Imran's Poetry: 03/10/15

Mar 10, 2015

Wafa kay sheesh mahal main saja liya main ne

Woh ik dil jissay pathar bana liya main ne

Yeh soch kar keh na ho qismat main khushi koi

Ghamon ki oat main khud ko chupa liya main ne

Kabhi na khatam kiya main ne roshni ka mohaaz

Agar chragh bujha dil jala liya main ne

Kamal yeh hai keh jo dushman pe chalaana tha

Woh teer apnay kalejay pe kha liya main ne "Qateel"

Jis ki adawat main ek pyaar bhi tha

Us Aadmi ko galay se laga liya main ne

Be'rabt husan-o-ishq yeh kaif-o-asar kahan

Thi zindagi aziz magar is qadar kahan

Teray baghair ronaq-o-dewaar-o-dar kahan

Shaam-o-sehar ka naam hai , shaam-o-sehar kahan

Kya jaaniye khayal kahan hai nazar kahan

Teri khabar kay baad khud apni khabar kahan

Maana keh mohtasib bhi bara ba'shaoor hai

Lakin ussay nazakat-e-gham ki khabar kahan

Kehnay ko ehal-e-ilm ki koi kami nahin

Lakin khud apni fikar , khud apni nazar kahan

Tark-e-taaluqat ko muddat guzar chuki

Zaalim ! teray khayal se phir bhi mufar kahan

Arsa hua keh rasm-o-mohabbat badal chuki

Daaman se woh muaamla-e-chasham-e-tar kahan

Mujh ko shakist-e-dil ka maza yaad aa gaya

Tum kiyon udaas ho gaye , kiya yaad aa gaya

Kehnay ko zindagi thi , bhout mukhtasar magar

Kuch youn basar hui keh , khuda yaad aa gaya

Barsay bina hi jo ghatta aagay nikal gayi

Ik be'wafa ka , ehad-e-wafa yaad aa gaya

Youn chonk uthay woh , sun kar mera shikwa

Jaisay unhain bhi koi gilla yaad aa gaya

Hairat hai tum ko dekh kay masjid main ae sagar

Kya baat ho gayi jo tumhain bhi khuda yaad aa gaya

Shaam ka manzar ,uljha raasta , Ek kahani , tu aur main

Dhalta suraj ,barhta saaya , Kashti rani , tu aur main

Band ik kamra, chup ka manzar , Bhooli bisri , deepak yaad

Tanhai , dukh , khouf ki lazzattu aur main

Titli , khushboo, rang ki baatein , shabnam se sharmeelay khwaab

Aas ka panchi gum sum khwaish , raat ki rani , tu aur main

Palkein , chilman , sharma sharmi , kam kam goya nazrain

Raaton jaisi seedhi saadhi ik nadaani , tu aur main

Dastaras main nahin halaat tujhay kya maloom

Ab zaroori hai mulaqaat tujhay kya maloom

Raat kay pichlay pehr neend shikan tanhai

Kaisay karti hai sawalaat tujhay kya maloom

Tu ba'zid hai keh sar-e-aam parastish ho teri

Main hoon paband-e-riwayaat tujhay kya maloom

Jashan sawan ka youn barh charh kay mana'nay walay

Zulm kya dhaati hai barsaat tujhay kya maloom

Shaana-e-waqat pe ab zulf-e-parishaan ki tarah

Bikhri rehti hai meri zaat tujhay kya maloom

Bana kay banjar yeh dil ki basti ujaar jatay hain soch lena

Mohabbaton main to aisay aisay sailaab aatay hain soch lena

Yeh uljhi zulfain, yeh laal aankhein , yeh mailay kapray , yeh zard chehra

HAsaas logon ki zindagi main yeh baab aatay hain soch lena

Aadha din to sulagtay sehra ki jalti raaton pe chal liya kar

Keh hijraton main to is se barh kar azaab aatay hain soch lena

Hijar ne meray tabbah kiya hai to chor do na yeh pyaar karna

KEh un ki jaanib se is tarah bhi jawaab aatay hain soch lena

Uss shakhs se mera bas itna sa talluq hai Dost

Woh agar parishaan ho to mujhay neend nahin aati

Ishq tha , koi karobaar to na tha !!

