Jo daagh dil pe lagay un ko mita kar jeetay

Jo daagh dil pe lagay un ko mita kar jeetay

KAisay hum un ki jafaon ko bhula kar jeetay 

Baat karnay kay liye kis ka waseela chahtay 

Ya to pathar ka koi butt hi bana kar jeetay 

Na andhaira na sawaira  na kiran ki koi umeed 

Aisi halat main kahan khud ko jaga kar jeetay 

Janay wala koi subha ka bhoola nahin tha 

Warna darwazay pe shamma jala kar jeetay 

Rang pheekay thay chaman main bhi gulon ky warna

Ashiyaan shaakh-e-gulistaan pe bana kay jeetay

Na koi had hai ulfat main aza'dari ki 

Na hi lazam tha keh hum ansoo baha kar jeetay

Zindagi bhi to badalti hai thikaanay shoukat 

Warna mumkin tha galay is ko laga kar jeetay

Ghalti meri thi us ne mujhay chaha hi nahin

Ghalti meri thi 

Us ne mujhay chaha hi nahin 

Main chahat samjh baitha 

Ghalti meri thi 

Us ki pal bhar ki muskurahat ko piyaar samjh baitha 

Ghalti meri thi 

Woh to her baat pe haan karti thi 

Main hi iqraar samjh baitha 

Ghalti meri thi 

Us ne mujh se ziada ehmiyat di meray doston ko

Main us ki yeh ada mazaaq samjh baitha 

Ghalti meri thi 

Us ne kaha bhi tha koi aur hai meri zindagi main 

Main hi khud ko us ki zindagi samjh baitha 

Ghalti meri thi 

Agar woh piyaar kar leti mera daman pakar leti

Agar woh piyaar kar leti

Mera daman pakar leti

To jeevan main faqat us se 

Mohabbat farz ho jati 

Mohabbat qarz ho jati 

Magar

Acha kiya us ne 

Mujhay samjh ky chal nikli

Mujhay thukra ky chal nikli 

Bhout nadaan si hai woh

Abhi anjaan si hai woh

KAhan maloom hai us ko

Mohabbat zindagi main bas

Faqat ik baar milti hai

Agar thukra ky chal niklain 

To umrain beet jati hain 

Mohabbat ki taman'na main 

Magar 

Her aik rastay pe

Sirf ruswai milti hai

Faqat tanhai milti hai

Yaro kisi qatal se kabhi piyaar na mango

Yaro kisi qatal se kabhi piyaar na mango

Apnay hi galay kay liye talwaar na mango 

Gir jayo gy tum apnay maseeha ki nazar main 

Mar kar bhi ilaaj-e-dil-e-bemaar na mango 

Khul jaye ga is tarah nighahon ka bharam bhi 

Kaanton se kabhi phoolon ki mehkaar na mango 

Sach baat pe milta hai sada zehar ka payala 

Jeena hai to phir jurrat-e-izhaar na mango 

Us cheez ka kiya zikar jo mumkin hi nahin hai 

Sehra main kabhi saya-e-dewaar na mango

Ajeeb karb main guzri , jahan jahan guzri

Ajeeb karb main guzri , jahan jahan guzri 

Agarchay chahney walon ky darmiyaan guzri 

Tamaam umar jalatay rahay chiraagh-e-umeed 

Tamaam umar umeedon ky darmiyaan guzri

Guzar gai jo teray sath , yaad gaar hai woh 

Teray baghair jo guzri , balaa-o-jaan guzri

Mujhay sakoon muyassar nahin to kiya gham hai 

Gulon ki uamr to kaanton ky darmiyaan guzri

Ajeeb cheez hai , yeh gardish-e-zamana bhi 

KAbhi zameen pe , kabhi misl-e-asmaan guzri

Tumhain paa kar khona meray bas main nahin

Tumhain paa kar khona meray bas main nahin 

Ab koi aur zakham pirona meray bas main nahin 

Ek umar tak dhoya hai dil ky daaghon ko 

Ab yeh daagh dhona meray bas main nahin 

Jaag chukay hain bhout shab ki tanhaion main keh 

Ab raton ko sona meray bas main nahin 

