Kiyon dil se dil nahin milta

Kiyon pyaar karnay ki haddain hoti hain 

Kiyon dil danay ki waja hotein hain 

Kiyon jazbaaton ko dabaana parta hai 

Kiyon is dil ko samjhana parta hai 

Kiyon her dil ko yeh mehsoos nahin hota 

Kiyon sab ko yeh manzoor nahin hota 

Kiyon dil se dil nahin milta

Kiyon pyaar ka phool nahin khilta 

Kiyon dil kay naghmay dil nahin gaata 

Dil main kiya hai yeh keh nahin paata 

Kiyon dil denay ki yeh saza hai 

Kiya pyaar karnay main yahi maza hai

Tumharay bin nahin jeena

Mujhay us se yeh kehna tha 

Keh mujh ko yaad na karna 

Tarap kar tum judai main 

Yeh dil barbaad mat karna 

Tum honton pe hansi koi 

Kahin se qaid kar laina 

Jo mujh se door bhi ho jaao 

Issay azaad mat karna 

Kisi bhi tor jee layein gay 

Magar tum zindagi se ab 

Koi fariyaad mat karna 

Magar yeh sab jo kehna tha 

Yeh us se kab kaha main ne 

Tumharay bin nahin jeena 

Bas itna keh diya main ne 

Nafrat si ho gayi hai mohabbat kay naam se

Yeh hussan yeh ada yeh nazakat yeh aankhain 

Sab khoobiyaan hain magar be'wafa hai tu 

Pichlay baras tha khouf tujhay kho na doon 

Ab kay baras yeh hai tera samna na ho 

Woh hai salaamat to adaabat ka maza hai 

Dushman ko kabhi jaan se maara nahin kartay 

Guzray hain hum ishq kay aisay maqaam se

Keh nafrat si ho gayi hai mohabbat kay naam se

Naseeb ki mehfil main be'wafai ka darwaza khul gaya

Galay laga kay kaho kitna pyaar kartay ho

Qaraar de kay kabhi be'qaraar kartay ho 

Galay laga kay kaho kitna pyaar kartay ho 

Nazar nazar se milay aur khumaar aa jaye

LAbon se kuch na kaho aaitabaar aa jaye

Yeh dil to bharta nahin chand mulaqaaton main 

Kitnay tarastay rahay bheegi bheegi raaton main 

Taveel raasta kiyon ikhtayaar kartay ho 

GAlay laga kay kaho kitna pyaar kartay ho 

Kabhi ishq ho to pata chalay

Bisaat-e-jaan pe azaab utartay hain kis tarah 

Shab-o-roz dil pe azaab guzartay hain kis tarah 

Kabhi ishq ho to pata chalay 

Yeh jo log se chuppay huye hain pas-e-dostaan 

To yeh kon hain ?

Yeh jo rog se chuppay huye hain pas-e-jisam-o-jaan 

To yeh kis liye ?

Yeh jo kaan hain meray aahaton pe lagay huye 

To yeh kiyon bhala

Yeh jo log peechay paray huye hain fazool main 

Inhain kiya pata , inhain kiya khabar 

Kisi raah kay kisi mor pe jo inhain zara 

Kabhi ishq ho to pata chalay 

Hawaon ki jo saazish hai

 Kahan us ne shaakon se 

Juda phoolon ko karnay ki 

Hawaon ki jo saazish hai 

Ussay achi nahin lagti 

Faqat ik pal ko jee chaha 

Ussay itna to ekh doon aaj 

Mohabbat in phoolon ki 

Patiyon se barh kay nazuk thi 

Jissay qadmon talay us ne 

Kabhi ka roond daala hai 

Kaisay hua yeh

Ek pal main sab hua khatam 

Kaisay hua yeh 

Kal khushi aur aaj gham 

Kaisay hua yeh 

Jo chahat ki tasveer 

Buni thi main ne aankhon main 

Ek un'chahi taqdeer 

Jurri thi meri raahon se

Kal tak thi jis ki chaha

Dil ki chupi panaahon main 

Ek shouq sa ubhar kay aya

Us ki sachi wafaon main 

Na woh rahi waisay na hum 

Kaisay hua yeh 

Kal khushi aur aaj gham 

Kaisay hua yeh 

Meray aur baadal kay darmiyaan koi hai jo

Khirkiyon kay sheehson par 

Reengtay huye qatray 

Youn phisaltay hain jaisay 

Meray aur baadal kay 

Darmiyaan koi hai jo 

Meray aur baadal kay 

Raaz ko samjhta hai 

Jab ghattaein chayein to 

Sirf woh nahin rotein 

Aankhain bhi barasti hain 

Khirkiyaan bhi roti hain