Imran's Poetry: 04/03/15

Apr 3, 2015

Aisi bhi bhala kya dosti Mohsin

Woh baar baar mujhay Aazmata raha

Meray Aanso'on se shamma bujhata raha

Us ne dost bhi mujhay kaha magar

Dushmano ki tarah rulaata raha

Ungli pakar kar aksar Andheray raaston main

Woh baar baar mujh ko giraata raha

Aisi bhi bhala kya dosti Mohsin

Main doobta raha woh muskuraata raha

Thokrein maar kay mehfil se uthatay hain mujhay

Aur aik paaon se daman bhi daba rakha hai

Khawab dekhye hain iss qadar main ne

Ab to aankhein bhi tanz karti hain

Tum jo hotay to mujhay kitna sahara hota

Main ne auron ko na dukh main pukaara hota

Jitni shiddat se wabasta tha main tujh se

Kis tarah mera teray baghair guzara hota

Mujh ko yeh soch hi kafi hai jalanay kay liye

Main na hota to koi aur tumhara hota

Aur hum baith kay khamoshi se roye jaatay

Shaam hoti aur kisi dariya ka kinara hota

Woh baar baar mujhay Aazmata raha

Meray Aanso'on se shamma bujhata raha

Us ne dost bhi mujhay kaha magar

Dushmano ki tarah rulaata raha

Ungli pakar kar aksar Andheray raaston main

Woh baar baar mujh ko giraata raha

Aisi bhi bhala kya dosti Mohsin

Main doobta raha woh muskuraata raha

Kisi ka ishq kisi ka khayal thay hum

Gaye dino main bhout ba'kamaal thay hum

Hamari khoj main rehti thi titliyan aksar

Keh apnay shaher ka husn-o-jamal thay hum

Zameen ki goad main sar rakh kay so gaye aakhir

Tumharay hijar main kitnay nidhaal thay hum

Hum aks aks bikhartay rahay is dhun main

Keh zindagi main kabhi la'zawaal thay hum

Kisi kay ishq ne hum ko nikama kar diya

Warna aadmi to baray ba'kamaal thay hum

Koi mera bhi to ho saath nibhanay kay liye

Mujhay Khuda se maangay apna bananay kay liye

Meray Aansoo meri palkon se churanay kay liye

Bas wohi ho mujhay seenay se laganay kay liye

Youn to chahnay walay bhout se hain duniya main

Nahin hai koi magar saath nibhanay kay liye

Meri saanson ki rawani to faqat dhoka hai

Haan main zinda hoon magar sirf duniya ko dikhanay kay liye

Nazar-e-mohabbat ka kya tawaan chahtay ho

Dil chahtay ho ya jaan chahtay ho

Parwah nahin anjaam-e-mohabbat jo bhi ho

Bas ab faisala suna do jo tum chahtay ho

Phoolon ki gali ho ya kaanton ki dagar

Lay jaao jaan wahan jahan tum chahtay ho

Be'hiss tum nahin to khamosh kiyon ho

Main ne kar di haan ab aur kya chahtay ho

Titliyan baith gayein haathon pe banay phoolon par

Kitna maahir tha ussay mehndi laganay wala

Alwida keh kar ussay takta raha main dair tak

Aatish-e-khamosh main jalta raha main dair tak

Shaher ki veeran galiyon main akela raat bhar

Ik musafir ki tarah phirta raha main dair tak

Aasmaan par aik adhoora chand aur bikhray sitaray

Intizaar-e-subha main ginta raha main dair tak

Jo zakham rafeeqon kay riwajon se lagay hain

Woh zakham kisi ko dikhanay se raha main

Dariya hoon to darya hi ussay paish karon ga

Pyaasay ko samandar to pilanay se raha main

Woh baat karnay pe nahin mutafiq

Aur hum Eid milnay ki hasrat liye bethay hain

Kabhi ruk gaye kabhi chal diye kabhi chaltay chaltay bhatak gaye

Youn hi umar saari guzaar di youn hi zindagi kay sitam sahay

Kabhi neend main kabhi hosh main tu jahan mila , tujhay dekh kar

Na nazar mili na zubaan hili , youn hi sar jhuka kay guzar gaye

Kabhi zulf par kabhi chasham par kabhi teray haseen wajood par

Jo pasand thay meri kitab main woh shair saray bikhar gaye

Mujhay yaad hai kabhi aik thay magar aaj hum hain juda juda

Woh juda huye to sanwar gaye , hum juda huye to bikhar gaye

Kabhi arsh par kabhi farsh par kabhi un kay dar , kabhi dar'ba'dar

Gham-e-aashiqi tera shukriya hum kahan , kahan se guzar gaye

Uss ne kaha tum pehlay jaisay nahin rahay

Main ne kaha keh zindagi main ab tera saath nahin

Us ne kaha keh ab bhi kisi ki aankhon main doob jatay ho

Main ne kaha keh ab kisi ki aankhon main woh baat nahin

Us ne kaha kiyon toot kar chaha tha mujhay

MAin ne kaha insaan hoon pathar zaat to nahin

Uss ne kaha main be'wafa hoon

Main ne kaha wafa ki ab mujhay talaash nahin

Us ne kaha bhool ja mujh ko

Main en kaha tum haqeeqat ho khawaab nahin

Woh tum na thay ik khayal tha

Meri soch ka ik kamaal tha

Woh mohabbatein , woh chahatein

Meri uljhano ka hi jaal tha

Meray dil main thein jo ronaqein

Woh tera hi husn-o-jamaal tha

Jawaab jis ka mila nahin

Woh aisa hi ik sawaal tha

Woh aaj mila to youn laga

Yehi to hai woh jis ka intizaar tha

Ussay yaad kaisay na karay koi

