Imran's Poetry: 07/09/16

Jul 9, 2016

Guzran hai guzartay rehtay hain

Hum miyan jaan martay rehtay hain

Haye jana woh naaf piyala tera

Dil main bas ghoont utar'tay rehtay hain

Dil ka jalsa bikhar gaya to kya

Saray jalsay bikhar'tay rehtay hain

Yehni kya kuch bhula diya hum ne

Ab to hum khud se dartay rehtay hain

Hum se kya kya khuda mukarta hai

Hum khuda se mukartay rehtay hain

Dil kay sab zakham paisha war hain miyan

Aan-ha-aan bhartay rehtay hain

Tum se bhi ab to ja chuka hoon main

Door-ha-door aa chuka hoon main

Yeh bhout gham ki baat ho shayed

Ab to gham bhi ganwa chuka hoon main

Us gumaan-e-gumaan kay aalam main

Aakhrish kya bhula chuka hoon main

Ab babar'shair ishtihaa hai meri

Shairon ko to kha chuka hoon main

Main hoon ma'maar par yeh batlaa doon

Shaher kay shaher dhaa chuka hoon main

Haal hai ik ajab fraghat ka

Apna her gham manaa chuka hoon main

Log kehtay hain main ne jog liya

Aur dhoni rm'ma chuka hoon main

Nahin imlaa da'rust ghalib ka

Sheefta ko bata chuka hoon main

Tishnagi ne saraab hi likha

Khawab daikha tha khawab hi likha

Hum ne likha nisaab-e-teh'ra shabi

Aur ba'sad aab-o-taab hi likha

Man'shiyan-e-shahood ne ta'haal

Zikar-e-ghaib-o-hijab hi likha

Na rakha hum ne baish-o-kam ka khayal

Shouq ko be'hisab hi likha

Dosto , hum ne apna haal ussay

Jab bhi likha kharab hi likha

Na likha us ne koi bhi maktoob

Phir bhi hum ne jawab hi likha

Hum ne us shaher-e-deen-o-doulat main

Maskharon ko janab hi likha

Mujh ko to gir kay marna hai

Baqi ko kya karna hai

Shaher hai chehron ki tamseel

Sab ka rang utarna hai

Waqat hai woh natak jis main

Sab ko daraa kar darna hai

Meray naqsh-e-sani ko

Mujh main hi se ubharna hai

Kaisi talaafi kya tadbeer

Karna hai aur bharna hai

Jo nahin guzra hai ab tak

Woh lamha to guzarna hai

Apnay gumaan ka rang tha main

Ab yeh rang bharna hai

Hum do paye hain so hamein

Maze pe jaa kay charna hai

Chahay hum ko bhi kar lain

Hum aison ko sudharna hai

Hum to hain ik lamhay kay

Phir bhi wada karna hai

Zakham-e-umeed bhar gaya kab ka

Qais to apnay ghar gaya kab ka

Ab to munh apna mat dikhao mujhay

Na'sahu main sudhar gaya kab ka

Aap ab poochnay ko aaye hain

Dil meri jaan mar gaya kab ka

Aap ik aur neend lay leejiye

Qaafla kooch kar gaya kab ka

Mera feh'rast se nikaal do naam

Main khud se mukar gaya kab ka

Khud se rishtay rahay kahan us kay

Gham to janay thay rai'gaan un kay

Mast un ko gumaan main rehnay de

Khana-e-bar'baad hain gumaan un kay

Yaar sukh neend ho naseeb un ko

Dukh yeh hai , dukh hain be'amaan un kay

Kitni sar'sabz thi zameen un ki

Kitnay neelay thay aasman un kay

Noha khawani hai kya zaroor unhein

Un kay naghmay hain noha khawan un kay

Apni manzil ka raasta bhejo

Jaan hum ko wahan bula bhejo

Kya hamara nahin raha sawan

Zulf yahan bhi koi ghatta bhejo

Nayi kaliyan jo ab khili hain wahan

Un ki khushbu ko ik zara bhejo

Hum na jeetay hain aur na martay hain

Dard bhejo na tum dawa bhejo

