koi khwahish meri tum bin pori na hogi

koi khwahish meri tum bin pori na hogi
tum sath ho tu khushi koi adhori na hogi 

mana k zindagi ka safer buhat taveel hai
tum sang ho to mahsoos ye doori na hogi

bun  jao agar tum kabi zindagi jo meri 

koi aur dua phir itni zaroori na hogi

Sawan ne bhi kisi se pyar kiya tha

 
Sawan ne bhi kisi se pyar kiya tha
 us ne usy badal ka naam dia tha

 rote thy dono 1 dusre ki judai mein  
Aur logo ne usy barish ka naam dia tha  
 

              
                       

                        

main kisi our ki hun itna bta kar roi

main kisi our ki hun itna bta kar roi

 mujay mehndi lagay hath dikha kr roi 

 main be-qasoor hoon qudrat ka faisla hai yeh

 lipat k muj se wo bus itna bta k roi

 muj pe aik karb ka toofan ho gya hayel  

jab mery samny khat mery jala kar roi

 meri nafrat aur adawat pighal gai pal mein

 woh bewafa hai to q muj ko rula kr roi

 sb shikwy mery 1 pal mein beh gaye wasi

jheel si aankhon mein jb aansu sja kar roi

Poet : Wasi shah

Kuch tum se mohabat aisi thi

Kuch tum se mohabat aisi thi
hum batein karna bhool gaye 

kuch or hi hum ne keh dala jo kehna tha
wo bhool gaye hum ne to kaha tha
lout a na par hum to ana bhool gaye 

