Imran's Poetry: July 2015

Jul 31, 2015

Tumhari aankhon main laal dhaagay

Raat kis kay naseeb jagay

Chahat itni muktasir jana

Chahat itni mukhtasir jana

To phir yaadein be'shumaar kiyon

Suno tanhaiyan rooh ko badan se noch leti hain

Kisi ki be'wafai ki saza khud ko nahin detay

Is qadar thi musal'sal shiddatein judai ki

Aaj pehli baar us se main ne be'wafai ki

Phir qafs main shor utha qadiyon ka aur siyaad

Dekhna urra de ga phir khabar rihaai ki

Taras jaao gay hamaray labon se sunna'nay ko aik aik lafz

Pyar ki baat to kya hum shikayat bhi na karein gay

Kaaf, seen , meem kha kar kehta hoon

Ain , sheen , kaaf, main ruswai hai

Woh khawaab dekhye to dekhye meray hawalay se

Meray khayal kay sab manzaron ka saathi ho

Dil diyan galan kar di si

Hasdi si kadi rondi si

Bhooriyan akhan , lamiyan zulfan

Chan ton wi sharmandi si

O wangan bhar bhar pandi si

Chhan chhan jhanjar chankandi si

Sara din rahwan takda san

Milan o shami aandi si

Sahwan thandian Ondian si

Seenay jad lag jaandi si

Ik din meray ton rus gayi

Jaan jay menu bulaandi si

Aik se musafir hain

Chand

Aik se musafir hain

Aik sa muqaddar hai

Main zameen par tanha

Aur woh Aasmano main

Qadar-e-johar hai jo pindaar samait

Mujh ko parkho meray miyaar samait

Roz mangein yeh dua khana badosh

Ghar na ujrein dar-o-dewaar samait

Kitni banjar hui fasal-e-awaz

Shaher chup chaap hai bazaar samait

Kaash logon ki tarah soo-e-chaman

Hum bhi kabhi jayein dildaar samait

Kon karta qad-o-qamat ka hisaab

Ik qayamat tha woh raftaar samait

Jin ki haibat se harasan lashkar

Be'nishan ab hain woh talwaar samait

Bujh jayein kahin aankhein meri

Yaad aa , mishal-e-rukhsaar samait

Khaak urti hui sadiyon se idher

Qaaflay gum huye salaar samait

HAwas-e-dirham-o-dinaar ki khair

Log biknay lagay kirdaar samait

Main keh mohsin hoon shaheed-e-na'moos

Dafan karna mujhay dastaar samait

Mujh se mat pooch meray mehboob ki sadagi ka andaz

Nazrain bhi mujh pe thein aur parda bhi mujh se tha

Main jab bhi toot'ti hoon tujhay dhoondti hoon

Tu ne ik baar kaha tha na hum aik hain

Kis tarah khatam kar saktay hain tum ko yaad karna

Keh tum ko sirf mehsoos karnay se hum duniya bhool jaatay hain

Kathan safar hai mohabbaton ka

Sairaab rastay hain soch lena

Woh chor jatay hain ik qadam par

Jo saath chaltay hain soch lena

Yeh reet tum na nibha sako gay

Na sang rehnay ki baat karna

Keh ishq walon ki raah guzar main

Chinaab aatya hain soch lena

Tumhein kaha tha keh ban kay apna

Faraib deta hai yeh zamana

Tumhein kaha tha keh aasteeno main

Saamp paltay hain soch lena

Woh basti jahan pe hum tum milay thay

Mil kay bichar gaye thay

Wahan par ab bhi meri wafa kay

Chragh jaltay hain soch lena

Koi ilzaam koi tanz na koi ruswai Faiz

Bhout dair huye yaaron ne koi inayat nahin ki

Dil garifta hi sahi bazam saja li jaye

Yaad-e-jana se koi shaam na khaali jaye

Rafta rafta yehi zindaan main badal jatay hain

Ab kisi shaher ki buniyaad na daali jaye

Muzhat-e-rukh hai kisi ka keh biyaz-e-hafiz

Aisi chehray se kabhi faal nikaali jaye

Woh murawat se mila hai to jhuka doon gardan

Meray dushman ka koi waar na khaali jaye

Be'nawa shaher ka saya hai meray dil pe Faraz

Kis tarah se meri ashafta khayali jaye

Mohabbat rog hai jana

Ajab sanjok hai jana

Yeh kaisa rog hai jana

Baray boorhay bata/tay thay

Kai qissay sunatay thay

Magar hum maantay kab thay

Yeh sab jantay kab thay

Keh

Hamaray saath kisi surat

Bhi aisa ho nahin sakta

Dil qabu se be'qabu

Kabhi ho nahin sakt a

Magar phir youn hua jana

Chehra-e-masoomana par

Nigah-e-qaatlana par

Jafa-e-meharmaana par

Ada-e-kafarana par

Qayel ho gaye hum bhi

Baray be'baak phirtay thay

Mayel ho gaye hum bhi

