Imran's Poetry: 02/27/15

Feb 27, 2015

In qurbaton ne aur bhi tanha sa kar diya

Ab darmiyan hamaray koi faasla nahin

Youn koi chor kar nahin jaata

Dosti bojh ban gayi ho gi

Youn hi tanhai main khud ko saza detay hain

Naam likhtay hain tera , likh kar mitta detay hain

Aray Sahib !! tanhai ka ik alag hi maza hai

Is main dar nahin hota kisi kay chor janay ka

Jab main dooba to samandar ko bhi hairat hui mujh par

Ajeeb shakhs hai kisi ko pukaarta hi nahin

Rukhsat Ae bazam-e-jahan soo-e-watan jaata hoon

Aah ! is abaad veeranay main ghabrata hoon main

Bas keh afsurda dil hoon dar khour-e-mehfil nahin

Tu meray qabil nahin , main tera qabil nahin

Chal dost, kisi anjaan basti main chalain

Is nagar main to sabhi hum se khafa rehtay hain

Main kissay suna raha hoon yeh ghazal mohabbaton ki

KAhin aag sazishon ki kahin aanch nafraton ki

Koi baagh jal raha hai yeh magar meri dua hai

Meray phool tak na ponchay yeh hawa tamazaton ki

Mera kon sa hai mousam meray mousamon kay waali

YEh bahaar be'dili ki yeh khizaan murawaton ki

Main qadeem baam-o-dar main inhain jaa kay dhoondta hoon

Woh diyaar nikhaton kay woh fizaein chahaton ki

Kahin chaand ya sitaray huye hum'kalaam mujh se

Kahin phool sehriyon kay kahin jhaariyan chatton ki

Meray kaaghzon main shayed kahin ab bhi so rahi ho

Koi subha gulistaan ki koi shaam parbaton ki

Subha safar ki raat thi , taray thay aur hawa

Saaya sa aik , dair tak , baam par raha

Meri sada hawa main bhout door tak gayi

Par main bula raha tha jissay be'khabar raha

Guzri hai kiya mazay se kya khayalon main zindagi

Doori ka yeh talisam bara kar'gar raha

Khouf Aasman kay saath tha sar par jhuka huwa

Koi hai bhi ya nahin hai yahi dil main dar raha

IS aakhri nazar main ajab dard tha "Munir"

