Aik baar hum se piyaar kar ky to dekho

Hamari nazar bhout kuch keh dati hai

Kabhi hamain nazron se samjh kar to dekho

Hum se dosti ka rishta hai tumhara

Kabhi hum se dil laga kar to dekho

Her mushkal raah bhi asaan ho jaye gi bas

Hum par aik baar aitabaar kar ky to dekho

Hum tumhain zindagi main her kushi dain gy

Bas aik baar hum se piyaar kar ky to dekho 

Tujh se juda ho jane se dar lagta hai

Tujh se juda ho jane se dar lagta hai 

Ulfat na'kaam ho janay se dar lagta hai 

Nahin hai mumkin jeena teray bin 

Tujh bin mar janay se dar lagta hai 

Kissay hai fikar duniya ki , zamanay ki 

Teray mukar janay se dar lagta hai 

NAhin koi aarzo zindagi main teray siwa

Tujh se bichar janay se dar lagta hai 

Tujh bin saansain haraam , dharkan gunnah 

Tujh bin jiye janay se dar lagta hai

Agar jo demaagh ki suno gi to haar jayo gi

Agar jo demaagh ki suno gi to haar jayo gi 

Hum jaisa piyaar phir kahan payo gi 

Jaan dainay ki baat to her koi karta hai 

Zindagi bananay wala kahan sy layo gi 

Jo ik nazar daikh lo tum hamain dil se

To her taraf hum hi ko payo gi 

Yaqeen apni mohabbat par itna hai mujhay 

Meri chahat ko dekho gi to loat ayo gi 

Meri aankhon ky samandar main doob gay agar jo 

Kahin jana bhi chahyo gi to na ja payo gi

Dil ki dharkan ki tarah dil main basa loon tum ko

Dil ki dharkan ki tarah dil main basa loon tum ko 

Koi ehsaas judai k ana rehnay paye

Is tarah khud main meri jaan basa loon tum ko 

Tu jo roothay kabhi mujh se meray dil ky maalik 

Sari dunia se khafa ho kar mana loon tum ko 

Jab bhi dekhon teray chahray par udaasi ka samaa 

YAhi chahon keh kisi tarah hansaa loon tum ko 

Tu jo thak haar ky lootay to yahi khwaish ho 

Paas in palkon ki chayon main sulaon tum ko

Hamain khabar hai hum ehal-e-dil ka mohabbaton main yeh haal ho ga

Hamain khabar hai hum ehal-e-dil ka mohabbaton main yeh haal ho ga 

Bahar main bhi woh habas ho ga , keh saans lena mohaal ho ga 

Naqoosh dhundla gaye hain jis ky , khyaal jis ka dhuwan dhuwan hai

Woh zard patton ky koray kaaghaz pe likhi koi misaal ho ga 

Jo naaptay hain musaafton ko , lateef jazbon ki shiddatein hain 

Kahin sadii sa'aton ki had main 'kahin pe lamha bhi saal ho ga 

Mujhay hai siyaad se woh nisbat keh mujh ko manzoor hai aseeri 

Qafas ki aaghosh se jo nikla to wua'aton ka wabaal ho ga 

Tumharay lehjay ki talkiyon ko bhula ky ek baar mil to loon main 

Magar ho itn ayaqeen mujh ko , bichar ky tum ko malaal ho ga 

Her khushi main koi kami si hai

Her khushi main koi kami si hai 

Hansti aankhon main bhi nami si hai

Din main chup chaap sar jukaye tha 

Raat ki nabaz bhi thami si hai 

Kis ko samjhein kisi ki baat nahin 

Zehan aur dil main phir thani si hai 

Khwaab tha ya ghubaar tha koi 

Gard in palkon pe jami si hai 

Keh gaye hum kis se dil ki baat 

Shaher main aik san'snni  si hai 

Meri zindagi ho tum meri bandagi ho tum

Meri zindagi ho tum 

Meri bandagi ho tum 

Meri rooh ka qaraar ho tum 

Meray khyalon ka inhaar ho tum 

Meray her dard ki dawa ho tum 

Meray liye aab-e-shifa ho tum 

