Apr 1, 2015

Eid kay chaand ! kahin aur ujaalay le jaa


Eid kay chaand ! kahin aur ujaalay le jaa

Mera veeran baseraa hi mujhay acha hai

Kya lutf-e-eid hai jo agar tum se door hoon


Kya lutf-e-eid hai jo agar tum se door hoon 

Guzray ga Roz-e-eid tasawur main aap kay

Eid ka chand dekh kar hum ne


Eid ka chand dekh kar hum ne 

Teray deedar ki dua maangi

Eid to phir se loat aayi hai


Eid to phir se loat aayi hai 
Jo bichar gaye kab lotein gay ?

Woh kaisay hum se bichar gaye 
Yeh baitha kay hum , tum sochein gay 

Woh jin se ghar ki roniq thi
Woh kaisay hum se door huye 

Woh chand sa jin ka chehra tha 
Woh aankhon se kiyon door huye 

Jab yaad hamein woh aayein gay 
Hum kaisay aansoo rokein gay 

Kaisay karon main Eid ! bhala kiyon karon singhaar


Kaisay karon main Eid ! bhala kiyon karon singhaar 

Woh to kab ka rooth gaya , Jo tha meri Eid ka chaand

Iss se pehlay keh mohabbat bhi khasaara ho jaye




Iss se pehlay keh mohabbat bhi khasaara ho jaye 
Aayo mil baithein keh yeh waqt hamara ho jaye

Aik do din main bhula do to yahi behtar hai 
Kahin aisa na ho jaan se pyaara ho jaye

Ishq hai koi baazi nahin kheli hum ne 
Khail lagta hai to aayo dobaara ho jaye

Hum ne kal raat khuda se yeh duaein ki hain 
Keh tum jis shakhs ko chaho woh tumhara ho jaye

Woh mohabbat kay samandar main bhanwar ban kay mila 
Meri khwaish hai kahin door kinaara ho jaye

Jis ne aana hi nahin us ko bulaaye huye hain


Jis ne aana hi nahin us ko bulaaye huye hain 
Hum to apni hi murawwat kay sataaey huye hain 

Mera qad lashkar-e-Baatil se bara hai ab tak 
Log nezay pe mera sar jo uthaaey huye hain 

Meri her simar andheron ko barhaanay walo 
Main ne dil hi main kahin deep jalaaey huye hain 

Muskuraya hoon bharram zabat ka rakhnay kay liye
Warna Aansoo to meri aankh tak Aaye huye hain 

Hum ne chota kiya khud ko na jhukaya us ko 
Hum wafaon ko bari dhaj se nibhaye huye hain 

Mujhay taqdeer se shikwa na shikayat Rab se
Meray halaat meray apnay bnaaey huye hain 

Kal raat khawab main ik mehtaab dekha hai


Kal raat khawab main ik mehtaab dekha hai 
Main kya bataon tumhein kaisa khawab dekha hai 

Mujh se hi kiyon hai shikayat jahan walon ko 
Azal se main ne zamana kharab dekha 

Behak na jata to batao aisa kya karta 
Kal us ko pehli baar  be'niqaab dekha hai 

Faqeer hoon main faqeeri hai zindagi meri 
Magar kal raat khawab main khus ko nawaab dekha hi

Hamaray shaher main kaantay hi phool hain 
Tumharay shaher main khilta gulaab dekha hai 

