Tumhari yaad kay jab zakham bharnay lagtay hain

Tumhari yaad kay jab zakham bharnay lagtay hain 

Kisi bahanay tumhein yaad karnay lagtay hain 

Veeran hai meh'kada , kham-o-saghar udaas hain

Veeran hai meh'kada , kham-o-saghar udaas hain

Tum kya gaye keh rooth gaye din bahar kay 

Hum parwarish loh-o-qalam kartay rahein gay

Hum parwarish loh-o-qalam kartay rahein gay 

Jo dil pe guzarti hai raqam kartay rahein gay 

Asbaab-e-gham-e-ishq ba'ham kartay rahein gay 

Veerani-e-doran pe karam kartay rahein gay 

Haan talkhi-e-ayaam abhi aur barhay gi 

Haan ehal-e-sitam mashq-e-sitam kartay rahein gay 

Manzoor yeh talkhi , yeh sitam hum ko gawara 

Dam hai to madaad-e-alm kartay rahein gay 

Baqi hai lahu dil main to her ashk se paida 

Rang-e-lab-o-rukhsaar-e-sanam  kartay rahein gay 

Ik tarz-e-taghafal hai so woh un ko mubarak 

Ik arz-e-tamana hai so hum kartay rahein gay

Dil na'umeed to nahin , na'kaam hi to hai

Dil na'umeed to nahin , na'kaam hi to hai 

Lambi hai gham ki shaam , magar shaam hi to hai 

Raat youn dil main teri khoi hui yaad aayi

Raat youn dil main teri khoi hui yaad aayi 

Jaisay veeranay main chupkay se bahar aaye 

Jaisay sehraon main holay se chalay baad-e-naseem 

Jaisay beemar ko be'wajah qaraar aa jaye

Thay khaak-e-raah bhi hum log qehar-e-toofan bhi

Thay khaak-e-raah bhi hum log qehar-e-toofan bhi

Saha to kya na saha aur kiya to kiya to kya na kiya 

Woh heela'gar jo wafa jo bhi hai , jafa khu bhi 

Kiya bhi to "Faiz" kis butt se dostana kiya 

Yeh kis khalish ne phir is dil main ashiyana kiya

Yeh kis khalish ne phir is dil main Ashiyaani kiya 

Phir aaj kis ne sukhan hum se ghaibaana kiya 

Gham jahan ho , rukh-e-yaar ho keh dast-e-adu

Salook jis se kiya hum ne Aashqana kiya 

Thay khaak raah bhi , hum log qehar-e-toofan bhi 

Saha to kya na saha , kiya to kya na kiya 

Khosha keh aaj her ik mud'dai kay lab par hai 

Woh raaz jis ne hamein randa-e-zamana kiya 

Woh heela gar jo waga ju bhi hai , jafa khu bhi 

Kiya to Faiz kis butt se distana kiya

Koi ilzaam koi tanz na koi ruswai Faiz

Koi ilzaam koi tanz na koi ruswai Faiz

Bhout dair huye yaaron ne koi inayat nahin ki

Ae dil-e-be'taab tehar

Tairagi hai keh um'madti hi chali aati hai 

Shab ki rag rag main lahu phat raha ho jaisay 

Chal rahi hai kuch is andaaz se nabz-e-hasti 

Dono aalam ka nasha toot raha ho jaisay 

Raat ka garam lahoo aur bhi beh jaanay do 

Yeh hi tareeki to hai ghaaz-e-rukhsaar-e-sehar 

Subha honay ko hai Ae dil-e-be'taab tehar 

Dast-e-tanhai main ae jaan-e-jahaan larzaan hain

Yaad 

Dast-e-tanhai main ae jaan-e-jahaan larzaan hain 

Teri awaaz kay saaye teray honton kay saraab 

Dasht-e-tanhai main doori kay khas-o-khaak talay 

Khil rahay hain teray pehlu kay saman gulaab 

Uth rahi hai kahin qurbat se teri saans ki aanch 

Apni khushboo main sulagti hui madham madham 

Door ufaq paar chamakti hui qatra qatra 

Gir rahi hai teri dil'daar nazar ki shabnam

Is qadar pyaar seae jaan-e-jahan rakha hai 

Dil kay rukhsaar pe is waqat teri yaad ne haath 

Youn gumaan hota hai garcha hai abhi subh-e-firaaq

Dhal gaya hijar ka din aa hi gayi wasal ki raat

Na ab raqeeb , na naseh , na gham'gusaar koi

Na ab raqeeb , na naseh , na gham'gusaar koi 

Tum aashna thay to thein aashnaiyan kya kya 

Juda thay hum to muyassar thein qurbatein kitni 

Baham huye hain to pari hai judaiyan kya kya 

 Ponch kay dar pe teray kitnay mohtabar tehray 

Agarcha raah main huyein jag hasaiyan kya kya 

Hum aisay sada dilon ki niaz mandi se 

Button se ki hain jahan main Khudaiyan kya kya 

Sitam pe khush kabhi lutf-o-karam pe ranjeeda 

Sikhaein tum ne hamein kaj'adaeiyan kya kya