Sakhawat karnay aaye thay

Aur sayel ho gaye hum bhi

Baray baron ki in baaton kay

Qayel ho gaye hum bhi

Keh

Mohabbat rog hai jana

Ajab sanjok hai jana

Zakham jo aap ki inayat hain is nishani ko naam kya dain hum

Pyaar dewaar ban kay reh gaya hai is kahani ko naam kya dain hum

Aap ilzaam dhar gaye hum par , aik ehsaan kar gaye hum par

Aap ki yeh bhi meharbani hai , meharbani ko naam kya dain hum

Aap ko youn hi zindagi samjha , dhoop ko hum ne chandani samjha

Bhool hi bhool jis ki aadat hai , is jawani ko naam kya dain hum

Raat sapna bahaar ka dekha , din hua to ghubaar sa dekha

Be'wafa waqat be'zubaan nikla, be'zabani ko naam kya dain hum

Tujhay eid pe kon sa tohfa bhaigon

Meray saathi ! tujhay eid par kon sa tohfa bhegon

Dua bhaigon ya mohabbat ka khazana bhaigon

Ya apni na'kaam khwaishaat ka rona bhegon

Ya teri deed ki hasrat bharri tamana bhaigin

YA umar daraazi ki dua bhaigon

YA shadmaani-e-zindagi ka sandesa bhaigon

YA apni be'mol chahat ka tihfa bhaigon

Ya beetay lamhon ki sada bhaigon

Ya tumhari na'risaiyon ka shikwa bhaigon

bhly dino ki baat hai , bhli si aik shakal thi

na yeh ke hussan taam ho , na dekhny main aam thi

na yeh keh woh chaly to keh'kashaan si raah'guzar lagay

magar woh sath ho to phir , bhla bhla safar lagay

koi rut bhi ho us ki chub fiza ka raang-o-roop thi

woh garmi'on ki cha'on thi , woh sardi'on ki dhoop thi

na mud'daton juda rahay na sath subh-o-shaam ho

na rishta wafa pe zid na yeh keh azn-e-aam ho

na aisi kush libasiyan keh sadgi gila karay

na aisi be-takal'lafi keh aaina haya karay

na ehtalaat main woh rum keh bad'maza ho khwaish'ein

na is qadar supurdagi keh zich kar'ein nawazishein

na aashqi junoon ki ' keh zindagi azaab ho

na is qadar khathor pan , keh dosti khraab ho

kabhi to baat bhi khafi kabhi sakoot bhi sakhan

kabhi to kasht zafaraan , kabhi udasiyon ka ban

suna hai ik umar hai mamalaat-e-dil ki bhi

wasal-e-jaan fiza to kiya , firaaq-e-jaan gasal ki bhi

so ik roz kiya hua , wafa ki behas chir gayi

main ishq ko amar kahon woh meri zid se chir gaye

main ishq ka aseer tha , woh ishq ko qafas kahay

keh umar bhar ke sath ko bad'tras hawas kahay

shajar hijar nahin keh hum hamesha paba gul rah'ein

na dhor hain keh rasiaan , galay main mustaqil rah'ein

mohabbaton ki wusat'ein hamaray dast-o-paa main hain

keh aik dar se nisba'tein , sagaan-e-ba'wafa main hain

main koi painting nahin keh aik frame main rahoon

wohi jo mann ka meet ho , usi ke prem main rahoon

tumhari jo bhi soch ho , main us mizaaj ka nahin

mujhay wafa se bair hai , yeh baat aj ki nahin

na mujh ko us pe maan tha , na us ko mujh pe zaham hi

jan ehad bhi koi na ho to kiya gham-e-shakistagi

so apna apna rasta hansi kushi badal liya

woh apni raah pe chal pari , main apni raah pe chal diya

Wohi shaam, kohar si shaam phir

Wohi shaam , kohar si shaam phir

Teray naam ho to ghazal kahain

Wohi shaam jis ki ragon main thay

Teri khwaab aankhon kay rat'jagay

Wohi subh-e-dhoop ki laali

Teray aarzon pe khilay to phir

Rag-e-jaan se nazam kasheed ho

Wohi rang ho wohi roshni

Wohi khushbo'on ka hajoom ho

Wohi ik pal teri deed ka

Jo milay to dard ki Oat main

Sabhi qeh'qahay se chalak uthein

Sar-e-loh-e-shaam-e-firaaq phir

Gham-e-ishq mouj-e-naveed ho

Ae sitaara shab-e-zindagi

Idher aa keh jasahn ho mohtabar

Nazar aa keh

Dhang se eid ho

Ae dil-e-be'taab tehar

Tairagi hai keh um'madti hi chali aati hai

Shab ki rag rag main lahu phat raha ho jaisay

Chal rahi hai kuch is andaaz se nabz-e-hasti

Dono aalam ka nasha toot raha ho jaisay

Raat ka garam lahoo aur bhi beh jaanay do

Yeh hi tareeki to hai ghaaz-e-rukhsaar-e-sehar

Subha honay ko hai Ae dil-e-be'taab tehar

Yeh hi wada liya tha na ?

