Main nazar se pee raha hoon yeh sama badal na jaye

Main nazar se pee raha hoon yeh sama badal na jaye

Na jukhayo tum nighaein kahin raat dhal na jaye

Meray ashak bhe hain is main yeh shraab ubal na jaye

Mera jaam chooney walay tera hath jal na jaye

Abhi raat kuch hai baqi na utha naqaab saqi

tera rind girtay girtay kahin phir sambhal na jaye

Meri zindgi ke malik meray dil pe hath rakh de

teray aney ki kushi main mera dam nikal na jaye

Mujhay phookney se pehlay mera dil nikaal  lena 

yeh kisi hai amanat meray sath jal na jaye

Poet : Anwar Mirza Poori

Jab bahar aye to sehra ki taraf chal nikla

Jab bahar aye to sehra ki taraf chal nikla

Sehne-gul chor gaya dil mera pagal nikla

Jab ussay dhoondney niklay to nishaan tak na mila

Dil main moujood raha Aankh se Ojhal nikla

Ik mulaqaat the jo dil ko sada yaad rahi

Hum jissay umar samjhtay thay woh ik pal nikla 

Woh jo Afsana-e-gham sun kar hansa kartay thay

Itna roye hain keh sab Aankh ka kajal nukla

Hum sukoon dhoondney niklay to pershaan rahay

Shaher to shaher hai jungle bhe na jungle nikla

Kon ayub pershaan hai tareeki main 

Chaand aflaaq pe dil seenay main be kal nikla 

Poet : Ayub Romani

Honthon se cho lo tum Mera geet amar kar do

Honthon se cho lo tum Mera geet amar kar do

Ban jayo Meet Meri, Meri Preet Amar kar do

Na umar ki seema ho na janam ka ho bandhan 

Jab piyaar karay koi to dekhay kewal man

Nai reet chla kar tum yeh reet Amar kar do

Aakaash ka soona pan meray tanha man main 

Payal chankati tum Aa jayo jeevan main

Saansain de kar apni sngeet amar kar do

Jag ne cheena mujh se mujhay jo bhe laga piyara 

Sab jeeta kiye mujh se main her dam he haara

Tum haar ke dil apna meri jeet amar kar do

Honthon se cho lo tum mera geet amar kar do

MAin ne roka bhe nahin Aur woh tehra bhe nahin

MAin ne roka bhe nahin Aur woh tehra bhe nahin 

Hadsa kiya tha jissay dil ne bhulaya bhe nahin

Janey walon ko kahan roak saka hai koi 

Tum chalay ho to koi rokney wala bhe nahin

Kon sa mor hai kyn poan pakarti hai zameen

Us ki basti bhe nahin koi pukara bhe nahin

Be niazi se sabhi  guzray-e-jaan se guzray

Dekhta koi nahin hai Keh tamasha bhe nahin

Woh to sadiyon ka safar kar ke yahan pooncha tha

Tu ne Munh phair ke jis shaks ko dekha bhe nahin

Poet : Aslam Ansari

Ae sanam jis ne tujhay chaand se surat de hai

Ae sanam jis ne tujhay chaand se surat de hai

Usi ALLAH ne Mujh ko bhe mohabbat di hai

Taigh Be Aab hai, Ne Bazoo-e-qatal kamzor

Kuch garaan jani hai . kuch moat ne fursat di hai

koi akseer , ghani dil nahin rakhti aisa 

Khaak saari nahin dee hai mujhay doulat di hai

Furqat-e-yaar main ro ro kay basar karta hoon

Zindgani mujhay kiya di hai museebat di hai

Yaad-e-Mehboob faramosh na hoye , ae dil

Husan-e-niyat ne mujhay ishq si naymat di hai

Gosh paida kiye sunanay ko tera zikar-e-jamaal 

Dekhney ko teray .Aankhon main basarat di hai

Lutaf-e-dil bastagi Aashiq shaida ko na pooch

Do jahan se us aseeri ne fraghat di hai 

Poet : Aatish lakhnavi

Sab Maya Hai

Sab Maya Hai

Sab Maya hai , Sab dhalti phirti chiya hai

Is ishq main hum ne jo khoya jo paya hai

Jo tum ne kaha hai, Faiz ne jo farmaya hai

Sab Maya Hai

Jis gori par hum aik ghazal her shaam likhain

Tum jantay ho hum kyn kar us ka naam likhain

dil us ki bhe chokhat choom ke wapis aya hai

Sab Maya Hai

Woh larki bhe chaand nagar ki rani thi

Woh jis ki Alhar ankhon main hairani thi

Aaj us ne bhe payghaam yahi begwaya hai

Sab Maya Hai

Jo log abhi tak naam wafa ka latay hain

Woh jaan ke dhokay khatay , dhokay datay hain

