Imran's Poetry: 06/22/14

Jun 22, 2014

In udasiyon ki khabar dar-e-yaar tak to jaye

Meri aah ka asar us paar tak to jaye

Main kal bhi tha akela main aaj bhi tanha

Meri khilwaton ki khabar meray yaar tak to jaye

Palkon pe sitaron ki manind jhil'milatay rehty hain

Meray yeh ansoo aksar hi gun'gunatay rehtay hain

Ik inhi se to rah-o-rasam bani hai apni

Kaisay rokon yeh to aksar atay jatay rehtay hain

Baray zor-o-shor se chal raha hai kaar-o-baar-e-mohabbat

Kahin chahatein bik rahi hain , kahin log badal rahay hain

Adatan tum ne kar diye wade

Adatan hum ne aitabaar kiya

Teri raahon main bar ha ruk kar

Hum ne apna hi intizaar kiya

Ab na mangain gy zindagi ya'rab

Yeh gunnah hum ne ik baar kiya

Zindagi tujh se umeed-e-wafa kiya rakhon

Jab mujhay chor gaye dost puraanay meray

Bhout sataya hai kisi ki be'bas yaadon ne

Ae raat tu guzr jaa ab roya nahin jaata

Warna dil main to moharram ky siwa kuch bhi nahin

Janey kiya dhoondtay rehtay hain chara gar mujh main

Meray pehlu main teray gham ky siwa kuch bhi nahin

Eid ka bharam rakha pehan ky naye kapray

Warna dil main to moharram ky siwa kuch bhi nahin

Janey kiya dhoondtay rehtay hain chara gar mujh main

Meray pehlu main teray gham ky siwa kuch bhi nahin

Eid ka bharam rakha pehan ky naye kapray

Warna dil main to moharram ky siwa kuch bhi nahin

Bhout hifazat se rakha hai in chraghon ko

Bujhtay bujhtay bhi hawaon se ulajh partay hain

Dekh firaon kay lehjay main baat na kar

Hum to pagal hain Khudaon se ulajh partay hain

Reaza reza bikhra hoon main ji ki choton se

Mujh ko pathar dil kehtay hain pathar jaisay log

Teray waday pe kahan tak Mera dil faraib khaye

Teray waday par kahan tak mera dil fraib khaye

Koi aisa kar bahaana keh meri aas hi toot jaye

Husan kharido gy to bikhar jao gy

Husan kharido gay to bikhar jaao gay

Paao gay mohabbat to sanwar jaao gay

Zindagi chan'chal hai , khoobsurat safar hai

Baant kar hansi guzaaro gay to nikhar jaao gay

Bas aik aakhri khwaish hai tum se

Ik shaam meray naam ki sajao to sahi

Apni veeraan zindagi main hamain bulao to sahi

Is baar meri mohabbat ko azmao to sahi

Ab dil ki tamana hai keh kaash aisa ho jaye

Ansoo ki jaga aankh se hasrat nikal jaye

Yeh soch kar gham ky kharidaar aa gaye

Hum khwaab bechney sar-e-bazaar aa gaye

Ab dil main hosla na sak'kat baazon main hai

Ab keh muqabalay pe meray yaar aa gaye

Awaaz de ky chup gayi her baar zindagi

Hum aisay sada dil thay keh her baar aa gaye

Hum kaj ada chraagh keh jab bhi hawa chali

Takon ko chor kar sar-e-dewaar aa gaye

Phoolon ki aarzoo main baray zakham khaye hain

Lakin chaman kay khaar bhi ab tak paraiye hain

Is par haraam hain gham-e-doraan ki talkhiyaan

Jis kay naseeb main teri zulfon kay saye hain

Gham-e-zeest ka aa gaya tha khyal

Bari door tak muskurata gaya

Meri awaragi main kuch dakhal hai tumhara bhi Mohsin

Tumhari yaad aati hai to ghar acha nahin lagta

Be kali , be khudi kuch aaj nahin

Be'kali , be'khudi kuch aaj nahin

Aik muddat se woh mizaaj nahin

Dard agar yeh hai to mujhay bas hai

Ab dawa ki kuch ehtiaaj bahin

Hum ne apni si ki bhout lakin

Marz-e-ishq ka ilaaj nahin

Shaher-e-khoobi ko khoob dekha "Mir"