huwi rat falak par tary thy
hum diya jalana bhool gaye 

mein sahil par betha hi raha

 tum kashti lana bhool gaye

 ab kaisa gila main tum se karon

 jab naseeb hi mujh ko bhool gaye

 hum tum se khafa bethy hi rehay

 tum hum ko mana'na bhool gaye

Chahat main kiya duniya dari ishq main kaisi majboori

Chahat main kiya duniya dari ishq main kaisi majboori

Logon ka samjhaney do , un ki apni majboori

Main ne dil ki baat rakhi aur tu ne duniya walon ki 

Meri arz bhi majboori thi, Un ka hukam bhi majbori

Rok sako to pehli barish ki bon'don ko tum roko

Kachi mati to mehkay ge hai mati ki majboori

JAb tak hansta gata mousam apna hai sab apney hain

Waqat paray to yaad a jati hai masno'ei majboori majboori

Mudat guzri ik waday par aj bhi qayam hain Mohsin

Hum ne sari umar nibha'e Apni pehli majboori

Poet : Mohsin Bhopali

Main dil pe jabar karaon ga tujhay bhula doon ga

Main dil pe jabar karaon ga tujhay bhula doon ga

Maron ga khud bhi tujhay bhi kari saza doon ga

Yeh tairagi meray ghar ka hi muqadar kyn ho

Main teray shaher ke saray diye bujha doon ga

Hawa ka hath bata'yon ga her tabahi main

Haray shajar se prinday main khud ura'on ga

Wafa karon ga kisi sogwaar chaheray se 

Purani qabar pe katba naya saja doon ga

Isi khyal main guzri hai Shaam-e-dard aksar

Keh dard had se barhay ga to muskura doon ga

Tu asmaan ki surat hai gir paray ga bhi 

Zameen hon main bhi magar tujh ko asra doon ga

Barha rahi hai meray dukh .nishani'yan tari

Main teray khat, teri tasveer tak jala doon ga

Bhout dino se mera dil udaas hai mohsin

Is ainay ko koi aks ab naya doon ga

Poet : Mohsin Naqvi

Yeh hum ne dekha tha Khwaab piyaray , nadi kinaray

Yeh hum ne dekha tha Khwaab piyaray , nadi kinaray

Zameen pe utray thay do sitaray , nadi kinaray

Na-janey guzray hain kitney sawan is arzoo main

Kabhi to koi hamain pukaray , nadi kinaray

Kabhi idher se guzar ke dekho to yaad ayein

Woh qaul apney wachan tumharay, nadi kinaray

Tumhain na dekha to raigaan raigaan lagay hain

Shraab, shabnam, shafaq, shraray , nadi kinaray

Tumhain na paya to moj dar moj bat gaye hain

Yeh shart hum is tarah haray , nadi kinaray

Yeh ghar ki tanhai'yan to mohsin sada rahain ge

Chalo sehar ki hawa pukaray , nadi kinaray

Poet : Mohsin Naqvi

Yeh dil yeh pagal dil mera ,kyn bujh gaya awargi

Yeh dil yeh pagal dil mera ,kyn bujh gaya awargi

Is dasht main ik shaher tha , woh kiya hua awargi

Kal shab mujhay be-shakal ki awaz ne chonka diya

Main ne poocha tu kon hai, us ne kaha awargi

Logo ! bhala is shaher main kaisay jee'ein ge hum jahan

Ho juram tanha sochna , Lakin saza Awargi

Yeh dard ki tanhayi'yan , yeh dasht ka veeran safar

Hum log ukta gaye , Apni suna awargi

Is simat waeh'shi khwaishon ki zad main paymaan-e-wafa

Is simat lehron ki dhamak , kacha ghara awargi

Kal raat tanha chaand ko dekha tha main ne khwaab main

Mohsin mujhay raas aye ge shyed sada awargi

Poet : Mohsin Naqvi

Chaand taray jab is angan se guzartay hon ge

Chaand taray jab is angan se guzartay hon ge 

Shaam woh log humain yaad to kartay hon ge

Aik yeh subha ke veeran hai guzar'gah-e-khyal 

Aik woh subha jahan baal sanwartay hon ge

JAb kabhi choriyan takra ke khanak'ti hon ge

Ghar ki tanhai main kiya rang bikhartay hon ge