Phir nuqsaan hua to hua kaisay

Kabhi milay fursat to itna lazmi batana

Woh kon si mohabbat hai ? jo hum tumhain de na sakay

Seekh lo kisi kay pyaar ki qadar karna

Kahin koi toot na jaye tumhain ehsaas dilatay dilatay

Bhout dar lagta hai mujhay un logon se

Dil main reh kay jo dil pe waar kartay hain

Tumhari janib main kya apna haal bhaigon

Apna dukh dard bhaigon

Zindagi ka zawal bhaigon

Bhaigon aankhon se

Giray ashk

Ya ?

Ashkon se bheega

Woh rumaal bhaigon

Apni be'basi

Biyaan kar doon

Majbooriyon ka main

Haal bhaigon

Dukhon ka

Ek ek din bhaigon

Dard ka poora

Saal bhaigon

Suno

Mera dil to

Tumharay paas hai

Kaho to apni

Jaan bhi nikaal bhaigon

Aao keh chragh-e-dil ko phir jala dain

Kuch yaadein phir zinda ho rahi hain

Mohsin hi samjhtay hain gham-e-dost tujhay hum

Dushman to kabhi dil main basaaye nahin jaatay

Kamal-e-zabt to main khud bhi azmaon gi

MAin apnay haath se us ki dulhan sajaon gi

Supurd kar kay usay chandani kay haathon

Main apnay ghar kay andheron ko loat aayon gi

Badan kay karb ko woh bhi samjh na paye ga

Main dil main rahon gi aankhon main muskuraon gi

Woh kya gaya keh rafaqat kay saray lutf gaye

MAin kis se rooth sakon gi kaisay manaon gi

Woh ik rishta-e-be'naam bhi nahin lakin

MAin ab bhi us kay ishaaron pe sar jhuka'on gi

Ab us ka fun kisi aur se mansoob hua

MAin kisi ki nazam akelay main gun'gunaaon gi

Samaton main ghannay junglon ki saansain hain

Main ab kabhi teri awaz sun na paaon gi

Masti bharri nigaah se lehra kay pee gaya

Zulfon se khailtay huye behla kay pee gaya

Un ki nigaah-e-naaz se takraa gayi nigah

Goya keh jaam jaam se takra kay pee gaya

Toba ko torta raha sagar kay saath saath

Youn jurm ko sawaab main uljhaa kay pee gaya

Talkhi-e-gham-e-hayat aur talkhi sharaab ki

Dono ko aik jaam main chhalkaa kay pee gaya

Jannat main jo halaal hai duniya main kiyon haraam

Yaaron ko baat raaz ki samjha kay pee gaya

Kabhi to un ki palkon se izhaar ho ga

Dil kay kisi konay main hamaray liye pyaar ho ga

Guzarti hai her shaam un ki yaad main

Kabhi to un ko bhi hamara intizaar ho ga

Aksar raat ki tanhai main yeh sochtay sochtay subha ho jati hai

Mohabbat dua hai , saza hai , jaza hai , ya gunnah hai

Khoobsurat wadon ko tor diya us ne

Mujhay yaad rakhna chor diya us ne

Bhout kiya kartay thay wafa ki baatein

Lagta hai wafa ka daman chor diya us ne

Jo kehtay thay keh tum bin jee nahin saktay

Lagta hai meray bin jeena soch liya uss ne

Us ko neendon se fursat nahin

Ab to baat karna bhi chor diya us ne

Main bojh ban jaaon ga apnay hi doston pe ek din Ae dost

Dekhna woh kaandhay badal rahay hon gay her 2 qadam kay baad

Teri yaadon ki khushboo khirkiyon main raqs karti hai

Teray gham main sulagta hoon to aankhein bheeg jaati hain

Hazaron mousamon ki hukam'raani hai meray dil par

Wasi main jab bhi hansta hoon to aankhein bheeg jaati hain

Jis jaga apni yaadain dafna sakein

Shaher main aisa bhi qabristaan hona chahiye

Un kay janay ka faisala sun kar sawan

Dil ne sisak kar kaha aur "Main"