Hamesha khush hi rehna hai

To dekho

Dekh lo aa kar

Meri aankhon ko dekho tum

YEh kitni shokh lagti hain

Meray honton ko dekho tum

Hamesha muskuraatay hain

Koi bhi gham agar aaya

Ussay hans kar saha main ne

Meray chehray ko dekho tum

Hamesha pur'sakoon ho ga

To socho gay yeh jaana

Kiya tha main ne jo tum se

Woh wada kar diya poora

Magar aik baat hai pyaaray

Kabhi jo waqat mil jaye

To meri shairy parhna

Tumhain mehsoos to ho ga

KAhin talkhi bhara lehja

KAhin pe sard sa lehja

KAhin pe dard ki jheelain

Kahin lehjay ki karwahat

Suno

Ghour se sun lo

Main khush to hoon lakin

LAhu her lafz rota hai

Lahu her lafz rota hai

Siyaah raat main jaltay hain Jugno'on ki tarah

Siyaah raat main jaltay hain

Jugno'on ki tarah

Dilon kay zakham bhi

Mohsin kamaal kartay hain

Kuch raat ki aankhain bheegi thein

Kuch raat ki aankhein bheegi thein

Aur chaand bhi rooth rooth tha

Aur dil bhi toota toota tha

Kis mor pe bichray yaad nahin

Honton pe koi fariyaad nahin

Is waday ki bhi khabar nahin

Woh sacha tha ya jhoota tha

Her lamha aahein bhartay hain

Na jeetay hain na martay hain

BAs ik dua yeh kartay hain

Woh loat kar wapis aa jaye

Aankhon ky sitaray to kai shaam se utray

Aankhon kay sitaaray to kai shaam se utray

Par dil ki udaasi na dar-o-baam se utray

Kuch rang to ubhray teri gul pehr'ani ka

Kuch rang to Aaina-e-ayaam se utray

Hotay rahay dil lamha-ba-lamha teh baala

Woh zeena-ba-zenna baray araam se utray

JAb tak teray qadmon main farookash hain sabu'kash

Saaqi khat baada na lab-e-jaam se utray

Be'tamaah nawazish bhi nahin sang'dilon ki

Shayed woh meray ghar bhi kisi kaam se utray

Auron kay qaseeday faqat ad'rad thay jaana

Jo tujh pe kahay shair woh ilhaam se utray

Ae jaan-e-faraz Ae meray her dukh kay maseeha

Her zehar zamanay ka teray naam se utray

Aakhri Khwaish

Aakhri khwaish

Meray sathi

Meri yeh rooh meray jism se parwaz kar jaye

To loat aana

Meri be'khwaab raaton kay azaabon par

Siskatay shaher main tum bhi

Zara si dair ko rukna

Meray be,noor honton ki duaon par

Tum apni sard paishaani ka pathar rakh kay ro dena

Bas itni baat keh dena

Mujhay tum se mohabbat hai

Faraz karo hum taray hotay

Farz karo hum taaray hotay

Ik doojay ko

Door door se dekh dekh kar jaltay bujhtay

Aur phir ik din

Shaakh-e-falak se girtay

Aur tareek khalaon main kho jaatay

Dariya kay do dhaaray hotay

Apni apni moj main behtay

Aur samandar tak is andheri

Wehshi aur munh zor musaafat

