Imran's Poetry: 07/25/14

Jul 25, 2014

Tum ko baatein kab ati hain

Tum ko baatein kab ati hain

Tum masoom si bholi bhaali

Uljhi uljhi be'kal be'kal

Gum sum gum sum si rehti ho tum to chup chup si rehti ho

Tum ko baatein kab ati hain

Lakin jab jo kehna chaho

aankhon aankhon keh jaati ho

Aur sab kuch manwa leti ho

Teri naram komal palkain mujh ko kehnay kab deti hain

Baat labon pe aa jaati hai , par lab khulnay kab deti hai

Teray honton ka yeh tabasum

Kitna batooni hai jana!

Tum ho bholi si ik larki

aur main lafzon ka jadoo gar

Teray in khamosh labon se haar kay chup ho jaata hoon

Aur yeh duniya wale paagal in ko main kaisay samjhaon

Baahir se chup rehti ho

Par andar se tum bol rahi ho

Ik darwaza band hai lakin so darwaze khol rahi ho

Aur yeh sab kuch jaan kay bhi main duniya ko samjha na paaon

Lafaz teray dohraa na paaon

Theek hai bholi bhaali larki

Ab jo kehna mujh se kehna an jo sunana mujh se sunana

Duniya youn bhi yeh kehti hai

Tum masoom si guriya jaisi

Tum ko baatein kab ati hain

Poet : Arshad Malik

Roop nagar ki raani ho tum

Roop nagar ki raani ho tum

Alhar shokh jawani ho tum

Roop nagar ki raani ho tum

Ishq safar kay sehraon main

thanda meetha paani ho tum

Main hoon jaltay suraj jaisa

Aur ik shaam sohani ho tum

Duniya aankhain mal mal dekhay

Sar'ta pa hairaani ho tum

Apnay bakhat pe naazan ho ga

Jis raja ki rani ho tum

Jo dil pe naqsh hoon manzar suhanay lagtay hain

Kisi kay bhoolnay main bhi zamanay lagtay hain

Bhout se aur bhi khultay hain dard us lamhay

Jab aik gham ko hansi main chuppanay lagtay hain

Qalam ko choom liya hum ne likhtay waqat kabhi

Kabhi khud apna likha bhi mitaanay lagtay ahin

Ajeeb dard hai jis dam koi dilaasa de

Mujhay to pichlay bhi gham yaad anay lagtay hain

Hum un se apni koi baat karna chahtay hain

Woh dastaan jahan ki suna'nay lagtay hain

Raqam kiya jinhain auraaq-e-dil pe hum ne kabhi

Kabhi woh shaam kay manzar draanay lagtay hain

Kabhi to miltay hain do ajnabi bhi aisay sehar

Keh un kay beech taaluq puraanay lagtay hain

Yasmeen sehar

Log bichar jaatay hain aur tasveer un ki

Aankhon main ta'umar saji reh jaati hai

Poet : Arshad Malik

Bandh lain haath pe seenay pe saja lain tum ko

Jee main ata hai taveez bana lain tum ko

Phir tumhain roz sanwarain tumhain barhta dekhain

Kiyon na aangan main chambaili sa laga lain tum ko

Kiya ajab khwaishein uth'ti hain hamaray dil main

Kar kay munna sa hawaon main uchalain tum ko

Kabhi khwabon ki tarah aankh kay parday main raho

Akbhi khwaish ki tarah dil main bula lain tum ko

Is qadar toot kay tum pe hamain hamain pyaar ata hai

Apni baanhon main bharain maar hi daalain tum ko

Poet : Wasi Shah

Bichar kar tum se raah-e-ishq main is qadar huwe tanha

Thakay tanha , giray tanha, uthay tanha ,chalay tanha

Wada-e-wasal ki umeed kay bar annay tak

Hum teray hijar se hijrat nahin karnay wale

Ussay kaho woh apni masroofiat kam kar de

Suna hai bichranay ki yeh pehli nishaani hoti hai

JAb apni kalai main ghumaati hai kangan

Sari duniya mujhay Gardish main nazar ati hai

Qayamat khaiz hain aankhain tumhari

Tum aakhir khwaab kis kay dekhtay ho

Is aarzoo se aagay koi raasta nahin hai

Tumhain kis qadar hai chaha

Tumhain pata nahin hai

Koi pal tumharay bina bhala kaisay beet jaye

Mere tum nahin ho

Mera kuch nahin hai

Meri her dua kay peechay

Bas ik dua tumhari

Is arzoo se aagay koi

Raasta nahin hai

Sakhtiyaan karta hoon dil par ghair se ghafil hoon main

Hay kiya achi kahi zaalim hoon main jahil hoon main

HAi meri zillat hi meri shraafat ki daleel