Haan thoak baja kar hum ne jo hukam lagaya hai

Sab Maya Hai

Jab dekh liya her shaks yahan harjai hai

Is shaher se door aik kutiya hum ne banyi hai

Aur us kutiya ke mathay par likhwaya hai

Sab Maya Hai

Poet : Ibn-E-Insha

Ik Baar Kaho Tum Meri Ho

Ik Baar Kaho Tum Meri Ho

Hum ghoom chukay basti ban main 

Ik Aas ka phaans liye man main 

Koi sajan ho Koi piyara ho

Koi deepak ho koi Tara ho

Jab jeevan raat andheri ho

Ik baar kaho tum meri ho

Jab sawan badal chaye hon 

Jab phagan phool khilaye hon

Jab chanda roop lutata ho

Jab suraj dhoop nahata ho

YA shaam ne basti ghairi ho

Ik baar kaho tum meri ho

Haan dil ka daman phaila ho

Kyn gori ka dil meala ho

Hum kab tak peet ke dhokay main

Tum kab tak door jhrokay main

Kab deed se dil ko sairi ho

Ik baar kaho tum meri ho

Kiya jhagra sood khasaray ka

Yeh kaaj nahin banjaray ka

Sab son aroopa le jaye

Sab duniya duniya le jaye

Tum aik mujhay bahtairy ho

Ik baar kaho tum meri ho

Poet : Ibn-e-Insha

diyaar-e-noor main tera shabon ka sathi ho

diyaar-e-noor main tera shabon ka sathi ho

koi to ho jo meri wehshton ka sath ho

Main us se jhoot bhe bolon tu mujh se sach bolay

meray mizaaj ke sab mousamon ka sathi ho

Main us ke hath na ayon woh mera ho ke rahay

Main gir paron tu meri pastiyon ka sathi ho

Karay kalam jo mujh se to meray lehjay main

Main chup rahon tu meray tawaron ka sathi ho 

Main apney ap ko dekhon woh mujh ko dekhay jaye

Woh meray nafas ki gumrahiyon ka sathi ho

Woh khwaab dekhay to dekhay meray hawalay se

Meray khyal ke sab manzaron ka sathi ho

Poet : Iftikhar Arif

Youn na mil mujh se khafa ho jaisay

Youn na mil mujh se khafa ho jaisay 

Sath chal Moj-e-saba ho jaisay

Log youn hans datay hain

Tu mujhay bhool gaya ho jaisay

Mout bhe aye to is naaz ke sath

Mujh pe ehsaan kiya ho jaisay

hichkiyaan raat ko ati he gayein 

tu ne phir yaad kiya ho jaisay

Aisay anjaan banay baithay ho

Tum ko kuch bhe na pata ho jaisay

Zindagi beet rahe hai danish

Aik be-juram saza ho jaisay

Poet : Ahsaan  Danish

Kisi ki Aankh jo purnam nahin hai

Kisi ki Aankh jo purnam nahin hai

Na samjho yeh keh us ko gham nahin hai

sawaad-e-dard main tanha khara hoon

Palat jayon magar mousam nahin hai

Samjh main kuch nahin ata kisi ki 

Agarcha guftagoo mbham nahin hai

Sulagta kyn nahin tareek jungal

talab ki lo agar madham nahin hai

Yeh basti hai sitam parwardigaan ki

Yahan koi kisi se kam nahin hai

Jo koi sun sakay Amjad to duniya

Ba-juz ik baaz gasht gham nahin hai

Poet : Amjad Islam Amjad

Chaand ke sath kai dard puraney niklay

Chaand ke sath kai dard puraney niklay

Kitney gham thay jo teray gham ke bahanay niklay

Fasl-e-gul aye phir aik baar aseeran-e-wafa 

Apney he khoon ke darya main nahaney niklay

Hijar ki choat ajab sang shikan hoti hai

Dil ki be faiz zameeno se khazaney niklay

Dil ne ik eent se tamee kiya taaj mehal

Tu ne ik baat kahi laakh fasaney niklay

dasht-e-tanhai hijraan main khara sochta hoon 

haye kiya loag mera sath nibhaney niklay

Main ne Amjad Ussay be-wasta dekha he nahin

Woh to kushboo main bhe Ahhat ke bahaney niklay

Poet : Amjad islam Amjad

Honthon pe kabhi un ke mera naam he aye

Honthon pe kabhi un ke mera naam he aye

Aye to sahe bar sar-e-ilzaam he aye

Hairaan hain lab basta hain , dil geer hain gunchay

Kushboo ki zubaani tera payghaam he aye

Taroon se saja lain ge raah shaher-e-tamana

Maqdoor nahin subha chalo shaam he aye

kiya raah badalney ka gila humsafron se

jis raah se chalay teray dar-o-baam he aye

Thak haar ke baithay hain sar kooaye tamana

