Imran's Poetry: 06/08/14

Jun 8, 2014

Shab wohi Lakin sitara aur hai

Ab safar ka ista'ara aur hai

Moj kay murrnay main kitni dair hai

Nayo daali aur dhara aur hai

Sukh ky mousam ungliyon pe gin liye

Fasl-e-gham ka goshawara aur hai

Dair se palkain nahin jhapakti meri

tesh-e-jaan ab ky nizara aur hai

Aur kuch pal us ka rasta dekh loon

Asmaan par ik sitara aur hai

Sath to mera zameen deti magar

Asmaan ka her ishaara aur hai

Be'basi aakhri hadon par hai

Zindagi aakhri hadoon par hai

Janay ab dil ka kiya banay yaroo

Be'kli aakhri hadon par hai

Sang honay main koi dair nahin

Be'hissi aakhri hadon par hai

Roshni loatney wali hai

tairagi akhri hadoon par hai

Is se barh ky kiya karay farhat

Mout bhi aakhri hadoon par hai

Sochti hoon tujhay ab ky baras kiya bhaigon

Jaan bhaigon tujhay yeh dil ka dhrakna bhaigon

Maang loon apney khuda se koi lamha aisa

Jis pe tu aa keh ther jaye woh rasta bhaigon

Sakhat sardi main mohabbat ki samoo doon garmi

Aur garma main khunk Mousam -e-aasa bhaigon

Chaand raton ka fasoo ab ky teray naam likhon

Din ki hiddat ky liye shajar ghana sa bhaigon

Tashnagi ab keh baras tujh se bhout door rahay

Pyaas umron ki bujha de woh maseeha bhaigon

Tu chalay gar to chiragaan sitaray sath chalay

Dil se jo nikli dua us ka khazana bhaigon

Umri khwaish keh bahaar aa ke teray ghar main rahay

Aur barsaat main rim jhim ka sandesaa bhaigon

Kaash koi aisi kramat ho meray meray paas keh main

Door tak mousam-e-gul na ho main tujhay guncha bhaigon

gul-e-zubaan py wohi sardiyon ka mousam hai

Tumharay haan py wohi sardiyon ka mousam hai

Drakhat pe kabhi jo Chooriyon se dala tha

us aik nishaan pe wohi sardiyon ka mousam hai

Yeh aik hum keh nayi boliyaan sada bolain

Teray zabat pe wohi sardiyon ka mousam hai

Sulag rahay hain dehaan main qabaein lafzon ki

Meray zubaan pe wohi sardiyon ka mousam hai

Her ik simat pighlaney lagay hain snatay

Teray biyaan pe wohi sardiyon ka mousam hai

Jahan jahan teri kushboo ky rang bikhray hain

Wahan wahan pe wohi sardiyon ka mousam hai

Teri judai kay pal say hua hai askh kanoot

Keh is jahan pe wohi sardiyon ka mousam hai

Woh haan karay gi baharon main us ka wada tha

Us aik haan pe wohi sardiyon ka mousam hai

Woh mujh ko somp gaya fraq'tein december main

Drakhat-e-jaan pe wohi sardiyon ka mousam hai

Hamaray lab to dhuwan jalaye rakhtay hain

Par asmaan pe wohi sardiyon ka mousam hai

Tera hijar mera naseeb hai tera gham hi meri hayat hai

Mujhay tero doori ka gham ho kyn to kabhi bhi meray sath hai

Meray wastay teray naam par koi harf aya nahin nahin

Mujhay khauf-e-duniya nahin Magar meray ru'baru teri zaat hai

Tera wasal aye meri dilruba nahin meri qismat to kiya hau

Meri maah'jabeen yehi kaam hai kiya teri hasraton ka to sath hai

Tera ishq mujh pe hai mehrbaan meray dil ko hasil hai do jahan

Meri jaan-e-jaan isi baat par meri jaan jaye to baat hai

Ishq karo to yeh bhi socho Arz-e-sawaal se pehlay

Hijar ki poori raat aadhi hai Subh-e-wisaal se pehlay

Dil ka kiya hai Dil ne kitnay manzar dekhaye hain lakin

Aankhain pagal ho jati hain Aik khyal se pehlay

Kaar-e-mohabbat aik safar hai is main aa jata hai