Aik yeh shaam keh bheegi hui palkaien hain wohi

Aik woh shaam jahan chaand utar'tay hon ge

Poet : Mehmood Shaam

Ashak-e-rawan ki nehar hai aur hum hain dosto

Ashak-e-rawan ki nehar hai aur hum hain dosto

Is be-wafa ka shaher hai aur hum hain dosto

Yeh ajnabi se manzalain aur rafta'gaan ki yaad

Tanha'yon ka zehar hai aur humhain dosto

Lai hai ab ura ke gaye mousamon ki baas

Barkha ki rut ka qahar hai aur hum hain dosto

Dil ko hajoom nikhat mae se lahoo kiye

Raton ka pechla pehar hai aur hum hain dosto

Phirtay hain misal moj-e-hawa shaher shaher main

Awargi ki lehar hai aur hum hain dosto

Ankhon main ura rahi hai luti mehfalon ki dhool

Ibrat saray-e-dehar hai aur hum hain dosto

Poet : Munir Niazi

Dekh tu dil keh jaan se uth'ta hai

Dekh tu dil keh jaan se uth'ta hai 

Yeh duwaan sa kahan se uth'ta hai

Gor kis dil jalay ki hai yeh falak

Shola ik subha yaan se uth'ta hai

Larti hai is ki chash'me shokh jahan

Aik ashoob waan se uth'ta hai

Baith'ny kon de hai phir is ko

Jo teray ashiyaan se uth'ta hai

Youn uthay aah is gali se hum 

Jaisay koi jahan se uth'ta hai

Ishq ik mir bhari pathar hai

Kab yeh tujh na-tawan se uth'ta hai

Poet : Mir taqi Mir

Dil-e-nadaan tujhay hua kiya hai

Dil-e-nadaan tujhay hua kiya hai

Aakhir is dard ki dawa kiya hai

Hum hain mushtaaq aur woh bezaar

Ya-ilahi yeh majra kiya hai

MAin bhi munh main zubaan rakhta hoon

Kaash poocho keh muda kiya hai 

Jab keh tujh bin nahin koi moujood

Phir yeh hangama Ae khuda kiya hai

Yeh pari chahera log kaisay hain 

Ghamza-o-ashwa-o-ada kiya hai

Poet : Mirza Ghalib

Yeh na thi hamari qismat keh wasal-e-yaar hota

Yeh na thi hamari qismat keh wasal-e-yaar hota 

Agar aur jeetay rehtay yahi intizaar hota

Teray waday par jiye hum, to yeh jaan chout jana

Keh kushi se mar na jatay agar aitabar hota

Koi meray dil se poochay teray teer neem kash ko

Yeh khalish kahan se hoti, Jo jiger ke paar hota

Yeh kahan ki dosti hai keh banay hain dost naseh

Koi chara saaz hota koi gham gusaar hota

Kahon kis se main keh kiya shab-e-gham barie mila hai

Mujhay kiya bura tha marna agar aik baar hota

Huye mar ke hum jo ruswa , huye kyn na gharaq dariya

Na kabhi janaza uth'ta na kahin mizaar hota

Yeh masail-e-tasav'af , yeh tera biyaan ghalib

Tujhay hum wali samjhtay jo na bada khwaar hota

Poet : Mirza Ghalab

Teri kushboo main basay khat main jalata kaisay

Teri kushboo main basay khat main jalata kaisay 

Piyaar maon doobay huye khat main jalata kaisay
Teray hathon ke likhay khat main jalata kaisay

Jin ko duniya ki nigha'on se chupaye rakha

Jin ko ik umar klajay se lagaye rakha

Deen jin ko jinhain emaan banaye rakha

Teri kushbo main basay Khat main jalata kaisay

Jin ka her lafaz mujhay yaad tha pani ki tarah

Yaad thay mujh ko jo paygham zabani ki tarah

Mujh ko jo piyaray thay jo anmol nishani ki tarah

Teri kushboo main basay khat main jalata kaisay

Tu ne duniya ki nighaon se jo bach kar likhay

Saala saal meray naam barabar likahy

Kbhi din main tu kabhi raat ko uth kar likhay

Teri kushbo main basay Khat main jalata kaisay

Teri kushboo main basay khat main jalata kaisay 

Piyaar maon doobay huye khat main jalata kaisay
Teray hathon ke likhay khat main jalata kaisay

