Imran's Poetry: Ahmad Nadeem Qasmi Poetry

Showing posts with label Ahmad Nadeem Qasmi Poetry. Show all posts

May 26, 2018

Dil main ik dard raha baqi , na kabhi janay wala

Woh khud fanaa kay safar main tha , ussay rokna bhi mohaal tha

Woh jo uss kay samnay aa gaya , kisi roshi main naha gaya

Ajab uss ki haybat-e-husan thi ajab uss ka rang-e-jamaal tha

Dam-e-wapsi ussay kya hua , na woh roshni , na woh taazgi

Woh sitara kaisay bikhar gaya woh jo aap apni misaal tha

Woh mila to sadiyon baad bhi meray lab pe koi gila na tha

Ussay meri chup ne rula diya , jissay guftagoo main kamaal tha

Log uss waqfa-e-maatam ko sehar kehtay hain

Main to dariya hoon samandar main utar jaaon ga

Dil magar is pe woh dharka keh qayamat kar di

Tujh se kis tarah main izhaar-e-tamana karta

Lafaz soojha to ma'afi ne baghawat kar di

Main to samjha tha keh loat atay hain jaane wale

Tu ne to jaa ke judai meri qismat kar di

Mujh ko dushman ke iradon pe bhi pyaar ata hai

Teri ulfat ne mohabbat meri aadat kar di

Pooch baitha hoon main tujh se teray koochay ka pata

Teray halaat ne kaisi teri surat kar di

Kiya tera jisam , teray husan ki hiddat main jala

Raakh kis ne teri sonay ki si rangat kar di

Poet : Ahmed Nadeen Qasmi

Jal raha hoon bhari barsaat ki bocharon main

Mujh se katra ke nikal jaa magar ae jaan-e-haya

Dil ki lo dekh raha hoon teray rukhsaaron main

Husan-e-be'gaana ehsaas-e-jamaal acha hai

Gunchay khiltay hain to bik jaate hain bazaron main

Zikar kartay hain tera mujh se be'unwaan-e-jafa

Chara gar phool pro laye hain talwaaron main

Zakham chup saktay hain lakin mujhe fun ki so'gand

Gham ki doulat bhi hai shamil meray shahkaaron main

Mujh ko nafrat se nahin pyaar se masloob karo

Main to shamil hoon , mohabbat ke gunnah'gaaron main

Poet : Ahmed Nadeen Qasmi