Imran's Poetry: 07/29/15

Jul 29, 2015

Me'khanay main baitha her shakhs saqi nahin hota

Hazaron jaam peenay se koi sharabi nahin hota

Baarishon , nehron se fasal to ugg jaati hai

Zameen khud na chahye koi ilaaqa sairaabi nahin hota

Koi yahan chotay gunnah se pakra jaata hai

Koi hazaron gunnah kar kay bhi azaabi nahin hota

"Zain" ek riwayat suuni thi magar maanta na tha

Milay tum se , ehsaas huwa her shakhs wafa ka Aadi nahin hota

Youn dil ko her shakhs pe wara nahin kartay

Aankhon main her ik aks utaara nahin kartay

Honi hai to ik baar hi ho jaye mohabbat

YEh bhool hai aisi keh dobara nahin kartay

Acha huwa main ne hi faqat dekha magar youn

Mehfil main kisi ko bhi ishaara nahin kartay

Mil jaye sar-e-raah jo bichra huwa koi

Chup chaap hi taktay hain pukara nahin kartay

Kiyon pyaar ki baazi se huwa is darja guraizan

Kehtay hain keh badal haar kay haara nahin kartay

Kajal se bhi ab koi kaam lay na sahaili

Youn dard se aankhon ko sanwara nahin kartay

Subha safar ki raat thi , taray thay aur hawa

Saaya sa aik , dair tak , baam par raha

Meri sada hawa main bhout door tak gayi

Par main bula raha tha jissay be'khabar raha

Guzri hai kiya mazay se kya khayalon main zindagi

Doori ka yeh talisam bara kar'gar raha

Khouf Aasman kay saath tha sar par jhuka huwa

Koi hai bhi ya nahin hai yahi dil main dar raha

IS aakhri nazar main ajab dard tha "Munir"