kaam aye to phir jazba-e-nakaam he aye

Baqi na rahay saakh ada dasht-e-junoon ki

dil main agar andesha-e-anjaam he aye

Poet : Ada Jaferi

Woh ishq jo hum se rooth gaya , Ab us ka haal batain kiya

Woh ishq jo hum se rooth gaya , Ab us ka haal batain kiya

Koi mehar nahin koi qahar nahin, Phir sacha shair sunain kiya

Ik hijar jo hum ko lahaq hai, ta dair ussay dohrain kiya

Woh zehar jo dil main utaar liya, Phir us ke naaz uthaain kiya

Phir aankhain lahoo se khali hain yeh shamein bujhney wali hain

Hum khud bhe kisi key sawali hain, is baat pe hum sharmayein kiya

Ik Aag gham-e-tanhai ki, jo saray badan main phail gaye

Jab jism he sara jalta ho, Phir daman-e-dil ko bachaein kiya

Hum naghma sara kuch ghazlon ke, hum surat gar kuch khwaabon ke

Be jazba-e-shauq sunain kiya, koi khwaab na ho to bataein kiya

Poet : Ather Nafees

Ab ke tajdeed-e-wafa ka nahin Imkaan janaa

Ab ke tajdeed-e-wafa ka nahin Imkaan janaa

Yaad kiya tujh ko dilaein tera paymaan janaa

Youn hi mousam ki adaa dekh ke yaad aya hai

Kis qadar jald badal jatay hain insaan janaa

Dil yeh Kehta hai keh shyed ho afsurda tu bhe

Dil ki kiya baat karain dil to hai nadaan janaa

Hum bhe kiya sadaa thay hum ne bhe samjh rakha hai

Gham-e-douraan se juda hai gham-e-janaan janaa

Ab tera zikar bhe shyed he ghazal main aye

Aur se aur huaye dard ke unwaan janaa

Hum keh roothi hui Rut ko bhe mana latay tahy

Hum ne dekha he na tha mousam-e-hijraan janaa

Poet : Ahmed Faraz

Khathan hai raah guzar thori door sath chalo

Khathan hai raah guzar thori door sath chalo

Bhout kara hai safar thori door sath chalo

Tamam umar kahan koi sath deta hai

Yeh janta hoon Magar thori door sath chalo

Nashay main choor hoon main bhe tumhain bhe hosh nahin

Bara maza ho agar thori door sath chalo

Yeh aik shab ki mulaqat bhe ghaneemat hai

Kissay hai kal ki khabar thori door sath chalo

Abhi to jaag rahay hain Chraagh rahoon ke 

Abhi hai door sehar thori door sath chalo

Tawaaf Manzal janaa hamain bhe karna hai

Faraz tum bhe agar thori door sath chalo 

Poet : Ahmad Faraz

Yeh kiya sab se biyaan dil ki haltain karni

Yeh kiya sab se biyaan dil ki haltain karni

Faraz tujh ko na ayein Mohabbatain karni

Yeh Qarb kiya hai keh tu samney hai aur hamain

Shumaar abhi se judai ki saatain karni

koi khuda ho keh pathar jissay bhe hum chayain

Tamaam umar usi ibadatain karni

Hum apney dil se hain majboor aur logon ko

Zara se baat pe barpa qiyamtain karni

Milain jab in se to Mabham si guftagoo karna

Phir apney Aap se so so Wazahatain karni

Kabhi faraz naye mousmon main ro dena

Kabhi talash purani raqabtain karni

Kabhi hum khoobsurat Thay

Kabhi hum khoobsurat Thay

Kabhi Hum Khoobsurat Thay

Kitabon main basi khushboo ki manand

Saans Saakin thi

Bhout se un-kahay lafzon se tasverain banatay thay

Prindon ke paron par nazam likh kar

Door ki jheelon main basney walay logon ko sunatay thay

Jo hum se door thay lakin

Hamaray paas rehtay thay

Naye dino ki musaafat jab kiran ke sath Aangan main utarti thi 

To hum kehtay thay

Ammi......... titliyon ke par bhout he khoobsurat hain

Humain mathay pe bosa do

Keh hum ko titliyon ke 

Jugnoan ke dais jana hai

Humhain rangon ke jugno 

Roshni ki titliyaan 

Awaaz dati hain

Naye din ki musaafat rang main doobi hawa ke sath

Khirkee se bulati hai

Humain mathay pe bossa do

Poet : Ahmed Shahmeem

Mujhay is Aas pe jeeney ka saleeqa nahin ata

Mujhay is Aas pe jeeney ka saleeqa nahin ata 

koi mera hai to phir mujh main simit kyn nahin jata

Dil-e-nadaan ki tasali ko to hain afsaney bhout