Aik zawaal asar se raasta baab-e-kamaal se pehlay

Kis ne rait urai shab main aankhain khol ky rakain

Koi aik misaal to do na , us ki misaal se pehlay

Ishq main raisham jaisay waday aur khabon ka rasta

Jitna mumkin ho teh kar lain Gard-e-malaal se pehlay

Teri umeed tera intizaar jab se hai

Na shab ko din se shkayat na din ko shab se hai

Kisi ka dard ho karta hai tera naam raqam

Gila hai jo bhi kisi se teray sabab se hai

Hua hai jab se dil-e-nasabur be'qabu

Klaam tujh se nazar ko badi adab se hai

Agar shrar hai to barh kay jo phool hai to khil a

Tarah tarah ki talab teray rang-e-lab se hai

Kahan gaye shab-e-furqat ka jaagney wala

Sitara-e-sehar hum klaam kab se hai

Meray naseeb ka yeh almiya bhi kaisa hai

Keh jis se pyaar karo ajnabi nikalta hai

Kahin se shaam utarti hai , kahin se din yeh charhta hai

Kahan se roz yeh suraj bhala ugalta hai

Koi to ho kahoon yah mera sathi hai

Meray mizaaj ki sab uljhanain samjh ta hai

Kisi ka gham hi to karta hai kho'kla is ko

Shajar wajood ka aisay to kab ujarta hai

Milay kushi bhi agar yeh to kush nahin hota

Milay ho zakham to yeh dil bara chhikta hai

Woh jis ne beech bhanwar main akela chora tha

Yeh dil aaj bhi is kay liye mach'chalta hai

Hamhi se door woh rehta hai dushman-e-jaan

Wagarn abaat sabhi se woh hans kar karta hai

Kiya tha tu ne kabhi jis main aaitraaf-e-wafa

Woh khat to main ne aaj bhi sambhaal rakha hai

Hajoom sath ho phir bhi woh khoya rehta hai

Suna hai shaher main Mojood sa ik tanha hai

Koi ghazal suna kar kaya karna

Youn baat barha kar kya karna

Tum meray thay tum meray ho

Duniya ko bata kar kiya karna

Tum ehad nibayo chahat se

Koi rasam nibha kar kiya karna

Tum khafa bhi achay lagtay ho

Phir tum ko mana kar kiya karna

Teray dar pe aa kay baithay hain

Ab ghar bhi jaa kay kya karna

Din yaad se acha guzray ga

Phir tum ko bula kar kya karna

Her shaam tum se milnay ki aadat si ho gayi

Phir rafta rafta tum sy mohabbat si ho gayi

Shayed yeh taza si judai ka tha asar

Her shakal bas kuch teri surat si ho gayi

Ik naam jhil'milanay laga dil ky taar par

Ek yaad haisay baaise raahat si ho gayi

Khud ko saja sanwaar kar rakhnay ka shouq tha

Phir apnay aap se mujhay nafrat si ho gayi

Main ne kuch biyaan safaai main nahin diya

Bas chup raha to khud hi wzahat si ho gayi

Ek ajab si be'tabi reh gayi us ky janay kay baad

Ek ajab si be'tabi reh gayi us kay janay kay baad

Bheer main bhi tanhai reh gayi us ky janay kay baad

Bhala bura jaisa bhi kaha us ne phir kabhi

Uski khwaish reh gayi us kay janay kay baad

Kuch bhi tha meray chaharay ki ronqain thein us se bar'qarar

Ab kuch nahin baqi us kay janay kay baad

Meri duniya mujh main simat kar reh gayein hain

Hoon main bhout tanha us kay jaanay kay baad

Zindagi main kushiyaan jin ki tallab mujhay rahi sari umar

Ab ujar gayi hain sab umang'gain us ke janay kay baad

Khud se karon shikwa ya apnay naseeb se

MAin to jaisay bikhar gaya hoon us ky janay kay baad

Dhokha kahon ya be'wafai ka naam doon main

Kuch bhi kar loon ho gaya hoon ruswa bhout us kay janay kay baad

Ehad kiya tha main ussay bhula doon ga us ky janay kay baad

