Imran's Poetry: 07/08/14

Jul 8, 2014

So jaate hain zameen par akhbaar bicha kar

Mazdoor kabhi neend ki goli nahin khaatay

Dekho ge hamain roz magar baat na ho gi

Ek shaher main reh kar bhi mulaqaat na ho gi

Kehna hai jo keh daalo abhi waqat hai baaqi

Kal hum to hon gy , magar surat-e-halaat na ho gi

Jo poochna hai tum ko abhi pooch lo warna

kal shaher main phir rasm-e-sawalaat na ho gi

Din itne huye taveel hijar ke logo

Tarpo ge sar-e-shaam magar raat na ho gi

Yeh soch ke bhi dil tarap utha hai jana

Bichrain ge is tarah , keh kabhi mulaqaat na ho gi

Poet : Wasi Shah

Woh khamosh hi raha aur hum muntazir rahay

Keh kabhi woh bhi kahay , keh tere bin kahan hum se kiya jaye ga

Hajoom main tha woh , khul kar na ro saka ho ga

Magar yaqeen hai shab bhar na so saka ho ga

Woh shakhs jis ko samjhnay main mujh ko umar lagi

Bichar ke mujh se kisi ka na ho saka ho ga

Honton pe kabhi un ke mera naam hi aye

Aye to shi , bar sar-e-ilaam hi aye

HAiraan hain lab basta hain dil'geer hain gunchay

Kushboo ki zubaani , tera paighaam hi aye

Lamhaat musarat hai tasveer se guraizan

Yaad aye hain jab bhi gham-o-alaam hi aye

Taron se saja lain ge ' raah-e-shaher-e-tamana

Maqdoor nahin subho chalo shaam hi aye

Yaadon ke 'wafaon ke 'aqeedon ke , ghamon ke

Kaam aye jo duniya main to asnaam hi aye

Kiya raah badalnay ka gila hamsafron se

Jis raah se chale teray dar-o-baam hi aye

Thak haar ke baithay hain sar-e-koo-e-tamana

Kaam aye to phir jazba-e-na'kaam hi aye

Baaqi na rahay saakh , ada dasht-e-junoon ki

Dil main agar andesha-e-anjaam hi aye

Bhout maghroor hote jaa rahye ho

Mohabbat main kami karni paray gi

Woh mujh ko chor ke jis aadmi ke paas gaya

Bra'bari ka bhi hota to , sabar aa jata

Kin lafzon main bayan karon apne dard ko

Sunnanay wale to bhout , samjhanay wala koi nahin

Woh tabeeb misaal-e-husan

Hum ghreeb mareez-e-ishq

Mashwara hai yeh un ka , hum ko ghalib

Ishq la'ilaaj hai , bad ehtiyaat kijiyee

Abhi ikhtiayari hai to yeh aalam hai

Mohabbat farz hoti to kiya hota

Na'jaane us par itna yaqeen kiyon hai

Us ka khyal itna haseen kiyon hai

Suna hai dosti ka dard meetha hota hai

To phir aankh se niklay aansoo namkeen kiyon hote hain

Youn to koi bhi tanha nahin hota

Chah kar kisi se juda nahin hota

Mohabbat ko majbooriyan hi le doobti hain

Warna koi khushi se be'wafa nahin hota

Kisi ki chahat pe zinda rehne waale hum na thay

Kisi par marne mittnay wale hum na thay

Mujhe to aadat hai ap ko yaad karne ki

Agar hichkiyaan ati rahain to maaf karna

Yaadon ke haseen naqsh mitaye nahin jaate

Guzray huye lamhaat bhulaye nahin jaate

Saray waadon ko bhula sakti hoon , Lekin rehnay do.....

Saray waadon ko bhula sakti hoon

Lekin rehnay do.....

Main tumhain chor ke jaa sakti hoon

Lekin rehnay do.....

Tum jo her mor pe keh detay ho khuda hafiz

Faisala main bhi suna sakti hoon

Lekin rehnay do.....

