Imran's Poetry: 06/04/14

Jun 4, 2014

Ta'aluq torta hoon to mukamal tor deta hoon

Jissay main chor deta hoon mukamal chor deta hoon

Mohabbat ho keh nafrat ho bhara rehta hoon shiddat se

Jidhar se aye yeh dariya Udhar hi mor deta hoon

Yakeen rakha nahin hoon main kisi kachay ta'aluq par

Jo dhaga tootney wala ho us ko tor deta hoon

Meray dekhay huye sapney kahin murda na ho jaein

Ghronday rait ky tameer kar ky phor deta hoon

Adeem ab tak wohi bachpan wohi takhreeb kari hai

Qafas ko tor deta hoon parinday chor deta hoon

Kaash main teri haseen aankh ka kajal hota

Kaash main teri haseen aankh ka kajal hota

Kaash main teri haseen aankh ka kajal hota

Bheegti aankhon ka her ik raaz chupaney ky liye

Pyaar main guzray woh lamhaat bhulaney kay liye

Apni aankhon main sar-e-shaam lagati mujh ko

Kaash main teray haseen kaan ki bali hota

bikhri bikhri hui yadon ko bulaney kay liye

Apn aizhaar-e-wafa tujh ko sunaney kay liye

Apni aaghosh-e-mohabbat main bulata tujh ko

Kaash main teri haseen aankh ka kajal hota

Pyaar hota to teri ishq main pagal hota

MAin hoon tera khyal hai aur chaand raat hai

Dil dard se nidhal hai aur chaand raat hai

Aankhon main chubh gayi teri yadon ki kirchiyan

Kandhon pe gham ki shaal hai aur chaand raat hai

Dil tor ky khamosh nizaron ka kiya mila

Shabnam ka yeh sawaal hai aur chaand raat hai

Campus ki nehar par hai tera hath , hath main

Mousam bhi la'zawaal hai aur chaand raat hai

Her ik kali ne oorh liya matami libaas

Her phool par malaal hai chaand raat hai

Chalka sa par raha hai wasi wehshaton ka rang

Her cheez par zawaal hai aur chaand raat hai

Tab yaad bhout tum atay ho

Tab yaad bhout tum atay ho

JAb raat ki nagan dasti hai

Nas nas main zehar utar'ta hai

JAb chaand ki kirnain tezi se

Is dil ko cheer ky ati hain

Jab aankh ky andar hi aansoo
Zanjeeron main bandh jatay hain

Sab jazbon pe cha jatay hain

Tab yaad hout tum atay ho

Jab dard ki jhanjar najti hai

Jab raqas ghamon ka hota hai

Khwabon ki taal pe saray dukh

Wehshat ky saaz bajatay hain

Gatay hain khwaish ki lay main

Masti main jhoomtay jatay hain

Sab jazbon pe cha jatay hain

Tab yaad bhout tum atay ho

Mujhay her kaam se pehlay

Sehar se shaam se pehlay

Yahi ik kaam karna hai

Tumhara naam lena hai

Tumhi ko yaad karna hai

Keh jab bhi dard peena hai

Keh jab bhi zakham seena hai

Gham-e-duniya se ghabra kar

Mujhay jab jaam lena hai

Tumhara naam lena hai

Tumhi ko yaad karna hai

Tumhari yaad hai dil main

Keh ik siyaad hai dil main

Koi barbaad hai dil main

Ussay abaad karna hai

Tumhara naam lena hai

Tumhi ko yaad karna hai

Aankhain hain keh khali nahin rehtein lahoo se

Aur zakhm-e-judai hai keh bhar bhi nahin jata

Woh raaht-e-jaan hai magar is dar'badri main

Aisa hai keh ab dehaan udhar bhi nahin jata

Hum dohri aziyat ky giriftaar musafir

Poan bhi hain shall , shouq-e-safar bhi nahin jata

Dil ko teri chahat pe bhrosa bhi bhout hai

Aur tujh se bichar janay ka dar bhi nahin jata

Pagal huye jatay ho faraz us se milay kiya

Itni si kushi se koi mar bhi nahin jata

Teri janib agar chalay hotay

hum na dar ba'dar huye hotay

Sari duniya hai meri muthi main

Kon aye ga ab teray hoty

Aur ab kyn nahin nibhtay tum

Itnay waday na kiya hotay

Paal liya main ne sari duniya ko

Koi khwaish nahin teray hotay

Us ki aankhon main baar paney ko

Kaash hum khwaab ban gaye hotay

Khud apney liye Baith ky sochain gy kisi din

Youn hai keh tujhay bhool ky dekhain gy kisi din

Bhataktay huye phirtay hain kai lafaz jo dil main