Achi aankhon ka yeh matlab to nahin

Keh jissay dekho ussay hi barbaad kar do

Rafiqon se raqeeb achay jo jal kar naam letay hain

Gulon se khaar behtar jo daman thaam letay hain

Ja chuka hai woh , us ka safar bhool ja

Khaak palkon se dho , rahguzar bhool ja

Ajnabi ban kay dekh us ki tasveer ko

Yaad rakhnay kay saray hunar bhool ja

Phir se abaad kar dil ki patal ko

US ka gaaon , gali, baam-o-dar bhool ja

Orh lay khud pe duniya ki sab roniqein

Zid na kar , ab ussay chasham-e-tar bhool ja

Yaad rakh us ki baaton kay sab zaiqay

Us kay wadon ki lazzat magar bhool ja

Palkon palkon bicha pyaas ki teergi

Aankh main chandani kay bhanwar bhool ja

US kay aanay na aanay se ab dar guzar

Apnay honay na honay ka dar bhool ja

Khud se wabasta ruswaiyon ki tarah

US ki shohrat ki taza khabar bhool ja

Ab to youn hi keh mohsin her aik yaar ko

Lamha bhar kay liye yaad kar, bhool ja

Aankhon main thakan dhanak badan par

Jaisay shab-e-awwleen dulhan par

Dastak hai hawa-e-shab ki tann par

Khulta hai naya dareecha fun par

Rangon ki jameel baarishon main

Utri hai bahaar phool ban kar

Thaamay huye haath roshni ka

Rakh ayi qadam zameen gagan par

Guzra tha koi shareer jhonka

Salwat hai qaba-e-yasmeen par

Shabnam kay labon pe naachti hai

Chaya hai ajab nasha kiran par

Khulti nahin barg-o-gul ki aankhein

Jaadu koi kar gaya chaman par

Khamoshi kalaam kar rahi hai

Jazbaat ki mohar hai sukhan par

Puraani kitaab main rakhi tasveer se baatein

Aaj barson kay baad dekha hai

Ab bhi aankhon ka rang gehra hai

Aur maathay ki sanwali si lakeer

Dil main kitnay diye jalaati hai

Teri qamat kay saaye ki khushboo

Guftagoo main bahaar ka mousam

Be'sabab Aitabaar ka mousam

Kiyon mujhay saray dhang yaad rahay

Kitni hairaan ho gayi khud pe

Main tujhay aaj tak nahin bhuli

Pichlay mousam ki yaad baaqi hai

Noshi Gilani

Sardiyon ki raaton main jab samay bhi jam jaye

Sardiyon ki raaton main

JAb samay bhi jam jaye

Aur dil ki baaton main

Aarzoo tehar jaye

Ajnabi musaafir kay

Intizaar ki shammein

Sard sard jhonkon se

Phar'pharanay lag jayein

Apnay sard shaano par

Rakh kay sar ko mat rona

Tum udaas mat hona !!!

Zindagi , log jissay marham-e-gham jaantay hain

Zindagi , log jissay marham-e-gham jaantay hain

Zindagi , log jissay marham-e-gham jaantay hain

Jis tarah hum ne guzaari hai woh hum jaantay hain

Dard kuch aur atta kar keh teray dard nawaz

YEh sakhawat teray miyaar se kam jaantay hain

Sar barhna chalay aaye hain keh pathar barsain

Hum teray shaher ka Aa'in-e-karam jaantay hain

Shiddat-e-gham ka yeh aalam hai shab-e-hijar , keh hum

Her sitaaray ko tera deeda-e-nam jaantay hain

Hum keh khiltay thay , kabhi zabt-e-junoon ki rutt main

HArf-e-sheerein ko bhi ab qatra-e-sam jaantay hain

"Rasam-e-Farhad" pe kehna ho ghazal to "Mohsin"

"Sang-o-Taisha"ko bhi hum loh-o-qalam jaantay hain

Suno mujhay tum dua detay ho na

Suno !!

Mujhay tum dua detay ho na ?