Jins-e-dil ka kahin riwaaj nahin

Hai tamana keh saal-e-noo tujh ko

Dua-e-saal-e-no

HAi tamana keh saal-e-no tujh ko

Her mussarat se ham'kinaar karay

Khil uthain phool teray aangan main

Tu agar khwaish-e-bahaar karay

Muskurahat ho labon pe raqsaan

Sara aalam tujh hi se pyaar karay

Tujh se her ranj door ho jaye

Her khushi tujh pe jaan nisar karay

Teray aangan main qaaflay utrain

Jhilmilaatay huye sitaaron kay

Ho kay be'ikhtiyaauth jayein

Teri jaanib qadam baharon kay

Her nayi subha teray daman main

Chahaton kay gulaab bhar jaye

Her haseen shaam apni raa'naai

Teray khawabon kay naam kar jaye

Dekh kay teray rukh ki sha'daabi

Rang-e-qos-e-qaza nikhar jaye

Muskuraati sada hayaat rahay

Teray qadmon main kainaat rahay

Gham na dil main kabhi ugaagar ho

Shaadmaani tera muqadar ho

Aanay walay dino ki ta'baani

Jaanay walay dino se barh kar ho

Aanay walay dino ki ta'baani Jaanay walay dino se barh kar ho

Dua-e-saal-e-no

HAi tamana keh saal-e-no tujh ko

Her mussarat se ham'kinaar karay

Khil uthain phool teray aangan main

Tu agar khwaish-e-bahaar karay

Muskurahat ho labon pe raqsaan

Sara aalam tujh hi se pyaar karay

Tujh se her ranj door ho jaye

Her khushi tujh pe jaan nisar karay

Teray aangan main qaaflay utrain

Jhilmilaatay huye sitaaron kay

Ho kay be'ikhtiyaauth jayein

Teri jaanib qadam baharon kay

Her nayi subha teray daman main

Chahaton kay gulaab bhar jaye

Her haseen shaam apni raa'naai

Teray khawabon kay naam kar jaye

Dekh kay teray rukh ki sha'daabi

Rang-e-qos-e-qaza nikhar jaye

Muskuraati sada hayaat rahay

Teray qadmon main kainaat rahay

Gham na dil main kabhi ugaagar ho

Shaadmaani tera muqadar ho

Aanay walay dino ki ta'baani

Jaanay walay dino se barh kar ho

Ussay ganwa ky is tarah zinda hoon mohsin

Jis tarah tez hawa main chraagh jalta hai

Dasht-e-tanhi main Ae jaan-e-jahan larzaan hain

Teri awaaz ky saaye teray honton ky saraab

Dasht-e-tanhai main doori ky khas-o-kaal tlay

Khil rahain hain teray pehloo ky saman aur gulaab

Uth rahi hai kahin qurbat se teri saans ki aanch

Apni kushboo main sulagti hui madham madham

Door ufaq paar chamakti hui qatra qatra

Gir rahi hai teri dil'daar nazar ki shabnam

Is qadar pyaar se ae jaan-e-jahan rakha hai

Dil ky rukhsaar pe is waqat teri yaad ne hath

Youn gumaan hota hai garcha hai abhi subh-e-firaaq

Dhal gaya hijar ka din aa hi gayi wasal ki raat

Udaasi, shaam , tanhai , kasak yaadon ki be'chaini

Mujhay sab somp kar suraj utar jaata hai paani main

Kiya aisay kam'sukhan se koi guftagoo karay

Jo mustaqil sakoot se dil ko lahoo karay

Ab to hamain bhi tark-e-mrasam ka dukh nahin

Par dil yeh chahata hai kej aghaz tu karay

Teray baghair bhi to ghaneemat hai zindagi

Khud ko ganwa ky kon teri justagoo karay

Ab to yeh arzoo hai keh woh zakham khaye

Ta zindagi yeh dil na koi arzoo karay

Tujh ko bhula ky dil hai woh sharminda-e-nazar

Ab koi hadsa hi teray ru'baru karay

Hum na hon gy , koi hum sa ho ga

Ishq jab zamzama paira ho ga

Husan khud mehav-e-tamasha ho ga

Daaim abaad rahy gi duniya

Hum na hon gy , koi hum sa ho ga

Hum tujhay bhool ky khush baithay hain

Hum sa be'dard koi kiya ho ga

Phir sulagney laga sehra-e-khyal

Abar ghir ky kahin barsa ho ga

Phir kisi dehaan ky sad raahay par

Dil hairat zada tanha ho ga

Shaam se soch raha hoon nasir

Chaand kis shaher main utra ho ga

Ae dost hum ne tark-e-mohabbat ky bawajood

Mehsoos ki hai teri zaroorat kabhi kabhi

Dil main kisi ki yaad ky nashtar utar gaye

Kitnay sitaray aankh se tooty bikhar gaye

Aa jaye keh aap ko tarsay hai ab nigha

Dekha nahin hai hum ne bhout din guzar gaye

Kisi ki yaad main ab aisa bhi haal kiya karna

Keh jo mila nahin us ka malaal kiya karna

Ab aisa kiya hua tum jaan haar baithi ho

Zara se hijar pe khud ko nidhaal kiya karna

Ussay bhulana bari baat to nahin phir bhi

Ussay bhulanay ka koi kamaal kiya karna

Yeh zindagi to faqat rog ban gayi hai

Dil-e-tabbah ka her pal khyal kiya karna

Husan-e-kirdaar se tu is qadar noor-e-mujasam ho ja keh

Iblees bhi tujhay dekhay to musalmaan ho jaye

