Milan ki Aarzoo karna , safar ki justagoo karna

Milan ki Aarzoo karna , safar ki justagoo karna 

Jo tum mayoos ho jayo 

to mujh se guftagoo karna 

YEh aksar ho bhi jaata hai 

keh koi kho bhi jaata hai 

Muqaddar ko satayo gay 

To phir yeh so bhi jaata hai 

Agar tum hosla rakho

Wafa ka silsala rakho

Jo tum se pyaar kar baithay 

to us se raabta rakho

Main yeh daway se kehta hoon 

Kabhi na'kaam na ho gay 

Mohabbat ko samjh jaao

Kabhi bad'naam na ho gay 

Main yeh nahin kehti keh koi dil main na samaye

Main yeh nahin kehti 

Keh  koi dil main na samaye 

Main yeh nahin kehti

Keh koi Aarzoo na ban paye

Par !

Itna zaroor kehna hai 

Agar samjh sako to 

Yeh samjh lo

Keh dil main kabhi kisi ko itni jaga na do 

Keh dil kay liye dharakna hi

Mushkil ho jaye

Tooti hai meri neend , magar tum ko is se kya

Tooti hai meri neend , magar tum ko is se kya 

Bajtay rahay hawaon se dar tum ko is se kya 

Tum moj moj misal-e-saba ghoomtay raho

Kat jayein meri soch kay par , tum ko is se kya 

Tum ne to thak kay dasht main khaimay laga liye 

Tanha katay kisi ka safar , tum ko is se kya

Main ne phir teray tasawur kay kisi lamhay main

Main ne phir teray tasawur kay kisi lamhay main

Teri tasveer pe lab rakh diye Aahista se

Jo khabar ponchi yahan tak asal surat main na thi

Jo khabar ponchi yahan tak asal surat main na thi

Thi khabar achi magar , ehal-e-khabar achay na thay

Bastiyon ki zindagi main be'zari ka zulam tha

Log achay thay wahan kay , ehal-e-zar achay na thay

Hum ko khubaan main nazar aati theinkitni khoobiyan 

Jis qadar achay lagay thay , is qadar achay na thay 

Is liye aayi nahin ghar main mohabbat ki hawa

Is mohabbat ki hawa kay , muntazir achay na thay 

Ik khayal-e-khaam hi murshad tha in ka aye

Yehni apnay shaher main Ehal-e-nazar achay na thay

Wussat-e-ishq main tang'dili ka Aalam to dekhiye

Wussat-e-ishq main tang'dili ka Aalam to dekhiye 

Ek ko chahna , faqat usi ko chahna aur phir kuch na chahna

Nashay main sambhalnay ka fun youn hi nahin aaya Sahib

Nashay main sambhalnay ka fun youn hi nahin aaya Sahib

Un ki zulfon se seekha hai lehra kay sanwar jana

Loat jaata phir se uss kay paas magar kya faida ?

Loat jaata phir se uss kay paas magar kya faida ?

Na dil raha , na pyaar raha , na dil ko uss par aetabaar raha

Be'rukhi se sun'nana dard-e-dil ki daastan

Be'rukhi se sun'nana dard-e-dil ki daastan 

Woh kalaai main tera kangan ghumaana yaad hai

Kitni tashreeh karon uss zaalim kay husan ki

Kitni tashreeh karon uss zaalim kay husan ki 

Poori ik kitaab to bas honton pe hi khatam hoti hai

Yahan alfaaz biktay hain , tijaarat hai takhiyul ki

Yahan alfaaz biktay hain , tijaarat hai takhiyul ki 

Mohabbat aik paisha hai , tumharay shaher main "Mohsin"

Ishq teri intihaa , ishq meri intihaa ?

Ishq teri intihaa , ishq meri intihaa ?