Meri her kushi ki intiha ho tum 

Meray her gham ky agay dewaar ho tum 

Meray andheron main roshni ho tum 

Meray raastay main subha ho tum 

Meri umeed ho tum 

Meri tamheed ho tum 

Meray dil ki dharkan ho tum 

Meri sansoon ki thandak ho tum 

Meray chaharay ki muskurahat ho tum 

Meri zubaan ki awaaz ho tum 

Meri nas nas main ho tum 

Jidhar jayon nazar atay ho tum 

Meray qalam ki jaan ho tum 

Meray kaaghaz par wahid nishaan ho tum 

Meri gum'shuda pehchaan ho tum 

Meri gumsuda mehmaan ho tum 

Meri nighaon ki talash ho tum 

Meray gulshan ki bahaar ho tum 

Meray khawabon ki tabeer ho tum 

Meri sochon ki tasveer ho tum  

Tapti dhoop main chayon  ho tum 

Garam sehra main nakhlistaan ho tum 

Asmaan pe chamakta sitara ho tum 

Bhatkay musafir ka aakhari sahara ho tum 

Baja hai keh aankh main needon ky silsalay bhi nahin

Baja hai keh aankh main needon ky silsalay bhi nahin 

Shakist-e-khwaab ky ab mujh main hoslay bhi nahin 

Nahin nahin yeh khabar dusmano ne di ho gi

Woh aye aa ky chalay bhi gaye mile bhi nahin 

Yeh kon log andheron ki baat kartay hain 

Abhi to chaand teri yaad ky dhalay bhi nahin 

Abhi se maray rafogar ky hath thaknay lagay 

Abhi to chaak meray zakham ky silay bhi nahin 

Khafa agarcha hamesha huwey magar ab 

Woh barhami hai keh hum se unhain gilay bhi nahin

Woh meri bachpan ki yaadain bari sohani

Woh meri bachpan ki yaadain bari sohani

Woh dil ka behalna sun ky koi kahani 

Woh be'fikri ky din woh be'fikri ki ratain 

Woh masoomiyat ki rutain thein bari dewani

Woh khauf se kampana kabhi sardi se tht'tahrna 

Woh badal ka garajna woh barsaat ka pani 

Woh maktab ka pehla din woh nayi disti 

Woh sab ko mera taa'aruf meri hi zubaani

Woh khoob tha mustaqbil ky khwabon ky sunana

Woh kabhi maan to kabhi baba ki zubani 

Woh awargi pe pabandi woh ghar ki qaid

Woh chori se nikalna woh apas ki raaz'dani

Woh baray bhai ki daant woh us ka rouab 

Woh mera sochna keh kab aye gi jawani

Woh matti main khailna woh doston ki narazgi 

Woh apas main larna aur phir woh soch intaqami 

Woh din loatein gy nahi woh pal ayein gy

Woh yadain ho gayi hain bhout hi purani

Gum sum huwa , awazon ka dariya tha jo ik shakhs

Gum sum huwa , awazon ka dariya tha jo ik shakhs

Pathar bhi nahin ab woh , sitara tha jo ik shakhs

Shayed woh koi harf-e-wafa dhoond raha tha 

Chaharay ko baray ghour se pathta tha jo ik sakhs

Sehra ki tarah dair se piyasa tha jo ik shakhs

Badal ki tarah toot ky barsa yha jo ik shakhs

Hathon main chupaye huwey phirta tha kai zakham 

Sheesahay ky khilonay se behalta tha jo ek shakhs

Mujhay acha lagta hai

Tera dekhna aur shrmana mujhay acha sa laga 

Aur phir dil main basana mujhay acha sa laga 

Kabhi kabhi kehta hoon dil se main 

Tera youn dil lagana mujhay acha sa lagta hai 

Roz-o-shab ka milna kuch theek nahin 

Duniya walon se chupana mujhay acha lagta hai 

Koi nahin is duniya main teray jaisa 

Teri tasveer se batain karna mujhay acha lagta hai

Mera baat-be-baat rooth jana shakir

Aur tera her baar ka manana mujhay acha lagta hai 

