Imran's Poetry: 03/08/15

Mar 8, 2015

Hum bhi kitnay dewane niklay Diye se andhera mitane niklay

Hum bhi kitnay dewane niklay

Diye se andhera mitane niklay

Gham-e-dil pe hamaray jo hansa kartay thay

Hum un ko hi haal-e-dil sunanay niklay

Kaaghzi phoolon par aati nahin baharain

Yeh jaan keh bhi gulshan sajanay niklay

Duniya main bikti hain jhooti kahaniyan

Sachay afsanay sab hum jalanay niklay

Log baithay hain bhar kay mutthi main namak

Janay kya soch kay hum zakham dikhanay niklay

Kabhi raat bhar kay jhagray kabhi chahton ki baatein

Wohi aap hi kay qissay wohi aap hi ki baatein

Woh mila hai mujh ko aksar sar-e-raah chaltay chaltay

Wohi ajnabi nigahein wohi be'rukhi ki baatein

Na samjh saka jahan main koi mera dard yaro

Meray gham ko log samjhay meri shairy ki baatein

Koi hum ko yeh bataye yeh junoon nahin to kya hai ?

Milay jab bhi hum kisi se karain aap hi ki baatein

Meray haal par woh youn hi kuch aisay muskuraye

Hum suna rahay hon jaisay kisi ajnabi ki baatein

Waqat her cheez ka imkaan badal sakta hai

Ain-mumkin hai tera dhiyaan badal sakta hai

Zindagi main hai faqat teri mohabbat ki kami

Tu meri zeest ka unwaan badal sakta hai

Ab teri yaad to is dil se nikalnay se rahi

Apni taqdeer kab , insaan badal sakta hai

Hum faqat wasal kay qaail to nahin chahat main

Kab hamein hijar ka toofan badal sakta hai

Lay kay phirta hai teray gham ka hawala

Tu jo chahye to yeh pehchaan badal sakta hai

Poori mehandi bhi lagani nahin aati

Kaisay aaya tujhay ghairon se lagana dil ka

In haseeno ka larkpan hi raha Ya'Allah

Hosh aata hai to aata hai sataana dil ka

Meri Aagosh se kya hi tarap kar bolay

Un ka jaana tha Ilaahi keh yeh jana dil ka

Be'dili ka jo kaha haal to farmatay hain

Kar liye tu ne kahin aur thikaana dil ka

Chor kar uss ko teri bazam se kiyon kar jaaon

Ek janazay ka uthaana hai uthaana dil ka

Nigah-e-yaar ne ki khana-kharaabi aisi

Na thkaana hai jigar ka na thikaana dil ka

Tu aaye to teri nazar utaarain hum

Khud ko phaink doon teray sar se waar kar

Chaltay hain jab do yaar galay main baazoo daal kar

Bara dard hota hai hum be'saharon ko

Tujhay ilm hai Aye tabeeb-e-jaan tera pyaar hi meri hayat hai

Tujhay ilm hai Aye tabeeb-e-jaan

Tera pyaar hi meri hayat hai

Main mareez hoon teray qurb ka

Mujhay door jaa kay dawa na dy

YAhan sab andhair parast hain

Yahan roshni ki majaal kya

YEh chragh phir bhi chragh hai

Koi aatay jaatay bujha na dy

Tum gaye dino main jo saath thay

Meray qalb-o-jaan ka saboot thay

YEh bila wajah tera roothna

Meri dindagi ko mitta na dy

Teray samnay meray hamsafar

Meri dharkano ki bisaat kya

Tera is tarah mujhay dekhna

Kahin meri umar ghata na dy

Iss ajnabi shaher main yeh pathar kahan se aa laga "Faraz"

Logon ki is bheer main koi apna zaroor hai

Tujhay jo maloom hotay wafa kay rasm-o-riwaaj saray

Mohabbaton main hamara qissa misaal hota , kamaal hota

Zara sahil pe aa kar , woh jo thora muskura deta

Bhanwar ghabraa kay khud mujh ko , kinaray par laga deta

Woh na aata magar , itna to keh deta main aayon ga

Sitaray , chand saara asmaan , raah main bicha deta

Khabar hoti agar yeh jaal hai , qismat ki sazish ka

LAkeerain apnay haathon ki , ussi lamhay mitta deta

Shajar hota to likh likh kar , tumhara naam patton par

Tumharay shaher ki janib , hawaon main urra deta

Meray bas main agar hota , hata kar chand taaron ko

Main neelay aasman pe bas , teri aankhein bana deta

Mohabbat ka bharram hota to phir kuch soch kat jatay

Warna zindagi ban kay meray humdam guzar jatay

Thakay haaray parindon ko jo dekha to khayal aaya

Koi jo muntazir hota to hum bhi apnay ghar jatay

Main kha kar dard ki thokar abhi tak hosla mand hoon

Yeh thokar jo tumhain lagti to tum khud bhi bikhar jatay

Is tanhai ka hum pe bara ehsaan hai "Mohsin"

Na deti saath yeh apna to janay hum kidhar jatay

Dilon main farq par jaye to itna yaad rakhna tum

Dalee'lain , minatein aur falsafay be'kaar hotay hain