Woh aur hi ziada yaad ayi jab kiya irada us ko bhulanay ka us kay janay kay baad

Paana bhout kuch chahata hoon magar

Bas aj khud ko kahin khoney do

Karnay ko batain hain bhout magar

Bas aaj mujhay chup honay do

Jhin'jhor dia hai aaj zindagi ne itna

Yeh toofan shaant honay do

APnay hi jeevan ki raahon main kaantay

Apnay hi hathon phir bonay do

Phir se bachpan jeen ahai mujh ko

Koi meray woh tootay khilonay do

Tootay huye khabon ko samiton to kaisay

Mujhay naya kuch swapan salonay do

Pyaar to khud se bhout kiya hai

Aaj khud se nafrat bhi honay do

Inaan tha shayed , yeh kiya ban gaya

Kuch dair to is ka ehsaan to hanay do

Sapnay dekhnay hain phir se mujhay

Kuch dair kay liye bas sonay do

Jeena main bhi chahta hoon shayed

Aaj magar mujhay ronay do

Kya sarokaar ab kisi se mujhay

Wasta tha to tha tujhi se mujhay

Be'hisi ka bhi ab nahin ehsaas

Kiya hua teri be'rukhi se mujhay

Mout ki arzoo bhi kar dekhon

Kiya umeedain thein zindagi se mujhay

Phir kisi par na aitabaar aya

Youn utarao na apnay jee se mujhay

Tera gham bhi na ho to kiya jeena

Kuch tasali hai dard hi se mujhay

Kar haya kis qadar tabbah

Dushman , Andaaz-e-dosti se mujhay

Tujhay bhoolnay ki koshish main

Jab dil yeh zid pe aa gaya

Main aankh moond ky baith gayi

Tu khyaal pe phir chaa gaya

Yeh dharkhan kahin ruk jaye na

Meri nabaz tehar na jaye kahin

Tu ne waqat kiya mera lamha lamha

Magar mout ko asaan bana gayi

Meri her dallel ko kiya unsuni

Meri fariyaad bhi to suni nahin

Main hairaan hoon , Haan kuch parishaan hoon

Aisa faisala to mujhay suna gayi

Mujhay chaand ki kabhi talab na thi

Mujhay suraj ki bhi fikar na thi

Bas aankh kholna hi chahtay thay hum

Magar tu roshni hi bujha gayi

Be'shak bhoolna tujhay chaha bhout

Hans kar kabhi , Ro kar kabhi

De kar yeh aanso'on ki soghat mujhay

Tu daman apn abacha gaya

Tujhay izhaar-e-mohabbat se agar nafrat thi

Tu ne honton ko larazney se to roka hota

Be'niazi se magar kaampti awaaz ky sath

Tu ne ghabra ky mera naam na poocha hota

Teray bus main thi agar Mishal-e-jazbaat ki kau

Teray ruksaar main gulzaar na bharka hota

Youn to hawaein Mujh se bas Aa-o-hawa ki batein

APnay tootay huye fiqron ko to parkha hota

Youn hi be'waja hi thakney ki zaroorat kiya thi

Dm-e-ruksat agar kuch yaad aya na hota

tera ghamaaz bana jo tera andaaz-e-juram

Dil nahin sambhla tha to qadmon ko sambhala hota

Apnay badlay meri tasveer nazar aa jati

Tu ne us waqat agar aaina dekha hota

Hosla tujh main na tha mujh se juda honay ka

Warna kajal teri aankhon main na phaila hota

Mujhay kitnay hi barson se agarcha janta hai woh

Yeh kaisa zulam hai keh ajnabi gardanta hai woh

Meray hathon ne jis ko chaand jaisa roop bakhsha tha

Mujhay tareek lamhon main kahan pehchanta hai woh

Magar phir bhu ussay apna bananay ky gumaan main hoon

Mujhay maloom hai keh kab kisi ki manta hai woh

Sahara mangta hai sirf tanhi ky lamhon main

Mohabbaton ka ta'aluq kab kisi se barhata hai woh

Main is duniya ky her ik jabar ko phir bhool jata hoon

JAb apnay qurb semeray din ko dhampay hai woh

Mera dil chahta hai us ko seenay se laga loon main

Rida-e-gham ko apni rooh pe tannta hai woh

Mujhay jab dukh milain tu kis qadar kushiyaan manata hai