Jo ghair thay woh isi baat par hamaray huwey

Jo ghair thay woh isi baat par hamaray huwey

Keh hum se dost bhout be'khabar hamaray huwey

Kisay khabar keh woh mohabbat thi keh raqabat thi

Bhout se log tujhay dekh ky hamaray huwey

Ab ik hajoom shakista dila'an hai sath apnay 

Jinhain koi na mila humsafar hamaray huwey

Kisi ne gham to kisi ny mizaaj-e-gham bakhsha

Sab apni apni jaga chraagh ghar hamaray huwey

Bujhay keh taak ki shamein na dekh taron ko 

Isi junoon main to barbaad ghar hamray huwey 

Woh aitamaad kahan se faraz lain gy 

Kisi ko chor ky woh ab agar hamaray huwey

Yeh chup rehna theek nahin koi meethi baat karo

Yeh chup rehna theek nahin koi meethi baat karo

Moor, chakor , papeha , koyal , sab ko maat karo

Sawan to man bheegay se bin barsay beey gaya 

Ras main doobay naghmay ki ab tum barsaat karo

Hijar ki aik lambi manzal ko janay wala hoon

Apni yadon ky kuch saye meray sath karo

Meri kirno ki kaliyaan chun kar saig bana loon ga

Tum mujhray ka chaand jalao roshan raat karo 

Piyaar buri shai nahin hai likn phir bhi yaar qateel

Gali gali Taqseem na tum apnay jazbaat karo

Yeh ajeeb meri mohabbatain

Koi poochay ly to main kiya kahoon 

Usay kiya bataon 

Yeh roz-o-shab to jnam jnam pe moheet hai 

Meray zakham zakham dil-o-nazar 

Mujhay is jnam main nahin milay 

Meray rat'jagay meray hamsafar 

Meray sathi aaj nahin chalay 

Yeh moheeb-o-jast-e- fikar jo

Meray naqash naqash ki rooh hai

Koi be'sabaat bayaan nahin 

Yeh aatmaon ka aks hai

Yeh to Deva'taon ka dehaan hai

Yeh to janay kaisi 

Sadi sadi ki aziyaton ka giyaan hai 

Yeh ajeeb meri Mohabbatain 

Yeh ajeeb meray gham-o-alam 

Yeh naseeb sang-e-siyaah par

Yeh warq warq pe gehray qalam 

Yeh karra hissar naya nahin 

Mera intizaar qadeem hai 

Mera us se piyaar qadeem hai 

Yeh ajeeb meri mohabbatain 

Tu jo roothi meri palkon pe nami reh jaye gi

Tu jo roothi meri palkon pe nami reh jaye gi

Zindagi bas naam hi ki zindagi reh jaye gi

Tark-e-ulfat ky iraday par zara phir sochiya

Main chala jaon ga tu dekhti reh jaye gi

Yeh nahin kehtay keh tujh bin jee nahin payein gy hum 

Haan hamari zindagi main ik kami reh jaye gi

Piyaar ky sadqay yeh lagta hai hamaray darmiyaan 

aur kuch na bhi raha yeh dosti reh jaye gi 

MAin to teh kar ky chala jayon ga duniya ka safar 

Meray baray main yeh duniya sochti reh jaye gi

Zaat se barh kar hai apni mujh ko apna payara fun 

Main agar na bhi raha yeh shairy reh jaye gi

Mera dost jo mujh se hua tha khafa

Mera dost jo mujh se hua tha khafa

Mudaton baad woh mujh se khud aa kar mila 

Jhooti nafrat ky pathron se jo bana tha qilha

Mohabbat ki kankar;rion ne kiya aaj is ko faana 

Ab qilha koi na tameer ho aisa yahan 

Rab se mangi hai main ne ab yahi dua

Lagay teray bina mujhay saray mousam khizaan 

Kyon keh main tha yahan , aur tu tha wahan 

Ab nazar na lagay hamari dosti ko Ae khuda 

Koi silsala dil main aisa mohabbaton ka chala

Koi kuch bhi kahay hun ne hi suna nahin hai

Bas yahi kamyaab dosti ka hai behtareen dawa

 

