Woh pani ki lehron pe kiya likh raha tha

Woh pani ki lehron pe kya likh raha tha 

Khuda janay harf-e-dua likh raha tha 

Likha jis ne naval wafa ka adhura 

Woh hi pyar ki intihaa likh raha tha 

Bhala kartay kartay guzri jawani 

Magar phir bhi khud ko bura likh raha tha 

Mohabbat main nafrat mili thi ussay 

Jo her shakhs ko be'wafa likh raha tha 

Zara us ki aankhon se aansoo na niklay 

Woh jis waqat lafz-e-saza likh raha tha 

Nimaz-e-mohabbat main woh apni 

Huye thay jo sajday qaza likh raha tha

Ae moj-e-hawa tu hi bata woh yaar hamara kaisa hai

Ae moj-e-hawa tu hi bata 

Woh yaar hamara kaisa hai 

Jo bhool chuka hai hamein kab se

Woh jaan se payara kaisa hai ?

Kya us kay jeevan lamhon main 

Koi lamha mera baqi hai ?

Kya us ki jaagti aankhon main 

Meri yaad abhi bhi baqi hai ?

Agar aisa nahin to tu hi bata

Hum yaad ussay kiyon kartay hain ?

Woh hum se bichar kar khush hai agar 

To pal pal hum kiyon martay hain

Hasrat-e-deed ko tarsaa ky chala jaaon ga

Hasrat-e-deed ko tarsaa kay chala jaon ga 

Teri ulfat ki qasam kha kay chala jaon ga 

Ik nazar door se dekhon ga dar-o-baam teray 

Deeda-e-shouq ko tarpaa kay chala jaon ga 

Aik barsay huye badal ki tarah guzra hoon 

Moj main aaya hoon lehraa kay chala jaon ga 

Raat ki raat musafir hoon teri basti main 

Shab ka tara hoon , nazar aa kay chala jaon ga

Youn teri chahatein sambhali hain

Youn teri chahatein sambhali hain

Jaisay Eidi ho meray bachpan ki

Phir mujhay deeda-e-tar yaad aya

Phir mujhay deeda-e-tar yaad aaya 

Dil jigar tishna-e-fariyad aaya 

Dam liya tha na qayamat ne hanooz

Phir tera waqat-e-safar yaad aaya 

Zindagi youn bhi guzar hi jati 

Kiyon tera raah'guzar yaad aaya 

Phir teray koochay ko jata hai khayal 

Dil-e-gam'gashta magar yaad aaya 

Main ne majnoo pe lark'pan main "Asad"

Sang uthaya tha keh sar yaad aaya

Mujhay jab bhi woh milta hai wafaon sa lagta hai

Duaon sa lagta hai 

Mujhay jab bhi woh milta hai wafaon sa lagta hai 

Bari shiddat se maangi jo , duaon sa lagta hai 

Tujhay kaisay bhula paaon , jahan sara her lamha 

Tumharay pyar se mehki adaaon sa lagta hai 

Guzarta kis tarah ho ga khathan yeh waqat us kay bin 

Palat kar pyar ki aati sadaon sa lagta hai 

Sitam itnay huye hum par mohabbat ki raahon main 

Hamein ab lafz chahat ka jafaon sa lagta hai 

Sitam se dil hua tukray khula yeh raaz "Aabar " par 

Shehen shah bhi mohabbat main gadaon sa lagta hai

Bhout khamoshi se toot gaya

Bhout khamoshi se toot gaya 

Woh jo ik maan tum par tha

Chehra akaas dil ki halchal ka

Chehra akaas dil ki halchal ka 

Surkh aankhon se rat'jaga chalka 

Zakham kuch aur khil gaye sil kar 

Meri her por se lahu chalka 

Kho kay tujh ko yeh aagahi paai 

Tera milna to khawab tha pal ka 

Ik zamana hua milay tujh se

Phir bhi lagta hai waqiya kal ka 

Raat chanda ko dekh kar yak dam 

Dard apna mujhay laga halka 

Suno main yeh nahin kehti

Suno ! yeh main nahin kehti !

Hatheli ka larazta deep kehta hai 

Azal se ta abad janaa !

