Kabhi rang gul se juda hua, kabhi khushboo is ki bikhar gayi

Kabhi rang gul se juda hua, kabhi khushboo is ki bikhar gayi 

Isi intishaar-e-hawaas main , meri zindagi bhi sanwar gayi 

Main udaas hoon yeh kissay khabar , main nihaa hoon yeh kissay pata 

Jo meri mata-e-hayaat thi woh safar main saari bikhar gayi 

Main shajar bana , main hi shaakh bhi , jo samar lagay to sab aa gaye 

Kabhi pathron se nahin kaha , meray dil pe jo bhi guzar gayi 

Kabhi raat apni pannah main meray zakham chair kay so gayi 

Kabhi dil kay tukray smait'tay , meri shab gazeeda sehar gayi 

Woh mila to rasm-e-hayaat bhi rahi us kay gird hi ghoomti

Woh gaya to meri her ik rawish , thi jahaan wahin pe tehar gayi 

Tujhay be'khabar yeh khabar nahin , keh teri khabar main meri nazar 

Kabhi raah guzar pe tehar gayi , kabhi aainay main tehar gayi 

Yeh teri nigaah ka faiz hai , yeh teray shabaab ka rang hai 

Mujhay kaar-e-giriya shab mila , teri aafiyat main guzar gayi 

HAin sabhi Zia se yeh poochtay , kabhi hum main tum main jo chah thi

Ussay kis ne tor kay rakh diya , ussay lag yeh kis ki nazar gayi 

Mujh ko is tarah sotay huaye chor kar mat jana

Mujhay tum is tarah sotay huyemat chor kay jana 
Mujhay be'shak jaga dena 
bata dena
Mohabbat kay safar main saath meray chal nahin sakti 
Judai main hijar main , saath meray chal nahin sakti 
Tumhain rasta badalna hai 
Meri had se nikalna hai 
Tumhain kis baat ka dar tha 
Tumhain janay nahin deta 
Kahin pe qaid kar leta 
Mohabbat ki tabiyat main 
Zabardasti nahin hoti  
Jissay rasta badalna ho , ussay raasta badalnay se 
Jissay had se nikalna ho , ussay had se nukalnay se 
Na koi rok paya hai , na koi rok paye ga 
Tumhain kis baat ka dar tha 
Mujhay be'shak jaga detay Main tum ko dekh hi leta 
Tumhain koi dua deta 
Kam-az-kam youn to na hota 
Meray saathi haqeeqat hai 
Tumharay baad khonay kay liye kuch bhi nahin baaqi 
Magar khonay se darta hoon 
Main ab sonay se darta hoon
 
 

Ro raha hoon to mujh ko roney do

Ro raha hoon to mujh ko ronay do 

Ishq main zindagi ko khonay do 

Rishta-e-noor main mohabbat kay 

Ab mujhay ashk-e-gham pronay do 

Her muqadar ka kaam hai sona 

Kiyon jagaatay ho is ko , sonay do 

Dil ki meray tumhain hai kiya parwah 

Dard hota hai dil main honay do 

Hai mujhay umar-e-ja'wida ki talaash 

Jaan khota hoon , mujh ko khonay do 

Dil ki aaghosh main thaki haari 

Arzoo so rahi hai . sonay do 

Paye ga dil sakoon ae behzaad

Shab guzar jaye ,subha honay do 

 

Kisi ki Aankh se sapnay chura kar kuch nahin milta

Kisi ki Aankh se sapnay chura kar kuch nahin milta

mundairon se chraghon ko bhujha kar kuch nahin milta

hamari soch ki parwaz ko roke nahin koi

naye Aflaak per pehray betha kar kuch nahin milta

koi aik Aadh sapna ho to phir acha lagta hai

Hazaroon khwaab Aankhon main saja kar kuch nahin milta

Ussay kehna keh palkon par na tankay khwaab ki jhalar

Samandar kay kinaray ghar bana kar kuch nahin milta

Acha hai keh Aapas ke bharam na tootaney  payein

Kabhi bhe dooston ko azma kar kuch nahin milta

Na janey kon se jazbey ki youn taskeen karta hoon

Ba zahir to tumharay khat jala kar kuch nahin milta

Faqat tum se he karta hoon main sari raaz ki batain

Her aik ko Dastaan-e-gham suna kar kuch nahin milta

Amal ki sookti rag main zara sa khoon shamil kar

Meray hamdam faqat batain ban kar kuch nahin milta

Usay main piyaar karta hoon to mujh ko chain ata hai

Woh kehta hai usay mujh ko sata kar kuch nahin milta

Mujhay Aksar sitaroon se yahi Awaaz ati hai

Kisi ke hijar main neendain ganwa kar kuch nahin milta

Jiger ho jaye ga chalni , yeh Akhain khoon roain gi

Wasi be-faiz logon se nibha kar kuch nahin milta

 

Poet : Wasi Shah

Zara si raat dhal jaye to shyed neend aa jaye

Zara si raat dhal jaye to shyed neend aa jaye 

zara sa dil behal jaye to shyed neend Aa jaye

Abhi to qarb hai be chaini hai be qarari hai

tabiyat kuch sambhal jaye  to shyed neend Aa jaye 

Abhi to naram jhonkon main chupay hain teer yadoon ke

Hawa ka rukh badal jaye to shyed neend Aa jaye

Ban jayon agar main tum sa tumhain kaisa lagay ga

Ban jayon agar main tum sa tumhain kaisa lagay ga
Her pal main rahoon tum se khafa tumhain kaisa lagay ga

Parhtay ho mujhay tum jo namazon ki tarah
ho jayon agar tum se qaza tumhain kaisa lagay ga

tum piyaar main khud ko mitany pe ho razi
ban jay agar piyaar saza tumhain kaisa lagay ga

khud se bhe ziada ho yaqeen tumhain kisi per
woh shaks he de jaye daga tumhain kaisa lagay ga

tum kisi aur ki mehfil ka diya ban kar jalo per
tanhain milay tum ko sila tumhain kaisa lagay ga

Woh mujhay chahta raha mujh par asar na hua

Woh mujhay chahta raha

Mujh par asar na hua 

Us ne mujhay chor diya

Main ne parwa na ki

lakin jab us ne mera maqam kisi aur ko de diya 

to main toot kar reh gaye

aur rait ki surat bikhar gaye

Hawain sard ho jayein ya lehjay barf ho jayein

Hawain sard ho jayein ya lehjay barf ho jayein

hum us ki yaad ki chadar khud per taan letay hain

Agar woh rooth jata hai to meri jaan jati hai

yeh saans jari rakhney ko hum us ki maan latay hain

Chaand taray jab is Aangan se guzartay hoon gay

Chaand taray jab is Aangan se guzartay hoon gay

sagar woh log hamain yaad to karty hoon gay

Ik yeh subho keh veeran hai guzar gha-e-khyal

ik woh subha jahan baal sanwartay hoon gay

Jab kabhi choorian takra kar khanakte hon gay

Ghar ke tanhai main kiya rang bikhartay hon gay

Aik yeh shaam keh bheegi hui palkain hain wohi

aik woh shaam jahan chaand taray utartay hoon gay