Kushiyon ki aakhri umeed ly ky aya hoon teray dar pe

Dukhon main ab rona meray bas main nahin 

Teray baad nazar ati nahin mujhay koi bhi manzal 

Kisi aur ka hona ab meray bas main nahin

Teri Kushboo ka pata karti hai

Teri kushboo ka pata karti hai

Mujh pe ehsaan hawa karti hai

Shab ki tanhai main ab to aksar 

Guftagoo tujh se raha karti hai 

Dil ko us raah pe chalna hi nahin 

Jo mujhay tujh se juda karti hai 

Zindagi meri thi lakin ab to 

Teray kehnay main raha karti hai 

Us ne dekha hi nahin warna yeh aankh 

Dil ka ehwaal kaha karti hai

Be'niaz-e-kaf-e-dariya ang'gasht 

Rait pe naam likha karti hai 

Shaam partay hi kisi shakhs ki yaad 

Koocha-e-jaan main sada karti hai 

Mujh se bhi us ka hai waisa hi salook 

Haal jo tera , ana karti hai 

Dukh hua karta hai kuch aur bayaan 

Baat kuch aur hua karti hai 

Abar barsay to inayat us ki 

Shaakh to siraf dua karti hai

Masla jab bhi uthay chiraghon ka 

Faisala sirf hawa kari hai 

Us ne kaha mujh se kitna pyaar hai

Us ne kaha mujh se kitna pyaar hai 

MAin ne kaha sitaron ka koi shumaar hai 

Us ne kaha kon tumhain hai bhout aziz 

Main ne kaha jdil pe jissay ikhtiyaar hai 

Us ne kaha kon sa tohfa hai pasand 

Main ne kaha woh samaa jo ab tak udhaar hai 

Us ne kaha sath kahan tak nibhayo gy

Main ne kaha jitni yeh saansain ki taar hai 

Us ne kaha mujh ko yakeen aye kis tarah 

Main ne kaha mera naam hi aitbaar hai

Hijar ki shab main qaid karay ya subha wisaal main rakhay

Hijar ki shab main qaid karay ya subha wisaal main rakhay

Acha Mola ! teri marzi tu jis haal main rakhay 

Khail yeh kaisa khail rahi hai dil se teri mohabbat 

Ik pal sarshari de aur din malaal main rahay 

Main ne sari kushbo'ein aanchal se baandh ky rakhein

Shayed in ka zikar tu apnay kisi sawaal main rakhay 

Kisi se teray aanay ki sargoshi ko suntay hi 

MAin ne kitnay phool chunay aur apni shaal main rakhay 

Mushkal ban kar toot pari hai dil par yeh tanhai 

Ab janay yeh kab tak is ko apnay jaal main rakhay  

Kaati hai gham ki raat baray ehtaraam se

Kaati hai gham ki raat baray ehtaraam se

Aksar bhujha liya hai chraghon ko shaam se

Roshan hai apni bazam Aur isi ehtaraam se

Kuch dil bhi jal rahay hain chraghon ky naam se

Mudat hui hai khoon-e-tamana kiye magar 

Ab tak tapak raha hai lahoo dil ky jaam se

Subha-e-bahaar hum ko bulati rahi magar 

Hum khailtay rahay kisi damakti shaam se

Her saans par hai mout ka pehra laga hua 

Ahista Ae hayat guzar is maqaam se

Kati tamaam umar fraib-e-bahaar main 

Kaantay smait'ty rahay phoolon ky naam se

Yeh aur baat hai keh hum na sun sakey

Awaaz us ne di hai hamain her makaam se

Raaton main agar na ashk bahaun to kiya karoon

Raaton main agar na ashk bahaun to kiya karoon

Ek pal bhi us ko bhool na payon to kiya karoon 

Main ne suna hai us ko andheray nahin pasand 

Raahaon main ab main dil na jalaon to kiya karoon 

Tum hi kaho chor de Jab zindagi bhi sath 

Phir mout ko galay na lagaon to kiya karoon 

Socha tha keh chor doon un ki gali

Lakin kahin qaraar na payoon to kiya karoon