Is jahan main
Bhout se log aisay hain
Jo sab jahano se
Ashnaa hain
Is shnasai ka dukh
Sirf
Ghar walon ko hai
Woh is liye
Keh sab jahano se
Yeh ashna
Ghar kay makeeno se
Na'ashnaa hain
Aug 17, 2014
Kiya ussay takleef na de ga tera rasta badalna
Ae musafir maanti hoon
Raasta dushwaar tar hai
Tere qadmon talay jalti zameen hai
Asmaan pe aik bhi baadil nahin hai
Ghar badar hona kisi kay wastay
Aur dar badar phirna khathan hai
Ae musafir !
Soch tu itna magar
Aur faisala kar
Tu akela to nahin is raastay par
Teri ham'raahi main koi aur bhi hai
Jo teri khatar sab hi kuch chor kar
Bas ik waday ko nibhanay kay liye
Is raastay pe chal raha hai
Woh bhi to insaan hai teri tarah
Ae Musafir
Phir is kay wastay tere chehray pe be'zaariyan kiyon?
Maanti hoon raasta dushwaar tar hai
Phir bhi lakin
Kiya ussay takleef na de ga tera rasta badalna
Phoolon ki pankhariyaan chuntay chuntay
Phoolon ki pankhariyaan chuntay chuntay
Aaina dar aaina , khud ko khojti yeh larki
Shaher ki is sunsaan gali tak aa ponchi hai
Keh mur kay dekhti hai to peechay door door tak
Kirchiyaan bikhri hui hain
Aisa nahin keh us ne
Apnay aks ko jornay ki sa'ae nahin ki
Par is khail main kabhi tasveer dhundlaa gayi
Kabhi ungliyaan lahoo lohaan ho gayein
Parveen Shakir
Mujhay khaber thi mere baad woh bikhar jaata
Mujhay khaber thi mere baad woh bikhar jaata
So us ko kis kay bharosay pe chor kar jaata
Woh koi nasha nahin tha keh toot'ta mujh ko
Woh saniha bhi nahin tha keh jo guzar jaata
Ruka hua tha mera saans mere seenay main
Ussay galay na lagata to ghut kay mar jaata
Shakista ho gaya pindaar-e-aaina . warna
Yaqeen kar main tere ishq se mukar jaata
Na janay kitnay mohazon pe jung thi meri
Bas aik wada nibhanay main apnay ghar jaata
Tum mujhay ab bhi yaad atay ho
Tum mujhay ab bhi yaad atay ho
Magar
Ab tumharay naam se dharkanain murtaish nahin rehtein
Ab tumhara zikar
Aur rumharay lehjay ki gham'beerta nazron main nahin jajti
Aur tumhari samndar ki hum'rang aankhain
Jinhain dekh dekh kay jeeti thi
Ab dil ko chooti nahin hain
Aur ab main tumhain sochti hoon
To khud par hans parti hoon
Keh
KAchi umar main larkiyan
Kitni na'daan hoti hain
Pathar hi lagain gay her simat se aa kar
Pathar hi lagain gay her simat se aa kar
Yeh jhoot ki duniya hai yahan sach na kaha kar
Ab rota hai kiya tujh se kai baar kaha tha
Halaat kay dharay kay mukhalif na baha kar
Baarish hui to phoolon kay tann chaak ho gaye
Baarish hui to phoolon kay tann chaak ho gaye
Mousam kay haath bheeg kar safak ho gaye
Baarish ko kiya khaber hai keh baarish ki chah main
Kaisay buland-o-bala shajar khaak ho gaye
Raston ko dhuwan shehar ko sunsaan na kartay
Raston ko dhuwan shehar ko sunsaan na kartay
Karna hi tha yeh kaam to insaan na kartay
Thay jaisay bhi halaat alag baat hai lakin
Mumkin hi nahin tha keh tera dhiyaan na kartay
Youn teri chahatein sambhaali hain
Youn teri chahatein sambhaali hain
Jaisai eidi ho mere bachpan ki
Taaray utray jab phailaya daaman ko
Taaray utray jab phailaya daaman ko
Eid kay chaand main dekha main ne dekha saajan ko
Mehndi , choori aur tumhara saath sajan
Us se barh kar kiya hai aik sohagan ko
Teri chahat , teray qurab kay mousam ne