Janay ka is kay ranj mujhay umar bhar raha

Main kissay suna raha hoon yeh ghazal mohabbaton ki

KAhin aag sazishon ki kahin aanch nafraton ki

Koi baagh jal raha hai yeh magar meri dua hai

Meray phool tak na ponchay yeh hawa tamazaton ki

Mera kon sa hai mousam meray mousamon kay waali

YEh bahaar be'dili ki yeh khizaan murawaton ki

Main qadeem baam-o-dar main inhain jaa kay dhoondta hoon

Woh diyaar nikhaton kay woh fizaein chahaton ki

Kahin chaand ya sitaray huye hum'kalaam mujh se

Kahin phool sehriyon kay kahin jhaariyan chatton ki

Meray kaaghzon main shayed kahin ab bhi so rahi ho

Koi subha gulistaan ki koi shaam parbaton ki

Aik bas tu hi nahin mujh se khafa ho baitha

MAin ne jo sang traasha woh khuda ho baitha

Uth kay manzil agar aaye to shayed kuch ho

Shouq-e-manzil to mera Aabla paa ho baitha

MAslihat cheen lay quwat-e-guftaar magar

Kuch na kehna hi mera meri sada ho baitha

Shukriya Ae meray qatil , Ae maseeha meray

Zehar jo tu ne diya tha woh dawa ho baitha

Thi jis se roshni woh diya bhi nahin raha

Ab dil ko Aetabaar-e-hawa bhi nahin raha

Tu bujh gaya to hum bhi farozan na reh sakay

Tu kho gaya to apna pata bhi na raha

Kuch hum bhi teray baad zamanay se kat gaye

Kuch rabt-o-zabt khuda se bhi na raha

Goya hamaray haq main sitam dar sitam hua

Harf-e-dua bhi dast-e-dua bhi nahin raha

Kya shairy karain keh teray baad shaher main

Lutf-e-kalaam kaif-e-nawa bhi nahin raha

Hadees-e-ishq yahan moh'tabar nahin rehti

Nazar main ho jo khiyanat , nazar nahin rehti

Mareez-e-gham pe ik aisi bhi shaam aati hai

KEh chara gar ko umeed-e-sehar nahin rehti

MAreez un ki sada sun kay chonk uth'ta hai

Phir is kay baad kisi ki khabar nahin rehti

Hazaar baagh-e-mohabbat pe Aaftein tootein

YEh shaakh nakhl-e-wafa be'samar nahin rehti

Tamaam ehal-e-gulistan ne koshishein kar lein

Bahaar had se ziyada magar nahin rehti

Wadi-e-ishq se koi nahin aaya jaa kar

Ayo awaz lagaein sar-e-sehraa jaa kar

Bazam-e-janaa main to sab ehal-e-talab jaatay hain

KAbhi maqtal main bhi dikhlaein tamasha jaa kar

Kin zameeno pe meri khaak kahoo roye gi

Kis samandar main girain gay meray dariya jaa kar

Aik marhoom si umeed hai tujh se warna

Aaj tak aaya nahin koi maseeha jaa kar

Dekh yeh hosla mera meray buz'dil dushman

Tujh ko lashkar main pukaara tan-e-tanha jaa kar

US sheh-e-husan kay dar pe hai faqeeron ka hajoom

yaar hum bhi na karain arz-e-tamana jaa kar

Hum tumhain manah to kartay nahin janay se "Faraz"

Jaa usi dar pe magar haath na phailaa jaa kar

Sab ka dard december tha

Sab ka dard december tha

Bas ik meri baat nahin thi sab ka dard december tha

Barf kay shaher main rehnay wala ik ik fard december tha

Pichlay saal kay aakhir main bhi hairat main hum teeno thay

Ik main tha , ik tanhai thi , ik be'dard december tha

Apni apni himmat thi aur apni apni qismat thi

Haath kisi kay neelay thay aur peela zard december tha

Phoolon pe taari tha sakta aur khushboo sehmi sehmi thi

Khouf'zada tha gulshan sara aur dehshat'gard december tha

Yeh jo teri aankh main pani yeh jo teri baat main sardi

Itna hamein batao tum , kya hamdard december tha

Zakhm yaadon kay nahin mit'tay hain asaani se

Daagh dhultay hain kahan behtay huye paani se

Dekhti jaati hoon mailay ka tamasha chup chaap

Kya pata bol paray aankh hi veerani se

Roshni ka yeh khazana meri aankhein hi na hon

Shamma to main ne bhujha di hai parishaani se

Meray chehray pe jhalakta hai kisi aur ka aks

Aaina dekh raha hai mujhay hairaani se

Baandh li main ne dua rikhat-e-safar main "Naina"

