Teray husan pe likh na de koi ghazal meri yeh bad'naam Qalam Abaas
Khudara aaya kar samnay meray koi niqaab laganay kay baad
Feb 22, 2015
Tamaam umar ki awaragi pe bhaari hai
Tamaam umar ki awaragi pe bhaari hai
Woh aik shab jo teri yaad main guzaari hai
Kaash bana'nay walay ne mujhay kitab banaya hota
Kaash bana'nay walay ne mujhay kitab banaya hota
Woh parhtay parhtay so jati mujhay seenay se lagaya hota
MAin us kay gham main rota aur rota hi jata
Us ne chupkay se mujhay seenay se lagaya hota
Us ko dastaan suna suna kay thak sa gaya
Kaash us ne bhi mujhay haal-e-dil sunaya hota
Main us ka naam leta aur subh-o-shaam leta
Hay afsoos us ne mujhay aik baar bulaya hota
MAin us ki khatar tarapta raha shaam-o-sehar Mohsin
Arman na hota gar us ne aik Aansoo hi bahaya hota
Mundir par chragh rakh diye hain khud jalaye ga
Mundir par chragh rakh diye hain khud jalaye ga
Woh aanay wala shakhs janay kis taraf se aaye ga
To teh huwa na , is gali kay mor tak to saath hain
Par is gali kay mor tak bhi ik zamana aaye ga
Udaas parbaton se sardiyon ki barf aa mili
Magar yeh rabt dhoop ki kiran se toot jaye ga
Jo log hijar ki musafaton main thak kay so gaye
Khayal-e-mousam-e-wisaal hi unhain jagaye ga
Woh ajnabi to shaher chor kar kabhi ka ja chuka
Kitaab-e-dil ki ru'numaai main kissay bulaye ga
Tu apnay harf us kay naam kar kay khud ko bhool jaa
YEh ehad-e-be'hunar hai kis ko mojza dikhaye ga
Siwaye us kay apni tairgi main aap jal utahain
Saleem shab zadon ko kon roshni dikhaye ga
Jahan tera naqsh-e-qadam mila wahin khud ko main ne juka diya
Kabhi gham ki aag main jal uthay
kabhi dil ka daagh jala diya
Ae junoon-e-ishq bata zara
mujhay kiyon tamasha bana diya
Gham-e-ishq kitna ajeeb hai
yeh junoon se kitna qareeb hai
KAbhi ashk palkon pe ruk gaye
KAbhi main ne dariya baha diya
Mera jazba-e-shouq to dekhiye
Meri bandagi hai woh bandagi
Jahan tera naqsh-e-qadam mila
Wahin khud ko main ne juka diya
Abhi kar rahay ho tum ibtidaa
Mera keh raha hai yeh tajurba
Tumhain zindagi ki hai Aarzoo
Mujhay zindagi ne mitta diya
Saath rehtay hain meray sab magar matlab ki haddo'on tak
Saath rehtay hain meray sab magar matlab ki haddo'on tak
Kahin thak'ta hoon to akela, kahin rukta hoon to tanha
Ajeeb qissa suna hum ne aaj subha
Ajeeb qissa suna hum ne aaj subha
Kisi shakhs ne zindagi se tang Aa kar mohabbat kar li
Kinara kar kay rishton se
Kinara kar kay rishton se
Wafaein haar kay
Mohabbat ki haqeeqat ko
Woh ab samjhay
To kiya samjhay ?
Bemaar-e-mohabbat ko gar hosh main lana ho
Bemaar-e-mohabbat ko gar hosh main lana ho
Daman main lita kar , zulfon se hawa dena
Dekho kabhi to meri taraf khush'dili kay saath
Dekho kabhi to meri taraf khush'dili kay saath
Kya farz hai keh baat karo be'rukhi kay saath
Hans hans kay jee raha hoon gham-e-zindagi kay saath
Tu hosla to dekh meri be'basi kay saath
Jeena khushi kay saath , na marna khushi kay saath
Kya khoob zehmatein hain yeh dil ki lagi kay saath
Gham se nijaat payein to payein woh kis tarah
YEh gham laga huwa hai her ik admi kay saath
Khud se bhi Aashna hoon khuda Aashna bhi hoon
Ek gham'rahi ka daagh hai is Aagahi kay saath
Uzair tumhain sataaish-e-duniya ki fikar hai
Laazim hai shart-e-daad bhi kiya shairy kay saath
Diyaar-e-dil ki raat main chragh sa jala gaya
Diyaar-e-dil ki raat main chragh sa jala gaya
Mila nahin to kya huwa woh shakal to dikha gaya
Judaiyon kay zakham dard-e-zindagi ne bhar diye
Tujhay bhi neend aa gayi mujhay bhi sabar aa gaya
Yeh subha ki safediyaan yeh dopehar ki zardiyan
Ab aainay main dekhta hoon main kahan chala gaya
Pukarti hain fursatein kahan gayi woh suhbaten
Zameen nigal gayi unhain ya Aasman kha gaya
Woh dosti to kahir ab naseeb-e-dushman huwi
Woh choti choti ranjishon ka lutf bhi chala gaya
Yeh kis khushi ki reet par ghamon ko neend aa gayi
Woh lehar kis taraf gayi yeh main kahan sama gaya
Gaye dino ki laash par paray raho gay kab talak
Utho amal kashon utho keh aftaab sar pe aa gaya
Woh aankhon aankhon main baat karna
Woh aankhon aankhon main baat karna
Woh baaton baaton main raat karna
Hansi chupanay ko lab kay aagay
Haseen komal se haath karna
Kabhi hansana, kabhi rulana ,
Jo yaad aayon to loat aana
Hamein tumhari hi justagoo hai
Tumhari chahat ki Aarzoo hai
YEh baat tum kabhi to samjho
Hamari chup main bhi guftagoo hai
Samjh sako to hamein bataana
Jo yaad aayon to loat aana
Jab mohabbat ka junoon tha woh zamana aur tha
Jab mohabbat ka junoon tha woh zamana aur tha
Ab anaa ka masla hai woh khud chal kay aaye
Agar tumhain ho qabool janaa
Agar tumhain ho qabool janaa
Falak kay tabinda chaand sitaray
Yeh wadiyon kay gulaab saray
Agar kaho to bana doon saaray
Tumharay qadmon ki dhool janaa
Agar tumhain ho qabool janaa
Tumhari aankhon ko jaam likhein
Tumhari nazar se salam likhein
Aur apnay dil kay haseen warq par
Faqat tumhara hi naam likhein
JAhan kay her ik naghmay ko
Tumhara tarz-e-kalaam likhein
Agar ijazat ho hum bhi kar lain
Yeh pyaar ki ik bhool jaana
Agar tumhain ho qabool janaa
Subscribe to:
Posts (Atom)