Wisaal-e-yaar ko tarpa hoon is liye 
Hijar ki raaton ka main ne azaab dekha hai

Woh boli dil ko koi be-yakeeni hai mohabbat main





Woh boli dil ko koi be-yakeeni hai mohabbat main
main bola, theek hai per ishq to imaan hota hai
woh boli, aarzuein dil ke andsar been karti hain
main bola, theek hai mujh ko sunayi dete hain
woh boli, hum to jaise eik musalsal dukh ke qaidi hain
main bola, theek hai yeh zindagi dukh ka tasalsul hai
woh boli, koi shab to khwab mein bhi khwab aate hain
main bola, theek hai kuch hasratein aise bhi karti hain
woh boli, baarishon mein aur zyada jaan sulagti hai
main bola, theek hai yeh aag paani ke masail hain
woh boli, raat kyun mushkil se kat'ti hai judai mein
main bola, waqt to kaifyaton ka naam hota hai
woh boli, chahaton mein dard ke rehne ki khwaish kyun
main bola, dard ke maare huon ko chain milta hai
woh boli, rooh ki aasodgi ko kya zaroori hai
main bola, rooh ko aalodgi achi nahin lagti
woh boli, chand ki aur chandni ki kya kahani hai
main bola, aadam-o-hawa ki chahat ki nishaani hai
woh boli, be-saropa khwaishein beemar rakhti hain
main bola, aadmi andoa ke batin se nikla hai
woh boli, door reh ker dard barh jata hai seene mein
main bola, qurbatein bhi hijar ke khudshe barhaati hain
woh boli, shaam hote hi udaasi phail jaati hai
main bola, raat bhi to aansuon se ishq karti hai
woh boli, zindagi mein tu nahi to zindagi kab hai
main bola, har taraf ik la-ubali maut haawi hai
woh boli, ishq ka apna ilehda rang hota hai
main bola, rang ka apna ilehda ishq hota hai
woh boli, dil ko koi be-wajah sa khauf rehta hai
main bola, ishq to be-baak logon ka hi shewa hai
mohabbat eik pal bhi sukh nahi deti, kaha us ne
kaha main ne, mohabbat ke ilawa kaun sa sukh hai
mohabbat shehar bhar mein goonj jaati hai, kaha us ne
kaha main ne, mohabbat ke chupa rehne ki khwaish kiya
mohabbat chup nahi rehti kisi pal bhi, kaha us nne
kaha mmain ne, mohabbat bin to kayinaat goongi hai
mohabbat zehan ka ik khaas aalim hai, kaha us ne
kaha main ne, mohabbat rooh ki dehleez hoti hai
mohabbat be-sabab tarpaye rakhti hai, kaha us ne
kaha main ne ke yeh asbaab kya shai hai mohabbat mein
woh kehti hai sitaare aansuon mein kyun chamakte hain
main kehta hoon mohabbat roshni mein rang bharti hai
woh kehti hai, hawa ke haath mein kya kya nahi aata
main kehta hoon, jo dehleezon ke andar dafan hota hai
woh kehti hai, amaane ko dilon se ranj kyunkar hai
main kehta hoon, yeh aazar to sadiyon ki qismat hai
woh kehti hai, tumhaare baad kyun baarish nahi hoti
main kehta hoon, meri jaan hijar sehraon mein rehta hai
woh kehti hai, ke khushiyon mein bhi tum to rone lagte ho
main kehta hoon, meri aankhon ko sawan acha lagta hai
woh boli, tum bhi zindagi se rooth jao ge
main bola, han, shayed maut mujh se maan jaye gi
woh boli, tum khushi ke geet ko mayoos karte ho
main bola, kya karoon in mukhtasar geeton ka mausam hai
woh boli, tum to khud hi khud se haar jaate ho
main bola, kya karoon kamzor hoon aur be-sahara hoon
woh boli, kya yeh sab kuch itefaqan hai tumhara gham
main bola, yeh bhi mumkin hai yeh sab ehtaraman ho
mohabbat mein ghamon ki is kadar yalghar kyun,.. Boli
main bola, tum kisi din yeh to apne aap se poocho
woh kehti hai , suno farhat! Tumhara khwab kyun toota
main kehta hoon,! Dil mein koi kheench parhti thi
tumhari shairy mein zindagi ki siskiyan kyun hain
main bola, aansuon ki ibtadayi shakal joh thehri
woh kehti hai ke main kuch muztarib si hoon
main kehta hoon,! Tum to meri rooh jaisi ho
woh kehti hai, tumein kyun khauf aata hai hawaon se
main kehta hoon,! Deep to aise hi hote hain
woh kehti hai, chalo ! Hawa ke saath chalte hain
main khamoshi se us ke saath chal deta hoon bujhne ko
woh mujh se poochti hai, tum kahan gayab ho sadiyon se
main kehta hoon, hazaron wasooson ke darmiyaan gum hoon
woh mujh se poochti hai, raat ki bechainiyan kya hain
main kehta hoon, wohi jo dooriyon ke dil mein hoti hain
woh mujh se poochti hai, khauf ka doraniya kya hai
main kehta hoon, jo dil aur gham ka hota hai museebat mein
woh mujh se poochti hai, badlon ki umar kitni hai
main kehta hoon, tamazat ke mutabiq paniyon ke waqt jitni hai
woh mujhse poochti hai, raat itni be-zuban kyun hai