Falak kay chaand taron se

Meri dharti kay zarhon se

Paharon ki bulandi se

Saba ki shokiyon se

Aur phoolon ki malahat se

Tapish khorasheed ki aur chand ki ru pehli kirno se

Ufaq ki wusaton seaur neelgon gehray samandar se

Kahin ziyada kahin barh kar 

Mujhay tum se mohabbat hai

Nadani ki had hai zara dekho to ussay

Nadani ki had hai zara dekho to ussay 

Mujhay kho kar woh meray jaisa dhoond raha hai

Abhi tak sada rakha hai yeh kaaghaz apni chahat ka

Abhi tak sada rakha hai yeh kaaghaz apni chahat ka

Munasib jab bhi samjhein gay koi paighaam likh dain gay 

Koi paighaam kya likhna hai ik chotay se kaaghaz par 

Hum jissay chahaty hain bas usi ka naam likh dain gay

Pehlay kabhi duniya se mohabbat nahin mangi

Pehlay kabhi duniya se mohabbat nahin maangi 

Yeh qehat teray hijar kay doraan para hai

Chand nikla ,na tum ne di dastak

Chand nikla ,na tum ne di dastak

Aaj ki shaam kitni bojhal hai

Mujhay na dil se nikalna tum

Mujhay na dil se nikaalna tum 

Shafaq ki chilman se

Roshni ki haseen kirnein 

Tumharay rukh ki taraf barhi hain 

Zara nazar ko sambhalna tum 

Sehar kay aangan main 

Ho gayi hai saba ki masti 

Gulon kay naqs-o-nigaar

Rangat badal rahay hain 

Mujhay na dil se nikaalna tum 

Yeh zard rut ka moheet saya 

Kahin na ehsaas ko kuchal de

Andheri shab par sawar hai 

Meri soch ka be'chragh ujaala

Lahu ki barsat main ho kaisay 

Amar mohabbat 

Main zard patton ki tarah bikhra para hoon 

Bahar ki aarzoo main 

Meray badan ki laali 

Siyah shab main badal gayi hai 

Falak se koi sitara laa kar 

Meri nazar ko ujaalna tum 

Mujhay na dil se nikaalna tum

Kuch ishq tha kuch majburi thi so main ne jeewan waar diya

Kuch ishq tha kuch majburi thi so main ne jeewan waar diya 

Main kaisa zinda aadmi thi ik shakhs ne mujh ko maar diya 

Woh ishq bhout mushkil tha magar aasan na tha youn jeena bhi 

Is ishq ne zinda rehnay ka mujhay zarf diya pindaar diya

Sham tak subha ki nazron se utar jatay hain

Sham tak subha ki nazron se utar jatay hain 

Itnay samjho to jeetay hain keh mar jatay hain 

Hum to be'naam iradon kay musafir hain "Waseem" 

Kuch pata ho to bata dain kidher jatay hain

Bhool janay ka to bas aik bahana ho ga

Bhool janay ka to bas aik bahana ho ga 

Keh behar tor ussay yaad to aana ho ga 

Koi mousam ho , mehakta rahay , shadaab rahay 

Apni aankhon ko kanwal aisa bana'na ho ga 

Band mutthi se jo urr jati hai qismat ki pari 

Us hatheli main koi chaid purana ho ga 

Zawiye us ki nigahon kay baray qatil hain 

Samnay us kay bhout soch kay jana ho ga 

Haath likhnay pe masar , khouf zamanay ka "Batool"

Pairr pe naam koi likh kay mitana ho ga 

Woh jis ka naam tha saanson main aur honton par

Ajnabi aankhein 

Woh jis ka naam tha saanson main 

Aur honton par.............

Woh por por main kuch is tarah utarta gaya ...

Her aik gosha-e-dil khud ba khud mehakta gaya ...

Hina se naam hatheli pe bhi likha us ka 

Woh aik shakhs mujhay aaj is tarah se mila 

Keh us kay chehray pe dekhi hain ajnabi aankhein ....