Jis ki ghaflat ko malaik rotay hain woh ghafil hoon main

Bazam-e-hasti apni aaraish petu nazan na ho

Tu to ik tasveer hai mehfil ki aur mehfil hoon main

Dhoondta phirta hoon Ae "Iqbal" apnay aap ko

Aap hi gaya muusafir aap hi manzil hoon main

Mumkin hai keh tu jis ko samjhta hai baharan

Auron ki nigahon main woh mousam hai khizaan ka

Hai silsala ehwaal ka her lehja dagargun

Ae saleek-e-raah fikar na kar sood-o-ziyaan ka

Shayed keh zameen hai woh kisi aur jahan ki

Tu jis ko samjhta hai falak apnay jahan ka

Wafa kay khwaab mohabbat ka asraa le ja

Agar chala hai to kuch mujh se diya le ja

Maqam-e-sood-o-ziyan a gaya hai phir janan

Yeh zakham meray sahi teer to utha le ja

YAhi hai qismat-e-sahara yehi karam tera

Keh boond boond ata kar ghata ghata le ja

Ghroor-e-dost se itna bhi Dil'shakista na ho

Phir uth kay samnay daman-e-iltaja le ja

Nadamatein hon to sar bar-e-dosh hota hai

"Faraz" jin kay Evaz Abroo bacha le ja

Jab se us ne shaher ko chora her rasta sunsaan hua

APna kiya hai saaray shaher ka ik jaisa nuksaan hai

Meray haal pe hairat kaisi Dard kay tanha mousam main

Pathar bhi ro partay hain insaan to phir insaan hua

Us kay zakham chupa kar rakhiya ,khud us shakhs ki nazron se

Us se kaisa shikwa karain woh to abhi nadaan hua

Youn bho kam amez tha "Mohsin" woh is shaher kay logon main

Lakin meray samnay aa kar aur hi kuch anjaan hua

Mujh se kehta hai kabhi dil main malaal atay hain

Kaisay kaisay mere dushman ko sawal atay hain

Yeh jo hum rotay hain chup kar kabhi tanhai main

Rafta rafta tujhay aankon se Nikal atay hain

Hum mohabbat pe bhi koi ehsaan rakhtay hain

Nekiyaan kartay hain dariyaon main daal atay hain

Bas is khouf se soi nahin muddat se

Hijar milta hai agar khwaab-e-wisaal atay hain

Phool khil jayein to is shakhs se kam kam milna

Aisay mousam main mohabbat pe zawaal atay hain

Jo mousam beet jaata hai dobara kiyon nahin aata

Kahin se loat kar bachpan hamara kiyon nahin aata

Yahan anay ko to her din kisi kay saath aata hai

Jaisay is dil main reh reh kar pukaara kiyon nahin aata

Woh jis ki lo mohabbat ki jabeen kis tarah thi

To phir raastay main hamaray woh roshan sitara kiyon nahin aata

Kabhi phailay huye pairron se jab kirnain jhalakti hain

Tasawur main us aankhon ka ishara kiyon nahin aata

Bhatakta phir raha hoon din keh is veeraan jungle main

Mehakti shaam ka rangeen kinara kiyon nahin aata

Jeena azaab kiyon hai yeh kiya ho gay mujhay

Kis shaks ki lagi hai bhala bad'dua mujhay

Bana'na para hai aap hi apna khuda mujhay

Kis kuffar ki mili hai bhala yeh saza mujhay

Yeh keh main ne rakha hai her aainay ka dil

Aglay jahan main roop milay ga naya mujhay

Niklay thay dono bhais badal kar to kiya ajab

MAin dhoondta khuda ko phirta aur khuda mujhay

Tu muta'min nahin to mujhay kab hai aitraaz

Matti ko phir se gondh meri , phir bana mujahy

Tujhay dhoondti rahi chashm-e-tar

Tera naam wird-e-zubaan raha

Na haram ka mujh ko khyal tha

Na sanam kaday ka gumaan raha

Teri chashm-e-naaz ka meh'kada

Mujhay be;niyaz sa kar gaya

Na shor-e-kon-o-makaan raha

NA khyal-e-sood-o-ziyaan raha

Karray waqat main jo main gir gaya

Teri yaad hi bani mojza

Shab-e-hijar main bhi ae jaan-e-jaan

Teri qurbaton ka samaa raha

Mujhay zindagi se bhi pyaar tha

Mujhay ishq se bhi thein aqeedatein

Go bhout khathan thay yej raastay

Tera saath tha , main rawaan raha

Aankh barsi hai teray naam pe sawan ki tarah

Jisam sulga hai teri yaad main eendhan ki tarah

Loriyaan di hain kisi qurb ki khwaish main mujhay

Kuch jawani kay bhi din guzray hain bachpan ki tarah

Is bulandi se mujhay tu ne nawaza q tha ?