Dhool urti hai jo us aangan main

Us ko bhejo , saba saba bhejo

Ae faqeero ! gali kay us gul ki

Tum hamein apni khaak-e-paa bhejo

Shafaq-e-shaam hijar kay haathon

Apni utri hui qaba bhejo

Kuch to rishta hai tum se kam'bakhto

Kuch nahin ' koi bad'dua bhejo

Us ne hum ko gumaan main rakha

Aur phir kam hi dhiyaan main rakha

Kya qayamat namu thi woh jis ne

Hashar us ki uthaan main rakha

Jo shish-e-khoon ne apnay fun ka hisaab

Aik chob , ik chitaan main rakha

Lamhay lamhay ki apni thi ik shaan

Tu ne hi ik shaan main rakha

Hum ne pe'ham qabool ward kar kay

Us ko aik imtihaan main rakha

Tum to us ki yaad ki amaan main ho

Us ko kis ki amaan main rakha

Apna rishta zameen se hi rakho

Kuch nahin aasman main rakha

Kab us ka wisaal chahiye tha

Bas ik khayal chahiye tha

Kab dil ko jo ab se gharz thi

Honton ko sawal chahiye tha

Shouq ik nafs tha aur wafa ko

Paas-e-mah-o-saal chahiye tha

Aik chehra sada tha jo hum ko

Be'misal-o-misaal chahiye tha

Ik karb main zaat-o-zindagi hain

Mumkin ko mohaal chahiye tha

Main kya hoon bas ik malaal-e-mazi

Us shakhs ko haal chahiye tha

Hum tum jo bichar gaye hain hum ko

Kuch din to malaal chahiye tha

Hum tera hijar mana'nay kay liye niklay hain

Shaher main aag laganay kay liye niklay hain

Shaher koochon main karo hashar bar'pa aaj keh hum

Us kay waday ko bhulanay kay liye niklay hain

Hum se jo rooth gaya hai woh bhout hai masoom

Hum to aur'on ko mana'nay kay liye niklay hain

Shaher main shor hai woh youn keh gumaan kay safri

Apnay hi aap main aanay kay liye niklay hain

Woh jo thay shaher-e-ta'hiyur teray pur fun ma'maar

Wohi pur'fun tujhay dhaanay kay liye niklay hain

Rah'guzar main teri qaleen bichanay walay

Khoon ka farsh bichanay kay liye niklay hain

Hamein karna hai Khuda'wand ki imdaad so hum

Dair-o-kaaba ko laraanay kay liye niklay hain

Sar-e-shab ik nayi tamseel bar'pa honi hai

Aur hum parda uthanay kay liye niklay hain

Hamein sai'raab nayi nasal ko karna hai so hum

Khoon main apnay nahanay kay liye niklay hain

Hum kahin kay bhi nahin par yeh hai ru'daad apni

Hum kahin se bhi na janay kay liye niklay hain

Ik gumaan ka haal hai , aur faqat gumaan main hai

Kis ne azab-e-jaan saha , kon azab-e-jaan main hai

Lamha-ba-lamha dam-ba-dam aan-ba-aan rm-ba-rm

Main bhi guzishta'gaan main hoon , tu bhi gazashta'gaan main hai

Aadam-o-zaat-e-kibriya karb main hain juda juda

Kya kahoon un ka maajra jo bhi hai imtihaan main hai

Shaakh se urr gaya prind hai dil-e-shaam-e-dard mand

Sehan main hai malaal sa huzan sa samaan main hai

Khud bhi be'amaan hoon main , tujh main bhi be'amaan hoon main

Kon sahay ga us ka gham woh jo meri amaan main hai

Kaisa hisaab kya hisaab halat-e-haal hai azaab

Zakham nafs nafs main hai zehar zaman zaman main hai

Us ka firaaq bhi ziyaan , us ka wisaal bhi ziyaan

Aik ajeeb kash'ma'kash halqa-e-be'dilaan main hai

Bood-o-na'mood ka hisaab main nahin jaanta magar

Saray wajood ki "Nahin" meray adm ki "Haan" main hai