Ik shakhs kitabon jaisa tha

Ik shakhs kitaabon jaisa tha 

Woh shakhs zubaani yaad hua

Bhout mushkil yeh hijar ky lamhaat bhi

Bhout mushkil yeh hijar kay lamhaat bhi 

Siyah raat ki manind 

Keh ab to ashk bhi meray 

Jo teri yaad main behtay hain 

Siyah ho gaye hain

Chalay bhi Aao keh main to khud ko tumharay rangon main

Chalay bhi Aao 

Keh main to khud ko tumharay rangon 

Main rang chuka hoon 

Tumharay sanchon main dhal chuka hoon 

Tumharay kehnay pe aa kay dekho 

MAin khud ko kitna badal chuka hoon

Aaghaz youn hua tha us ne gulaab bheja

Anjaam 

Aaghaz youn hua tha 

Us ne gulaab bheja

Main ne kitab kholi 

Aur us main rakh diya woh 

Sab se ussay chupaya 

Anjaam yeh hua hai 

Kuch khushk patiyan hain 

Thori si mehak bhi 

BAs aur kuch bhi nahin hai

Humein tum se mohabbat hai

Humein tum se mohabbat hai 

Hamara dosh hai mana 

Tumhein apna jo hai jana 

Tumharay bin yeh jeewan marg jaisa hai 

Hamein jannat ka her gosha bhi goya nark jaisa hai 

Haqeeqat main agar socho 

Mohabbat main anaa ka kaam hi kya hai 

Chalo ab maan bhi jaao

Keh tum ko hum manatay hain 

Humein tum se mohabbat hai

Woh rait pe likha hua paighaam tha batool

Woh rait pe likha hua paigham tha batool 

Jaa kar hawa se jis ka pata poochtay rahay

Agar tum ne bhula dala

Agar tum ne bhula dala

Lakeeron kay ghaneray jaal main qismat nahin milti 

Bhout dhoonda .....!

Bhout dhoonda , to tab jaa kar tumhein paya 

Tumhein paya to ab dil ko yeh andesha stata hai 

Karein gay kya agar jana !

Hamein tum ne bhula dala ....!!!

Agar tum be bhula dala ......?

