Be'wajah Dushmani
Insaan ko zaib hi nahin deta junoon-e-mout
Insaniyat to laaiq-e-sad ehtraam hai
Tehzeeb kay khilaaf hai be'wajah dushmani
Bhai ka khoon bhai pe youn bhi haraam hai
Mar 12, 2017
Youn hi lakeer kurachtay hain apni qismat ki
Khawab
Youn hi lakeer kurachtay hain apni qismat ki
Wa'garna un ki hatheli main darj hi kya hai ?
Kuch iss liye bhi woh aankhon ko band rakhtay hain
Keh khawab daikhtay rehnay main harj hi kya hai ?
Badli jo rutt gharoor kay gard-o-ghubaar ki
Udhaar
Badli jo rutt gharoor kay gard-o-ghubaar ki
Dastaar khull gayi teray jhootay waqar ki
Hum ne kaha na tha keh na bad'mast ho kay chal
Mehangi bhout paray gi yeh "izzat udhaar ki"
Soi hui qismat ko jagaana hi paray ga
Lahu
Soi hui qismat ko jagaana hi paray ga
Zaalim ka her ik naqsh mitana hi paray ga
Ik umar se roshan hain jo muflis kay lahu se
Ab aisay chraghon ko bujhana hi paray ga
Ik roz to kashmir ki kaliyan bhi khilein gi
Ik Roz
Ik roz to kashmir ki kaliyan bhi khilein gi
Ik roz to dharkay ga yahan zouq-e-namu bhi
Ik roz to mehkay gi mussarat se yeh wadi
Ik roz to dehkay ga "Musalmaan" ka lahu bhi
Yeh jehd-e-musal'sal jo lahu pee kay pali hai
Yeh jehd-e-musal'sal jo lahu pee kay pali hai
Aqwaam ki tareekh main ghar kar kay rahay gi
Azadi-e-kashmir kay sholon ki bulandi
Ik roz "Hamala" ko bhi sar kar kay rahay gi
Khayal-o-khawaab kay manzir sajana chahata hai
Khayal-o-khawaab kay manzir sajana chahata hai
Yeh dil jeenay ka ik taza bahana chahata hai
Qareeb tha to kissay fursat-e-mohabbat thi
Qareeb tha to kissay fursat-e-mohabbat thi
Hua hai door to uss ki wafa'ein yaad ayein
Soch rahay hain subha talak , ik baar bhi aankh nahin jhapki
Soch rahay hain subha talak , ik baar bhi aankh nahin jhapki
Abhi to teray hijar main hum ne pehli raat guzaari hai
Dil par hotay jabar abhi daikhay hi nahin hain
Dil par hotay jabar abhi daikhay hi nahin hain
Tum ne ehal-e-sabar abhi daikhay hi nahin hain
Woh tairagi thi keh lafzon ko raasta na mila
Woh tairagi thi keh lafzon ko raasta na mila
Koi chragh qabeela meray hunar kay liye
Raaston main rahay na ghar main rahay
Raaston main rahay na ghar main rahay
Umar bhar halat-e-safar main rahay
Lafz saray chragh ban jayein
Wasf aisa meray hunar main rahay
Zehar sara shajar main aa jaye
Ae Khuda zindagi samar main rahay
Iss liye gardishon ko pala hai
Koi to halqa-e-asar main rahay
Ik zamana gharon main tha Aabaad
Be'ghari hum teri nazar main rahay
Her ik lamha naya ik imtihaan hai
Her ik lamha naya ik imtihaan hai
Bhout na'meharbaan yeh aasmaan hai
Dilon par barf girti jaa rahi hai
Badan ka tajurba bhi rai'gaan hai
Main uss se baat karna chahati hoon
Batao to sahi woh ab kahan hai
Anaa ki rait shamil ho gayi hai
Hawa se guftagoo ab rai'gaan hai
Mujhay iss ka yaqeen har'giz nahin tha
Meri jaanib se itna bad'gumaan hai
Mohabbat ik nadamat ban gayi hai
Hamari mukh'tasir si daastaan hai
Haqeeqaton ka tasawur mohaal lagta hai
Haqeeqaton ka tasawur mohaal lagta hai
Kisi ki yaad main rehna kamaal lagta hai
Koi nazam aisi likhon kabhi
Koi nazam aisi likhon kabhi
Koi nazam aisi likhon kabhi
Teri baat baat ki roshni
Meray harf harf main bharray sikkay
Teray lams ki yeh shaguftagi
Meray jism-o-jaan main utar sakay
Koi chandni kisi gehray rang kay raaz ki