Janay ka is kay ranj mujhay umar bhar raha

Youn dil ko her shakhs pe wara nahin kartay

Aankhon main her ik aks utaara nahin kartay

Honi hai to ik baar hi ho jaye mohabbat

YEh bhool hai aisi keh dobara nahin kartay

Acha huwa main ne hi faqat dekha magar youn

Mehfil main kisi ko bhi ishaara nahin kartay

Mil jaye sar-e-raah jo bichra huwa koi

Chup chaap hi taktay hain pukara nahin kartay

Kiyon pyaar ki baazi se huwa is darja guraizan

Kehtay hain keh badal haar kay haara nahin kartay

Kajal se bhi ab koi kaam lay na sahaili

Youn dard se aankhon ko sanwara nahin kartay

Dard-e-Ehsaas kis ko dikhaein

Kuch to pathar thay , kuch khuda niklay

Kon jeetay ga un se baaton main

Jin ki aankhein kalaam karti hain

Shab dhali chand bhi niklay to sahi

Dard jo dil main hai chamkay to sahi

Hum wahin par hi basa lain khud ko

Woh kabhi raah main rokay to sahi

Sab se hat kar hi manaana hai ussay

Hum se ik baar woh roothay to sahi

US ki nafrat bhi mohabbat ho gi

Meray baaray main woh sochay to sahi

Us kay sab jhoot bhi sach hain Mohsin

Shart itni hai woh bolay to sahi

Poet : Mohsin Naqvi

Haseen aankhon ko parhnay ka abhi tak shouq hai mujhay

Mohabbat main ujar kar bhi meri Aadat nahin badli

Me'khanay main baitha her shakhs saqi nahin hota

Hazaron jaam peenay se koi sharabi nahin hota

Baarishon , nehron se fasal to ugg jaati hai

Zameen khud na chahye koi ilaaqa sairaabi nahin hota

Koi yahan chotay gunnah se pakra jaata hai

Koi hazaron gunnah kar kay bhi azaabi nahin hota

"Zain" ek riwayat suuni thi magar maanta na tha

Milay tum se , ehsaas huwa her shakhs wafa ka Aadi nahin hota

Ussay safar main dhoka to hum bhi dy saktay thay

Magar ragon main dorti wafa se bagawat nahin hoti

Khud pe maan itna hai kabhi murr kay nahin dekha

Jissay keh doon keh mera hai , ussay hona hi parta hai

Aafat ki shokiyaan hain tumhari nigah main

Mehshar kay fitnay kehlaatay hain jalwa'gaah main

Woh dushmani se dekhtay hain , dekhtay to hain

Main shaad hoon keh , hoon to kisi ki nigah main

Aati baat baat mujhay yaad baar baar

Kehta hoon da'ood , daood kay qasid se raah main

IS toba par hai naaz mujhay zahid is qadar

Jo toot kar shareek hoon haal-e-tabah main

Mustaq is ada kay bhout dard'mand thay

Ae "Dagh" tum to baith gaye ik aah main

Mera seedha sadha mizaaj tha , mujhay ishq honay ki kya khabar

Teri ik tabasum-e-naaz ne mera sara zouq badal diya

Her baar Abaas ilzaam ishq par hi acha nahin

Wafa khud se khoti nahin khafa mohabbat se ho jatay hain log

Mumkin nahin mujh se yeh tarz-e-munafqat

Duniya teray mizaaj ka banda nahin hoon main

Shaher bhar main jis ne ruswa kiya

Shaher bhar main jis ne

Ruswa kiya hamein be'wafa kay naam par

Khud us ka daman

Wafa se khaali tha ... !