Is qadar pyaar se Ae jaan-e-jahan rakha hai

Is qadar pyaar se Ae jaan-e-jahan rakha hai 

Dil kay rukhsaar pe is waqat teri yaad ne haath 

Youn gumaan hota hai garcha hai abhi subh-e-firaaq

Dhal gaya hijar ka din aa bhi gayi wasal ki raat

Kiyon samjh nahin aati teray dewano ki

Kiyon samjh nahin aati teray dewano ki 

Daamano ki khabar hai na giribaano ki 

Ae jafa kaar teray ehad se pehlay to na thi 

Kasrat is darja mohabbat kay pashmano ki 

Faiz saqi ki ajab dhoom hai mehkhano main 

Her taraf may ki talab maang hai paimano ki 

Raaz-e-gham se hamein aagah kiya khoob kiya 

kuch nihayat hi nahin ap kay ehsaano ki 

Yaad phir taaza hui haal se teray hasrat 

Qais-o-farhad kay guzray afsaano ki 

Suljhaein be'dili se yeh uljhay huye sawal

Suljhaein be'dili se yeh uljhay huye sawal 

Wahan jayein ya na jayein , na jayein keh jayein hum

woh yaad bhi kam aatay hain

Aur kuch dair na guzray shab-e-furqat se kaho

Dil bhi kam dukhta hai , woh yaad bhi kam aatay hain

Teri awaz ke saye , teray honthon ke sarab

Dasht-e-tanhai main Ae jan-e-jaan larzaan hai 

Teri awaz ke saye , teray honthon ke sarab

Dast-e-tanhai main doori ke khs-o-khaak talay

Khil rahay hain teray pehlo ke saman aur gulaab

Uth rahi hai kahin qurbat se teri saans ki anch

Apni kushboo main sulagti hui madham madham 

Door ufaq paar , chamakti hui qatra qatra

Gir rahi hai teri dildaar nazar ki shabnam

Is qadar piyaar se ae jaan-e-jahan rakha kiya hai

Dil ke ruksaar pe is waqat teri yaad ne haat 

Youn gumaan hota hai garcha hai abhi subha furaaq

Dhal gaya hijar ka din A bhi gaye wasal ki raat 

Poet : Faiz Ahmed Faiz

Hum keh tehray ajnabi itni mulaqaaton kay baad

Hum keh tehray ajnabi itni mulaqaaton kay baad 

Phir banain gay aashna kitni madaraaton kay baad 

Kab nazar main aye gi be;daagh sabzay ki bahaar 

Khoon kay dhabbay dhulain gay kitni barsaaton kay baad 

Thay bhout be'dard lamhay khatam dard-e-ishq kay 

Thein bhout be'mehar subhain meherbaan raaton kay baad 

Dil to chaha par shakist-e-dil ne mohlat hi na di 

Kuch gilay shikway bhi kar letay manajaaton kay baad 

Un se jo kehnay gaye thay "Faiz" jaan sadqa kiye 

Un kahi hi reh gayi woh baat sab baaton kay baad

Ik ik phool bhout yaad aya

Ik ik phool bhout yaad aya 

Shaakh-e-gul jab woh jala di hum ne 

Koi to baat hai us main "Faiz"

Her khushi jis par kuta di hum ne

Tum mere paas raho

Tum mere paas raho 

Tum mere paas raho 

Meray qatil meray dil'daar , meray paas raho 

Jis gharri raat chale 

Asmaan ka lhoo pee kay siyaah raah chalay 

Marham mushak liye , nashtar almaas liye 

Bain karti hui , hansti hui , gaati niklay 

Dard ki kaasni pazaib bajati niklay 

Jis gharri seeno main doobay huye dil 

Asteeno main nihaan haathon ki raat taknay lagain 

Aas liye 

Aur bachon ky bilaknay ki tarah qal'qal se 

Behar na'soodgi machlay to manay na mny 

Jab koi baat banaye na banay 

Jab koi baat chalay 

Jis gharri raat chalay 

Jis gharri maatami sunsaan siyaah raat chalay 

Paas raho 

Meray qatil meray dil'daar , meray paas raho

Poet : Faiz Ahmad Faiz

Hum keh tehray ajnabi itni mulaqaaton kay baad

Hum keh tehray ajnabi itni mulaqaaton kay baad 

Phir banain gay aashna , kitni middaton kay baad 

Kab nazar main aye gi be'dagh sabzay ki bahaar

Khoon kay dhabbay dho lain gay , kitnay barson kay baad 

Thay bhout be'dard lamhay , khatam-e-dard-e-ishq kay 

Thein bhout be'mehar subhain , meharbaan raaton kay baad 

Dil to chaha , par shakist-e-dil ne mohlat hi na di 

Kuch gilay shikwye bhi kar letay munajaaton kay baad 

Un se jo kehnay gaye thay , faiz jaan sadqa kiye 

An'kahi hi reh gayi , woh baat sab baaton kay baad