Ik sehmi sehmi se aahat hai , ik mehka mehka saya hai

Ik sehmi sehmi se aahat hai , ik mehka mehka saya hai 

Ehsaas ki is tanhai main yeh raat gaye kon aaya hai 

Aye shaam-e-alam kuch tu hi bata , yeh dhang tujhay kiyon bataya hai 

Woh meri khoj main nikla tha aur tujh ko dhoond kay aaya hai 

MAin phool samjh kay chun loon ga is bheegay se angaaron ko 

Aakhon ki ibaadat ka main ne bas aik yahi phal paya hai 

Kuch roz se barpa chaar taraf hain shadi-o-gham kay hangamay 

Suntay hain chaman ko maali ne phoolon ka kafan pehnaya hai

Hamari tarap to kuch bhi nahin

Hamari tarap to kuch bhi nahin 

Suna hai us kay deedar ko Aainay tarastay hain

Qurb-e-jana ka na meh'khanay ka mousam aaya

Qurb-e-jana ka na meh'khanay ka mousam aaya 

Phir se be'sarfa ujjar janay ka mousam aaya 

Kanj-e-ghurbat main kabhi gosha-e-zindan main thay hum 

Jaan-e-jaan jab bhi teray aanay ka mousam aaya 

Ab lahoo ronay ki khwaish na lhoo honay ki 

Dil-e-zinda teray mar'janay ka mousam aaya 

Koocha-e-yaar se her fasal main guzray hain magar 

Shayed ab jaan se guzar janay ka mousam aaya 

Koi zanjeer koi harf-e-khard lay aaya 

Fasal-e-gul aayi keh dewanay ka mousam aaya 

Seel-e-khoon shaher ki galiyon main dar aaya hai Faraz

Aur tu khush hai keh ghar janay ka mousam aaya 

Kabhi tu mujh ko bhi lay chal saba madeenay main

Kabhi tu mujh ko bhi lay chal saba madeenay main 

KEh dekhon jalwa-e-khair-ul-wara (s.a.w) madinay main 

Jee chahta hai tohfay main bhaijon unhain aankhein

Jee chahta hai tohfay main bhaijon unhain aankhein 

Darshan ka to darshan ho nazranay ka nazrana

Jeenay ki taraf dekh na marnay ki taraf dekh

Jeenay ki taraf dekh na marnay ki taraf dekh 

Jab chot lagay dil ko madeenay ki taraf dekh 

Ya'Mustafa (s.a.w) Ataa ho ab izn hazari ka

Ya'Mustafa (s.a.w) Ataa ho ab izn hazari ka 

Kar loon nizara aa kar main Aap (s.a.w) ki gali ka

Tareekh agar dhoonday gi kahin saani-e-Mohammad (s.a.w)

Tareekh agar dhoonday gi kahin saani-e-Mohammad (s.a.w)