main kehta hoon, zuban to dard ki shiddat se hoti hai
woh kehti hai, yeh khamoshi bhi kuch to sochti hogi
main kehta hoon, wohi jo ghuftugo ki bheer mein kho jaye
woh kehti hai, ke kuch dinon se bolte kam ho
main kehta hoon, kayi dukh bolne se rok dete hain
woh kehti hai, mujhe yeh soch ker batla main kaisi hoon
main kehta hoon,! Sochne mein waqt lagta hai
main kehta hoon, tumhein darya kinare kaise lagte hein
woh kehti hai tumhein bichare sahare kaise lagte hein
main kehta hoon, mujhe tum hansti gaati achi lagti ho
woh mujh se poochti hai, dard se darne lage ho kya
woh boli, raat se kya baat karte ho akele mein
main bola, dard ki, kuch kuch mohabbat ki, judai ki
woh boli, chand kya aata hai tum se chonchlein karne
main bola, haan kabhi sapnon ke aangan mein utarta hai
woh boli, kaun aksar yaad aata hai udaasi mein
main bola, kuch puraane raaste, bachpan aur ik larki
woh boli, dard ki jaziyaat mein parne se kya behtar
main bola, dard ko khush khush sahein aur kooch kar jayein
woh boli, zindagi to dairon ke phailne se hai
main bola, maut bhi ik daira hai door tak phaila
woh boli, rooh ke andar kahin per aag jalti hai
main bola, haan dhuan main ne bhi dekha hai nigahon mein
woh boli, ik dahekta shor sharyanon mein behta hai
main bola, haan badan per aabley maine bhi dekhein hain
woh boli, saans per bhi dard ke korhay baraste hein
main bola, haan lahoo per neel to maine bhi dekhein hain
woh boli, zaat ki teh mein na jaane kya nahan hoga
main bola, jism per ubhri waredon se bhi zahir hai
woh boli, daq zada jeevan chupati phir rahi hoon
main bola, nakhunon ki zardiyon ne ker diya aryan
woh kehti hai, teri jaibon mein itne khwab kyunkar hain
main kehta hoon ke duniya mein mujhe zinda bhi rehna hai
woh kehti hai, tere kalar pe mitti ka nishaan kaise
main kehta hoon ke majboori alamat chor jati hai
woh kehti hai, teri aawaz mein masoomiyat si hai
main kehta hoon ke yeh mazloomiyat ke baad aati hai
woh kehti hai, tere chehre pe karb be-karan kaisa
main bola, dil ne chehre per zara sa rang chora hai
woh kehti hai, tere haathon pe zakhmon ke manazir kyun
main kehta hoon ke kuch zevar bare anmol hote hain
woh boli, umar beeti koi bhi milne nahi aaya
main bola, umar se pooch ke aakhir umar kyun beeti
woh boli, husn dhalne ke liye hota hai, lagta hai
main bola, husn ho, ya bakht ho, ya chand sooraj hon
woh ab to zulfon mein bhi chandi si sarak aayi
main bola, rooh tak main bhi dararhein parh gayi hongi
woh boli, haath dekho be-iradah hi larazte hain
main bola, haath dikhlao to phir dekho bhi himmat se
woh boli, zindagi ka aakhri kardaar hairat hai
main bola, maut se pehle koi ghar baar hairat hai
woh mujh se poochti hai, badalon ko kab bulao ge
main kehta hoon, tumhein jab dhoop ka mausam sataye ga
woh mujh se poochti hai, panchiyon se aashnayi hai
main kehta hoon ke ashkon ke qataron se bhi waqif hoon
woh mujh se poochti hai, shehar ki buniyaad mein kya hai
main kehta hoon, kisi jangal ka qatal aam hai shayed
woh mujh se poochti hai, tum samandar mein kabhi utre
main bola, ik samandar doosre mein kis liye utrey
woh kehti hai, mujhe mayoosiyan rasta nahi deteen
main kehta hoon ke yeh mayoosiyan taqat bhi hoti hain
woh kehti hai, bohat tanha hoon main is puri dooniyan mein
main kehta hoon ke yeh ehsaas to ho ga khuda ko bhi
woh kehti hai ke mujh per shehar ke wehshi lapakte hain
main kehta hoon ke tum kardaar ko seena sapar ker lo
woh kehti hai, hajoom badrosh se khauf aata hai
main kehta hoon, mujhe ujri hui galiyan darati hain
woh kehti hai, mujhe be-has zamaane se shikayat hai
main kehta hoon ke yeh shikwa shikayat rayigaan hai sab
woh boli, tum kahan gayab rehte ho raaton ko
main bola, main to bas aawara phirta hoon udaasi mein
woh boli, phone bhi aksar bohat angej rakhte ho
main bola, be saropa ghantiyon se khauf aata hai
woh boli, tum bohat kanjoos ho khat bhi nahi likhte
main bola, khat likhoon to shairy naraaz hoti hai
woh boli, tum kabhi milne chale aao jo mumkin ho
main bola, yeh to tum ne mere dil ki baat keh di hai
woh boli, aaj mausam mein ajab si khushgawari hai
main bola, haan yeh mausam pyaar se milne ka mausam hai
woh kehti hai ke ab aawargi se kuch nahi haasil