Phir bhe yeh dil chupkay se sambhal kyn nahin jata

Hazaroon logon ne jhanka hai meray dil ke jahan main

janey is ke siwa yeh nagar bas kyn nahin  Pata

Subho shaam Aankhon main basa rakhi hai surat us ki 

Us ke dil main, main bas jayon Mujhay yeh hunar kyn nahin ata

Us ki sansoon ki tapash se jal gaye honth Faraz

Us ki sansoon ki tapash se jal gaye honth Faraz

Kitni Aag the us main mujhay jalaney kay liye

In badlon ka meray yaar se bhout milta julta mizaaj hai

In badlon ka meray yaar se bhout milta julta mizaaj hai

Kabhi toot kar baras jatay hain kabhi be-rukhi se guzar jatay hain

Phir chaand khila Phir raat thami

Phir chaand khila 

Phir raat thami

Phir dil ne kaha 

Ik teri kami

Phir yaad ke jhonkay mehak gaye

Phir pagal armaan behak gaye

Phir jannat se lagti hai zameen

Phir dil ne kaha ik teri kami

Phir guzray lamhon ki batain

Phir jagi jagi se raatain

Phir taher gaye palkon pe nami

Phir dil ne kaha ik teri kami

yak-tarfa mohabbat ka nuksaan bhout hai

yak-tarfa mohabbat ka nuksaan bhout hai 

Dil toot janey ka imkaan bhout hai

Hum toot kat chahaien jissay ussay khabar he nahin

Is amar pe hearaan dil-e-nadaan bhout hai

Fariyaad karti hai yeh meri tanhai

Bas jayon is dil main yeh veeraan bhout hai

Hum kahan kisi ke Aib se parda uthain ge

Chunanay ko to apna he gerebaan bhout hai

Aankhon se meri lali is liye nahin jate

Aankhon se meri lali is liye nahin jate

Yadon se koi raat jo khali nahin jati

Ab umar na woh rastay na woh mousam ke paltay

Is dil ki magar khaam khyali nahin jati

Ham-raah teray jo phool khilati the dil main

Ab shaam whi dard se khali nahin jati

Koi a ke teray yeh dukh dard sambhalay

Hum se to yeh jageer sambhali nahin jati

Mangay tu Agar jaan bhe to hans kar tujhay de dain

Teri to koi baat bhe taali nahin jati

Hum jaan se jayein ge tabhi baat baney ge

Tum se to koi raah nikali nahin jati

Had-e-intihaa se bhout Aagay tumhain chaha hai

Had-e-intihaa se bhout Aagay tumhain chaha hai

Hum ne wafa se bhout Aagay tumhain chaha hai

Jahan se loat ke aaney ka rasta nahin milta

Us raah se bhout Aage tumhain chaha hai

Us se kaho jinki nigha main mohabbat gunah-e-azeem hai

Hum ne gunnah se bhout Aagey tumhain chaha hai

Mohabbton main harf ba harf mujhay mangna nahin ata 

Main ne Aadab-e-dua se bhout Aage tumhain chaha hai

youn judai ko mera naseeb na banao

Youn judai ko 

mera naseeb na banyo

Kahin aisa na ho

 keh jab

Tum loat kar ayo 

To meray paas 

zindage na rahay

Thi is qadar ajeeb musafat keh mat poocho

 

Thi is qadar ajeeb musafat keh mat poocho

Aankhain abhi safar main thein aur khwaab thak gaye

Shafaq ki jheel main jab sang-e-aaftab giray

Shafaq ki jheel main jab sang-e-aaftab giray

Hamaray ghar pe siyah raat ka azaab giray

Kahin to gardash-e-ayaam thak kar saans bhe le

Kahin to khaima-e-aflaak ki tanaab giray

kisi ke raigaan ashkon ka kuch to hisaab kar

Falak se youn to sitaray bhe be-hisaab giray

Kahin to silsal-e-intizaar khatam bhe ho

Kisi tarah to yeh deewar-r-aztaraab giray

Ghazal ke roop main woh roo barr jo hon mohsin

Labon se lafz urain , Hath se kitaab giray

Juda honey ke sadmay ko agarcha hans ke sehna tha

Juda honey ke sadmay ko agarcha hans ke sehna tha

Ussay rasmi he sahi lakin Khuda hafiz to kehna tha

Zubaan Main itni taqat the Magar sehra ki wehshat main

Meri bachpan se Aadat the Mujhay khamosh rehna tha

Woh kacha ghar woh barish main hamari jagti Aankhin

Humain jati hui barkha se kuch to kehna tha

Hum rasm-e-wafa us se nibhatay bhe kahan tak 

Hamaray khwaab ke ghar thay humain to un main he rehna tha