KEh jaadu main tanha rehtay

Faraz karo hum bhoor samay kay panchi hotay

Urtay urtay ik doojay ko chootay

Aur phir khulay gagan ki gehri

Aur be'sarfa aankhon main kho jaatay

Abar-e-bahaar kay jhonkay hotay

Mousam kay ik be'naqshay se

Khwaab main miltay

Miltay aur juda ho jaatay

Khushk zameeno kay haathon par

Sabaz lakeerain kunda kartay

Aur un'dekhye sapnay botay

Apnay apnay aansoo ro kar chain se sotay

Farz karo hum jo kuch hain woh na hotay ?

Bhaagi aankhon wali larki (Wasi shah)

Bhaagi aankhon wali larki

Meri taraf jab dekhti hai to

Mann main jal thal kar jaati hai

Mujh ko pagal kar jati hai

Wasi shah

Jab hum ne khuda ka naam liya

Us ne hamain inaam diya

Mera inaam pakistan

Mera paighaam pakistan

Mohabbat Aman hai

Aur is ka hai paighaam pakistan

Khuda ki khaas rehmat hai

Bazurgon ki bishaarat hain

Kai naslon ki qurbani

Kai naslon ki mehnat hai

Asaas hai dalairon ka

Shahidon ki amanat hai

Ta'awn hi ta'awn hai

Mohabbat hi mohabbat hai

Jabhi tareekh ne

rakha hai hai is ka naam Pakistan

Andhron ko mitaye ga

Ujaala ban kay chaye ga

Yeh khitta inqalaabi hai

Nayi duniya banaye ga

Agar Allah ne chaha

Zamana woh bhi Aaye ga

Jahan tak waqat jaye ga

Issay aagay hi paaye ga

Nida qaid ki hai

Iqbal ka ilhamm Pakistan

Mohabbat aman hai

Aur is ka paighaam Pakistan

Ao kuch dair mohabbat ko libada kar lain

Aao kuch dair mohabbat ko libaada kar lain

Aao kuch door to khushboo ka safar saath karain

Hui jo baat to phir chup bikhar jaye gi

Bheegi shabnam main raat nikhar jaye gi

Sar'goshiyon kay andaazmain mehki hawa

Naam tera lay kay hans kay guzar jaye gi

Meray dil kay aangan ko ab kay hijar ki shaam

Yaadon kay zard paton se bhar jaye gi

Chand lamhon ki rafaqat ko ta'umarkay liye

Dewaar-e-dil par mohabbat naqsh kar jaye gi

Ae zabt-e-dil-e-nadaan teri khair ho keh ab to

Hayat-e-shaaz us ki yaad main hi guzar jaye gi

Dard hi meri raahat-e-jaan hai

Dard

Dard hi meri

Raahat-e-jaan hai

Dard se mujh ko

unseeat hai bhout

Dard se mera

Ik rishta hai

Main bhi us ka hoon

Dard jis ka hai

Ghalat Fehmi ka khamiyaza bughtana par gaya to phir

Ghalat fehmi ka khamiyaza bughtana

Par gaya to phir

Woh apni baat manwanay ki khaatar

Arr gaya to phir

Woh ik lamha jissay tum Ehmiyat ik pal na dy paye

Woh lamha hum ko na'dim kar kay

aagay barh gaya to phir

Woh ik patta keh

Jis pe takiya hai

Is zeest ka

Ae Dost

Wohi patta shajar se

Rotay rotay

Jharr gaya to phir ????