mujhe hairat hai yeh sab kuch woh mujh badal se kehti hai
woh kehti hai, hawa to banjh pan taqseem karti hai
main kehta hoon, magar dharti hawa k bas se bahir hai
woh kehti hai, shabein dhoke mein rakhti hain hamesha hi
main kehta hoon, kahin yeh to nahi dhoka dinon mein ho
woh kehti hai, mujhe to zindagi se eik shikwa hai
hamesha sailon ko maut ke saye mein rakhti hai
woh kehti hai, khuda milta to us se baat karti main
main kehta hoon, magar main to khamoshi bant'ta rehta
woh kehti hai ke be-zarar rehna nahi acha
main kehta hoon, kayi achaiyan bas mein nahi hoteen
woh kehti hai, meri yaadon se kyunkar door rehte ho
main kehta hoon, teri parchaiyan bas mein nahi hoteen
woh kehti hai, tumhari kuch dua bhi to koi ho gi
main kehta hoon, jahan tum ho yeh raatein bhi wahin hoteen
ajab ik ma'noiyat si palat aati nazaron mein
tumhein hum dekhte bhi aur baatein bhi wahin hoteen
sitaare dekhne aate mujhe teri mohabbat mein
woh kehti hai, sitaare aur sapne jhoot hote hain
woh kehti hai ke ab roun to aansoo chubhne lagte hain
main kehta hoon, kisi shayar se aankhein maang sakti ho
woh boli, aas ki faslein kayi beemar hain dil mein
main bola, jis tarah mumkin ho sawal ko bula lao
woh boli, main adhoore qaidiyon ki saf mein shamil hoon
main bola, is ka matlab hai ke aazadi nahi mumkin
woh boli, kuch likhoon to ungliyon se khoon rasta hai
main bola, main to aise mein bhi apne dil se likhta hoon
woh boli, dard ne asab ko murda bana daala
main bola, ishq ki bechainiyon se zindagi ker lo
woh kehti hai, agar sab raaste masdwa ho jayein
main kehta hoon, to phri aap tak mehdood ho jayein
woh kehti hai, agar be-chainiyan be-sod ho jayein
main kehta hoon, fana fi alnar hasat o bod ho jayein
woh kehti hai, agar veraniyan raste mein aa jayein
main kehta hoon, hazaron gham bohat saste mein aa jayein
woh kehti hai, tumhein takhti pe apne harf likh doon to
main kehta hoon, teri baatein mere baste mein aa jayein
woh kehti hai, balayein jab bhi mera naam leti hain
main kehta hoon, tujhe meri duayein thaam leti hain
woh mujh se poochti hai, mujh se baatein kyun nahi karte
main kehta hoon, abhi to dekhne ki manzilon per hoon
woh mujh se poochti hai, shaam kya veraan hoti hai
main kehta hoon ke yeh to hijar ki pehchaan hoti hai
woh mujh se poochti hai, ratjagon ka rang kaisa hai
main kehta hoon ke jaise jaagne wale ki aankhon ka
woh mujh se poochti hai, hijar ki qismein bhi hoti hain
main kehta hoon, jitne wasl utne hi hijar hote hain
woh mujh se poochti hai, pyaar ka matlab batao ge
main kehta hoon ke har ik baat ka matlab nahi hota
woh boli, raaste mein dard ke kitne samandar hain
main bola, aahkri jo zabt se bahir nikal aaye
woh boli, ab to mujh mein zabt ka yara nahi baaqi
main bola, doobne ko phir to tum tayar ho jao
woh boli, kayinaatein is qadar simti hui hain kyun
main bola, is qadar wasa't kahan se aayi hai tum mein
woh boli, be saropa zindagi se kya hua hasil
main bola, kuch bhi ho, kuch bhi na ho aakhir ajal to hai
mohabbat mein safar kitna zaroori hai, woh kehti hai
main kehta hoon, mohabbat mein kahin thehra nahi jaata
woh mujh se poochti hai, aashiyane jal gaye honge
main kehta hoon ke shayed itefaqan bach gaye honge
woh mujh se poochti hai, aaj phir goli chali ho gi
main kehta hoon ke han, kuch mayatein ayi hain basti mein
woh mujh se poochti hai, aaj bhi kuch bomb phatte honge
main kehta hoon, koi kehraam to barpa tha sarhkon per
woh mujh se poochti hai, phir adalat mar gayi ho gi
main kehta hoon ke mujrim to bazaat khud hi munsif hain
woh mujh se poochti hai, baadshah-e-waqt kaisa hai
main kehta hoon, bohat mutemayin rehta hai bechara
woh kehti hai, hawayein raat se aangan mein bethi hain
main kehta hoon, ghutan apna asar dikhla ke chore gi
woh kehti hai, khamoshi farsh per saye banati hai
mein kehta hoon, udaasi weham banti ja rahi ho gi
woh kehti hai ke parchayein bhi ab humzaad lagti hai
main kehta hoon ke tanhai ne pagal ker diya ho ga
woh kehti hai, meri chat per hayole raqs karte hain
main kehta hoon ke yeh to wasoosoon ne bhes badla hai
woh kehti hai, koi rota hai galiyon ke andheron mein
main kehta hoon, judai phir rahi ho gi museebat mein
woh mujh se poochti hai, kya hai kuch hairaan lagte ho