Ussay bhoolna to mohaal tha

Ab us ki kya main misaal doon

Woh to aap apni misaal tha

Main Aaina tha us kay haseen haathon main

Toot kay bikhra to phir bhi ussay dekhta raha

Yeh jo zindagi ki kitab hai

Yeh kitab kya kitab hai

Kahin ik haseen sa khawab hai

Kahin jeen-leva azaab hai

Kabhi kho liya kabhi paa liya

Kabho ro liya kabhi gaa liya

Kahin rehmaton ki hain baarishein

Kahin tishnagi be'hisaab hai

Kahin chaaon hai , kahin dhoop hai

Kahin aur hi koi roop hai

Kahin cheen leti hai her khushi

Kahin meharbaan be'hisaab hai

Yeh jo zindagi ki kitab hai

Yeh kitab kya kitab hai

Meray dil kay ujray Aangan main koi phool khila tum yaad aaye

Teray shaher kay basnay walon main koi shakhs mila tum yaad aaye

Jo waqat bhi saath main guzra tha kya loat kay phir woh aaye ga

Sach pooch keh meri aankhon se ek ashk gira tum yaad aaye

Her baar main tujh ko bhoolnay ki jab khud se qasmein khaata hoon

Phir jab bhi kisi ne hans kay mujhay jab apna kaha tum yaad aaye

Din bhar to main is duniya kay dhandon main uljha khoya sa

Din guzra aur dewaaron se jab dhoop dhali tum yaad aaye

Apnay asool youn bhi kabhi tornay paray

Khata uss ki thi hath mujhay jornay paray

Aaya na jab qaraar dil-e-be'qaraar ko

Yaadon kay rukh uss ki taraf mornay paray

US ko to meri yaad bhi ayi na ik din

Apnay paraye jis kay liye chornay paray

Sagar woh shakhs khud bara be'asool tha

Hamein apnay asool jis kay liye tornay paray

Aatish-e-ishq se seenay ko jalaya kiyon tha

Tum ne yeh rog jawani main lagaya kiyon tha

Kiyon liye phirtay ho ab duniya main purnam aankhein

Pyar acha tha magar dil main basaya kiyon tha

Jab bichar jana hi taqdeer main likh rakha hai

Meray khuda mujhay phir us se milaya kiyon tha

Apni taqdeer bana , mera muqaddar na badal

Log toofan utha dain gay meray saath na chal

Ho kay rahay ga aaj to zubaan ka istemaal

Thak gaye hum bhi aankhon se izhaar kartay kartay

Mohabbat bhi ajeeb khel hai khelon main se

Jo jitna acha khelta hai wohi baazi haar jata hai

Tum ne dekhi nahin hamari phoolon jaisi wafa

Hum jis par khiltay hain ussi par murjhaa jatay hain

Acha huwa jo woh kisi aur ka ho gaya

Khatam to hui fikar ussay apna bananay ki

Ab teray raabtay main woh zouq-e-dosti nahin rahi

Lagta hai tu ne bhi hamein chor diya hamari muskurahat ki tarah

Nahin haal hamara kuch tumharay haal se alag

Tum fursaton main yaad kartay ho

Hamein tumhari yaad se fursat hi nahin milti

Bichra hai raat ko mujh se woh khawab main

Main ne sara din bhi so liya woh loat kay na aaya

Tu shairy kay her hunar se waqif hai

Main harf harf zakham tu tehreer kar mujhay

Woh tera gham tha keh taseer meray lehjay ki

Keh jis ko haal sunaatay ussay hi rula detay

Ajeeb andhera hai ishq teri mehfil main

Hum ne dil bhi jalaya to roshni na hui

Main ne kaha aaj jhoot bolnay ka din hai

Woh muskura kay bolay tum meray ho

Batao na kaisay jaan churaai jaye

Tumhari yaadon ki duniya main Qaid hoon main

Kal raat main ne dekha ik khawab ajeeb sa

Mansoob ho gaye hain kisi be'wafa se hum

Apnay dil ko teray dil se mila baithay hain

Zindagi ki khushiyaan teray naam laga baithay hain

Teri justagoo main beet jaye gi umar hamari

Apni aankhon main teri tasveer bana baithay hain

Zindagi sanwar gayi teray milnay se

Teri chahat ko apni rooh main samaa baithay hain

Tu roz roya karay uth kay chand raaton main

Khuda karay tera meray baghair jee na lagay

Kaisay bhoolay ga tu meri barson ki chahat ko

Dariya agar sookh bhi jaye to rait se nami nahin jaati

Kya phir se nahin ho sakta

Hum jaan mangain aur tum laga kay galay se kaho aur kuch

Apni tabiyat ka bhi ajeeb mizaaj hai

Log mout se dartay hain aur hum teri narazgi se

Mat pooch kay aaj kitnay akelay hain hum

Aaj ronay ko dil kiya to aansoo bhi hum se rooth gaye

Udhar se chand tum dekho idher se chand hum dekhein

Nigahein youn takraein keh do dilon ki eid ho jaye

Main jo kaanta hoon to chal mujh se bacha kar daman

Main hoon gar phool to Eid kay joray main saja lay mujh ko

Jo aaj tak hua nahin woh honay lag jaye

Ya hawaa chraghon ka dukh sun kar ronay lag jaye

Zameen ka daaman pakarnay ki Andhi khwaish main

Yeh falak sarakta sarakta na khonay lag jaye

Main agar safar par nikal aaya hoon agar

To saath chalnay walay musafat ko ronay na lag ajyein

Yeh ghar kaisa virsay main mil gaya mujh ko

Jo dar jagao'n to dewaar ronay lag jaye