Chalo wasiq kisi tarah to manta hai hay woh

Meray paas dard-e-dil ky siwa kuch bhi nahin

Rakh sakon in zakhmon pe marham

aisi dawa kuch bhi nahin

Mujh se na kr phoolon ki umeed

Meray daman main kanton ky siwa kuch bhi nahin

Na kar shikwa meri tanhai ka kbahi

Meray paas gham-e-judai ky siwa kuch bhi nahin

Tu rahay hamesha ujalon main sanam

Meri zindagi main andheron ky siwa kuch bhi nahin

Kyon karon main ab tujh se wafa ae zalim

Teray paas be'wafai ky siwa kuch bhi nahin

Ab to na ayein gy teri mehfil main kabhi

Teray paas meray liye ruswai ky saiwa kuch bhi nahin

Tu ne na jana meray pyaar ko kabhi

Teray seenay main pathar dil ky siwa kuch bhi nahin

Kiy acheer ky bataon main apn adil tujh ko

Meray dil main teray zakhmon ky siwa kuch bhi nahin

Ab aur na jala khud ko Ae imran us kay liye

Woh to be'wafa hai us kay pyaar main tujhay hasil

Kuch bhi nahin

Teri tarah mal'lal mujhay bhi nahin raha

Ja ab tera khyal mujhay bhi nahin raha

Tu ne bhi mousamon ki paziraai chor di

Ab shouq-e-maah-e-wisaal mujhay bhi nahin raha

Mera jawaab kiya tha tujh bhi khabar nahin

Yaad ab tera sawaal mujhay bhi nahin

Jis baat ka khyaal n atu ne kabhi kiya

Us baat ka khyal mujhay bhi nahin raha

Tora hai jab se tu ne meray dil aaina

Andeza-o-jamaal mujhay bhi nahin raha

Naam lay lay keh na meray shaher ki nazar main aa

Mujh se milna hai to

Naam lay lay keh na meray shaher ki nazar main aa

Mujh se milna hai to meray dil ky sehra'on main aa

Is safar main dekh ghul jata hai matti ka badan

Mujh se milnay ki na khwaish kar na barsaton main aa

Log tujh ko gun'gunaein meri khwaish ki tarah

Ik achootay shair ki surat meri ghazlon main aa

Be'hunar logon ne phir manga meray fun ka saboot

Aa meri sachai ki kushboo meray lafzon main aa

Ghar ky darwaze pe aa kar kyun qadam ruknay lagay

Aa meri tanhai , meri muntazir banhon main aa

Her taraf gham-e-hijraan ky toofan hain saqi

Mat pooch keh hum kitnay parishaan hain saqi

Her chahera nazar ata hai tasveer ki surat

Hum shaher ky logon se bhi anjaan hai saqi

Jis shahaer-e-mohabbat ne hamain loot liya hai

Us shaher se ab kooch ky samaan hain saqi

Kashti abhi umeed ki doobi to nahin hai

Phir kyon teri aankhon main yeh toofan hain saqi

Gar un ka adab , rakh inhain seenay se laga kar

Yeh dard , yeh tanhayan , mehmaan hain saqi

Meri mout ki hasrat kiyon hai

Aakhir itni nafrat kiyon hai

Tum ne bola tha mar jana

Mar janay pe hairat kiyon hai

Itn ato samjha do jana

Itni pyaar main wehshat kiyon hai

Tum jano gy tanha ho kar

Ghma main itni lazat kiyon hai

Mera naam bhi phoolon jaisa

Phir phoolon se chahat kiyon hai

Zarra tum se pooch araha hai

Tum ko sab se ulfat kiyon hai

Mohabbat chor di hum ne

Yeh tum se keh diya kis ne

Keh tum bin reh saktay nahin hum

Yeh dukh hum seh nahin saktay

Chalo hum maan letay hain

Keh tum bin hum bhout roye

Keh raton ko na soye

Magar afsos hai jana

Keh agar ab ky tum jo loat ky ayo gy

Hamain badla hua pa'o gay

Bhout mayoose ho gy tum

Keh agar poochna chayo keh

Aisa kyon kiya hum ne

to sun lo ghour se jana

Purani aik aadat se tang aa kar chor dia hum ne

Mohabbat chor di hum ne