Meri nazar se kabhi jo ek dafa dekho

Meri nazar se kabhi jo ek dafa dekhon

Apnay liye pyaar hi pyaar chahat to dekho

Tum ko sab batanay main lagaye gi muddat mujhay 

Ho sakay to her lamhay ko mehsoos kar kay to dekho

Dhoondti hai her taraf dil-e-be'qarari jissay

Aye dil main uss ko kidher kidher ko dekho

Hona na kabhi juda tum mujh se kabhi 

Qabool hotay huye kaash meri dua ko dekho

Nahin chaha hum ne apni chahat ka koi sila 

Bas teri nazar main apnay aap ko dekho

Dil munafiq tha shab-e-hijar main soya kaisa

Dil munafiq tha shab-e-hijar main soya kaisa

Aur jab tujh se mila toot ky roya  kaisa

Zindagi main bhi ghazal hi ka qareena rakha 

Khwaab-dar-khwaab teray gham ko paroya kaisa

Ab to chaheron pey bhi kutbon ka gumaan hota hai 

Aankhain pathrai hui hain  lab-e-goya kaisa

Dekh ab kurab ka mousam bhi na sar'sabaz lagay 

Hijar hi hijar marasam main samoya kaisa

Aik ansoo tha keh dariya-e-nadamat tha faraz 

Dil se be'baak shanawaar ko doboya kaisa

Youn us dil'ruba se meri nazar milay kabhi

Youn us dil'ruba se meri nazar milay kabhi

Apni zubaan se mujhay dil'bar kahay kabhi

Woh meray weham main ,meray gumaan main rahay

Jo raat ky pehar se sehar milay kabhi

Woh mera to kabhi na tha magar aisa laga 

Keh us ky bina zeest bhi abtar lagay kabhi

Yak'sar gum sum hoon apni yaad dashton main 

Us ki gali tak us ka dar youn dikhaye kabhi

Us ka wajood meri rooh main mehlool ho gaya

Rooh ab sab arwaah se akbar lagay kabhi

Kia kushboo ki rangon sy baat ho

Kia kushboo ki rangon sy baat ho

Jo woh na kabhi meray sath ho

Dil na dharkay aur saans tham jaye

Jis shab na tujh se mulaqaat ho

Kitni hi kushiyan aur be'hisaab jashan mana chukay

Youn hum khud ko hi apnay aap se ganwa chukay

MAin aur kiya kahoon

Kon hai jo sunay ga 

Jo bhi nazron se guzar chuka

Woh sab is dil main jazab ho chuka hai 

To dil ko Kuraidoon kis ky liye

Us ky liy jo qadar'daan hai 

Ya un ky liye jo anjaan hain 

Main aur kiya kahoon

Tum chaho to mujhay apnay seenay main chupa saktay ho

Tum chaho to mujhay apnay seenay main chupa saktay ho 

Tum chaho to mujhay apnay dil ki her baat bata saktay ho 

Tum chaho to mujhay sehra se nikaal saktay ho 

Tum chaho to mujhay saiybaan de saktay ho 

Tum chaho to mujhay tapti dhoop se bacha saktay ho 

Tum chaho to mujhay apnay wajood main chupa saktay ho 

Tum chaho to andhairi raat ki chadar parh kar

Tum chaho to ik dia roshni ka jala saktay ho 

Tumhain maloom hain keh yeh zindagi kuch dino ki hai 

Tum chaho to issay hans ky guzaar saktay ho 

Tum chaho to mujhay apni zindagi bana saktay ho

Tum chaho to mujhay apnay seenay main chupa saktay ho 

Tum chaho to mujhay apnay dil ki her baat bata saktay ho

Tum chaho tokiya nahin kar saktay ho 

Tum chaho to sab kuch kar saktay ho

Kar ky mujhay barbaad jo hans rahi thi

Kar ky mujhay barbaad jo hans rahi thi 

Tanhai main baithi woh ro rahi thi

Maloom tha hamain tumhari be'loas mohabbat ka

Rasm-o-riwaaj ki woh laaj rakh rahi thi

Shayed mohabbat main is ky bhool ho gayi

Apni na'dani par shram'saar to thi 

Shayed duniya ne issay sochnay ki mohlat na di 

Mohabbat ky liye bagawaat par tayaar to thi

Kyon hotay hain mohabbat pe rasm-o-riwaaj 

Do dewano ky darmiyaan yeh takraar to thi

Kyon chupkay se woh log dil main utar jatay hain

Kyon chupkay se woh log dil main utar jatay hain 

Jin se qismat ky sitaray nahin miltay

Kyon hamain us logon ki aadat si ho jati hai

Jinhain hum pehli nazar main apna sab kuch maan letay hain 

Jinhain hum na dekhain to hamara din nahin guzarta

Jinhain hum dekhain to hamara dil qaboo main nahin rehta 

Jin ky hum qareeb ho ky bhi un ky hotay nahin 

Aur jin se door ho kay hum juda hotay nahin 

Jo door reh kar bhi kushi detay hain 

Aur jo pass ho kar bhi ghum detay hain 

Phir wohi baat aa jati hai

Kyon chupkay se woh log dil main utar jatay hain 

Jin se qismat ky sitaray nahin miltay

 

Na fikar-e-farda na yaad-e-mazi

Na fikar-e-farda na yaad-e-mazi 

Na chain dil ko na be'qarari

Na wasal ki larzish nazar main 

Na be'basi hijar ky samay ki

Na had se guzar jayein woh

Na be'kali woh pehlay jaisi 

Bas ik udasi hai dheemi dheemi 

Bas ik khamoshi hai be'kraan si

Bas ik be'naam jalan hai 

Bas ik be'dard se thakan hai 

Jo zindagi ky adhooray pan ko

Hadon se aagay barha rahi hai