Gir kay main toot gaya kaanch kay bartan ki tarah

Mujh se miltay huye yeh baat to sochi hoti

Main teray dil main samaa jaaon ga dharkan ki tarah

Zamana pyaar ka itna hi kam hai yeh na jana tha

Zamana pyaar ka itna hi kam hai

Yeh na jana tha

Hamara saath bas do hi qadam hai

Yeh na jana tha

Khushboo aaghaz tha meray mohabbat kay fasanay ka

Wafa ne khwaab dekha tha nai duniya basanay ka

Magar is khwaab ki tabeer gham hai

Yeh na jana tha

Bari rangeen baharon main

Jalay ga aashiyana mera

Lutay ga is tarah mazil pe aa kay

Karwaan mera

Mujhay teri mohabbat ki qasam hai

Yeh na jana tha

Youn lagay dost tera mujh se khafa ho jana

Jis tarah phool se khushboo ka juda ho jana

Ehl-e-dil se yeh tera tark-e-taaluq

Waqat se pehlay aseeron ka rihaa ho jana

Youn agar ho to jahan main koi kaafir na rahay

Mojza teray waday ka wafa ho jana

Zindagi main bhi chalon ga tere peechay peechay

Tu mere dost ka Naqsh-e-kaf-e-paa ho jana

Janay woh kon si kaifiyat-e-gham'khwari hai

Meray peetay hi "Qateel" us ko nasha ho jana

Kaanch sa jism kahin toot na jaye

Husan wale teri angrai se dar lagta hai

Jalwe to be'pannah thay is kainaat main

Yeh aur baat hai keh nazar tum pe ruk gayi

Talab yeh keh tum mil jaao

Tamana yeh keh umar bhar kay liye

Koi baat bhi us ko yaad nahin

Koi yaad bhi us ko yaad nahin

Koi baat bhi us ko yaad nahin

Ek shakhs se us ko chaha tha

Woh zaat bhi us ko yaad nahin

JAb shab ki bijli chamki thi

JAb badal toot kay barsa tha

Hum dono jis main bheegay thay

Woh barsaat bhi us ko yaad nahin

Woh kehta tha main sunta hoon

Un laakhon baaton main se

koi baat bhi us ko yaad nahin

Woh saahil , dariya , phool , hawa

Woh shab bhar chaand ko dekha karna

Un saari raaton main

Koi raat bhi us ko yaad nahin

Koi yaad bhi us ko yaad nahin

Koi baat bhi us ko yaad nahin

Koi yaad bhi us ko yaad nahin

Koi baat bhi us ko yaad nahin

Ek shakhs se us ko chaha tha

Woh zaat bhi us ko yaad nahin

JAb shab ki bijli chamki thi

JAb badal toot kay barsa tha

Hum dono jis main bheegay thay

Woh barsaat bhi us ko yaad nahin

Woh kehta tha main sunta hoon

Un laakhon baaton main se

koi baat bhi us ko yaad nahin

Woh saahil , dariya , phool , hawa

Woh shab bhar chaand ko dekha karna

Un saari raaton main

Koi raat bhi us ko yaad nahin

Koi yaad bhi us ko yaad nahin

Koi baat bhi us ko yaad nahin

Zindagi ki raahon main tum bhi chor gaye aakhir

Baray hamdard bantay thay mera dil tor gaye aakhir

Tum pe to baray maan thay meri umeedon ko

Ab kis se gila karoon , tum hi munh mor gaye aakhir

Log to chalo log thay unhon ne jo kiya so kiya

Bhari duniya main aaj tum bhi tanha chor gaye aakhir

Tum to kehtay thya hum woh nahin hain jo chorain apno ko

Apnay waday apni qasmain khud tor gaye aakhir

Udaas kaaghazi mousam main rang-o-boo rakh de

Her ik phool kay lab pe mera lahoo rakh de