Tum ne jo baat ki dil ko dukhanay wali

Us par main muskura to sakti hoon

Lekin rehnay do.....

Shram aye gi tumhain

Warna tumharay waade

Main tumhain yaad dila sakti hoon

Lekin rehnay do.....

Ajeeb cheez hai Daastaan-e-mohabbat

Kaho to haqeeqat , suno to fasana

Mohabbaton main hisaab kaisa

Mohabaton main shumaar kaisa

Yakeen kaisa

Gumaan kaisa

Urooj kaisa

Zawaal kaisa

Sawaal kaisa

Jawaab kaisa

Mohabbatain to mohabbatain hain

Mohabbaton main hisaab kaisa

Teri yaad ka meri aankhon se kuch rishta zaroor hai

Main jab tujhay yaad karti hoon yeh ro parti hain

Tum mujhe kabhi dil kabhi aankhon se pukaaro

Yeh honton ka takaluff to zamanay kay liye hai

Wahan tak le gayi mujhe meri ana mohsin

Jahan jaa ke muqadar ke sitaray toot jaate hain

MAin jis ki khatar mohabbat ki har had se guzar gayi hoon

Woh ab bhi mujh se poochta hai keh sach batayo wafa karo gi

Manaten kiyon mangtay ho auron ke darbaar se "Iqbal"

Kon sa kaam hai jo nahin hota teray parwardigaar se

Us ki aankhain sawaal karti hain

Meri himmat jawaab deti hai

Sirf main hi thaam sakon haath us ka

Mujhe pe itni inayat si kar de

Woh reh na paye ik pal bhi meray bina

Ae khuda ussay meri aadat si kar de

Dikhawe ki mohabbat se behtar hai nafrat hi karo hum se

Hum sachay jazbon ki bari qadar kiya kartay hain

Mujhe bhi yaad rakhna jab likho tareekh-e-wafa

Keh main ne bhi lutaya hai mohabbat main sakoon apna

Ae chaand ki kirnoon jaao na

Tum us ko choo kar ayo na

Woh kab kab kiya kiya karta hai

Woh jaagta hai ya soota hai

Woh kis se baatain karta hai

Woh shaam ko kaisa lagta hai

Woh raat ko kaisa dikhta hai

Ae chaand ki kirnoon jaao na

Jab woh soye kaisa lagta hai

Jab jaagay kaisa dikhta hai

Tum chupkay chupkay jaao na

Tum us ko choo kar aao na

Main us ke bin adhoori hoon

Aur jeena dushwaar lagta hai

Tum kaan main us ke keh dena

Koi yaad ussay bhout karta hai

Ae chaand ki kirnoon jaao na

Tumhari aankhon ki shararat saaf saaf keh rahi hai

Tumhain mohabbat nahin mujh se , faqat dil'lagi hai

Youn na mil mujh se khafa ho jaisay

Saath chal mauj-e-saba hi jaisay

Log youn dekh kar hans detay hain

Tum mujhe bhoo gaye ho jaisay

Ishq ko shirk ki had tak na barha

Youn na mil hum se khuda ho jaisay

Mout bhi ayi to is naaz ke saath

Mujh pe ehsaan kiya ho jaisay

Aisay anjaan banay baithay ho

Tum ko kuch bhi na pata ho jaisay

Hichkiyaan raat ko aati hi rahein

Tum ne phir yaad kiya ho jaisay

Yaqeenan yeh gardish-e-kainaat tehar jaye gi

Ab agar kahin jo hum raqs main aye

Wehmoon ke tu jaal na bun

Dil ki dharkan ko bhi sun

Mujh se mera yar milaa de

"Mola" ab to keh de "Kun"