Sani to bari cheez hai , Saaya bhi na milay ga

Parhnay laga darood main , jab se hazoor par

Parhnay laga darood main , jab se hazoor par 

Her kaam meray wastay , Asaan ho gaya

Dooba raha gunaahon main poora guzista saal

Dooba raha gunaahon main poora guzista saal 

Aglay bars gunahon se mola (Az-o-Jal ) mujhay bacha

Rukh-e-Mustafa (s.a.w) hai woh aaina , keh jis sa doosra aaina

Rukh-e-Mustafa (s.a.w) hai woh aaina , keh jis sa doosra aaina 

Na kisi kay bazm-e-khayal main , na dukaan-e-Aaina saaz main

Na marnay ki koi hasrat na jeenay ki zaroorat hai

Na marnay ki koi hasrat na jeenay ki zaroorat hai 

Do Aalam main mujhay sirf ik madeenay ki zaroorat hai

Is se inkaar nahin sakhat gunah'gaar hoon main

Is se inkaar nahin sakhat gunah'gaar hoon main 

Shafa-e-hashar magar tera talab'gaar hoon main

Jahan roza-e-paak Khair-ul-wara hai

Jahan roza-e-paak Khair-ul-wara hai 

Woh jannat nahin hai to phir aur kya hai 

Meri janib jab uthaye gi meray Aaqa (s.a.w) ki nazar

Meri janib jab uthaye gi meray Aaqa (s.a.w) ki nazar 

Khud badal jaye ga andaz-e-muqaddar dekhna

Main hoon darwaish mera ishq bhi Aalam se juda

Main hoon darwaish mera ishq bhi Aalam se juda 

Mera mehboob bhi mehboob-e-Elahi hai miyaan 

Apni rehmat kay samandar main utar janay dy

Apni rehmat kay samandar main utar janay dy 

Be'thikana hoon Azal se mujhay ghar janay dy

Ae chand ko tor kay jornay walay Aaqa (s.a.w)

Ae chand ko tor kay jornay walay Aaqa (s.a.w)

Hum bhi tooti hui taqdeer liye baithay hain 

Ek baar madinay main ho jaye mera naam

Ek baar madinay main ho jaye mera naam 

Phir aur na kuch maangay Sarkar (s.a.w) ka dewana

Roya hoon us shakhs kay paaon se lipat kar

Roya hoon us shakhs kay paaon se lipat kar 

Jis ne bhi koi baat sunayi teray (s.a.w) kay dar ki

Woh sabz sabz nazar aa raha hai gumbad-e-sabz

Woh sabz sabz nazar aa raha hai gumbad-e-sabz

Qaraar aa gaya be'qaraar aankhon main

Yaad-e-Mustafa (s.a.w) aisi bas gayi hai seenay main

Yaad-e-Mustafa (s.a.w) aisi bas gayi hai seenay main 

Jisam ho kahin apna dil to hai Madeenay main

Zameen Maili nahin hoti zaman maila nahin hota

Zameen Maili nahin hoti zaman maila nahin hota 

Mohammad (S.A.W) kay ghulamon ka kafan maila nahin hota 

Mohabbat-e-kamli walay main woh jazba hai suno logo !

YEh jis mann main samaa jaye woh mann maila nahin hota

Ab tang-e-damaan pe na jaa, aur bhi kuch maang

Ab tang-e-damaan pe na jaa, aur bhi kuch maang 

HAin , Aaj woh mayel-e-ba'Ataa , aur bhi kuch maang

Ab meri nigahon main jagta nahin koi

Ab meri nigahon main jagta nahin koi 

Jaisay meray Sarkaar (s.a.w) hain aisa nahin koi 

Tum sa to haseen aankh ne dekha nahin koi 

YEh shaan-e-latafat hai keh saaya nahin koi 

Aizaaz yeh haasil hai to, Hasil hai zameen ko

Aizaaz yeh haasil hai to, Hasil hai zameen ko 

Aflaak pe to gumbad-e-khizra nahin koi

Sarkar-e-Do'Aalam (s.a.w) kay khazeenay se milay ga

Sarkar-e-Do'Aalam (s.a.w) kay khazeenay se milay ga 

Sukh chain milay ga to madeenay se milay ga

Be'sabab bakhash dy na pooch Amal

Be'sabab bakhash dy na pooch Amal 

Naam ghafaar hai tera Ya'Rab

Kuch nahin maangta shaahon se yeh shaida tera

Kuch nahin maangta shaahon se yeh shaida tera 

Us ki doulat hai faqat naqsh-e-kaf-e-paa tera 

Pooray Qad se jo kharra hoon to yeh tera hai karam 

Mujh ko jhuknay nahin deta hai sahara tera

Main faqat khaak hoon magar Naam-e-Mohammad (s.a.w) se hai nisbat meri

Main faqat khaak hoon magar Naam-e-Mohammad (s.a.w) se hai nisbat meri 

Yahi aik rishta hai jo meri Auqaat barhaa deta hai

In lamhon ki yaadein sambhal kay rakhna

In lamhon ki yaadein sambhal kay rakhna 

Hum yaad to ayein gay lakin , loat kar nahin