Zubaan-e-gul se chahtain trashnay wale

Sakoot-e-naqash main Aaraish-e-numa rakh de

Chala hai janib-e-meh'khana aaj phir waa'iz

Kahin na jaam pe lab apnay be'wuzu rakh de

Khuda kare mera munsif saza sunanay main

Mera hi sar mere qaatil kay ru-ba-ru rakh de

Ek baar hi jee bhar kay saza kiyon nahin detay

MAin harf-e-ghalat hoon to mitta kiyon nahin detay

Moti hoon to daaman main piroo lo mujhae apnay

Ansoo hoon to palkon se gira kiyon nahin detay

Saya hoon to saath na rakhnay ki wajha kiay hai

Aur pathar hoon to raastay se hatta kiyon nahin detay

Bhout khoobsurat weham hai mera

Kahin to koi hai jo sirf mera hai

Us ko chaha bhout magar woh mila hi nahin

Laakh koshish ki , Faasla mitta hi nahin

Us ko zamanay ne majboor is qadar kar diya keh woh

Meri kisi sada pe tehra hi nahin

Her kisi se poocha sabab us kay na milnay ka

Her aik na bataya keh woh teray liye bana hi nahin

Main tamaam tar koshishon kay ba'wajood haar gayi

Aur woh ussay mil gaya , jis ne ussay maanga hi nahin

Jab yaad ka qissa kholon to

Kuch log bhout yaad atay hain

MAin guzray pal ko sochon to

Chalo main batati hoon main

Kiya ho tum meray liye

Meri duniya ho tum

Cho kar jo guzri woh hawa ho tum

MAin ne jo maangi woh dua ho tum

Kare jo roshan mujhay

Woh diya ho tum

Meray izhaar ki raahat ho tum

Mere dil ki chahat ho tum

Tum ho to yeh duniya hai

Kaisay kahoon keh meri zindagi ho tum

Kar sako yaqeen to bataon tumhain

Bhout bhout khaas ho tum

Mera chota sa ik sapna hai

Jissay pal main poora kar de ga

In aati jaati sansoon main

Woh khushboo pyaar ki bhar de ga

Mujhay oonchi hawaon main urna hai

Aur ambar ko ja choona hai

Sona hai yaad kay bistar pe

Phir her khwaish main jaagna hai

Jab chahon ghoomon baghiya main

Main titli hoon mujhay par de de

Her saans gawahi deti hai

Mera jeevan sundar kar de ga

Jab dekhaye ga mera khaali mann

Woh rang-e-mohabbat bhar de ga

Woh mera saajan , woh mera piya

Bin jis kay lagay na mera jeeya

Jeevan ki andheri raaton main

Woh jaisay ho koi jalta diya

Mujhay us ki pannah main rehna hai

Jo hansta basta kar de ga

Jis ghar ki kachi dewaarain thein

Aur lakri ka ik zeena tha

Angana main matti ki khushboo

Woh sawan rutt ka maheena tha

Maazi kay sundar rangon ka

nainon ko her manzar de ga

Chalo baatein karain itni

Falak ki goad main simtay sitaray thak kar so jayein

Zameen pe bikhray manzar sab kay sab hairaan ho jayein

Utarti abshaarain shor karna hi bhool baithain

Thithak jaye samandar ki tlaatum khaiz mojain

Hawa hairat se tham jaye

Chalo baatein karain itni

Bina matlab , bina maqsad

Chalo baatein karain itni

Keh ik lamha ruk kar tumhain sochna dushwaar ho jaye

Aur aisay main achanak

Tumharau lab se mohabbat ka iqraar ho jaye

Lo parh lo aaj chehray pe meray bikhri hui be'basi

Kuch tooti phooti yaadon ki bikhri hui chaandni

Ashkon main doobi hui aankhon ki roshni