Ab jo rotho gy haar jayo gy

Hum mananay ky gur , bhula baithay

Ussay kehna ke loat aye sulagti shamon se pehlay

Kisi ki muntazir aankhon main sada'ein raqas karti hain

Qatal pe aitbaar kiya hai kabhi kabhi

Youn khud ko be'qaraar kiya hai kabhi kabhi

Yadon ky phool sookh najayein isi liye

Aankhon ko ashk'baar kiya hai kabhi kabhi

APnay chraagh auron ky gham main jala diye

Youn roshni se pyaar kiya hai kabhi kabhi

Hum se junoon-e-ishq ka aalam na poochiye

Apna hi intizaar kiya hai kabhi kabhi

Meray maseeha , khabar bhi lo ab

Meray maseeha , khabar bhi lo ab !

Mata-e-jaan hai keh lut rahi hai !

Woh aik baat bhout talkh kahi thi us ne

Baat to yaad nahin ! yaad hai lehja us ka

Zakhmi hai ham'raah bhi magar woh dawa nahin karti

Mohsin hai zindagi magar dawa nahin karti

Main kon hoon kiy ahoon yeh janti to hoon

Lakin main kisi cheez ka dawa nahin karti

Main shola ro bhi hoon , aur kuch shola khoo bhi

Lakin main koi jalaney ka dawa nahin karti

Pholon ki koi kali hoon , na koi chaand ki kiran

Lakin main kho ky honay ka dawa nahin karti

Kartay hain aitraaf-e-mohabbat woh kis jafa ky sath

Sab ilam hai magar jananay ka dawa nahin karti

Detay hain jaan woh meri sadgi pe kyoun

Main harf-e-sada honay ka dawa nahin karti

Likhto ho tum khoob kehtay hain dost log

lakin hum tu us ka bhi dawa nahin karti

Woh meray dil ki manzal tha to meray rastay jee leta

Mujhay pyaar ka amrat de deta phir jeena mera jee leta

Main manind-e-shamma pighal jati , woh parwana sa na bhi jalta

Itna to sath hi de deta , in aankhon ky dard pee leta

Main koi amawas ki shab na thi mujha main diaye si loo bhi thi

Bas main andar se tanha thi , meri tanhai woh jee leta

Main mann hi mann ghul jati , kuch na kehti par woh samjh leta

Meri rooh ky her aik ghayo ko woh bin mangay hi si leta

Main dewani bas us ki thi , aur dil ki ik tamana thi

Woh koi sadhoo, sodai na tha , Woh meray rang to jee leta

Main doobi rahi chup ky sagar main woh pass aa kar chala bhi gaya

Meray zabat ko woh samjh leta , phir so judaiyan jee leta

Hum apnay aasmano pe rehtay hain

Tum apnay aasman kay suraj

Hum apnay aasman kay chand

Kuch hum apnay madaar se nahin hat'tay

Kuch tum apni had se nahin nikaltay

Sadiyan lamhay ban kar urti hain

Lamhay dhund ban kar chatay hain

LAkin hum ne yeh nahin socha kabhi

Chand aur suraj ka bhala

Kabhi milan bhi hota hai ?

Tabhi "Wapsi zaroori hai "

wapsi zaroori hai

Hum apney asmano pe rehtay hain

Tum apnay asmaan ky suraj

Hum apnay asmaan ky chaand

Kuch hum apnay madaar se hat'tay nahin

Kuch tum apni had se nikaltay ho

Sadiyaan lamhay ban kar urti hain

Lamhay dhund ban ky cha'tay hain

Lakin hum ne yeh nahin socha kabhi

Chaand aur suraj ka bhala

Kabhi milan bhi hota hai

Tabhi ' wapsi zaroori hai

Barishon ky mousam main waqat kay andheron main

Barishon kay mousam main

Waqat kay andheron main

Main ne us se poocha tha

Chor to na jao gay ?

Haath thaam kar us ne

Kaan main bola tha

Kaisay chor sakta hoon ?

Aur aaj aisa hai ...?

Waqat ki tamazat main

Wehshaton kay mousam main

Main ne us se poocha tha

Chor kar jana tha ?

Muskurati galiyon main

Aas kiyon dilaai thi ?