Duniya ne diya waqat to likhain gy kisi din

Ae jaan teri yaad ky be'naam prinday

Shakhon pe meray dard ky utrain gy kisi din

JAti hai kisi jheel ki gehrai kahan tak

Aankhon main teray doob ky dekhain gy kisi din

Kushboo se bhari shaam main junoo ky qalam se

Aik nazam teray wastay likhain gy kisi din

Soein gy teri aankh ki khilwat main kisi raat

saye main teri zulf ky jagain gy kisi din

Us ko bhi meri tarah neend kidhar ati hai

Raat bahr roshni khirki se nazar ati hai

be'khyali main jo dewaar pe ruk jaye nazar

Baat karti hui tasveer ubhar ati hai

Coat ki jaib main khil jatay hain romaal ky rang

Us ky kalar pe kali khoob nikhar ati hai

Mujh ko ata hai kisi dil ky sulagney ka khyal

Jab shrar urtay hain jab aag nazar ati hai

Deep jaltay hi sulag uthti hain yadain teri

Phir udasi bhi lagaye huye par ati hai

Kon chup chaap dar aya hai nazar main naina

Main to sunti thi dabay paon sehar ati hai

Basi hai yaad koi aa kay meray kajal main

Lipat gaya hai adhoora khyal aanchal main

Main aik seep abhi mujh ko teh main rehnay do

Ghehr bana nahin kartay hain aik do pal main

Isi chraagh ki loo se yeh dil dhar'rakta hai

Jal'laye rakhti hoon jis ko shab-e-musalsal main

Tapak rahay hain dar-o-baam se meray ansoo

chupay huye thay abhi tak woh jaisay badal main

MAin zindagi ky liye phool chunana chahti hoon

Kahin udaas na ho woh kizaan zada kal main

Khizaan ka dour hai lakin kisi ki chahat se

Dharak rahi hai bahaar ik ik kompal main

Yeh titliyon ki tarah sogawaar do naina

Bhatak rahay hain abhi zindagi ky jungle main

Ghazab kiya teray waday py aitabaar kiya

Tam'maam raat qayamat ka intizaar kiya

Hansa hansa ky shab-e-wasal ashk baar kiya

Tasaliyaan mujhay de de ky be'qaraar kiya

Tarap phir ae dil-e-nadaan keh ghair kehtay hain

akheer kuch na bani , sabar ikhtiyaar kiya

na pooch dil ki haqeeqat magar yeh kehtay hain

Woh be'qaraar rahay jis ne be'qaraar kiya

Fasana shab-e-gham un ko ik kahani thi

Kuch aitabaar kiya , kuch na aitbaar kiya

Banay ga mehar-e-qayamat bhi ik khaal siyaah

Jo chahera daagh seh'roo ne ashkaar kiya

Sab choorian tumhari samandar ko sonp dein

Aur kar diye hawa ky hawalay tumharay khat

Meray lahoo main goonj raha hai her aik lafz

Main ne ragon ky dasht main palay tumharay khat

Youn to hain be'sumaar wafa ki nishanian

Lakin her ik shy se niralay hain tumharay khat

Jaisay ho umar bhar ka asasa ghreeb ka

Kuch isi tarah se main ne sambhalay tumharay khat

Ehal-e-hunar ko mujh pe wasi aitraaz hai

MAin jo apney sher main dhalay tumharay khat

Parwa mujhay nahin hai kisi chaand ki wasi

Zulmat ky dasht main ujalay hain tumharay khat

Ishq ki ibtida thi guftagoo main jhig'ghak thi

Dilon main halchal takhatab main lachak thi

Bikhray huye daman behki behki batein

Zabaan main lar'kharaht aankhon main chamak thi

Labon pe muskurahat abroo ky isharay thay

Her cheez haseen tar seenay main mohabbat ki dhamak thi

Do dharkty dilon main mohabbat ki phooti kompal

Masroor shab-o-roz chaheron pe pyaar ki jhalak thi

Ishq ki intiha do qalib ka yak jaan ho jana

aur do roohon ka mil jana mohabbat ki dhanak thi

Mohabbat amar hai mohabbat mehkta shajar sada bahaar

Do dilon main mohabbat ka qayaammohabbat ki kasak thi

Aur ishq ka injaam do ajnabi roohon ka milaap

Phoolon se ladi do shakhain zindagi main mohabbat ki damak thi

Chaand se ab ky to meri bhi adawat nikli

Chaar soo chandani ban kar meri chahat nikli

Hijar ki shab bhi qayamat se bhala kiya kam hai ?