main kehta hoon ke khud ko khwab mein hai mutmayin dekha
woh mujh se poochti hai, kya hai itne mutmayin kyun ho
main kehta hoon ke khud ko khwab mein hairaan dekha hai
woh mujh se poochti hai, muztarab se lag rahe ho kuch
main kehta hoon ke dil mein ishq ka mehmaan dekha hai
woh mujh se poochti hai, kya pareshani hai
main kehta hoon ke saare shehar ko veraan dekha hai
woh mujh se poochti hai, badshagooni ka sabab kya hai
main us se poochta hoon, zindagani ka adab kya hai
woh boli, aa tujhe main raakh ki taseer batlaon
main bola, raakh ko kya raakh ke baare batao gi
woh boli, aa tujhe main dasht ke ma'ni batati hoon
main bola, aa tujhe apne dil mein le ke chalta hoon
woh boli, aa tujhe main zindagi ki fikar samjhaon
main bola, maut ke maare hue ko khoob samjhao
woh boli, aa tujhe main hijar ka mara dikhati hoon
main bola, han mujhe tum le chalo mere hi kamre mein
woh kehti hai, ghubaar-e-waqt mein dhundla gaya jeevan
main kehta hoon, palat ker dekhna takleef deta hai
woh kehti hai ke tum mujh ko pukara hi nahi karte
main bola, kya karoon koi gawara hi nahi karta
woh mujh se poochti hai, kya mujhe tum yaad karte ho
main kehta hoon ke jaane-mann tumhein main bhoolta kab hoon
woh kehti hai ke ab to rayigaan lagta hai sara kuch
main kehta hoon, mujhe to rayigaani ka bohat dhoka hai
woh kehti hai, tamanayein salamat hi nahi ab to
main kehta hoon ke jeevan mein yeh thehrao bhi aata hai
woh mujh se poochti hai, shorq, chashm tamasha kya hai
main kehta hoon ke yeh to shorq alam ka hissa hai
woh mujh se poochti hai, baiat-e-sultaan- e-gham kyunkar
main kehta hoon ke yeh aadab hain rasm-e-mohabbat ke
woh mujh se poochti hai, jabar per sabar masalsal kyun
main kehta hoon ke jab tak jang ki soorat nahi milti
woh mujh se poochti hai, alam-e-bala kahan per hai
main kehta hoon, hamari fikar ki balayi manzil per
woh mujh se poochti hai, sab qayam-o-nazam kaise hain
main kehta hoon, koi to hai jise sab theek rakhna hai
woh kehti hai, main rizq khaak be-ma'ni hoon duniya mein
main kehta hoon k yeh sara nizaam-e-aadmiyat hai
woh kehti hai, main ajz-e-fitrat- e-konain hoon janan
main kehta hoon, mujhe maloom hai aye azmat-e-khaaki
woh kehti hai, main khwab-e-noor- e-batin hoon sahifon mein
main kehta hoon, kise inkaar hai aye khwaish-e-yazdan
woh kehti hai, main husn-e-narmi ehsaas hoon
main kehta hoon ke main to khud gawah-e-lams- e-shabnam hoon
woh kehti hai ke main khushboo-e-itr- e-surkhi- e-subah hoon
hawas khamsa alim mujhe mehsoos karte hain
woh boli, main aseer-e-hijrat hoon zamanon se
main bola, be-thikana pan to sadiyon ka asasa hai
woh boli, main gul-e-shaakh- e-gham-e- tanhai hoon
main bola, main mazar-e-hijar hoon wehshat ke narghe mein
woh boli, main mata-e-ghair hoon tere liye
main bola, han yeh sadiyon se mohabbat ka vateera hai
woh boli, main dar-e-iwaan- e-hairan hoon zamane mein
main bola main musafir hoon, main bola main musafir hoon
woh boli, main talooh-e-aaftaab husan ka manzar
main bola, han agar main chashm-e-benaye tamanna hoon
woh kehti hai, andhere raaston se khauf aata hai
main kehta hoon, abhi to qabar bhi aani hai raste mein
woh kehti hai, zamane ka rawaiya dil mein chubhta hai
main kehta hoon ke achi baat hai tum mukhtalif to ho
woh kehti hai ke jaane kyun khamoshi bhi khatakti hai
main kehta hoon ke mumkin hai tumhein kehna ho kuch us ne
woh kehti hai, samandar sa koi rehta hai aankhon mein
main kehta hoon, kabhi mere bhi dil mein jhaank ker dekho
woh kehti hai, mujhe sahil se nafrat hai museebat mein
main kehta hoon ke yeh to buzdali hai rayigaani ki
woh boli, baarishon se mustaqil jhagre se kya hasil
maon bola, baarishon se hat ta'luq teri khatir hai
woh boli, main majboor hoon jeevan ke changal mein
main us ke jhoot per bola, khuda ka reham ho tum per
woh boli, ishq hai to ishq mein milna milana kya
main bola, ishq ka apna nizaam-e-wasl hota hai
woh boli, dooriyan to kuch mohabbat kam nahi karteen
main bola, han magar milne ki khwaish ko barhaati hain
woh boli, saath bandh jaane se behtar hai bichar jayein
main us ki baat per dukh se hansa aur kuch nahi bola
woh kehti hai, safar mein kyun sitaare saath chalte hain