Pyas kiyon jagaai thi ?

Meray in sawalon par

Chaltay chaltay woh bola

Mousamon kay khel main sab

Jo badaltay rehtay hain

Apni sochon ko tehreer main laney se pehlay

main kiya thi is manzal tak aanay se pehlay

KAbhi khwabon ko taraptay huye jo dekha to

Neend hi urr gayi hosh main anay se pehlay

Kuch is tarah se baharon se nibha rakhi hai

Kaliyaan sab noch dein khizaan ky anay se pehlay

Hua hai waqat bhi aandhiyon ka hamsafar aisay

Tinkay bikhair diye ashiyaan ko bananay se pehlay

Wafa kamaal ki thi hum main keh teri yaad ko woh

Kho chuki thi teray shaher main anay se pehlay

Badalti ruton kay mousam main

Kushbo'on kay aangan main

Lamha lamha bheegti yeh raat

keh rahi hai afsana

Dil se dil kay mousam ka

ik rishta ulfat ka

Ik risaee qurbat ki

Ru'baru ishq kay hai hussan

Rashk-e-hoor gar hai hussan

Tu ishq hai bas yousaf

Ghalbann in sab se ghafil

Ik cham'makta hua koi jugnoo

Ik kush'rang titli se

Kisi bhanwaray ki dil-lagi ki koi

Dastaan sun ke chup baitha tha

Lamha lamha bheegti yeh raat

Daagh-e-dil youn qalam main bharay keh chalni ho gaya kaaghaz

Keh chalni ho gaya kaaghaz

Daagh-e-dil youn qalam main bharay keh chalni ho gaya kaaghaz

Harfon main aisi be'hissi keh chalni ho gaya kaaghaz

Baray dino se kuch likhney ki naa'kaam saee main

Kuch ablay youn phootay keh chalni ho gaya kaaghaz

Is daastan-e-zindagi main hain kuch safar-e-raigaan

Kuch qaflay youn chootay keh chalni ho gaya kaaghaz

Dil se nazuk shai hai jo thokron pe hai

Kuch zakhmon si tehreerain hain keh chalni ho gaya kaaghaz

Naam-e-nami gul , aur phir woh bhi gul-e-ra'ana

Kaantay hain sath us ky youn keh chalni ho gaya kaaghaz

Ae meri palko jhuki hi rehna

Ae meri palko ! jhuki hi rehna

Kahin pe koi jaan na ly

Woh aks jo in main aa chup ahai

Ufaq se poocho

Yeh hai shafaq ya keh

Us ne mera bhaid pa liya hai

Youn loat ayo keh ek baar phir se mera dil

tumharay sath ki kushboo se kuch is tarah mehkay

Keh jaisay raat ki rani ki dheemi naram kushboo se

Khwaab lamhon main ik khumaar ik nasha behkay

Youn loat ayo keh ik baar phir se mera wajood

tumharay sath ky rangon main kuch is tarah rangay

keh jaisay raat main phailay sagar ki koi tarapti lehar

haseen chaand ki naram main behkay

Youn loat ayo keh ik baar phir se mera ehsaas

Tumharay sath ky naghmon ky sehar main doobay

Keh jaisay madhur sargoshi ka koi khoya hua saaz

apnay sur'ron ky jal'tarang se khud hi lehkay

Youn loat ayo keh ek baar phir se mera jeevan

Tumharay sath ki naram loa se youn chamkay

keh jaisay kohi hui titli ky udaas jeewan main

Kahin se aas ka ek jugnoo sitara sa chamkay

Youn loat aao ik baar phir huma kay rang

tumharay sath ky haseen palon se youn munawar hon

KEh jaisay shaam ky asmaan pe phaili hui shafaq

Zameen-o-aftaab ky milan se sharma kay damkay

Mujhay tum se koi gila nahin

Mujhay tum se koi gila nahin

Mujhay tum se koi gila nahin

Yeh dard tum se to milan hain

Meri zindagi ka hai yeh almiya

Jo silay , woah zakham milay nahin

Mujhay yaad hain woh sitam bhi

Woh gham abhi woh karam sabhi

Jin se mujh ko tum ne nawaaz diya

Aur woh jo kabhi tum se mila nahin

Mujhay chaon main bhi tapish mili