Ahoon-o-fariyaad se jalti hui honton pe tishnagi

Talkiyon main lipti hui chahat ki khamoshi

Kaanton se chubti hui mehboob ki be'rukhi

Sawalon main uljhi hui chahat ki raagni

Hoslon ko rondati hui dil'lagi , be khudi

Zanjeeron main jakri gayi qaid-e-tanhai

Jazboon ko masal'ti hui chubhti hui zindagi

Lo oarh lo aaj tum bhi meri ranjashon ki kahani

Kuch tooti phooti yaadon ki bikhri hui rawani

Naya ik rishta paida kiyon karain hum

Bicharna hai to jhagra kiyon karain hum

Khamoshi se ada ho rasm-e-doori

Koi hangama bar'paa kiyon karain hum

YEh kaafi hai keh hum dushman nahin hain

Wafa daari ka dawa kiyon karain hum

Wafa , ikhlaas,Qurbani , Mohabbat

Ab in lafzon ka peecha kiyon karain hum

Yeh kiya hua mujh ko sochon main tujhay paaon

Yeh kiya hua mujh ko

Sochon main tujhay paaon

Sajdon main tujhay maangon

Dil par na raha qaboo

Kiyon kar ussay samjhaon

Ab lagti hai her lehza

Naraaz saba mujh ko

Yeh kiya hu amujh ko

Jalta tha raqeebon se

Kurhta tha naseebon pe

Rashak ata hai ab mujh ko

Sab teray habeebon pe

Kiya aag hai yeh zaalim

Aisay na jala mujh ko

Yeh kiya hua mujh ko

Zinda hoon agar main to

Yeh baat ajab si hai

Tasawur hai tera ya to

Jeenay ka sabab si hai

Is zeest ne to kab ka

Maar diya mujh ko

Yeh kiya hua mujh ko

Ae kaash keh youn hota

Meray saamnay tu hota

Mujhay chaak giribaan bhi

Bas ik sakoon hota

Chahat ki rida mujh ko

Jannat se siwa mujh ko

Yeh kiya hua mujh ko

Chalo aayo phir kisi din mulaqaat kar kay dekhain

Beeti hui baaton ko phir yaad kar kay dekhain

Kuch gham bhi bhool jayein

Kuch dooriyan bhi kam hon

Ik shaam ik doosray kay naam kar kay dekhain

Jo reh gayi thi dil main

Jo tum ko thi batani

Phir mile na mile moqa

Woh baat kar kay dekhain

Youn baaton hi baaton main woh baat bhi ho jaye

Jis baat main woh baat ho

Woh baat kar kay dekhain

Chalo aayo phir kisi din mulaqaat kar kay dekhain

Hussan na maang "Naseeb" maang ae dost

Hussan wale aksar naseeb walon kay "Ghulaam" hua kartay hain

Labon se toot gaye guftagoo kay sab rishtay

Woh dekhti hai to bas dekhta hi rehta hoon main

Agar ruk jaye meri dharkan to mout na samjhna

KAi baar aisa hua hai tujhay yaad kartay kartay

Kuch roz bhout dil tarpay ga

Kuch roz rahein gi nam aankhain

Kuch roz rahay gi be'chaini

Kuch roz yeh seena sulgay ga

Pani main safeena sulgay ga

Rafta rafta

Dheeray dheeray

Phir halaat hijar gazeeda ki

Ik roz sambhal hi jaye gi

Ik zakham bharay ga chahat ka

Ik dard thamay ka shiddat ka

Ik diya bujhay ga qurbat ka

Lakin kiya aisa mumkin hain ?

Tum khud socho

Kiya yeh na'mumkin mumkin hain ?

Tum khud socho

Dil kay dariya ko kisi roz utar jaana hai

Itna be'simat na chal , loat kay ghar jana hai

Us tak aati hai to her cheez tehar jaati hai

Jissay pana hai ussay , asal main mar jana hai

Youn ae shaam-e-safar , rang-e-rihaai kiya hai ?