Dar jo lagta hai mujhay be'sar-o-samani se

Mohabbat rog ban jaati hai

Jab seenay main utar jaye

JAb khil kar bikhar jaye

Jab had se guzar jaye

Dilon ka sog ban jaati hai

Mohabbat rog ban jaati hai

Kabhi khamosh baitho gay , kabhi kuch gun'gunao gay

Main itna yaad aayon gi mujhay jitna bhulao gay

Koi jab pooch baithay ga khamoshi ka sabab tum se

Bhout samjhana chaho gay magar samjha na paao gay

Kabhi duniya mukamal ban kay aaye gi nigahon main

Kabhi meri kami duniya ki her shai main paao gay

Kahin par bhi rahain hum aur tum mohabbat phir mohabbat hai

tumhain hum yaad aayein gay hamein tum yaad aayo gay

Teri dua se qaza to badal nahin sakti

Magar hai is se yeh mumkin keh tu badal jaye

Teri khudi main agar inqalaab ho paida

Ajab nahin hai keh yeh chaar soo badal jaye

Wohi sharab, wohi haye-o-hoo rahay baaqi

Tareeq-e-saqi-o-rasam kadu badal jaye

Teri dua hai keh ho teri aarzoo poori

Meri dua hai teri aarzoo badal jaye

MAin ne sab chragh bujha diye

Meray ghar main ho chahye raat bhi

Teray ghar main rahay sada roshni

Teray sab andheray milain mujhay

Meri roshni teray naam ho

Teray rat'jagay main ne lay liye

Meri neend tujh ko naseeb ho

Chahye dooriyan rahain mera muqaddar

Tera pyaar teray qareeb ho

Aaj bhi waisa hi mousam hai

Aaj bhi waisay hi badal hain

Aaj bhi waisi hi baarish hai

JAb hum pehli baar milay thay

Yaad hai , hum ne yeh socha tha

Hum ko miltay dekh kar mousam

Itna khush hai , itna khush keh

Is ki aankhein bheeg gayi hain

Magar aaj yeh jaan gaye hain

Mousam us din kiyon roya tha

YEh lamhon ki nahin hai yeh to sadiyon ki musafat hai

Kisi ki yaad ka sehraa, mohabbat hamsafar meri

Ghubaar-e-raah main kuch door tak hi saath deta hai

Wohi ik main wohi tanha , mohabbat hamsafar meri

Wohi her waqat sochon par kisi ki yaad ka pehra

Wohi din raat ka jalna , mohabbat hamsafar meri

Ibtida-e-ishq hai rota hai kya

Aagay aagay dekhiye hota hai kya

Qaaflay main subha kay ik shor hai

Yehni ghafil hum chalay sota hai kya

Sabz hoti hi nahin yeh sar zameen

Tukham-e-khwaish dil main to hota hai kya

Yeh nishaan-e-ishq hain jaatay nahin

Daagh chaati kay Abs dhoota hai kya

Chaak daman ko dekha to mila Eid ka chaand

Apni tasveer kahan bhool gaya Eid ka chaand

Un kay Aabro-e-khameeda ki tarah teekha hai

Apni aankhon main bari dair chubha Eid ka chaand

Door veeran basairay main diya ho jaisay

Gham ki dewaar se dekha to laga Eid ka chaand

LAy kay halaat kay sehraaon main aa jaata hai

Aaj bhi khald ki rangeen fiza Eid ka chaand

Talkhiyan barh gayein jab zeest kay paimanay main

Ghoal kay dard kay maaron ne piya Eid ka chaand

Chasham to wusat-e-aflaak main khoyi Sagar

Dil ne ik aur jaga dhoond liya Eid ka chaand

Aaj bhi shaam udaas rahi

Aaj bhi shaam udaas rahi

Aaj bhi tapti dhoop ka sehraa !