Teray khat aj main ganga main baha aya hon

Aag behtay huye pani main laga aya hoon

Poet : Kaifi Azmi

Apni tanhai ki palkon ko bigho lon pehlay

Apni tanhai ki palkon ko bigho lon pehlay

Phir ghazal tujh pe likhon baith ke ro lon pehlay

Khwaab ke sath kahin kho na gaye'in hon ankhain 

Jab uthon so ke to chaheray ko tat'to'lon pehlay

Meray khwabon ko hai mousam pe bhrosa kitna

Ba'ad main phool khil'ein haar pro  lon pehlay

Dekhn ahai woh khafa rehta hai mujh se kab tak

Main ne socha hai keh is baar na bol'lon pehlay

Dastakon ne mujahy woh daagh diye hain qaisar 

Woh bhi a jaye to darwaza na kho'lon pehlay

Kab talak sham'ah jali yaad nahin

Kab talak sham'ah jali yaad nahin

Sham-e-gham kaisay tal'li yaad nahin

Is qadar yaad hai apney thay sabhi 

Kis ne kiya chaal chali yaad nahin

Hum zamaney main kuch aisay bhatkay

Ab to un ki bhi gali yaad nahin

Abar tha jaam tha ap na thay

Woh ghari kaisay tali yaad nahin

Kat gaye umar kisi tarah qateel

Woh buri thi keh bhali yaad nahin

Poet : Qateel shafai

Woh dil he kiya jo teray milney ki dua na karay

Woh dil he kiya jo teray milney ki dua na karay

Main tujh ko bhool ke zinda rahon khuda na karay

Rahay ga sath tera sath zindagi ban kar

Yeh aur baat meri zindagi wafa na karay

Yeh thek hai nahin marta koi judai main

Khuda kisi ko kisi se magar juda na karay

Agar wafa pe bhrosa rahay na duniya ko

To koi shaks mohabbat ka hosla na karay

Suna hai us ko mohabbat dua'ein dati hai

Jo dil pe chot to kaye magar gila na karay

Bujha diya hai naseebon ne meray piyar ka chand

Koi diya meri palkon pe ab jala na karay

Zamana dekh chuka hai parakh chuka hai ussay

Qateel jaan se jaye yeh iltija na karay

Apney hathon ki lakeeron main saja le mujh ko

Apney hathon ki lakeeron main saja le mujh ko 

Main hoon tera to naseeb apna bana le mujh ko

Main jo kanta hoon to chal mujh se bacha ke daman

Main hon gar phool to joray main saja le mujh ko

Tark-e-ulfat ki qasam bhi koi hoti hai qasam

Tu kabhi yaad to kar bhoolney walay mujh ko

Mujh se tu poochnay aya hai wafa ke mahni

Yeh teri sada dili maar na dalay mujh ko

Main samandar bhi hoon .moti bhi hoon , gohta zan bhi

Koi bhi naam mera le ke bula le mujh ko

Tu ne dekha nahin ainey se agay kuch bhi

Khud parasti main kahin tu na ganwa le mujh ko

Bada phir bada hai main zehar bhi pee jayon qateel

Shart yeh hai koi banhon main sambhalay mujh ko

  Poet : Qateel shafai

Kabhi kaha na kisi se teray fasaney ko

Kabhi kaha na kisi se teray fasaney ko

Na janey kaisay khabar ho gi zamaney ko

Chaman main barq nahin chorti kisi surat

Tarah tarah se banata hon ashiyane ko

Dua bahar ki mangi to itney phool khilay

Kahin jaga na rahi meray ashiyane ko

Chaman main jana to siyaad dekh bhaal ana

Akela chor ke aya hoon ashiyane ko

Meri lahad pe patangon ka khoon hota hai

Hazoor shama na laya karain jalaney ko

Suna hai keh ghair ki mehfil main tum na jayo ge

Kaho to aj saja lon ghreeb khaney ko

Daba ke qabar main sab chal diye dua na salam

zara se dair main kiya ho ga zamaney ko

Ab agay is main tumhara bhi naam aye ga

Jo hukam ho to yahin chor don fasaney ko

Qamar zara bhi nahin tum ko khauf-e-ruswai 

Chalay ho chandni shab main unhain bulaney ko

Poet : Qamar jalalvi

Hum tum hon ge badal ho ga

Hum tum hon ge badal ho ga

Raqas main sara jungle ho ga

Wasal ki shab aur itni kali

In ankhon main kajal ho ga

Kis ne kiya me-maiz hawa ko 

Shayed un ka anchal ho ga

Piyaar ki raah pe chalney walo

Rasta sara dal'dal ho ga

Poet : Farooq Rokari

Iqraar gaye inkaar gaye hum haar gaye

Iqraar gaye inkaar gaye hum haar gaye

Ankhon se sab Asaar gaye hum haar gaye

Kuch yadaein is ke beech samandar doob gaye

Kuch sapney rah is paar gaye hum haar gaye

Jab tanha apni zaat se jung pe niklay to

Bhagwan gaye otaar gaye hum haar gaye

Ik umar rahay hain jeet se be-parwa lakin

Jab jeetna chaha haar gaye hum haar gaye

Youn uljhay duniya ke dukh main be-sudh ho kar

Sab jhootay sachay piyaar gaye hum haar gaye

Pehlay to preet main apney ap se door huye

Phir yaar gaye dildaar gaye hum haar gaye

Poet : Farhat Abaas Shah

Gulon main rang bharay bad-e-no bahar chalay

Gulon main rang bharay bad-e-no bahar chalay

Chalay bhi ayo keh gulshan ka karobaar chalay

Qafas udaas hai yaroo saba se kuch to kaho

Kahin to behare khuda aj zikr-e-yaar chalay

Kabhi to subha teray kanj lab se ho aghaz

Kabhi to shab sar-e-kakal se mushkbaar chalay

Bara hai dard ka rishta yeh dil ghreeb sahi

Tumharay naam pe ayein ge ghamgusaar chalay

Jo hum pe guzri so guzri magar shab-e-hijran

Hamaray ashak teri aqbat sanwaar chalay

Hazoor-e-yaar hui daftar-e-junoon ki talab

Girah main le kay girabaan ka tar tar chalay

Maqam, faiz koi raah main jacha hi nahin

Jo koy-eyaar se niklay to sooy-edaar chalay

Poet Faiz Ahmed Faiz