main bola, jis tarah darya kinaare saath chalte hain
woh mujh se poochti hai, chand ki basti kahan per hai
main us ki baat per us ehad mein hairaan hota hoon
woh mujh se poochti hai, kaun sooraj mein sulagta hai
woh mujh se poochti hai, aur dil ko thaam leti hai
woh mujh se poochti hai, rooh ki larzish ke baare mein
main kehta hoon ke yeh to be-qarari raqa karti hai
woh mujh se poochti hai, almiya kya cheez hoti hai
main kehta hoon, mohabbat aur nafrat zindagi aur maut hai shayed
woh boli, sawanon mein ab woh pehle rang kam kam hain
main bola, ab piya bhi to sukhi ke sang kam kam hain
woh boli, nain kuch kehte hue aksar jhijhakte hain
main bola, dil mein bethe chor ko rasta nahi milta
woh kehti hai ke jhanjhar ab tumhein mayil nahi karti
main kehta hoon, tumhein ab zindagi qayil nahi karti
woh kehti hai ke peele phool bhi khushboo nahi dete
main kehta hoon, judai theek se chubhti nahi dil mein
wo kehti hai, mohabbat hadson ke kheench laati hai
main kehta hoon, mohabbat mo'jzon ko shakal deti hai
woh kehti hai, hawayein pairh se manoos hoti hain
main kehta hoon ke un ke darmiyan rishta purana hai
woh kehti hai, sadayein parbaton se laut aati hain
main kehta hoon un ke un se tukrana nahi aata
woh kehti hai, fizayein husn se aabad rehti hain
main kehta hoon, agar is husn ki taqdees baaqi ho
woh kehti hai, wafayein shehar se bezaar kyunkar hain
main kehta hoon ke itne chup dar-o-deewar kyunkar hain
woh kehti hai, ghatayein dasht ke is paar kyunkar hain
main kehta hoon ke yeh to pyaas ki apni karamat hai
woh boli, aasmanon ki taraf nazrein nahi uthteen
main kehta hoon ke shayed bojh parta hai nigahon per
woh kehti hai, zameen pairon ke neeche sard kyunkar hai
main kehta hoon, zameen hum se bohat naraz rehti hai
kaha us ne, meri itraaf mujh ko qaid rakhti hain
kaha main ne ke in itraaf se bahir nahi kuch bhi
kaha us ne, darakht apni jarhon se pyar karte hain
kaha main ne, jarhein ik roz in ko mar deti hain
kaha us ne, khuda ache bure ki baat sunta hai
kaha main ne, use aawaz ki pehchaan aati hai
woh boli, main chehakte badalon ki gungunahat hoon
main bola, tum mehakte motiya ki muskurahat ho
woh boli, main suhaane mausamon ke geet jaisi hoon
main bola, tum haseen dehatiyon ki pareet jaisi ho
woh boli, main chamakti chandni ke rang jaisi hoon
main bola, tum mohabbat ke purane jhang jaisi ho
woh boli, main lehakti wadiyon ki khushbuon jaisi
main bola, qaaf ki shehzadiyon ki khushbuon jaisi
woh boli, main samandar paar janat se aayi hoon
main bola, main tumhaare khaas istaqbaal ko aaya
woh kehti hai ke mujh se titliyan bhi pyar karti hain
main kehta hoon, unhein tum baagh ke phoolon si lagti ho
woh kehti hai, mujhe jugnoo bhi choone ke liye aayein
main kehta hoon, tumhein woh chand ki mehmaan samajhte hain
woh kehti hai, meri aawaz ko gunbad taraste hain
main kehta hoon, tumhari bazgusht mehrbaan chahein
woh kehti hain, main hans doon to fizayein raqs kar uthein
main kehta hoon, tu ro de to ghatayein raqs kar uthein
woh kehti hai, parinde pyar se mujh ko bulate hain
main kehta hoon, shajar aksar tere qisse sunate hain
woh boli, dard aksar raat ko soya nahi karta
main bola, is tarah to koi bhi rota nahi karta
woh boli, hum to ik shaam-e-ghareeban ghar mein rakhte hain
main bola, karbala waalon se kuch nisbat theharti hai
woh boli, dil ki veraani ke saye cheekh uthte hain
main bola, raat ke pichle pehar ik jashan hota hai
woh boli, dard se aksar koi aawaz aati hai
main us se poochta hoon, kaun bichra hai jawani mein
woh boli, eik deewar-e-ana hayil rahi ab tak
main bola, ab talak nuqsaad bhi to ho chuka kaafi
woh boli, raat ke maathe pe teeka hai suhagan sa
main bola, han yeh peshani anokhi hai zamane mein
woh boli, har taraf jangal mein ik pazeb bajti hai
main bola, har taraf chanchal hawa phirti hai bhagi si
woh boli, sardiyon mein dhoop ki hiddat kabhi dekhi
main bola, tum ne mere lams ki shiddat kabhi dekhi
woh boli, baarishon mein shehar dhal jata hai lamhon mein
main bola, han magar aankhein bohat thak jaya karti hain
woh boli, garmiyon mein pairh ki chaon bulaati hai
main bola, garmiyon mein pairh bhi kaisi panahein hain
woh boli, zaat ko taqseem hi karte raho ge kya
