron ko kiya karon

Poet : Ishrat Rehmani

Pehlay to kisi ko bhi rulaya nahin kartay

Haan khud jo khafa ho to mana'ya nahin kartay

Ik baar gira dain jissay hum apni nazar se

Us shaks ko phir dil main bitha'ya nahin kartay

Bolay jo mohabbat se to socha'ein ge kabhi na

Nafrat se magar hath milaya nahin kartay

Us shaks se mil ke mujhay ehsaas hua hai

Jo pairr baray hotay hain saya nahin kartay

Rakhtay hain unhain hum sada seenay se laga kar

Dukh apn akisi ko bhi sunya nahin kartay

Yeh khail mohabbat ka hai phir soch lo Arshad

Kho datay hain sab kuch yahan paya nahin kartay

Poet : Arshad Malik

Shaam se aaj saans bhari hai

Be-qarari si ba-qarari hai

Aap ke baad her ghari hum ne

Aap ke sath hi guzari hai

Raat ko de do chandi ki rida

Din ki chadar abhi utari hai

Shaakh pe koi qeh'qaha to khilay

Kaisi chup se chaman pe tari hai

Kal ka her waqiya tumhara tha

Aaj ki dastaan hamari hai

Poet : Gulzaar

Aankhon ko intizaar ka hunar de kar chala gaya

Chaha tha aik shaks ko janey kidhar chala gaya

Din ki woh meflain gaye , raton ke rat'jagay gaye

Koi samait kar Meray sham-o-shar chala gaya

Jhonka hai ik bahar ka rang-e-khayal-e-yaar bhi

Her soo bikhar bikhar gaye kushboo,jidhar chala gay

Us ke hi dam se dil main Aaj dhoop bhi hai chand'ni bhi hai

De kay woh apni yaad ke shamas-o-qamar chala gaya

Koocha-ba-koocha dar-ba-dar kab se bhatak raha hai dil

Hum ko bula ke raah woh apni dagar chala gaya

Poet : Hasan Kamaal

Bichar ke bhi mujhay tujh se yeh bad gumani hai

Keh meri yaad kabhi to tujhay bhi ani hai

Na pooch haal kisi bhi udaas chaheray ka

Her aik shaks ki apni alag kahani hai

Her aik shaks ko apna bana ke dekh liya

Milain ge ab na kisi se yeh dil main thani hai

shajar udaas hain chiry'on ke cha'chay gum sum

Keh teray baad yeh tanha se zindgani hai

Na dosti hai sehar se na dushmani shab se

Youn hi yeh zindagi ab to hasan nibhani hai

Poet : Hasan Rizvi

Kabhi kitabon main phool rakhna kabhi darakh'ton pe naam likhna

Kabhi kitabon main phool rakhna kabhi darakhton pe naam likhna

Hamain bhi yaad hai Aaj tak woh nazar se harf-e-salam likhna

Woh chand chaheray woh behki batain sulagtay din thay mehakti rata'ein

Woh chatay chotay se kagzon pe mohabt'on ke payam likhna

Gulaab chahr'on se dil lagana woh chupkay chupkay nazar milana

Woh aarzo'on ke khwaab bun'na'na woh qisa-e-na'taman likhna

Meray nagar ki haseen fizayo kahin jo un ka nishan payo

To poochna yeh kahan basay woh kahan hai un ka qayaam likhna

Gay'e rutoon main husan hamara bas aik hi to yeh mashghala tha

Kisi ke chahray ko subha kehna , kisi ki zulfon ko shaam likhna

Poet : Hasan Rizvi

Her qadam par nit naye sanchay main dhal jatay hain log

Dekhtay hi dekhtay kitney badal jatay hain log

Kis liye Kejiya kisi gum gashta jannat ki talash

Jab keh mati ke kihlono'n se behal jatay hain log

Kitney sada dil hain ab bhi sun ke awaz-e-jars

Paish-o-pas se be-khabar ghar se nikal jatay hain log

Apney saye saye sar nayor'haye , Ahista khraam

Janey kis manzil ki janib Aaj kal jatay hain log

Shama ki manind ahel-e-anjuman se be-niyaaz

Aksar apni Aag main chup ahap jal jatay hain log

Sha'er in ki dosti ka ab bhi dam bhartay hain aap

Thokrain kha kar to suntay hain sambhal jatay hain log

Poet : Himayat ali sha'er

Mohabbat karney walay kam na hon ge

Teri mehfil main lakin hum na hon ge

Main aksar sochta hoon phool kab tak

Shreek girya-e-shabnam na hon ge

Dilon ki uljhan'ein barhti rahain ge

Agar kuch mashwaray baham na hon ge

Zamaney bhar ke gham ya ik tera gham

Yeh gham ho ga to kitney gham na hon ge

Hamaray dil main sail-e-gariya ho ga

Agar ba-deeda-e-punam na hon ge

Agar tu itafaqa'an mil bhi jaye

Teri furqat ke sadmay kam na hon ge

Hafeez Un se main jitna bad-gumaan hoon

Woh mujh se is qadar barham na hon ge

Poet : Hafeez Hoshiyaar puri

Chupkay chupkay raat din ansoo bahana yaad hai

Hum ko ab tak woh aashqi ka zamana yaad hai

Tujh se kuch milat hi woh be-baak ho jana mera

Aur tera danton main woh ungli dabana yaad hai

Kheench lena woh mera parday ka kona dafatan

Aur dupatay se tera woh munh chupana yaad hai

Tujh ko jab tanha kabhi pana to az rah-e-lihaaz

Haal-e-dil baton hi baton main jatana yaad hai

Ghair ki nazron se bach kar sab ki marzi ke khilaf

Woh tera chori chupay raton ko ana yaad hai

Chori chori hum se tum a kar milay thay jis jaga

Mudat'ain guzr'ein par ab tak woh thikana yaad hai

Poet : Hasrat Mohani