Hairaan hoon tum ko "Masjid" main dekh kar

Aisa bhi kiya hua keh "Khuda" yaad aa gaya

Is dais main lagta hai adalat nahin hoti

Jis dais main insaan ki hifazat nahin hoti

Makhlooq-e-khuda jab kisi mushkil main phansi ho

Sajday main paray rehna ibaadat nahin hoti

Hum khaak'nasheeno se hi kiyon kartay hain nafrat

Kiya parda'nasheeno main ghalazat nahin hoti

Yeh baat naye nasal ko samjhani paray gi

Ariyaani kabhi bhi sqaafat nahin hoti

Sar aankhon par hum is ko bethaa letay hain aksar

Jis ke kisi waade main sadaaqat nahin hoti

Pooncha hai agarcha bara nuqsaan hamesha

Phir bhi kisi banday ki ata'aat nahin hoti

Her shakhs sar pe kafan baandh ke niklay

Haq kay liye karna to baghawat nahin hoti

Kehnay ko zindagi thi , bhout muktasar magar

Kuch youn basar hui , keh khuda yaad aa gaya

Hum ne suna tha sehan-e-chaman main kaif ke badal chaaye hain

Hum bhi gaye thay jee behlanay ashk baha kar aye hain

Phool khilay to dil murjhaye shamma jale to jaan jale

Aik tumhara gham apna kar kitnay gham apnaye hain

Aik sulagti yaad , chamakta dard , firoozan tanhai

Pooch na is ke shaher se hum kiya kiya soghatein laye hain

Soye huye jo dard thay , dil main ansoo ban kar beh niklay

Raat sitaaron ki chaayon main yaad woh kaya kaya aye hain

Aaj bhi suraj doob gaya be'noor ufaq ke sagar main

Aaj bhi phool chaman main tujh ko bin dekhay murjhaye hain

Aik qayamat ka snaata aik bala ki tareeki

In galiyon se door na basna chaand na roshan saaye hain

Pyaar ki boli bol na "jalab" is basti ke logon se

Hum ne sukh ki kaliyaan kho kar dukh ke kaantay paaye hain

Mousam ke is snaatay main

Jab khamoshi chilaati hai

Mujhe teri yaad dilaati hai

Aur dil ko bhi tarpaati hai

Ik kora kaghaz leta hoon

Likh kar naam tera is par

Main dil ke haal ko likhta hoon

Main aaj bhi tujh ko chahta hoon

Bas itna hi likh paata hoon

Baaqi ki kahani in aankhon main

Main kuch aisay chupata hoon

Keh her lafaz ko biyaan ik qatray main

Kar ke main zameen pe bahata hoon

JAb jab woh qatra girta hai

To arsh bhi roya karta hai

Muqadar se gila youn karta hai

Aakhir kiyon youn karta hai

Jab dard hi tu ne dena hai to

Kiyon in be'bas aankhon main

Tu khwaab suhanay sajata hai

Nadaan sy is dil ko aakhir

Tu kiyon itn atarpata hai

Poet : syed kashaan ali shah

Na aya hoon na main laya gaya hoon

Main harf-e-kin hoon farmaya gaya hoon

Meri apni nahin hai koi surat

Her aik surat se behlaya gaya hoon

Bhout badlay meray andaaz lakin

Jahan khoya wahin paya gaya hoon

Wajood-e-ghair ho kaisay gawara

Teri raahon main basaya gaya hoon

Na'janay kon si manzil hai "wasif"