Mujhay phool se bhi chubhan mili

Mujhay doston ne hi gham diye

Mujhay dosron se koi gil anahin

Main mohabbaton ki ameen thi

To chahaton ko palney diya

Mujhay kiya mila hai jawaab main

Yeh naseeb hai , koi sila nahin

Meri tarz-e-gufat ka hai yeh sila

Keh dost bana jo ajnabi mila

Magar us ki bhi baat kiya karon biyaan

Woh jo dost mujh ko mila nahin

MAin gul-o-bahar ki aseer hoon

Main kushboo'on ki hoon dewani

MAin luti to mousam-e-bahar main

Mujhay khizaan se koi gila nahin

Meri baat ki had hay bas tahi huma

Jo tha dil main woh kar diya biyaan

Sad shukar keh meray ehsaas ko

Khud mujh se koi gila nahin

Apni ruswai teray naam ka charcha dekhon

Ik zara shair kahon aur main kiya kiya dekhon

Neend aajaye to kiya mehfalein barpa dekhon

Aankh khul jaye to tanhai ka sehra dekhon

Shaam ho gai dhund la gayi aankhain meri

Bhoolney wale main kab tak tera rasta dekhon

Tu mera kuch nahin lagat hai magar jaan-e-hayaat

Janey kyn teray liye dil ko dhar'rakta dekhon

Band kar ky meri aankhain woh shrarat se hansay

Boojhay janey ka main her roz tamasha dekhon

Mujh pe cha jaye woh barsaat ki kushboo ki tarah

Ang ang apna usi rut main mehkata dekhon

Aankhon main jal raha hai kyon bujhta nahin dhu'an

Uth'ta to hai ghta sa , brasta nahin dhu'an

Choolhay nahin jalay hain ya basti hi jal gayi

Kuch roz ho gaye hain ab uth'ta nahin dhu'an

Aankhon se poonchanay pe laga aanch ka pata

Youn chahera phair lenay se , chupta nahin dhu'an

Aankhon se aanso'on ky mrasam puranay hain

Mehmaan yeh gham main ayein to Chupta nahin dhuan

Aaj bhi waisa hi mousam hai

Aaj bhi waisay hi badal hain

AAj bhi waisi hi barish hai

JAb hum pehli baar milay thay

Yaad hai hum ne yeh socha tha

Hum ko multay dekh ky mousam

Itna kush hai , itna kush hai keh

Us ki aankhain bheeg gayi hain

Aaj mgar hum jaan gaye hain

Mousam us din kyon roya tha

Mohabbat Hadsa hai

Mohabbat hadsa hai

Mohabbat hadsa hai

Hadsay se bach nikalney ki

Koi tadbeer kar lo is se pehlay khwaab ho jayo

Jissay hum hadsa kehtay hain

Jeevan ko ghari bhar main

Mitta kar khaak karta hai

Koi ilzaam dharta hai

KAbhi mazoorion ky jaal main qaidi

BAna ky chor deta hai

Yeh bandhan tor deta hai

Mohabbat hadsa hai

Hadsay se bach nikalney ki koi tadbeer kar lo

Is se pehlay khwaab ho jao

Na koi soch lafaz banti hai

koi khwaab yaad rehta hai

Na koi baat guzaray waqton ki

Dil ko dheeray se gud'gudati hai

Na mohabbat sujhai deti hai

Na mohabbat dekhai deti hai

Na mohabbat sunai deti hai

Na koi ashk dil main girta hai

Na koi dard muskurata hai

Aur judai ki her azieat bhi

Ik kitabi si baat lagti hai

Ik ajab si be'kali si rehti hai

Dil ki baton main dil nahin lagta

Shaam ka lams kuch nahin kehta

Chaand raton main dil nahin lagta

Qisa-e-wasal nahin likhtay

Hijar ki baat keh nahin saktay

Ishq se door ho nahin saktay

Ishq ky sath reh nahin saktay

Is tarah be'basi ky aalam main

Sach kahon main to aisay mousam main

Khaas chahera bhi aam lagta hai

Shair kehna bhi kaam lagta hai

Her ghari achi aas rakha kar

Achi yadon lo pass rakha kar

Dil mera doob doob jata hai

Youn na aankhain udaas rakha kar