Woh ayein ghar main hamaray khuda ki qudrat hai

Yeh jo hum hijar main dewwar-o-dar ko dekhtay hain

Kabhi saba ko kabhi naama-e-bar ko dekhtay hain

Woh ayein ghar main hamaray khuda ki qudrat hai

Kabhi hum un ko kabhi apnay ghar ko dekhtay hain

Mujh se kehta hai kabhi dil main malaal atay hain

Kaisay kaisay meray dushman ko sawaal atay hain

Yeh jo hum rotay hain chuph kar kabhi tanhai main

Rafta rafta tujhay aankhon se nikaal atay hain

Hum mohabbat pe bhi ehsaan koi rakhtay nahin

Naikiyaan kartay hain dariyaon main daal atay hain

Woh samnay aaya to ajab saaniha hua

Her lafz-e-shikayat ne khud kushi kar li

Hum se kiya poochtay ho hijar main kiya kartay hain

Teray loat anay ki din raat dua kartay hain

Ab ko hont nahin in ko churaney atay

Meri aankhon main agar ashak hua kartay hain

Teri tu janey , par ae jan-e-tamana hum to

Saans ky sath tujhay yaad kartay hain

Teri tasveer laga letay hain hum seenay se

Phir teray khat se teri baat kiya kartay hain

Gar tujhay chorney ki soch bhi aye dil main

Hum to khud ko bhi wahin chor dia kartay hain

Tujhay kaisay bhulata main

Tujhay main bhool to jata

Magar teray taa'aluq se

Jo chaheray samney aye

Jo rastay samney aye

Jo lamhay samney aye

Jo rishtay samney aye

Inhain kaisay bhulata main

Tujhay kaisay bhulata main

Mohabbat ki haseen raahon par

Main mohabbat ki haseen raahon pe

Bikhar jata hoon

Sar-e-shaam

Is tarah jaisay

Khizaan ky mousam main

Sookhay patay bikharney lagtay hain

Ussay kaho keh ab main saans lena chahta hoon

Meray wajood se yaadon ki rasiyaan khol dy

Ya rab us ki aankh ki ronaq

Hont ki shokhi

Tan ka joban

Ya rab us ki aankh ka kajal

Gaal ki surkhi

Dil ki dharkan

Ya rab us ky mann ki khushiyan

Dil ki chahata , rooh ki raahat

Us ky saray rishtay natay

Sangi sathi dost woh saray

Us ky ghar ky pairr ky patay

Qadmon se mas hotay zray

Us se jurri her shay her rishta

Her lamha her geet her naghma

Us ky sukh ka her ik mousam

Ya rab sada sla

Woh is andaaz ki mujh se mohabbat chahata hai

Meray her khwaab par apni hakoomat chahata hai

Woh kehta hai main us ki zaroorat ban chuka hoon

To goya woh mujhay hasb-e-zaroorat chahta hai

Ehsaas-e-tanhai bhout hi barh jata hai

Sard mousam aur teri yaad jab bhi yak'ja hon

Barishon ky udaas mousam main

Khud ko dekhon to yaad aye koi

Kaash ik baar youn bhi ho jaye

Main pukaroon to loat aye koi

Na neend hai aankhon main na hi koi hasrat

Kitna sada sa reh gaya hoon main teray baghair

Mujhay bhi yaad kar lena

Chalo mana

Kisi saa'at , kisi lamhay

Kisi din ya kisi shab main

Ya haftay main , maheenay main

Tumhain fursat nahin , socho mujhay

Lakin koi tehwaar aye to

Kisi ko tum galay se jab lagao to

Mujhay bhi yaad kar lena

Tujhay her baat pe meri zaroorat parti

Kaash main bhi aik jhoot hota

Aaj main khud se ho gaya mayoos

Aaj ik yaar mar gaya mera

Main bhi bhout ajeeb hoon

Main bhi bhout ajeeb hoon , itna ajeeb hoon keh bas

Khud ko tabbah kar liya aur malaal bhi nahin

Woh mujhay zindagi samjhta hai

Kiya ussy mera aaitabaar nahin

Ab Kis khwaab ki tabeer mangatay ho tum duaon main

Woh judai ka khwaab to poora ho chuka

Tum bin jiya jaye kaisay

Kaisay jiya jaye tum bin

Sadiyon se lambi hain raatein

Sadiyon se lambay huwey din

Aa jao loat kar tum

Yeh dil keh raha hai

Phir shaam-e-tanhai jagi

Phir tum yaad aa rahay ho

Phir jaan nikalnay lagi

Phir mujh ko tarpa rahay ho

Is dil main yaadon ky mele hain

Tum bin bhout hum akelay hain

Aa jao loat kar tum

Yeh dil keh raha hai

Kiya kiya na socha tha main ne

Kiya kiya na sapnay sajaye

Kiya kiya na chaha tha dil ne

Kiya kiya na armaan jagaye

IS dil se toofan guzartay hain

Tum bin jeetay na martay hain

Aa jao loat kar tum

Yeh dil keh raha hai

Hum aksar nikal jatay hain biyabano main abaas

Suna hai wafa wale tanhai main rehtay hain

Tum se be'wafai ka koi gila nahin hai

Hum to faqat apna raqeeb dhoondty hain

Aya tha ik shakhs meray gham bantany

Rukhsat hua to apny bhi gham dy gaya mujhay

Tum yaad nahin kartay to hum gila kiyon karain

Suna hai khamoshi bhi ik ada hai mohabbat nibhany ki