Jahan nehlaa ke bulwaya gaya hoon

Ussay mujh se mohabbat hai

Ussay mujh se mohabbat hai

Wohi takraar lafzon ki

Wohi andeshay furqat ke

Wohi anjaan si dastak

Wohi gum'naam si kasak

Wohi har baat pe larna

Wohi likhna hamaray naam ko be'reham mojon par

Hamaray samnay kachay ghronday tor kar hansana

Wohi apni kitaabon main ghulabi titliyaan rakhna

Wohi be'mahni baaton main hamara zikar le ana

Hamain parde main chup kar dekhna aur muskura dena

Wohi muskaan dheemi se

Wohi chup chaap sa lehja

Wohi be'cahin si halchal

Wohi saaye se ghabrana

Wohi kehnay se kuch darna

Wohi be'waja uth'lana

Sab hi aksar kehtay hain

Ussay mujh se mohabbat hai

Yaar ishq ho gaya hai

Main bach to jaaon ga na

Meray rat'jagon ke hisaab main

Koi aik neend ki raat de

Rafaqaton main waqaar khona , koi sunay ga to kiya kahay ga

Yeh din ka sona ,yeh shab ko rona , koi sunay ga to kiya kahay ga

Beech bhanwar main chor atay , to baat tum par youn na ati

Yeh saahilon pe hamain daboona , koi sunay ga to kiya kahay ga

Jo jee main aya to khoob khaila , jo jee se utra to tar dala

Mera dil bhi tha ik khilona , koi sunay ga to kiya kahay ga

Kaha jo us se keh dar khuda se , tumhain kiya khudai ka dar nahin hai

Hans ke bolay keh chup raho ge, koi sunay ga to kiya kahay ga

Be'dili is qadar hai keh ab hamain tum se

Kuch nahin chayea, htta keh mohabbat bhi nahin

Us khushi ka hisaab kaisay ho

Tum jo poocho janaab ... kaisay ho

Ae chaand yahan na nikla kar

Be'naam se sapnay dikhla kar

Yahan ulti ganga behti hai

Is dais main andhay hakim hain

Na dartay hain , na nadam hain

Na logon ke woh khadim hain

Hai yahan pe karo'baar bhout

Is dais main gurday biktay hain

Kuch log hain aali shaan bhout

Aur kuch ka maqsad roti hai

Woh kehtay hain sab acha hai

Maghrab ka raaj hi sacha hai

Yeh dais hai andhay logon ka

Ae chaand yahan na nikla kar

Bichartay waqat in aankhon ka bhar jana zaroori tha

Tumharay bin mera chup chaap mar jana zaroori tha

Main hans ke jhail leta dil pe saary waar qismat ke

Mujhe ba'khabar kar detay agar jana zaroori tha

Meri aankhon main apnay aks ko tum dekh na paaye

So mera be'niazi se guzar jana zaroori tha

Qabal is ke dono bad'gumaani main ulajh jaatay

Meray ham dam mera tujh se bichar jana zaroori tha

Main jeevan ke safar main hans ke sab kuch seh gaya lakin

Jo tum bichray to phir, mera bikhar jana zaroori tha

Ajnabi shaher ke ajnabi raastay , meri tanhai par muskurate rahay

Main bhout dair tak youn hi chalta raha ,tum bhout dair tak yaad atay rahye

Zehar milta raha , zehar peetay rahay, roz martay rahay, roz jeetay rahay

Zindagi bhi hamain azmaati rahi , aur hum bhi issay azmaatay rahay

Zakham jab bhi koi zehan-o-dil pe laga , zindagi ki taraf ik dareecha khula

Hum bhi gaya kisi saaz ke taar hain , chot khatay rahay , gungunaatay rahay

Sakhat halaat ke tez toofan main , ghir gaya tha hamara junoon-e-wafa

Hum chragh-e-tamana jalatay rahay , woh chragh-e-tamana bujhatay rahaye

Aik sitara haath pakar kar door kahin le jata hai

Roz khala main kho jane ki aaj bhi aadat baaqi hai

Suna tha hum ne logon se mohabbat cheez aisi hai

Suna tha hum ne logon se

Mohabbat cheez aisi hai

Chupaye chup nahin sakti

Yeh chehron pe damakti hai

Yeh lehjon main jhalakti hai

Dilon tak ko ghulati hai

Lahoo eandhan banati hai

Agar sach ahi , to phir aakhir hamain

Us zaat-e-haq se yeh bhala kaisi mohabbat hai