main bola, waqt ke apne taqaze, dil ke apne hain
woh boli, phir palat aaye, chale to phir palat aaye
main bola, band kooche ka safar hai zindagi apni
woh boli, har sarak jaati hai gham ke shehar ki janib
main bola, aur agar woh shehar apne dil mein ho to phir
woh boli, gham hamesha saath deta hai museebat mein
main bola, ik zara thehr, mujhe ghor se dekho
woh boli, kya zaroori tha mujhe tum saath hi rakhte
main bola, rooh bin main jism kya karta, kahan jata
woh boli, aa gaya hai rateela mausam judai ka
main bola, main tera sehra noord mustaqil thehra
woh boli, rait urti hai to aankhon mein bhi parti hai
main bola, dard ki mari hui aankhon ko us se kya
woh boli, soch lo is dhoop mein kaante baraste hain
main bola, yeh to acha hai badh per phool mehkein ge
woh boli, raat zakhmon per bohat teesein bhi barsein gi
main bola, zakhm per zakhmon ki seh jaane ki adat hai
woh boli, aarzuon ke lahoo ka zayiqa kya hai
main bola, talkh hai meeta hai, karwa hai raseela hai
woh kehti hai ke main to maang mein sooraj sajaongi
main kehta hoon ke sooraj ki wazahat ho magar pehle
woh kehti hai, main apne dil mein ik deewar uthaon gi
main kehta hoon ke main is baat ka matlab nahi samjha
woh kehti hai, main aankhon mein koi sehra basaon gi
main kehta hoon ke benayi jhils jaye gi aise to
woh kehti hai, main pairhon per tumhara bakht likhoon gi
main kehta hoon ke pairhon se adawat hai tumhein koi
woh kehti hai, main paani per tera chehra banaon gi
main kehta hoon, mujhe lagta hai tera dil bhi paani tha
woh mujh se poochti hai,tum kise mujrim samajhte ho
main kehta hoon, use jo dard ke ma'ni na samjha ho
woh mujh se poochti hai, jhoot aur sachaiyan kya hain
main kehta hoon ke niyyat aur natayij ki pazerayi
woh mujh se poochti hai, sab se pehle kaun rehta tha
main kehta hoon ke andaza ya mafrooza hi mumkin hai
woh mujh se poochti hai, kaun reh jaye ga duniya mein
main kehta hoon ke bilkul ik nayi aur ajnabi duniya
woh mujh se poochti hai, maut ke baare mein batao gay
main kehta hoon, khat-e-tanseekh hai aaghaz se pehle
woh mujh se poochti hai, jangalon mein kaun rehta hai
main kehta hoon, wohi jo shehar mein rehne se khayif hain
woh mujh se poochti hai, aasmanon se pare kya hai
main kehta hoon, na veraane na aabadi na barbadi
woh mujh se poochti hai, waqt ko tum kya samajhte ho
main kehta hoon ke har ehsaas ke a'dad ki ginti
woh mujh se poochti hai, kya khuda ko mante ho tum
mian kehta hoon, yaqeenan aur use mehsoos karta hoon
woh mujh se poochti hai, yeh mazahib ke masail kya hain
main kehta hoon ke duniya ke bare logon ki baatein hain
woh mujh se poochti hai, khwab ki ta'beer ke baare
main us se poochta hoon, aqal ki jageer ke baare
woh mujh se poochti hai, zindagi ke raaz ke baare
main us se poochta hoon, dharkanon ke saaz ke baare
woh mujh se poochti hai, raat aur din ki musafat kya
main kehta hoon, yeh saaye hain kisi qaidi musafir ke
woh mujh se poochti hai, hum agar kuch bhi nahi hain to
main kehta hoon, nahi hona bhi hota hai jahanon mein
woh mujh se poochti hai, aqal kya hai aur dil kya hai
main kehta hoon ke ik ikhtelaaf amal paheem hai
woh kehti hai ke deewanon ka koi kya bharosa hai
main kehta hoon, bharose ke liye duniya hi kiya kam hai
woh kehti hai, kisi ko mat bata dena mere baare
mmain kehta hoon, magar ik geet ko aur chandni shab ko
woh kehti hai, suno mujhe tum se mohabbat hai
main kehta hoon, meri jaan tum to khud meri rayazat ho
woh kehti hai,yeh saare log kyun baatein banate hain
main kehta hoon, meri jaan yeh mohabbat ka muqadar hai
main kehta hoon, mohabbat kayinaati geet hoti hai
woh thora gunguna ke aansuon mein doob jati hai
woh mujh se poochti hai,har taraf ik be kali kyun hai
main kehta hoon, koi anjaam aa pohancha hai basti mein
woh mujh se poochti hai, be sarosamaan kab se ho
main us se poochta hoon,is qadar nadaan kab se ho
woh mujh se poochti hai, kaun lawaris hai muqatil mein
main kehta hoon, wohi jo qatal karne ke liye aaye
woh mujh se poochti hai, shehar ki halat ka kya ho ga
main kehta hoon, koi din mein balayein loot jayeingi
woh mujh se poochti hai, karbala kya phir bapa ho gi
main kehta hoon, nahi, ab is qadar tanha nahi koi
woh boli, dard ke us paar bhi eik dard hota hai....