Na masjidon ki taraf hain na mandaron ki taraf hain

Na masjidon ki taraf hain na mandaron ki taraf hain

Meri duaein hain jaltay huye gharon ki taraf

Meri talab tha ik shakhs , woh jo nahin mila to phir

Meri talab tha ik shakhs , woh jo nahin mila to phir

Hath dua se youn gira , bhool gaya sawal bhi 

Us ki sukhan taraziyan meray liye bhi dhaal thein 

Us ki hansi main chup gaya apnay ghamon ka haal bhi 

Gaah qareeb-e-shah'rag , gaah baeed-e-wehm-o-khawab 

Us ki rafaqaton main raat hijar bhi tha wisaal bhi 

Us kay hi baazu'on main aur usi ko hi sochtay rahay 

Jism ki khwaishon pe thay rooh kay aur jaal bhi 

Shaam ki na samjh hawa pooch rahi hai ik pata 

Moj-e-hawa-e-ku-e-yaar , kuch to mera khayal bhi

Ik pashmaan si hasrat mujhay sochta hai

Ik pashmaan si hasrat mujhay sochta hai 

Ab wohi shaher mohabbat se mujhay sochta hai 

Main to mehdood se lamhon main mili thi us se

Phir bhi woh kitni wazahat se mujhay sochta hai 

Jis ne socha hi nahin tha hijar ka mumkin hona 

Dukh main doobi hui hairat se mujhay sochta hai 

Main to mar jaon agar aur sochtay lag jaon ussay  

Aur woh kitni sahulat se mujhay sochta hai 

Garcha ab tark-e-marasam ko bhout dair hui 

Ab bhi woh meri ijazat se mujhay sochta hai 

Kitna khush feham hai woh shakhs keh her mousam main 

Ik naye rukh nayi surat se mujhay sochta hai

Baat woh aadhi raat ki , raat bhi pooray chand ki

Baat woh aadhi raat ki , raat bhi pooray chand ki 

Chand bhi ain chait ka , us pe tera jamal bhi 

Ussay na paa sakay thay jab dil ka haal ajeeb tha 

Ab jo palat kay dekhtay baat bhi kuch mohaal bhi 

Meri talab tha ik shakhs jab woh nahin mila to phir 

Haath dua se youn gira bhool gaya sawal bhi

Koi moaqa nahin milta hamain ab muskuranay ka

Koi moqa nahin milta hamein ab muskuranay ka 

Bala ka shouq tha hum ko kabhi hansanay hansanay ka 

Hamein bhi tees ki lazzat pasand aanay lagi kya 

Khayal aata nahin zakhmon pe ab marham laganay ka

Faqat itna kaha tha na , hamein tum se mohabbat hai

Faqat itna kaha tha na , hamein tum se mohabbat hai 

Hamari jaan lo gay kya zara si baat kay peechay

Raat kat'ti rahi chand dhalta raha

Raat kat'ti rahi chand dhalta raha 

Aatish-e-hijar main koi jalta raha 

Ghar ki tanhaiyan dil ko dasti rahi 

Koi be'chain karwat badalta raha 

Aas-o-umeed ki shamma bhi roshan rahi 

Ghar ki dehleez ko youn hi woh takta raha 

Raat bhar chandani gun'gunati rahi 

Raat bhar koi tanha sisakta raha 

Ashk palkon pe aa kay bikhartay rahay 

Naam lab pe kisi ka larazta raha 

Raat aankhon main youn hi guzarti rahi 

Aaj phir khud se koi ulajhta raha 

Kuch raat ki aankhein bheegi thein 

Aur chand bhi rootha rootha tha 

Kuch yaadein us ki baqi thein 

Aur dil bhi toota toota tha 

Kis morr pe bichray yaad nahin 

Honton pe koi fariyad nahin 

US waday ki bhi khabar nahin 

Woh saccha tha ya jhoota tha 

Her lamha aankhein bharti hain 

Na jeeti hain na marti hain 

BAs aik dua yeh karti hain 

Woh loat kay wapis aa jaye 

Aur dil main meray bas jaye 

 

Hum pe ilzaam jo dhar jata hai

Hum pe ilzaam jo dhar jata hai 

Us ka ehsaan hai , kar jata hai 

Aap to baat faqat kartay hain 

Teer sa dil main utar jata hai 

Chandani saath hi chalti hai sada 

Jis ufaq par bhi qamar jata hai 

Chaid sa kar kay naya seenay main 

Haadsa aa kay guzar jata hai 

Dhoop taqseem jo karta hai "Batool"

Aap tareeki main mar jata hai

Dost bhi miltay hain mehfil bhi jami rehti hai

Dost bhi miltay hain mehfil bhi jami rehti hai 

Tu nahin hota to her shai main kami rehti hai 

Kuch jazeeron main kabhi khiltay nahin chahat kay gulaab 

Kuch jazeeron pe sada dhund jami rehti hai

Jo aksar kehta tha mujh ko chand gulab aur tera chehra

Jo aksar kehta tha mujh ko 

Chand gulab aur tera chehra 

Teeno aik se lagtay hain 

Shayed us ko khoob khabar thi 

Chand bana hai shab ka hissa 

Aur gulab kay sar par patt jhar 

Mujh ko dard-e-hijar mila hai !

Kaho woh chaand kaisa tha

Kaho woh chand kaisa tha 

Jidher sab kuch luta aaye 

Jidher aankhein ganwa aaye 

Kaha sailaab jaisa tha , bhout chaha keh bach niklein , magar sab kuch baha aaye 

Kaho woh hijar kaisa tha 

Kabhi chu kar ussay dekha 

To tum ne kya bhala paya 

Kaha bas aag jaisa tha , ussay chu kar apni rooh , yeh tann mann jala aaye 

Kaho woh wasal kaisa tha 

Tumhein jab chu liya us ne 

To kya ehsaas jaga tha 

Kaha ik rastay jaisa , jidher se bas guzarta tha , makan lakin bana aaye 

Kaho woh chand kaisa tha 

Falak se jo utar aaya 

Tumhari aankhon main basnay 

Kaha woh khawab jaisa tha , nahin tabeer thi su ki , ussay ik shab sula aaye 

Kaho woh ishq kaisa tha 

Bina sochay bina samjhay 

Bina parkhay kya tum ne 

Kaha titli kay rang jaisa , bhout kaccha anokha sa , jabhi su ko bhula aaye 

Kaho woh naam kaisa tha  

Jissay sehraaon aur chan'chal 

Hawaon pe likha tum ne 

Kaha bas mousamon jaisa , na'janay kis gharri , ksi pal , kis ro main mitta aaye

 

Uth Fareeda sutya charo de maseet

Uth Fareeda sutya charo de maseet 

Tu suta rab jaagda teri dadhay naal preet

Wohi wafa hai , wohi jafa hai

Mohabbaton ka mousam 

Wohi wafa hai , wohi jafa hai 

Jahan main kuch bhi naya nahin hai 

Mohabbaton ka mehakta mousam 

Suno ab tak gaya nahin hai 

Go dukhi dil ko bhout bachaya hum ne

Go dukhi dil ko bhout bachaya hum ne !!!!

Jis jaga zakham ho wahan chot sada lagti hai 

Woh chaand mera humsafar tha

Woh chand mera humsafar tha !!

Doori kay ujaar junglon main 

Ab meri nazar sr chup chuka hai 

Ik umar se main malool-o-tanha 

Zulmaat ki raah guzar main hoon 

Main aagay barhon keh loat aayon 

Kya soch kay intizaar main hoon 

Koi nahin jo yeh bataiye !!

