Usey apney farda ki fiker thi wo jo mera wakif-e-haal tha

Usey apney farda ki fiker thi wo jo mera wakif-e-haal tha

Wo jo us ki subh-e-urooj thi wohi mera waqt-e-zawaal tha

Kahan jao gay mujhe chor kar main ye pooch pooch k thak gaya

Wo jawab bhi na de saka wo to khud sarapa-e- sawaal tha

Wo jo us ke samne aa gaya wohi roshni mein naha gaya

Ajab us ki haibat-e-husan thi ajab uska rang-o-jamal tha

Dam-e-wapsi pe kia hua na wo roshni na wo taazgi

Wo sitara kaise bikhar gaya wo to ap apni misaal tha

Sadion k baad mila b to merey lab pe koi gila na tha

Ussey meri chup ne rula diya jise guftagu mein kamaal tha

Wo mujhe se mil k ro diya faqat itna wo keh saka

Jise jaanta tha wo zindagi wo to bas wahm-o-khayaal tha

Taskeen na ho jis se wo raaz badal daalo

Taskeen na ho jis se wo raaz badal daalo

Jo raaz na rakh paye hamraaz badal daalo

Tum ne b suni ho gi bari aam kahawat hai

Anjam ka jo ho khatra aghaz badal daalo

Pur-soz dilon ko jo muskan na de paye

Sur hi na mile jis mai wo saaz badal daalo

Dushman k iradon ko hy zahir agar karna

Tum khel wohi khelo andaz badal daalo

Ay dost karo himat kuch door sawera hai

Agar chahte ho manzil tu parwaaz badal daalo

Malal hai magar itna malal thori hai

Malal hai magar itna malal thori hai

Ye aankh rone ki shiddat se laal thori hai

Bus apne wastey hi fikar-mand hain sab log

Yahan kisi ko kisi ka khayal thori hai

Paron ko kaat dia hai urhan se pehle

Ye khof-e-hijr hai, shoq-e-wisal thori hai

Maza to jab hai k har ke bhi hanstay raho

Hamaisha jeet hi jana kamal thori hai

Lagani parhti hai dubki ubharney se pehle

Gharoob honey ka matlab zawal thori hai

Dard kiya hota hai bataein gay kisi roz

 Dard kiya hota hai bataein gay  kisi roz

Kamal ki ghazal tum ko sunaein gay kisi roz

Thi un ki zid keh me jaon un ko mananay

Mujh ko ye veham tha ke wo bulaien ge kisi roz

Us rab ki qasam me ne to socha bhi nahi tha

Wo itna meray dil ko dukhain ge kisi roz

Her roz aainay se yahi pochtay hain "faraz"

Kia ruhk pey tabasum bhi sajain ge kisi roz

Urnnay do in pairandon ko azaad fiza main

Tumharay hon ge to lout hi ayein ge kisi roz

Ab kay yoon dil ko saza di hum nay

Ab kay yoon dil ko saza di hum nay

Us ki her baat bhula di hum nay

Eik   eik phool bohat yaad aaya

Shakh-e-gul jab woh jala di hum nay

Aaj tak jis pay woh shermatay hain

Baat woh kab ki bhula di hum nay

Sheher-e-jahan rakh say abad hua

Aag jab dil ki bujha di hum nay

Aaj phir yaad bohat aaya woh

Aaj phir us ko dua di hum nay

Koi to baat hia us main faiz

Her khushi jis pay luta di hum nay

Ab kay yoon dil ko saza di hum nay

Us ki her baat bhula di hum nay

Hum ehl-e-wafa husn ko ruswa nahin kartay

 Hum ehl-e-wafa husn ko ruswa nahin kartay

Parda bi uthay rukh se to dekha nahin krtay

Rakhte hain jo auron k liay pyaar ka jazba

Wo log kabi toooot kay bikhra nahin krtay

Kehti hai to kehti rahe maghroor ye dunya

Hum murr k kisi shakhs ko dekha nhin krtay

Hum log bewafa hain, badnaam hain lekin

Jo log mukaddas hain wo kya kya nahin krtay

Ikhlaas ki jageer ko hum ehl-e-muhabbat

Takseem to kr letay hain becha nhin krtat

Tumhaari anjuman se uth kar deewaanay kahan jaatay

Tumhaari anjuman se uth kar deewaanay kahan jaatay

Jo waabasta huway tum se woh afsaanay kahaan jaatay

Nikal kar dair-o-kaaba se agar milta na maikhaana

To thukraaye huway insaan khuda jaanay kahaan jaatay

Tumhaari be-rukhi ne laaj rakh li baadah khaanay ki

Tum aankhon se pila daitay to paimaanay kahaan jaatay

Chalo acha huwa, kaam aagayi deewaangi apni

Wagarna ham zamaanay bhar ko samjhaanay kahaan jaatay

“qateel” apna muqaddar gham se begaana agar hota

To  apnay paraaye hum se peh’chaanay kahaan jaatay