Kitni boseeda meray tan ki to emaarat nikli

Dil ne samjha tha dil ki riazat ko fazool

Woh to meray liye her pal ki ibadat nikli

Ab nahin shikwa koi ehad-e-guzishta se mujhay

Zindagi apni to khawabon ki amant nikli

YEh jas'sat to faqat us ky naseebon main rahi

Choona malboos ko purwa ki shrarat nikli

Umar kaati teri furqat main bahatay aansoo

Youn hi ujray huye rehna meri aadat nikli

Woh meray lafzon ka mafhoom samjh hi na saka

Ae saba raigaan yeh meri mohabbat nikli

Jab bhi jazbon ky liye alfaaz nashtar hon gy

kaisay kaisay phool jaisay hath khanjar hon gy

dewo qamat woh shajar jab tez aandhi main gira

pasta qad jitney thay poaday sab qad awar ho gaye

Rafta rafta hum ko jeenay ka hunar aa hi gaya

Pathron main rehtay rehtay hum bhi pathar ho gaye

Aa paray jis din se hum dariya-e-jdo-jehad main

Is tarah se jaan pe ban ayi shnawar ho gaye

Neem faqa neem ariyani ko andar chor kar

Ghar se bahir jab qadam rakha sikandar ho gy

paikar-e-targheeb thay saray khiloney door se

Choo liya hum ne to sab yaklakht pathar ho gaye

Aalam-e-takhiyal main muslam hu akis ka guzar

Meri yadon ky kai lamhay moatar ho gy

Hum musafr youn hi masroof-e-safar jaein gay

be'nishaan ho gaye jab shaher to ghar jaein gay

Kis qadar ho ga yahan mehr-o-wafa ka matam

Hum teri yaad se jis roz utar jaein gay

Joh'hari band kiye jatay hain bazaar-e-sukhan

Hum kissy baichney almaas-o-gohar jaein gay

Neamat-e-zeest ka yeh qarz chuky ga kaisay

Laakh ghabra ky yeh kehtay rahein , mar jaein gay

Shayed apn abhi koi bait-e-hadi khwaan ban kar

Sath jaye ga meray yaar jidhar jaein gay

Faiz atay hain roz ishq main jo sakhat maqaam

Anay walon se kaho hum to guzar jaein gay

Meri khamshi main bhi ejaaz aye

Kisi simt se koi awaaz ay

Woh chahera na janay kahan kho gaya hai

Kahin se kabhi koi dam'saaz ay

Kisi ne trasha na is dil ka pathar

Meray shaher main kitney but'saaz ay

Woh urr jaye neeli ragon se nikal kar

Meray dard ko itni parwaaz ay

Saza be'gunahi ki main kat'ti hoon

Kahan mujh ko jeenay ky andaaz ay

Mohabbat ay be'deed pagal mohabbat

Hamain chor de dekh hum baaz ay

Aik pagal si larki aksar

Aik pagal si larki

Poocha karti hai yeh mujh se

Kyon itni mohabbat kartay ho tum

Us ko kaisay yeh samjhaon

Aankhain jheel samandar hon to

Doobna acha lagta hai

Chahera ho jab ghazal ki manind

Parhna acha lagta hai

Miltay rehna , batain karna

Hansana acha lagta hai

Aisay main to jeena acha

Marna acha lagta hai

Aik pagal si larki aksar

Poocha karti hai yeh mujh se

Kyon itni mohabbat kartay ho tum
Main us ko yeh kaisay samjhaon

Mera rona meray jazbaat ka aaina hai

Yeh khamoshi meri her baat ka aaina hai

Kis tarah kar doon ussay khud se juda

Woh jo ik shakhs meri zaat ka aaina hai

Aankh main phir koi dariya na utar aye kahain

Meri aankhain kisi barsaat ka aaina hain

Be'basi meri teri tishna labi jaisi hai

Meri her baat teri baat ka aaina hai

Jo bho chah'o meri surat main dekh lo

Mera chahera meray halaat ka aaina hai