Teray narm labon ki shabnam

Saaye se mehroom raha

Aaj bhi pathar hijar ka lamha

Sadiyon se be'khwaab ruton ki

Aankhon ka mafhoom raha

Aaj bhi apnay wasal ka taara

Raakh uraati shokh shafaq ki

Manzil se madoom raha

Aaj bhi shaher main pagal dil ko

Teri deed ki aas rahi

Muddat se gum sum tanhai

Aaj bhi meray paas rahi

Aaj bhi shaam udaas rahi

Chiriya poori bheeg chuki hai

Aur darakhat bhi pata pata tapak raha hai

Ghonsala kab ka bikhar chuka hai

Chiriya phir bhi cheh'hek rahi hai

Ang ang se bol rahi hai

Iss mousam main bheegtay rehna kitna acha lagta hai

Kabhi zindagi main agar akelay ho

Aur dard had se guzar jaye

Aankhein teri

Baat'be'baat ro parein

TAb koi ajnabi

Teri tanhai kay chaand ka narm haala banay

Teri qamat ka saaya banay

Teray zakhmon ka saaya banay

Teri palkon se shabnam chunay

Teray dukh ka maseeha banay

Parveen shakir

Tum se bichar kar pehron sochta rehta hoon

Ab main kiyon aur kisi ki khatir zinda rahoon

Ae khamosh khalla ka6y maalik teri qasam

Bazam-e-jahan main tujh se ziyada tanha hoon

Jeeti jaagti duniya kay hangamon main

Youn lagta hai jaisay main ik saya hoon

Khoya hai woh jaisay haath ki lakeeron main

Aisay apnay haath ko takta rehta hoon

Reza reza toot chuka hoon andar se

Ghar se baahir gardan taan kar chalta hoon

Janay jis ka naam hai Amjad kon hai woh

Sach poocho to main ik jhoota chehra hoon

Aks-e-khushboo hoon , bikharnay se na rokay koi

Aur bikhar jaaon to mujh ko na samaitay koi

Kaamp uth'ti hoon main yeh soch kay tanhai main

Meray chahray pe tera naam na parh lay koi

Jis tarah khwaab meray ho gaye reza reza

IS tarah se na kabhi toot kay bikhray koi

MAin to uss din se haraasan hoon keh jab hukam milay

Khushk phoolon ko kitabon main na rakhye koi

Ab to is raah se woh shakhs guzarta bhi nahin

Ab kis umeed pe darwaze se jhankay koi

Koi aahat , koi awaz, koi chaap nahin

Dil ki galiyaan bari sunsaan hain aaye koi

Tu badalta hai to be'sakhta meri aankhein

Apnay haathon ki lakeeron se ulajh jaati hain

Meray shaher se guzra hai woh badal ki tarah

Dast-e-gul phaila hua hai meray aanchal ki tarah

Keh raha hai kisi mousam ki kahani ab tak

Jism barsaat main bheegay huye jungle ki tarah hai

Oonchi awaz main us ne to kabhi baat na ki

Khafgiyon main bhi woh lehja komal ki tarah

Mil kay us shakhs se main laakh khamoshi se chalon

Bol uth'ti hai nazar paaon kay cha'ghal ki tarah

Paas jab tak woh rahay dard tham'ta rehta hai

Phailtaa jata hai phir Aankh kay kajal ki tarah

Ab kisi tor se ghar janay ki surat hi nahin

Raastay meray liye ho gaye daldal ki tarah

Jism kay tehra-o-asaib zada mandir main

Dil sar-e-shaam sulag uth'ta hai sandal ki tarah

Baad muddat ussay dekha logo

Woh zara bhi nahin badla logo

Khush na tha mujh se bichar kar woh bhi

Us kay chehray pe likha tha logo

US ki aankhein bhi kahay deti thein

Raat bhar woh bhi na soya logo

Ajnabi ban kar jo guzra hai abhi

Tha kisi waqat main apna logo

Dost to khair koi kis ka hai

US ne dushman bhi na samjha logo

Raat woh dard meray dil main utha

Subha tak chain na aaya logo

Khoi khoi aankhein Bikhray baal

Ajnabi

Khoi khoi aankhein

Bikhray baal

Shikan alood qaba

Luta luta insaan

Saaye ki tarah se meray saath raha karta lakin

Kisi jaga mil jaye to

Ghabra kay murr jata hai

Aur phir door se jaa kar mujh ko taknay lagta hai

Kon hai yeh ?

Parveen shakir

Baja keh aankhon main neend kay sil'salay bhi nahin

Shakist-e-khwaab kay ab mujh main hoslay bhi nahin

NAhin nahin ! yeh khabar dushmano ne di ho gi

Woh aaye aa kay chalay bhi gaye milay bhi nahin

YEh kon log andheron ki baat kartay hain

Abhi to chand teri yaad kay dhalay bhi nahin

Khafa agarcha hamesha huye magar ab kay

Woh bar'hami hai keh hum se unhain gilay bhi nahin

Ab kay rutt badli to khushboo ka safar dekhay ga kon

Zakham phoolon ki tarah mehkain gay par dekhye ga kon

Dekhna sab raqs-e-bismal main magan ho jayein gay

Jis taraf se teer aaye ga udhar dekhye ga kon

Zakham jitnay bhi thay sab mansoob qatil se huye

Teray haathon kay nishaan Ae chara gar dekhye ga kon

Woh hawas ho ya wafa ho baat mehroomi ki hai

Log to phal phool dekhein gay shajar dekhye ga kon

Hum chragh-e-subha hi tehray to phir kya sochna

Raat thi kis ka muqaddar aur sehar dekhye ga kon

Aa faseel-e-shaher se dekhein ghaneem-e-shaher ko

Shaher jalta ho to tujh ko baam par dekhye ga kon

Her koi apni hawa main mast phirta hai "Faraz"

Shaher-e-na'parsaan main teri chashme-e-tar dekhye ga kon

Harf-e-taza nayi khushboo main likha chahta hai

Baab ik aur mohabbat ka khulla chahta hai

Ik lamhay ki tawajo nahin hasil us ki

Aur yeh dil keh ussay had se siwa chahta hai

Ik hijaab teh-e-iqraar hai maaneh warna

Gul ko maloom hai kiya dast-e-saba chahta hai

Rait hi rait hai is dil main musafir meray

Aur yeh sehraa tera naqsh-e-kaf-e-paa chahta hai

Yahi khamoshi kai rang main zahir ho gi

Aur kuch roz keh woh shokh khila chahta hai

Raat ko maan liya dil ne muqaddar lakin

Raat kay haath pe ab koi diya chahta hai

Parveen shakir

Hamara saahil se koi wasta nahin raha

Manzil ko janay ka koi raasta nahin raha

Talaash kar kay thak gaye hain us haseena ko

Us ka bhi hum se koi raabta nahin raha

Sitam yeh hai keh hum bhi rahay naqas-ul-aqal

Shayed isi liye us ka koi aasra nahin raha

Dil to karta rehta hai Aah-o-fagaan aksar

Magar is se milnay ka koi dilaasa nahin raha

Ab bujh gaya hai umeedon ka chragh Anjum

Hamara apna bhi koi laadla nahin raha

Hamaray darmiyaan aisa koi rishta nahin tha

Teray shaano pe koi chatt nahin thi

Meray zimay koi aangan nahin tha

Koi wada teri zanjeer-e-paa bananay nahin paya

Kisi iqraar ne meri kalaai ko nahin thaama

Hawa-e-dasht ki manind

Tu azaad tha

Raastay teri marzi kay tabeh thay

Mujhay bhi apni tanhai pe

Dekha jaye to

Poora tasraf tha

Magar jab aaj tu ne rasta badla

To kuch aisa laga mujh ko

Keh jaisay tu ne mujh se be'wafai ki !!