Meri Aankhon ko dekh kar aik sahib-e-ilm bola

Teri sanjeedagi bata'ti hai ,,,, tujhay hansanay ka shouq tha

Ghar apna baan letay hain jo dil main hamaray

Hum se woh prinday uraa'ey nahin jaatay

Khairaat main mili khushi hamein achi nahin lagti

Hum apnay dukhon main rehtay hain nawabon ki tarah

Bhout takleef deti hain teri yaadein woh sab baatein

Faqat itna hi kehna tha keh tum loat aayo to acha hai

Kitni mehdood si hai duniya meri

Ik main hoon , ik mohabbat teri

Itnay chup chaap keh rastay bhi rahain la'ilm

Chor jayein gay kisi roz yeh nagar shaam kay baad

Dil karta hai teray qadmon pe jaan qurban kar doon

KEh tu is be'wafai kay dour main meray saath chal raha hai

Tumhain tar'teeb dy raha hoon main

Meray andar bikhar gaye ho tum

Zindagi yeh to nahin tujh ko sanwara hi na ho

Kuch na kuch tera ehsaan utaara hi ho

Koo-e-qatil ki bari dhoom hai , chal kar dekhein

Kya khabar koocha-e-dil'daar se payara hi na ho

Dil ko choo jaati hai raat ki awaz kabhi

Chonk uth'ta hoon kahin tum ne pukara hi na ho

KAbhi palkon pe chamakti hai jo ashkon ki lakeer

Sochta hoon teray aanchal ka kinara hi na ho

Zindagi ik khalish de kay na reh ja mujh ko

Dard woh dy jo kisi surat gawara hi na ho

Sharam aati hai keh us shaher main hum hain keh jahan

Na milay bheek to laakhon ka guzara hi na ho

Hawa ki mojon main aaj ghazab ki nazakat hai

Zaroor aaj us ne mujhay dil se yaad kiya ho ga

Nahin hota kisi tabeeb se is marz ka ilaaj

Ishq la'ilaaj hai bas ehtiyaat keejiye

Youn bhi to raaz khul hi jaye ga ik din hamari mohabbat ka

Mehfil main jo hum ko chor kar sab ko salam kartay ho

Laaon ga kahan se judai ka hosla

Kiyon is qadar meray qareeb Aa gaye ho tum

Band kitabon main urti hui titliyaan daal dein

Kis ne rasmon ki jalti hui aag main lakriyaan daal dein

Khouf kaisa hai yeh naam us ka zer-e-lab bhi nahin

Jis ne haathon main meray haray kaanch ki chooriyan daal dein

Hont pyaasay rahay hoslay thak gaye umar sehra hui

Hum ne pani kay dhokay main phir rait par kashtiyaan daal dein

Mousam-e-hijar ki kaisi sa'aat hai yeh dil bhi hairan hai

Meray kaano main kis ne teri yaad ki baaliyan daal dein

Tumhara saath tasal'sul se chahiye mujh ko

Thakan zamano ki lamhon main kab utar'ti hai

Hum ne sookhi hui shaakhon pe lahu chirka tha

Phool agar ab bhi na khiltay to qayamat hoti

Dar lagta hai hum ko un aankhon se

Jo niqaab main reh kar hum par waar karti hai

Uthnay do aaj pardon ko zara hum bhi to dekhein

Kon sa chand chupa hai is niqaab kay peechay

Phir youn huwa teri yaad ne ghungroo pehan liye

Aur dil tamaam umar mehav-e-raqs reh gaya

Tujh ko maloom bhi hai keh kitnay talab'gaar hain hum teray

Pooch un farishton se jo roz likhtay hain dua meri aur naam tera

Kaash keh woh loat aaye mujh se yeh kehnay

Tum kon hotay ho mujh se bicharnay walay

Na'umeed shakhs her acha moqa ganwa deta hai

Na'umeed shakhs

Her acha moqa ganwa deta hai

Aur

Pur'umeed shakhs

Parishaani main bhi moqa talaash kar leta hai

Hum se kya poochtay ho hijar main kya kartay hain

Teray loat aanay ki din raat dua kartay hain

Ab koi hont nahin in ko churanay aatay

Meri aankhon main agar ashk huwa kartay hain

Teri tu janay , par ae jaan-e-tamana hum to

Saans kay saath tujhay yaad kiya kartay hain

Teri tasveer laga letay hain hum seenay se

Phir teray khat se teri baat kiya kartay hain

GAr tujhay chornay ki soch bhi aaye dil main

Hum to khud ko bhi wahin chor diya kartay hain

Chand meri khirki main aaye

Chaand kabhi to taaron ki bheer se niklay

Aur meri khirki main aaye

Bilkul tanha aur akela

MAin is ko baanhon main bhar loon

Aik hi saans main sab ki sab woh baatein kar loon

Jo meray taalu se chimti

Dil main simti rehti hain

Sab kuch aisay ho jaye , jab hai na !

Chand meri khirki main aaye ,tab hai na !

Arsa beeta , zindagi beeti , sab kuch beeta lakin phir bhi

Jo ishq main beeti , ishq hi janay ya woh janay , jis par beeti

Barish hui to ghar kay dareechay se lag kay

Chup chaap so'gawaar tujhay sochtay rahay

Mat pooch keh kis tarah se chal rahi hai zindagi

Is dour se guzar rahay hain jo guzarta hi nahin

Aadat us ki mujhay achi lagti hai jab youn hi

Nazrain jhuka kar kehti hai tumhain haq hai

Her khamoshi ka matlab inkaar nahin hota

Her na'kaami ka matlab haar nahin hota

To kya huwa agar hum tumhain paa na sakay

Sirf paanay ka matlab pyaar nahin hota