Kitnay piyaray phool diye hain sawan ko
Chaand ko dekha phir tum samnay aye thay
Eid ki khushiyan bhar gayein mere daman ko
Chaand raat ki mehndi mujh se kehti hai
Tum bhi aik paighaam likho na sajan ko
Eid kay chaand main dekha main ne dekha saajan ko
Taaray utray jab phailaya daaman ko
Eid kay chaand main dekha main ne dekha saajan ko
Mehndi , choori aur tumhara saath sajan
Us se barh kar kiya hai aik sohagan ko
Teri chahat , teray qurab kay mousam ne
Kitnay piyaray phool diye hain sawan ko
Chaand ko dekha phir tum samnay aye thay
Eid ki khushiyan bhar gayein mere daman ko
Chaand raat ki mehndi mujh se kehti hai
Tum bhi aik paighaam likho na sajan ko
Zkiya Ghazal
Kaanch ko khalis heera samjhay , sari bhool hamari thi
Kaanch ko khalis heera samjhay , sari bhool hamari thi
Ik sehra ko dariya samjhay , sari bhool hamari thi
Kitni khush fehmi thi hum ko , un ki na ko haan gardana
Woh kiya bolay , hum kiya samjhay , sari bhool hamari thi
Ussay kabhi na kabhi to bichar jaana hi tha
Ussay kabhi na kabhi to bichar jaana hi tha
Yeh hadsa bhi meri zindagi main ana tha
Woh aik shaks mujhay sari umar tarsay ga
Naseeb us kay keh us ne mujhay gawana tha
Aksar woh log bar'baad hotay hain
Tawajo day apni taleem par
Na par ishq kay azaabon main
Aksar woh log bar'baad hotay hain
Jo rakhtay hain phool kitabon main
Rangon main aik rang teri saadgi ka rang
Rangon main aik rang teri saadgi ka rang
Aisi hawa chali keh woh rangat nahin rahi
Baaton main aik baat , teri chahat ki baat
Aur ab yeh itifaaq keh chahat nahin rahi
Duniya ka kuch bura bhi tamasha nahin raha
Duniya ka kuch bura bhi tamasha nahin raha
Dil chehta hai jis tarah waisa nahin raha
Kehtay hain ik pal na jeyein gay teray baghair
Hum dono reh gaye hain , woh wada nahin raha
Kaar-o-baar-e-ishq main aisay bhi soday hain jahan
Kaar-o-baar-e-ishq main aisay bhi soday hain jahan
Faa'idon kay goshawaray aur khsaray heech hain
Hai kahin koi ta'aluq aur hi andaaz ka
Jis kay aagay sab kay sab rishtay hamaray heech hain
Khuli aankhon se sari umar dekha
Khuli aankhon se sari umar dekha
Ik aisa khwaab jo apna nahin tha
Tum ne hi kon se achai ki hai
Chalo maana keh main acha nahin tha
Mana keh zindagi se hamain kuch mila bhi hai
Mana keh zindagi se hamain kuch mila bhi hai
Is zindagi ko hum ne bhout kuch diya bhi hai
Qatil ne kis safai se dhoi hai asteen
Us ko khaber nahin keh lahoo bolta bhi hai
Yeh husan-e-itafaaq hai ya husan-e-ehtamaam
Hai jis jaga faraat wahin karbala bhi hai
Hum phir bhi apnay chehray na dekhain to kiya ilaaj
Aankhain bhi hain , chragh bhi hai , aaina bhi hai
"Iqbaal" shukar bhaigo keh tum deeda'wr nahin
Deeda'wron ko aaj koi poochta bhi hai
Poet : Iqbal Azeem
Ghair kay khat main mujhay un kay payaam atay hain
Ghair kay khat main mujhay un kay payaam atay hain
Koi manay ya na manay meray naam atay hain
Afiyat kosh musafir jinhain manzil samjhain
Ishq ki raah main aisay bhi maqaam atay hain
Ab meray ishq pe tohmat hai hawas'kaari ki
Muskuratay huye ab woh lab-e-baam atay hain
Dour-e-hashar mera naama-e-aamaal na dekh
Is main kuch parda nasheeno kay naam bhi aatay hain