Main kon hoon ? kis diyaar main hoon 

Suna hai log ussay aankh bhar ky dekhtay hain

Suna hai log ussay aankh bhar ke dekhtay hain 

So us ke shaher main kuch din tehar ke dekhtay hain 

Suna hai rabt hai us ki khraab haalon se

So apnay aap ko barbaad kar ke dekhtay hain 

Suna hai dard ki gaahak hai chasham-e-naz us ki 

So hum bhi us ki gali se guzar ke dekhtay hain 

Suna hai us ko bho shair-o-shairyse shaghaf

So hum bhi mohjazay apnay hunar ke dekhtay hain 

Suna hai bolay to baaton se phool jhartay hain 

Yeh baat hai to chalo baat kar ke dekhtay hain 

Suna hai raat ussay chaand takta rehta hai 

Sitaray baam-e-falak se utar ke dekhtay hain 

Suna hai din ko ussay titliyaan statai hain 

Suna hai raat ko jugnoo tehar ke dekhtay hain 

Suna hai hashar hain us ki ghazaal si aankhain 

Suna hai us ko hiran (deer) dasht bhar ke dekhtay hain

Suna hai raat se barh kar hain ka'kalain  us ki 

Suna hai shaam ko saye guzar  ke dekhtay hain 

Suna hai us ke labon se gulaab jaltay hain 

So hum bahaar pe ilzaam dhar ke dekhtay hain

Suna hai aaiyna-e-tamsaal hai jabeen us ki 

Jo sada dil hain ussay aah bhar ke dekhtay hain 

Suna hai us ke badan ki taraash aisi hai 

Keh phool apni qubaein kutar ke dekhtay hain 

Bas ik nigah se lut'ta hai qaflaa dil ka 

So reh'waan-e-tamana bhi dar ke dekhtay hain 

rukay to gardashain us ka tawaaf karti hain 

Chalay to us ko zamanay tehar ke dekhtay hain 

Kahaniyaan hi sahi , sab mubaalgay hi sahi 

Agar woh khwaab hai tabeer kar ke dekhtay hain 

Ab us ke shaher main tehrain keh kooch kar jayein 

"Faraz" aao sitaray safar ke dekhtay hain

Woh jo apnay aap main mast ho

Woh jo apnay aap main mast ho 

Mujhay us hansi ki talash hai

Basi hui thi lakeeron main taqdeer ki sitan gari

Basi hui thi lakeeron main taqdeer ki sitan gari 

Ro pari dua bhi jab kabhi haath uthay

Ab ghami aur khushi kya hai

Ab ghami aur khushi kya hai 

Bin teray bhi zindagi kya hai 

Rukh kab se to phairay baithay hain 

Aankhon main phir nami kya hai 

Dil hi nahin ab ghar bhi khaali hai 

Halaat ki ab'tari kya hai 

Woh to dost naye bana le ga 

Us be'wafa ko kami kya hai 

Log khafa ab hain wafa se bhi 

Baat aisi bhi kahi kya hai 

Kacchi umar kay ab nahin "Amjad"

Phir yeh wajah-e-dil'lagi kya hai 

Jehad-e-musalsal meri zindagi hai

Jehad-e-musalsal meri zindagi hai 

Kahin jaa kay manzil mujhay ab mili hai 

Main ro'on ya tarpon mujhay gham nahin hai 

Teri hi khushi main meri her khushi hai 

Tera payar ban kay ghatta mujh pe chaye 

Meri saans main bhi teri hi nami hai 

Khayalon main her pal tu hi jhil'milaye 

Koi hoor-e-jannat ya tu ik pari hai 

Nazar main bharay hain kai rang tu ne

Raah-e-zeest main ho gayi roshni hai 

Tujhay jab na dekhon , na chain aaye dil ko 

Lagan tujh se dil ki yeh kaisi lagi hai 

Kahon kya tujhay aur dil-o-jaan kay maalik 

Meri dharkano main teri raftagi hai

Woh mera hai magar is ehsaas se inkaar karta hai

Woh mera hai magar is ehsaas se inkaar karta hai 

Bharri mehfil main mujhay ruswa woh her baar karta hai 

Youn to karta hai zamanay bhar ki baatein mujh se

Magar jab baat mohabbat ki ho to takraar karta hai 

Sitam jab apnay sunata hai bhari mehfil main to 

Baray andaz se apnay gunahon ka izhaar karta hai 

Woh mujh se maangta hai umar bhar ki wafa ka wada 

Kis masoomiyat se woh mujh se fariyad karta hai 

Maloom hai sab ko khafa hai aaj kal mujh se woh "Haris" 

Magar main janta hoon keh woh mujhi se payar karta hai