Eid ka din bhi shab-e-hijar ki surat guzra


Eid ka din bhi shab-e-hijar ki surat guzra 

Dost aaya na koi aur na hi tum aaye

Sahib-e-aqal hain aap ik masla to hal keejiye


Sahib-e-aqal hain aap ik masla to hal keejiye

Rukh-e-yaar nahin dekha kya meri eid ho gi

Mujh main ab mera jee nahin lagta


Mujh main ab mera jee nahin lagta 
Aur sitam yeh keh mera jee hi nahin 

Haye woh shouq jo nahin tha kabhi 
Haye woh zindagi jo thi hi nahin

Mujh ko is aas pe jeenay ka saleeqa nahin aata



Mujh ko is aas pe jeenay ka saleeqa nahin aata 
Koi mera hai to phir mujh main simat kiyon nahin jaata 

Dil-e-nadaan ki tasalli ko to hain afsanay bhout
Phir bhi yeh dil chupkay se sambhal kiyon nahin jaata

Hazaron log hain bastay is jahan main par
Janay teray siwa meray dil ka nagar bas kiyon nahin paata

Subho-o-shaam aankhon main basi rehti hai surat teri
Main teray dil main bas jaaon mujh ko yeh hunar kiyon nahin aata

Chalo acha huwa Eid ab kay bhi tanha guzri


Chalo acha huwa Eid ab kay bhi tanha guzri 

Galay mil kay bhout rotay jo tum aa jatay

Guzar chali dabb-e-paaon shaam-e-eid


Guzar chali dabb-e-paaon shaam-e-eid

Khayal-e-yaar jo aaya to aankh bhar aayi

Ae baarish wahan baras jahan tarsay hain tujh ko log


Ae baarish wahan baras jahan tarsay hain tujh ko log 

Meray dil ka aangan kisi ki yaad se aksar sairaab rehta hai

Aaj saqi sharaab rehnay do tishnagi ka azaab rehnay do


Aaj saqi sharaab rehnay do tishnagi ka azaab rehnay do 

Tum sanwaaro apni zulfon ko meray halaat kharaab rehnay do

Tumhein zaroor koi chahaton se dekhye ga


Tumhein zaroor koi chahaton se dekhye ga 

Magar woh aankhein hamari kahan se laaye ga

Aalam-e-karb main ab kis ko pukaaron


Aalam-e-karb main ab kis ko pukaaron 

Be'wafa chor gaya mujh ko jahan se aagay

Dukhon ka raaj chal raha hai tum intizaar karna


Dukhon ka raaj chal raha hai tum intizaar karna 

Main khushiyan dhoond laya to tumhein aa milon ga

Tumhari aankh meray dil se be'sabab be'wajah


Tumhari aankh meray dil se be'sabab be'wajah 

Hui hai larnay ko taiyaar dekhtay jaao

Teray grajnay se bhout khouf aata hai Ae Badal


Teray grajnay se bhout khouf aata hai Ae Badal

Tu be'awaz hi baras liya kar meray aanso'on ki tarah

Kaash aa kar dekh lay tu meri aankhon se yeh behtay huye Aansoo


Kaash aa kar dekh lay tu meri aankhon se yeh behtay huye Aansoo

Na janay kis ne tujhay keh diya keh tujhay bhool gaye hain hum

Suno Ae chand si larki




Suno Ae chand si larki 
Abhi tum titliyan pakro
Ya phir guriyon se khelo tum 
Ya phir masoom si aankhon se

Dheron khawab dekho tum 
Faraz-o-faiz-o-mohsin ki 
Kitabein abhi mat parhna 
Yeh sab lafzon kay shair hain 

Tumhein uljha kay rakh dain gay 
Tumhein maloom hi kab hai 
Mohabbat kay libaas main 
Hawas aur hirs hoti hai 

Yeh insaano ki duniya hai 
Magar in se kahin barh kar 
Yahan wehshi darainday hain 
Woh wehshi jin ki aankhon main 

Machaltay pyaar kay peechay 
Hawas aur hirs hoti hai 
Abhi kacchi kali ho tum 
Abhi kaanton se mat khelo 

Abhi apni hatheli par 
Kisi ka naam mat likhna 
Abhi apni kitabon main 
Gulabi phool mat rakhna 
Suno ae chand si larki

Yeh haseen mousam yeh hawaein yeh baarish


Yeh haseen mousam yeh hawaein yeh baarish

Lagta hai mohabbat main aaj kisi ne wafa kar li

Tujh main chuppay hain meri zindagi kay hazaaron raaz Ghalib


Tujh main chuppay hain meri zindagi kay hazaaron raaz Ghalib

Tujhay waasta hai zindagi ka zara khud ka khayal kar 

Bil'Aakhir yeh haseen manzir mitta dena hi parta hai


Bil'Aakhir yeh haseen manzir mitta dena hi parta hai 
Kisi kay sar ko seenay se hata dena hi parta hai 

Kisi dair Aashna ko jhootay sachay sawalon se 
Ta'aruf kay liye sab se mila dena hi parta hai 

Jo saanson main mehaktay hain jo aankhon main damaktay hain 
Achanak aik din un ko bhula dena hi parta hai 

Diye jo hum jalatay hain Niyat-e-shouq se her shab 
Unhain khud apni palkon se bujha dena hi parta hai 

Koi jab haal poochta hai hum se , kaisa haal hai ?
Hamein mohtaat ho kar muskura dena hi parta hai 

Chamak uth'tay hainjab sitaray us ki palkon par 
Ussay dil se laga kar hosla dena hi parta hai

Youn hi mil bethnay ka bahana niklay


Youn hi mil bethnay ka bahana niklay 
Baat se baat fasanay se fasanay niklay 

Phir chalay zikar kisi zakham kay chill janay ka
Phir koi dard koi khawab puraana niklay 

Phir koi yaad koi saaz utha lay aaye 
Phir kisi saaz kay parday se taraana niklay 

Yeh bhi mumkin hai sehraaon main gum ho jayein 
YEh bhi mumkin hai Kharabon se khazana niklay 

Aao dhoondein to sahi Ehal-e-wafa ki basti
Kya khabar phir koi Gum'gashta thikaana niklay 

Yaar aisi bhi na kar baat keh dono ro dain 
Yeh taaluq bhi faqat rasm-e-zamana niklay 

Yeh bhi hai ab na uthay naghma-e-zanjeer kabhi 
Yeh bhi hai hum sa koi aur dewana niklay

Teri noor-e-mohabbat se gulshan thi zindagi meri


Teri noor-e-mohabbat se gulshan thi zindagi meri

Kis ne kaha mujhay gham kay andheron main chor ja

Zindagi ko teri zaroorat hai


Zindagi ko teri zaroorat hai 

Sakht garmi main baarishon ki tarah

Us ne narn kaliyon ko rond rond paaon se


Us ne narn kaliyon ko rond rond paaon se 
Taazgi baharon ki cheen li Adaaon se

Paaon main kahayalon kay raastay bichay hain 
Aaj hi churaye hain phool us kay gaaon se 

Door door rehti hai aik gham zada larki
Hijraton ki raahon se wasal ki sarraaon se

Teray jism ki khushboo shaam ki udaasi hai 
Motiye kay phoolon ne cheen li hawaon se

Bhaij apnay lehjay ki narm garm Aatish ko
BArf kab pighalti hai chaand ki shu'aaon se 

Pyaar ki kahaani main such agar milay 
Umar baandh leti hain larkiyan wafaon se
Related Posts Plugin for WordPress, Blogger...