Yeh aankhon se chalakti hai

Na chehron pe tapakti hai

Na lehjon main sulagti hai

Dilon ko azmaati hai

Na raaton ko rulaati hai

Lahoo eendhan banati hai

Na faaqon hi stati hai

na khaak alood karti hai

Na kantoon pe chalati hai

Na yeh majnoo banati hai

Ajab, aisi mohabbat hai

Faqat dawa samjhati hai

Yeh to kaisi mohabbat hai

Na kaabay ki gali main tan pe angaaray bhujhati hai

Na ghaar-e-sor main chupkay sakeenat ban kar ati hai

Hira tak le bhi jaati hai

Qudas se nazrain churaati hai

Bhala kaisi mohabbat hai

Hum apne dawa-e-haq-e-mohabbat par huye naadim

To palkon ke kinaron se jharri si lag gayi aur phir

Kahin se bijliyaan koodein

Sada ayi

Zara si aankh ki bandish ke dam bhar muntazir rehna

Wahan khud jaan jaao gy

Mohabbat ki haqeeqat ko

Meray haath main jo hota suraj ka nizaam

Terat raastay main kabhi dhoop na anay deta

Suno acha nahin lagta,mujhe acha nahin lagta

Suno acha nahin lagta

Keh koi doosra dekhay

Tumhari sharbati aankhain

Lab-o-rukhsaar aur palkain

Siyaah ghani lambi zulfain

Srahaye doosra koi

Mujhe acha nahin lagta

Suno acha nahin lagta

Kare jab tazkara koi

Kare jab tabsara koi

Tumhari zaat ko khojaye

Tumhari baat ko sochay

Mujhay acha nahin lagta

Suno acha nahin lagta

Tumhari muskurahat par

Hazaron log martay hain

Tumhari aik aahat par

Hazaron dil dharaktay hain

Kisi ka tum pe youn marna

Mujhay acha nahin lagta

Suno acha nahin lagta

Hawa guzray tumhain choo kar

Na ho ga yeh zabt mujh se

Kare gustakhi tum se

Tumhari zilfain buikar jayein

Tumharay lams pe jayein

mujhay acha nahin lagta

Suno acha nahin lagta

Keh tum ko phool bhi dekhain

Tumharay paas se mehkain

Ya chanda ki guzarish ho

Keh apni roshni bakhsho

Rukh-e-jana koi dekhay

Mujhay acha nahin lagta

Suno acha nahin lagta

Apni khrabiyon ko pas-e-pusht daal kar

Her shakhs keh raha hai zamana khraab hai

Hawa ban kar bikharne se ussay kiya faraq parta hai

Hawa ban kar bikharne se

Ussay kiya faraq parta hai

Mere jeenay ya marne se

Ussay kiya faraq parta hai

Ussay to apni khushiyon se

Zara bhi fursat nahin milti

Mere gham ke ubharney se

Ussay kiya faraq parta hai

Faiz us shakhs ki yaadon main

Tum chahay rotay raho lakin

Tumharay aisa karnay se

Ussay kiya faraq parta hai

Bicharna hai to khushi se bichro

Sawaal kaisay , jawaab choro

Kissay mili hain jahan ki khushiyaan

Milay hain kis ko azaab choro

Naye safar pe jo chal paray ho

Mujhe khabar hai keh khush baray ho

Hai kon ujraa tumhare peechay

Ya kis ke tootay hain khwaab choro

Mohabbaton ke tamaam waday

Nibhaye kis ne , bhulaye kis ne

Tumhain pashemani ho gi jaana

Jo meri mano hisaab choro

Dukhi dilon ki pukaar sun'nana

Bana lo daa'yamm amal yeh apna

Hai si main tum ko gunnah kitna

Ya kis qadar hai sawaab choro

Aao keh tujh ko dekh kar aftaar kar lain

Muddat hui aankh ka roza rakhye huye

Kahin koi taluq to hai rooh ka tujh se

Yeh dil-e-be'taab , muztarib youn hi to nahin

Ku-ba-ku phail gayi baat shanasai ki

Us ne kushboo ki tarah meri pazirai ki

Kaisay keh doon keh mujhe chor diya hai us ne

Baat to sach hai magar baat hai ruswaai ki

Woh kahin bhi gaya loata to mere paas aya

Bas yahi baat hai achi mere harjai ki

Tera pehlu tere dil ki tarah abaad rahe

Tujh pe guzray na qayamat shab-e-tanhai ki

Us ne jalti hui paishani pe jo hath rakha

Rooh tak aa gayi taseer masihai ki