Dil ko rukhna hai keh taaron ko tehar jana hai

Kon ubhartay huye mehtaab ka rastaa rokay

Us ko her tor suay-e-dasht-e-sehar jana hai

Main khila hoon to isi khaak main milna hai mujhay

Woh to khushboo hai , ussay aglay nagar jana hai

Woh teray husan ka jaado ho keh mera gham-e-dil

Her musafir ko kisi ghaat utar jana hai

Poet : Amjad Islam Amjad

Kal raat bari door ki soojhi mujh ko

Tum ayoo, dabay paaon ,aur lipat jaao

Baad'baan khulnay se pehlay ka ishra dekhna

Main samnadar dekhti hoon tum kinara dekhna

Youn bicharna bhi bhout asaan na tha us se magar

Jaatay jaatay us ka woh mur kay dobara dekhna

Ki shabahat ko liye aya hai darwaze pe chaand

Ayi shab-e-hijraan zara apna sitara dekhna

Aainay ki aankh ki kuch kam na thi mere liye

Jaanay ab kiya kiya dekhaye ga tumhara dekhna

Koi khushiyon ki chah main roye

Koi dukhon ki pannah se roye

Ajeeb silsala hai ishq aur mohabbat ka

Koi wafa kay liye roye, koi wafa kar kay roye

Ik pal main jo barbaad kar detay hain dil ki basti ko faraz

Woh log dekhnay main aksar masoom hotay hain

Meray dil ka kiya haal poochtay ho tum

Yahan malba hai bas kuch yaadon ka

Ishq main jeet hui ya maat

Aaj ki raat na chair yeh baat

Youn aya woh jaan-e-bahaar

Jaisay jung main phailay baat

Rang khulay sehra ki dhoop

Zulf ghanay gungle ki raat

Kuch na kaha aur kuch na suna

Dil main reh gayi dil ki baat

Yaar ki nagri koson door

KAisay katay gi bhaari raat

BAsti walon se chup kar

Ro letay hain pichli raat

Snaaton main suntay hain

Suni sunaai koi baat

Phir jaaray ki rut ayi

Chota din aur lambi raat

Meray khilaaf hua hai to is ka dar bhi nahin

YEh jaantay hain keh woh itna mohtabar bhi nahin

Tujhay bhi dekh liya shaam-e-wada-e-aakhir

Ab aaitabar hamain teray naam par bhi nahin

Yahan to saans bhi leena mohaal lagta hai

Hum is faseel kay qaidi hain jis main dar bhi nahin

Bhout shadeed hai khwaish uraan ki lakin

Qafas naseeb prindan kay baal-o-par bhi nahin

Mohabbaton main wafa ki saza to milni thi

Dil-e-tabaah teray kaam mohtabar bhi nahin

Baar haa tujh se kaha tha mujhay apna na bana

Ab mujhay chor kay duniya main tamasha na bana

Na dikha paye ga tu khwaab meri aankhon kay

Ab bhi kehta hoon musawar mera chehra n abana

Ik yahi gham meray marnay kay liye kaafi hai

Jaisa tu chahta tha mujh ko main waisa na bana

Aik baat aur pattay kay main bataon tujh ko

Aakhrat banti chali jaye gi , duniya na bana

Yeh khuda ban ay riyaat nahin kartay hain "Wasi"

Hussan walon ko kabhi qibla-o-kaaba na bana

Poet : Wasi Shah

Raah-e-wafaa main sazaon ko kon dekhay ga

Raah-e-wafaa main

Sazaon ko kon dekhay ga

Safar hai dhoop ka

chayon ko kn dekhay ga

Hum apni zid par aye

To cheen lain gaye tujh se

Teray shaher ki dewaron ko

kon dekhay ga

Bichar to jayein magar

Phir khyal ata hai

Teri in dilkash adaon ko

kon dekhay ga

Marte hain agar ishq main to marna hai qabool

Per tere bin adhoori zindagi jeena hai fazool

NA thi chahat pehlay is duniya ki mujhay na hai ab

Bas chahiye tha tera saath agar woh bhi nahin to sab hai fazool