Imran's Poetry: 02/04/15

Feb 4, 2015

Koi gila nahin hai mujhay tumharay na yaad karnay ka

Ujrray huwey chaman ko to prinday bhi chor jaatay hain

Teri arzoo main hum ne baharon ko dekha

Teray khayalon main hum ne sitaron ko dekha

Hamain pasand tha bas aap ka saath

Warna in aankhon ne to hazaron ko dekha

Subha hotay hi teray shaher se jaana hai mujhay

Aaj ki raat zara mujhay mana kar sona

Koi na sunay ga meray baad dukh tumharay

Mujhay apna her dukh suna kar sona

Chalay jayein gay to roya karo gay yaad kar kay

Sirf aaj ki raat hai mujhay apna bana kar sona

Hum to toot kay chahtay thay tumhain

Tum ne hamain kiyon na chaha yeh baat bata kar sona

Shayed meray aansoo tujhay khareed lain

Aaj meray aanso'on ki qeemat laga kar sona

Tujhay fursat kahan hai chahat walon se baat karnay ki

Woh hum hain jo her raat teri kheriyat ki dua maang kar sotay hain

Sahib youn na jhanko Ghareeb kay dil main

Yahan hazaron hasratein be'libaas rehti hain

Chalo tum ko milaata hoon main us mehman se pehlay

Jo meray jism main rehta tha meri jaan se pehlay

Koi khamosh ho jaye to us ki khamoshi se dar

Samandar chup hi rehta hai kisi toofan se pehlay

Mujhay jee bhar kay apni mout ko to dekh lenay do

Nikal jaaye na meri jaan is armaan se pehlay

Meri aankhon se behtay motiyon ka sailaab dekho

YEh maala toot jati hai teri muskaan se pehlay

Purana dost hoon tera mera yeh farz banta hai

Tujhay hoshiyar kar doon main teray nuqsaan se pehlay

Koi to meray khayalon main chahnay wala ho

Mohabbat kay khazanay lutaanay wala ho

Us aik shakhs ko duniya ki her khushi de doon

Jo meray dard ko apna banaanay wala ho

Mujhay bhi apni wafaon par naaz hai lakin

Yahan koi to wafa Aazmanay wala ho

Khuda gawah hai bari mushkil se milta hai

Woh ik dil jo mohabbat nibhaanay wala ho

US ne mujhay parinda samjh kar barish main uraa diya

Ussay yeh nahin pata keh baarish min urnay walay prinday kabhi lota na kartay

Woh keh gaya mera intizaar mat karna

Main kahun to bhi Aitabaar mat karna

YEh bhi kaha keh mujhay pyaar nahin tum se

Aur yeh bhi keh gaya keh kisi aur se payar mat karna

Qismat doosra moka nahin deti

Duniya ajnabi ko panah nahin deti

Zindagi se itna pyaar mat karna Mohsin

Kiyon keh mout kabhi rishwat nahin leti

Dil kay bazar main sab se ghreeb hoon

Khawabon ki duniya main sab se bad'naseeb hoon

Teray paas meray liye waqat nahin

Aur log samjhtay hain keh main teray sab se qareeb hoon

Nahin pasand mohabbat main milaawat mujh ko

Agar woh mera hai to khwaab bhi meray hi dekhy

Zindagi ik chahat ka silsala hai

Koi mil jaata hai koi bichar jaata hai

Jissay maangtay hain hum apni duaon main

Woh kisi ko bina maangay mil jata hai

Halqa-e-ishq main umeed'war-e-mohabbat hoon

HAi koi jo is dil pe mohar lagaaye

Dard-e-dil ki aah tum kabhi bhi na samjh sako gay

Har dard ka maatam sar-e-aam nahin hota

Likho to kuch aisa likho keh qalam bhi ro paray iqbal

Her lafz main aisa dard paida kar woh wafa karnay pe majboor ho jaye

Bhout thay meray bhi is duniya main apnay

Phir ishq hua aur hum la'waris ho gaye

Kya kami thi mujh main jo tum ne mujhay chor diya

Wafa karna nahin aai ya main ghreeb tha

Dar nahin lagat mujay haar jaanay se

Haaro gay tum meray haar jaanay se

Aaj paas hoon to qadar nahin kartay

Yaqeen karo toot jaao gay tum meray chalay janay se

Tanhaiyon kay shaher main ik ghar bana liya

Ruswaiyon ko apna muqaddar bana liya

Dekha hai yahan pathar ko poojtay hain log

Bas is liye apnay dil ko pathar bana liya

Koi juda ho gaya koi khafa ho gaya

Na janay zindagi main hum se kya ho ga

Bhout sajday kiye kisi ko panay kay liye

Shayed jis sajday main ussay paana tha woh hum se qaza ho gaya ?

Dil main kitnay zakham hain kisi ko kya pata

Yeh aur baat hai keh hum muskura kay jeetay hain rulanay walon kay samnay

Tum khud nahin jaantay tum kitnay pyaray ho

Jaan ho hamari aur jaan se pyaray ho

Logon kay kehnay se kya hota hai

Tum kal bhi hamaray thay tum aaj bhi hamaray ho

Kiya ajeeb ehtisaab apna tha Jaan apni azaab apna tha

Kiya ajeeb ehtisaab apna tha

Jaan apni azaab apna tha

Kuch milay log bhi zamana saaz

Kuch muqadar kharaab apna tha

YEh keh mukhlis thay hum mohabbat main

Jurm bas yeh janaab apna tha

Ab kiya karna us shakhs se gila kar kay

Woh bhi to intikhaab apna tha

Jee bhar kay dekhon tujhay agar tujh ko gawara ho

Be'taab meri nazrain hon aur pyaar tumhara ho

Na karo takraar , mujhay tumhara hi khayal hai

Phir baat se baat niklay gi aur tum rooth jaao gay

Be'rukhi se hi sahi magar sotay huye kuch to keh diya karo

Chupkay se so jaatay ho nafrat ka gumaan hota hai

Kis qadar mujh ko sata'tay ho tum

Bhool jaanay pe yaad aatay ho tum

Jab bhi khuda se kuch maanga main ne

Meray dil ki dua ban jaatay ho tum

Woh aaya tha mehfil main magar shouq se nahin

Woh baithay thay paas meray magar dil se nahin

Kon kehta hai woh pyaar nahin kartay

Kartay to hain magar afsos mujh se nahin

Woh mehndi lagay haath dikha kay roi

Main kisi aur ki hoon woh yeh bata kay roi

Main bola kon hai woh khush'naseeb

Woh mehndi se likha hua naam dikha kay roi

Kahin gham se phatt na jaye jiger mera

Woh hanstay hanstay mujhay hansa kay roi

Dil na toota us ka gham-e-hijar main

Main bhi roya woh bhi meri aankh se aankh mila kay roi

US ne jana jab meray ronay ka sabab

Apnay aansoo meri hathaili pe saja kay roi

Jab bhi dekha ussay hanstay huye dekha

Waqat-e-hina her khushi ko woh bhula kay roi

Dil ne chaha ussay jee bhar kay dekh loon

Woh meri aankhon ki pyaas ko bujha kay roi

Kabhi kehti thi keh main nahin jee paaon ki tum bin

Aur aaj phir woh yeh baat dohraa kay roi