Meray raaston main bikhar sakay
Teri guftagoo se banaon main
Koi daastaan , koi keh'kishaan
Hon mohabbaton ki tamazatein bhi
kamaal tarah se meharbaan
Teray bazu'on ki bahaar main
Kabhi jhooltay huye gaon main
Teri justagoo kay chragh sar-e-shaam dil main jalaon main
Issi jhil'milati si shaam main
Likhon nazam jo tera roop ho
Kahin sakhat jaaron main aik dam jo chamak uthay
Koi khush'gawaar si dhoop ho
Jo wafa ki taal kay raqs ka
Koi jeeta jaagta aks ho
Koi nazam aisi likhon kabhi
Keh her ik lafz kay haath main
Teray naam kay
Teray harf taza kalaam kay
Kai raaz hon
Jinhein mun'kashif bhi karon agar
To jahan-e-shair kay baab main
Meray dil main rakhi kitaab main
Teray chashm-o-lab bhi chamak uth'ein
Mujhay roshni ki fizaon main kahin ghair lain
Koi nazam aisi likhon kabhi
Badan ki sar'zameen par to hukam'raan aur hai
Badan ki sar'zameen par to hukam'raan aur hai
Magar jo dil main bas raha hai meharbaan aur hai
Jo mujh se munsalik huyein kahaniyan kuch aur thein
Jo dil ko paish aayi hai woh daastaan aur hai
Yeh mar'hala to sehal tha mohabbaton main wasal ka
Abhi tumhein khabar nahin ik imtihaan aur hai
Woh din kidher gaye meray woh raat kya hui meri
Yeh sar zameen nahin hai woh yeh aasmaan aur hai
Woh jis ko daikhtay ho tum zarooraton ki baat hai
Jo shairy main hai kahin woh khush biyaan aur hai
Jo saa'iye ki tarah se hai woh saya daar bhi to hai
Magar hamein mila hai jo woh saye'baan aur hai
Janay kaisay sambhaal kar rakhay
Janay kaisay sambhaal kar rakhay
Sab iraday sambhaal kar rakhay
Kuch naye rang hain mohabbat kay
Kuch puranay sambhaal kar rakhay
Mousam-e-ishq teri baarish main
Khatt jo bheegay sambhaal kar rakhay
Jin ki khushbu udaas karti thi
Woh bhi gajray sambhaal kar rakhay
Tujh se milnay kay aur bicharnay kay
Saray khad'shay sambhaal kar rakhay
Jab hawa ka mizaaj barham tha
Hum ne pattay sambhaal kar rakhay
Aarzu kay haseen pinjray main
Kuch prinday sambhaal kar rakhay
Hum ne dil ki kitaab main teray
Saray waday sambhaal kar rakhay
Teray dukh kay tamaam hi mousam
Ae zamanay sambhaal kar rakhay
Meray khawabon ko raakh kar dala
Aur apnay sambhaal kar rakhay
Yeh gaye dino ka malaal hai
Yeh gaye dino ka malaal hai
Meray dushmano se kaho koi
Kisi gehri chaal kay ehtamaam ka silsala hi fazool hai
Keh shakist youn bhi qabool hai
Kabhi hoslay jo misaal thay
Woh nahin rahay
Meray harf harf kay jism par
Woh mahni kay par-o-baal thay woh nahin rahay
Meri shairy kay jahan ko
Kabhi titliyon , kabhi jugnu'on se sajaye phirtay
Khayal thay
Woh nahin rahay
Meray dushmano se kaho koi
Woh jo shaam shaher-e-wisaal main
Koi roshni si liye huye
Kisi lab pe jitnay sawal thay
Woh nahin rahay
Jo wafa kay baab main wehshaton kay kamaal thay
Woh nahin rahay
Meray dushmano se kaho koi
Woh kabhi jo ehad-e-nishaat main
Mujhay khud pe itna gharoor tha
Kahin kho gaya
Woh jo fatihaana khumaar main
Meray saray khawaab nihaal thay
Woh nahin rahay
Kabhi dasht lashkar-e-shaam main
Meray sur'khu'ru mah-o-saal thay
Woh nahin rahay
Keh bas ab to dil ki zubaan par
Faqat ik qissa-e-haal hao ...............jo
Nid'haal hai
Jo gaye dino ka malaal hai
Meray dushmano se kaho koi
Lafz bhi koi uss ka saath na deta tha
Lafz bhi koi uss ka saath na deta tha
Jaisay koi wasal ki raat ka qissa tha