Tu bhi abhi na'tamaam , main bhi abhi na'tamaam

Main leh'lahaati hui shaakhon ko samjha thi zindagi

Main leh'lahaati hui shaakhon ko samjha thi zindagi 

Patta gira to dars-e-fana day gaya mujhay

Suna hai is mohabbat main bhout nuksaan hota hai

Suna hai is mohabbat main 

Bhout nuksaan hota hai 

Mehakta jhoomta jeevan 

Ghamon kay naam hota hai 

Suna hai chain kho kar woh 

Sehar se shaam rota hai 

Mohabbat jo bhi karta hai 

Bhout badnaam hota hai 

Suna hai is mohabbat main 

Kahin bhi dil nahin lagta 

Bina us kay nigahon main 

Koi mousam nahin jachta

Khafa jis se mohabbat ho 

Woh jeevan bhar nahin sota 

Bhout anmol hai yeh dil 

Ujar kay phir nahin basta 

Mehtaab wohi , gul wohi barsaat wohi hai

Mehtaab wohi , gul wohi barsaat wohi hai 

Ik tu hi nhain warna her ik baat wohi hai 

Badla hi nahin dil main teri yaad ka mousam 

Tanhai wohi , dard wohi raat wohi hai 

Mehfil main teri shor bhout hai magar ab bhi 

Pabandi se izhaar-e-khiyalat wohi hai 

Saanson main basi rehti hai ik yaad ki khushboo

Mehsoos yeh hota hai meray saath wohi hai

Meray likhye huye lafz bheeg gaye baarishon kay bahanay

Meray likhye huye lafz bheeg gaye baarishon kay bahanay 

Phir woh shamma bhi bujh gayi hawaon kay bahanay 

Gham yeh nahin keh sirf woh juda huwa mujh se 

Dukh to yeh hai keh baharain rooth gayein khizaon kay bahanay 

Mujhay to lagti hai saazish in parindon ki bhi dosto 

Mujhay dekhtay hi jo urr gaye fizaon kay bahanay 

Badlay huye dekhtay hain raat ko chand kay bhi tevar 

Mujhay chatt pe dekh kar chup gaya baadlon kay bahanay 

Abhi to ikhtiyar nahin in aankhoin par bhi 

Bheeg jaati hain aksar ussay bhulanay kay bahanay

Main ne haq-e-mohabbat adda kiya

Main ne haq-e-mohabbat adda kiya 

NA kabhi kisi se gila kiya 

Mujhay ajab is ka sila mila 

Mujhay dil se uss ne bhula diya 

Mohabbaton ki kitaab ka 

Her ik warq jala diya 

Woh jo Aarzoo ka chragh tha

Ussay nafraton ne bhujha diya 

Mujhay zakham phir ik naya diya 

Mujhay is mohabbat ne kiya diya 

Woh jo kehtay thay tum chup raho 

Woh jo kehtay thay udaas na ho 

Woh jo kehtay thay tum hansa karo 

Mujhay aaj unho ne rula diya

Jab lay kar mera naam pukara uss ne sar-e-mehfil

Jab lay kar mera naam pukara uss ne sar-e-mehfil 

Ban ban kar kai log meray naam kay uthaye

Iss tarah de gaya ik shakhs hawalay apnay

Iss tarah de gaya ik shakhs hawalay apnay 

Jis tarah chaand lutaata hai ujaalay apnay 

Aik hasrat hai keh jee bhar kay na dekha us ko 

Aik armaan hai keh armaan na nikaalay apnay 

Main woh tinka keh sar-e-moj kahin kho jaaon 

Tu woh dariya jo kinaray bhi baha lay apnay 

Dekh kar shaam-o-sehar faiz risaani teri 

Kitnay chotay nazar aatay hain piyalay apnay 

Mai barasti hai wahan aaj bhi her waqat "Qateel"

Meray saaqi ne jahan jaam uchaalay apnay

Be'faiz rafaqat main samar kis kay liye tha

Be'faiz rafaqat main samar kis kay liye tha 

JAb dhoop thi qismat to shajar kis kay liye tha

Pardes main sona tha to chatt kis kay liye daali 

Baahir hi nikalna tha to ghar kis kay liye tha 

Jis khaak se phoota hai usi khaak ki khushboo

Pehchaan na paya to hunar kis kay liye tha 

Ae madar geeti teri hairat bhi baja hai 

Teray hi kaam na aaya to sar , kis kay liye tha 

Youn shaam ki dehshat main sar-e-dasht iraada 

Rukna tha , to phir sara safar kis kay liye tha 

Hamaray darmiyaan aisa koi rishta nahin tha

Hamaray darmiyaan aisa koi rishta nahin tha 

Teray shaano pe koi chatt nahin thi 

Meray zimay koi aangan nahin tha 

Koi wada teri zanjeer-e-paa bananay nahin paya 

Kisi iqraar ne meri kalaai ko nahin thaama 

Hawa-e-dasht ki manind 

Tu azaad tha 

Raastay teri marzi kay tabeh thay 

Mujhay bhi apni tanhai pe

Dekha jaye to 

Poora tasraf tha 

Magar jab aaj tu ne rasta badla

To kuch aisa laga mujh ko 

Keh jaisay tu ne mujh se be'wafai ki !!