Mohabbaton main wafaon main qaid rakhon ga

Tamaam umar duaon main qaid rakhon ga

Bacha kay rakhon ga nafrat ki dhoop se her pal

Prem pairr ki chaaon main qaid rakhon ga

Meray labon kay jo darwazay wa na kar payein

Hamesha aisi sadaon main qaid rakhon ga

Hawas ne ghair liya shaher ko her ik soo se

Suno khaloos kay gaaon main qaid rakhon ga

Tu ik qadam bhi akelay na ja sakay ga kahin

Main apna dil teray paaon main qaid rakhon ga

Tamaam umar na kuch aur dekhna chahye

Yeh aankh teri adaaon main qaid rakhon ga

Bikhar kay dard ki khushboo kahan pe jaye gi

Main khushbo'on ko hawaon main qaid rakhon ga

Ab jo rishton main bandha hoon to khula hai mujh par

Kab prind urr nahin paatay hain paron kay hotay

Chahaton main gilay nahin hotay

Ishq main zaabtay nahin hotay

Yaad kartay hain dil hi dil main tujhay

Ab teray tazkaray nahin hotay

Kho kay sab kuch khayal aata hai

Kaash hum tum milay nahin hotay

Meri qismat woh ban to jaye magar

Aaj kal mojzay nahin hotay

Tum ho cukay kisi ky ya phir sataa rahay ho

Tum ho chukay kisi kay ya phir sataa rahay ho

Munh mor kar jo mujh se ab aisay jaa rahay ho

Tujh pe tha maan mujh ko tora hai is tarah se

Kar kay youn be'rukhi tum dil ko jala rahay ho

Meray liye wohi ab tariyaaq ban gaya hai

Jo zehar apnay haathon mujh ko pila rahay ho

Raahain badalnay walay yeh bhi to yaad rakhna

Dhoondo gay khud ussay tum jis ko ganwaa rahay ho

Aine ussay kaho keh jis dil main tum rahay thay

Ghairon kay saath mil kay wohi dil dukha rahay ho

Yeh maana husan ki fitrat bhout nazuk hai Ae Wamiq

Mizaaj-e-ishq ki lakin nazakat aur hoti hai

JAb dehar kay gham se na amaan mili , hum logon ne ishq ijaad kiya

Kabhi shaher-e-butaan main khraan phiray, kabhi dasht-e-junoon abaad kiya

Kabhi bastiyaan ban , kabho koh-o-daman ,raha kitnay dino yeh hi jee ka chalan

Jahan husam mila wahin baith rahay , jahan pyaar mila wahan saad kiya

Shab-e-maah main jahan bhi yeh dard utha kabhi baith kay (likhi chand nagar)