Mohabbat ka meri mujh se hisaab manngta hai

Mohabbat ka meri mujh se hisaab maangta hai

Tamaam umar ka mujh se nisaab maangta hai

Jin logon ko main jaanta nahin

Un logon kay mujh se Alqaab maangta hai

Un kay qadmon main khushiyon ko dhair kar diya

Pagal un cheezon ka jawaaz maangta hai

Hazaar baar kaha sirf tum se pyaar hai

Meray pyaar ka mujh se oqraar maangta hai

Her sawal kay jawaab ko jaantay huye bhi

Apnay her sawal ka jawaab maangta hai

Ajeeb shakhs hai khushiyon ko daman main lay kar

Khushiyon ki bheek sar-e-bazar maangat hai

Hum mout ki dehleez par hain janta hai , jana hai hamein

Pagal hai meray ruknay ki dua maangta hai

Jab shab kay shakista zeeno se Mehtaab ubharnay lagta hai

Jab gham kay sard Alaao main umeedain bujhnay lagti hain

Jab dil kay shoreeda samandar main awazein marnay lagti hain

Jab mousam haath nahin aatay jab titli baat nahin karti

Jab zinda rehna ik be'mehni kaam dikhai deta hai

Jab aanay wala her lamha dishnaam dikhai deta hai

Jab yaad kay gehray sanaatay main chehray gum ho jatay hain

Jab dard se bojhal aankhon main gardaab se parnay lagtay hain

Jab shammein gul ho jati hain jab khwaab bikharnay lagtay hain

Uss waqat agar tum aa jaao

Hum aaj bhi hain , soch main doobay huye Mohsin

Khud se kabhi duniya se hain roothay huye Moshin

Denay kay liye us ko jo hum ne sambhalay thay

Woh phool kitabon main hain , sookhay huye Mohsin

Woh apni jafaon main kuch kami to karain aaj

Ik umar hui shaher woh choray huye Mohsin

Hum ne yeh kaha tha keh inhain pyaar hai hum se

hum aaj bharri bazam main jhootay huye Mohsin

Aagosh main in ki hamein rahat jo mili hai

Hum aaj kuch andar se hain tootay huye Mohsin

Justagoo khoye huwon ki umar bhar kartay rahay

Chand kay hum'rah hum her shab safar kartay rahay

Raaston ka ilm tha hum ko na simton ki khabar

Shaher-e-na'maloom ki chahat magar kartay rahay

Hum ne khud se bhi chupaya aur saray shaher se

Teray janay ki khabar dewaar-o-dar kartay rahay

Woh na aaye ga hamein maloom tha is shaam bhi

Intizaar us ka magar kuch soch kar kartay rahay

Aaj aaya hai hamein bhi un uraano ka khayal

Jin ko teray zoham main be'baal-o-par kartay rahay

Chalay bhi Aao

Chalay bhi Aao

Chalay bhi Aao

Keh main to khud ko tumharay rangon main rang

Chuka hoon

Tumharay sanchon main dhal chuka hoon

Tumharay kehnay pe aa kay dekho

Main khud ko kitna badal chuka hoon

Khawab nagar hai aankhein kholay dekh raha hoon

Us ko apni jaanib aatay dekh raha hoon

Kis ki Aahat qariya qariya phail rahi hai

Dewaron kay rang badaltay dekh raha hoon

Kon meray jaadu se bach kar jaa sakta hai

Aaina hoon Sab kay chehray dekh raha hoon

Darwaze par tez hawaon ka pehra hai

Ghar kay andar chup kay saaye dekh raha hoon

Jaisay mera chehra meray dushman ka ho

Aainay main khud ko aisay dekh raha hoon

Manzir manzir veerani ne jaal tany hain

Gulshan sulshan bikhray pattay dekh raha hon

Manzil manzil hole main doobi awazein hain

Rasta rasta khouf kay pehray dekh raha hoon

Shaher-e-sang'dilan main "Amjad" her rastay par

Awazon kay pathar chaltay dekh raha hoon