Keh

Khuda tumhain hamesha khush rakhye

Jahan bhi rakhye

Jin kay saath bhi rakhye !!

Par na janay kiyon ?

IS aakhri jumlay par mujhay

Bad'dua ka gumaan hota hai !!!

Habs-e-duniya se guzar jaatay hain

Aisa kartay hain keh mar jatay hain

Kaisay hotay hain bicharnay walay

Hum yeh sochain bhi to dar jatay hain

Dil jo tootay to sar-e-mehfil bhi

Baal be'wajah bikhar jatay hain

Ab na dekho meri banjar aankhein

Charhtay dariya to utar jatay hain

Dhoop ka roop rachanay walay

Shaam ko aur nikhar jatay hain

Tum kahan jaayo gay socho Mohsin

Log thak haar kay ghar jatay hain

Keh dain woh mohabbat se agar Eid Mubarak

Mil jaye muraadon ka samar Eid Mubarak

Mumkin hi nahin gham se muffr Eid Mubarak

Halaat mukhalif hain magar Eid Mubarak

Ae kaash hamain eid ho aisi koi haasil

Kehtay rahain hum shaam-o-sehar Eid Mubarak

Ho jayein sabhi shikwey gilay door dilon se

Woh keh dain galay mil kay agar Eid Mubarak

Jab aap hamein apna samjhtay hain to kehiye

Hansatay huye be'khouf-o-khatar Eid Mubarak

Mehmood woh hotay hain bhout qabil-e-izzat

Kehtay hain jinhain Ehal-e-nzar Eid mubarak

Saaya tha mera woh

Dhuwan sa uth raha hai

Aankhon main bujh raha hai

Khayal hai ya nashtar

Seenay main gar gaya hai

Yaadon kay Aasmaan pe

Ik taara kho gaya hai

Saaya tha mera woh

Jo mujh se bichar gaya hai ..!!

Kon rok sakta hai

Laakh zabat-e-khwaish kay

Be'shumaar dawaye hon

Us ko bhool janay kay

Be'pannah iraaday hon

Aur is mohabbat ko tark kar kay jeenay ka

Faisala sunaanay ko

Kitnay lafz sochay hon

Dil ko us ki aahat par

Bar'mala dharaknay se kon rok sakta hai

Noshi Gilani

Dasht-e-ghurbat main jis pairr ne

Meray tanha musafir ki khatir ghanni chaaon phailaai hai

Us ki sha'dabiyon kay liye

Meri sab ungliyaan !!!

Hawa main dua likh rahi hain !!!

Yeh zabt choot gaya to tumhari yaad aayi

Yeh zabt choot gaya to

Tumhari yaad aayi

Main thak kay toot gaya to

Tumhari yaad aayi

Tumharay baad na tha koi mera

Dil kay siwa

Yeh dil bhi rooth gaya to

Tumhari yaad aayi !!!!

Sulah karna to ik bahana tha

Go keh andaaz qaatlana tha

Jaan se guzray to bhaid yeh paya

Woh haqeeqat nahin fasana tha

Waqat guzra hai aik aisa bhi

Saya-e-zaat jab baigaana tha

Uss ki manzar kashi pe hairaan hoon

Kya ta'aruf woh ghaibaana tha

Dil sulagta tha soz-e-hijran main

Na'rasa uss ka shaaksana tha

Ranjishein aur barh gayi hon gi

Dushman-e-jaan mera zamana tha

Parh kay roya kalam-e-Arif ko

Aik aik harf Arfana tha

Main kal bhi khaali haath thi

Main aaj bhi khaali haath hoon

Itna to bata meray hum'dam

Kya main ne kabhi kuch maanga tha ?

Kya tum se mohabbat maangi thi ?

Iqraar aur wafa ka ehad kabhi ?

Bas aik inayat chahiye thi

Keh door kabhi na ho jana

Keh tum se juda ho kar meri

Saanson main kami aa jaati hai

Dil main kisi ki yaad kay nashtar utar gaye

Kitnay sitaaray Aankh se tootay bikhar gaye

Aa jaiye keh aap ko tarsay hai ab nigah

Dekha nahin hai hum ne bhout din guzar gaye