Kabhi koh se ja sar phoor maray , kabhi qais ko ja ustaad kiya

Yahi ishq bila aakhir rog bana , keh hai chah kay sath ba'jog bana

Jissay banana tha Aaish woh sog bana , bara mann kay nagar main fasaad kiya

Ab qurbat-o-sohbat-e-yaar kahan , lab-o-aarz-o-zulf-o-kinaar kahan

Ab apna bhi Mir sa aalam hai , tuk dekh liya jee shaad kiya

Ibn-e-Insha

Ujaar lamhon ki daastanain agar kaho to sunain tum ko

Bhout sa hum jaagtay rahay hain chalo zara jagaein tum ko

Tum hi jo roshni si ban kar hamari aankhon main aa basay ho

JAb apni aankahin hi keh diya hai to phir bhala kiyon rulaein tum ko

Tum aaj kiyon muztarib ho jaana , tumharay lehjay main toot kaisi

Kaha na tha keh waqat dy ga kadooraton ki sazaein tum ko

Tum aisa karna keh aik lamhay ko apni dharkan pe haath rakhna

Meri wafaein , meray yeh jazbay agar kabhi yaad aayein tum ko

Ghubaar alood raaston main talaash kar kar kay thak gaye hain

Kahan pe jaa kay basay huye ho kahan se dhoond layein tum ko

Tumhain to sukh aa gaye myussar , tumhain to hum yaad bhi nain hain

Magar batao keh hum jo chahein ti kis tarah se bhulaein tum ko

Tum apni baaton pe mutmaein ho , hamain bhi sharmindagi nahin hai

Ana ki dewaar ko gira kar nahi yeh mumkin manaein tum ko

Tum apnay sard haath meri tur'bat pe rakho gay

Khwaish

Tum apnay sard haath

meri tur'bat pe rakho gay

Meray kutbay pe apna zard maatha tikaao gay

Meri qabar ki geeli matti ko uthaao gay

Inhain dono muthiyon main bhar lo gay

Aur ro do gay

Meray liye yeh bhout ho ga

Sach poocho

To tumhara yeh aik roop dekhnay kay liye

Ab mar jaanay ko jee chahta hai

Dard-e-dil ki ab mujhay dawa chahiye

Be'wafon se thori wafa chahiye

Mera maskan banay teray qalb-o-nazar

Naam honton pe teray saja chahiye

Jab talak dam main dam hai rahain saath hum

Aaj hum'dam kuch aisi dua chahiye

Meri baanhon main ik din sama jayein woh

Kiya mujhay aur is kay siwa chahiye

Apni jaan tak teray naam kar di sanam

Aur kiya tujh ko Ae be'wafa chahiye

Paas se jo guzar kar nazar phair lay

Phir na deni ussay kuch sadaa chahiye

Tu ne sajdon main maanga hai jis ko Muaan

Saath us ko kisi aur ka chahiye

Kitna sehal jaana tha (Noshi Gilani)

Kitna sehal jaana tha

Ae nazar ki khush fehmi

Is tarah nahin hota

Titliyaan pakarnay ko door jaana parta hai

Noshi Gilani

Duniya ki mefalon se ukta gaya hoon ya'rab

Duniya ki mehfalon se uktaa gaya hoon Ya'Rab

Kiya lutf anjuman ka jab dil hi bujh gaya ho

Yeh jo aksar rulatay ho , mohabbat youn nahin hoti

Yeh jo aksar rulaatay ho , mohabbat youn nahin hoti

Mujhay her pal sta'tay ho , mohabbat youn nahin hoti

MAin jab thak haar kay ma'yoos ho jaaon to phir khud hi

Mujhay aa kar manaatay ho , mohabbat youn nahin hoti

Nazar andaaz kartay ho tum ashkon ki rawaani ko

Khud hi mujh ko manaatay ho , mohabbat youn nahin hoti

KAbhi mujh pe mohabbat se dil-o-jaan waar detay ho

Magar ehsaan jat'tay ho , mohabbat youn nahin hoti

Yeh tum umeed rakhtay ho , ayaan kar doon main sab jazbay

Magar tum khud chupaatay ho , mohabbat youn nahin hoti

Meri jaanib jo aata hai , woh rasta bhool jaatay ho

Hamesha azmaatay ho , mohabbat youn nahin hoti

Kabhi to meray ghar kay sab ujaalon ko bujhaatay ho

Kabhi jugnoo lay aatay ho , mohabbat youn nahin hoti

Teri "Kinza" to rasmon aur riwaajon se ulajhti hai

Tumhi daman bachaatay ho , mohabbat youn nahin hoti

Jaa rahay ho to saath lay jaao

Apnay samaan main , meri aankhein

Yeh keh kar meray dushman mujhay hanta chor gaye faraz

Teray dost hi kaafi hain tujhay rulaanay kay liye

Aao barish se yeh poochein

Aao baarish se yeh poochain

Kiya is se bhi wada kar kay chor gaya hai koi is ko

Kiya is ko bhi neend nahin aati barson se

Kiya is ko bhi phoolon se shikwa hai koi

Is kay saath bhi khail hawaon ne khaila hai

Dhuwan dhuwan sa is ka chehra kiyon hai aakhir ?

Bheegi bheegi is ki palkain kis ne kar dein ?

Aao baarish se yeh poochain

Kaash kabhi woh waqat bhi aye

Kaash kabhi woh waqat bhi aaye

Keh main aankhain band kar kay

Karon tera tasawur

Aur jab main aankhain kholon

To samnay tu ho