Basti kay uss paar kahin par raat dhalay
Lambi cheekh kay baad koi sanata tha
Jis ko apna ghar samjhay thay woh to mehz
Dewarein thein aur un main darwaza tha
Hum ne ussay bhi lafzon main zanjeer kiya
Badal jaisa jo awara phirta tha
Manzil ko sar karnay walay logon ne
Raston ka bhi her andesha daikha tha
Kaisay din hain uss ka chehra daikh kay hum
Soch rahay hain pehlay kahan pe daikha tha
Ashk apni aankhon se khud bhi hum chupa'ein gay
Ashk apni aankhon se khud bhi hum chupa'ein gay
Teray chahnay walay shor kya macha'ein gay
Subha ki hawa tujh ko woh milay to keh dena
Shaam ki mundairon par hum diye jalayein gay
Hum ne kab sitaron se roshni ki khawaish ki
Hum tumhari aankhon se shab ko jag'maga'ein gay
Tujh ko kya khabar jaana hum udaas logon par
Shaam kay sabhi manzir ungliyaan utha'ein gay
Hum teri mohabbat kay jugnu'on ki aamad par
Titliyon kay rangon se raastay saja'ein gay
Kharch itna bhi na kar mujh ko zamanay kay liye
Kharch itna bhi na kar mujh ko zamanay kay liye
Kuch to reh jaon main kaam apnay bhi aanay kay liye
Yeh kya be'naam uljhan hai
Be'naam uljhan
Yeh kya be'naam uljhan hai
Na'janay aagahi aur khawab kay ma'bain kaisa masla hai
Keh her takhleeq se pehlay
Ajab ik khouf dil ko ghair leta hai
Mujhay mehsoos hota hai
Main apni aakhri tehreer likhnay jaa rahi hoon
Sukhan ki shab kay maathay par
Woh meray naam kay jitnay sitaray thay
Wafa kay ista'aray thay
Sab apni umar poori kar chukay hain
Yeh hi dharka sa rehta hai
Keh jitnay shair likhay thay
Jinhein main
Apnay honay ki gawahi ki tarah mehsoos karti thi
Yeh ab likhay na jayein gay
YEh ab sochay na jayein gay
Yeh ab sochay na jayein gay
Meri nazmein
Jo ab tak aarzu'on ka sunehra aks ban kar jhil'milati thein
Mohabbat ki zameeno par utar'tay
Hijar kay aur wasal kay sab mousamon ki baat karti thein
Inhein tehreer karnay ka hunar bhi bhool jaon gi
Gumaan yeh be'sabati ka
Yaqeen ban ban kay her lamha
Barri shiddat se meray zehan ka daman hilaata hai
Yeh hi bawar karwata hai
Keh harf-o-lafz ka jitna asaasa tha
Fana ki sarhadon par hai
Sukhan sacchai ka sara tafakhar tootnay ko hai
Mohabbat roothnay ko hai
Yeh kya be'naam uljhan hai
Keh her takhleeq se pehlay
Ajab ik khouf dil ko ghair leta hai
Mujhay mehsoos hota hai
Main apni aakhri tehreer likhnay jaa rahi hoon
Meri aankhon ko soojhta hi nahin
Meri aankhon ko soojhta hi nahin
Ya muqaddar main raasta hi nahin
Woh bharray shaher main kisi se bhi
Meray baaray main poochta hi nahin
Phir wohi shaam hai wohi hum hain
Haan magar dil main hosla hi nahin
Hum chalay uss ki bazam se uth kar
Aur woh hai keh rookta hi nahin
Dil jo ik dost tha magar woh bhi
Chup ka pathar hai bolta hi nahin
MAin to uss ki talash main gum hoon
Woh kabhi mujh ko dhoondta hi nahin
Main to aik qadam chal kar hi rooh talak thak jaati hoon
Main to aik qadam chal kar hi rooh talak thak jaati hoon
Sochti hoon tum apnay aap se itna kaisay bhaagtay ho
Mujhay tum se mohabbat hai
Aakhri Khawaish
Meray sathi
Meri yeh rooh neray jism se parwaz kar jaye
To loat aana
Meri be'khawab raaton kay azabon par
Sisaktay shaher main tum bhi
Zara si dair ko rukna
Meray be'noor honton ki dua'on par
Tum apni sard paishani ka pathar rakh kay ro dena
Bas itni baat keh dena
"Mujhay tum se mohabbat hai "
Subscribe to:
Posts (Atom)