Jin ko khilwat main bhi "Taseer" na dekha tha kabhi
Mehfil-e-ghair main ab woh sar-e-aam aatay hain
Na pooch kiyon meri aankhon main aa gaye aansoo
Na pooch kiyon meri aankhon main aa gaye aansoo
Jo teray dil main hai , us baat pe nahin aye
Abhi abhi woh gaye hain magar yeh aalam hai
Bhout dino se woh jaisay nazar nahin aye
Kahin yeh tark-e-mohabbat ki ibtada to nahin
Woh mujh ko yaad kabhi is qadar nahin aye
Ajeeb manzil-e-dil'kash adm ki manzil hai
|Musafraan-e-adm loat kar nahin aye
Na chair in ko khuda kay liye keh ehal-e-wafa
Bhatak gaye hain to phir raah par nahin aye
"Hafeez" kab unhain dekha nahin ba-rang-e-digar
"Hafeez" kab woh ba-rang-e-digar nahin aye
Phir raat kay pehloo main sehar dhoond rahay hain
Phir raat kay pehloo main sehar dhoond rahay hain
Hum phir koi imkaan-e-safar dhoond rahay hain
Be'naam khamoshi hai jahan pichlay dino se
Ghabra kay wahan zakhm-e-jiger dhoond rahay hain
Yeh shaam dhalay ab bhala ghar se nikal kar
Kis ko youn sar-e-raah guzar dhoond rahay hain
Kis kay liye be'taab hui jaati hain aankhain
Akhbaar main yeh kis ki khabar dhoond rahay hain
Dewaangi le ayi hai kis mor pe hum ko
Ghar loat kay aye hain to ghar dhoond rahay hain
Ab habas barha hai ti hawaon ki talab hai
Ab dhoop barhi hai to shajar dhoond rahay hain
Jo dard ki bujhti hui lo phir se barha day
Phir dast-e-saba main woh hunar dhoond rahay hain
Hum phir koi imkaan-e-safar dhoond rahay hain
Phir raat kay pehloo main sehar dhoond rahay hain
Hum phir koi imkaan-e-safar dhoond rahay hain
Be'naam khamoshi hai jahan pichlay dino se
Ghabra kay wahan zakhm-e-jiger dhoond rahay hain
Yeh shaam dhalay ab bhala ghar se nikal kar
Kis ko youn sar-e-raah guzar dhoond rahay hain
Kis kay liye be'taab hui jaati hain aankhain
Akhbaar main yeh kis ki khabar dhoond rahay hain
Dewaangi le ayi hai kis mor pe hum ko
Ghar loat kay aye hain to ghar dhoond rahay hain
Ab habas barha hai ti hawaon ki talab hai
Ab dhoop barhi hai to shajar dhoond rahay hain
Jo dard ki bujhti hui lo phir se barha day
Phir dast-e-saba main woh hunar dhoond rahay hain
YEh dua hai zindgaani haram-e-nabi ain guzray {Naat}
Naat
YEh dua hai zindgaani haram-e-nabi ain guzray
Kabhi maseeton main guzray , kabhi be'khudi main guzray
Meri zindagi ki raahon main in hi se ujaala
Woh khushi kay chand lamhay jo teri gali main guzray
Teri yaad kay tasadaq teri yaad bhi karam hai
Meray gham kay roz-o-shab bhi bari sar khushi main guzray
Ae arab kay maah-e-taban , yahi ab to aarzoo hai
Keh tamaam umar meri teri chandani main guzray
Woh khard se mawara hain , woh hain ishq ka muqadar
Jo nazar se kuch manazir haram-e-nabi main guzray
Maalik hai rab zameen-o-asmaan ka (Hamd-e-bari-ta'ala }
Hamd-e-bari-ta'ala
Maalik hai rab zameen-o-asmaan ka
Mohtaaj-e-kin hai zarah zarah jahan ka
Dasht-o-chaman kay rangon main hai jalwa gar wohi
Aleem hai woh makaan-o-la'makaan ka
Arsh-o-farsh ki her shai tasbeeh khwaan hai her pal
Mohafiz hai woh zabardasther saibaan ka
Jin-o-bashar usi ki jumbish kay hain ghulaam
HAi gawaah pata pata us ki hi shaan ka
Naiki ki aarzoo main kosar jayea jaye gi
Kar band-o-bast mola hashar kay samaan ka
Subscribe to:
Posts (Atom)
