kabhi is tor se hansana keh duniya ko rula dena
kabhi is rang main rona keh khud par mukura dena
May 25, 2014
is dil ke chand asason main ik mousam hai barsaton ka
is dil ke chand asason main ik mousam hai barsaton ka
ik sehra hijar ki raton ka , ik jungle wasal ke khwaabon ka
hum log junoon ke aalam main manzil ki talab bhi bhool gaye
ab dil ko bhala sa lagta hai sehra main aks sarabon ka
phir youn hua keh tera sath chorna para
phir youn hua keh tera sath chorna para
sabat hua keh laazim-o-malzoom kuch nahin
Her simat main kati pari phoolon ki grdan'ein
Her simat main kati pari phoolon ki grdan'ein
ab ke saba hi baagh main sham'sheer ban gayi
jis simat woh uthi hai udhar murr gayi hayat
us ki nazar hi gardah-e-taqdeer ban gayi
pyaar ki raah main dar lagat hai
pyaar ki raah main dar lagat hai
bara mushkil yeh safar lagta hai
yeh udasi ka fasoon hai shayed
pheeka pheeka sa qamar lagta hai
tanhai ki shab kat jaye gi , itnay bhi hum majboor nahin
tanhai ki shab kat jaye gi , itnay bhi hum majboor nahin
dohra kar is ki baton ko kabhi hans lein ge kabhi ro lain ge
Ussay kehna agar aye , to sath apny
Takeed
Ussay kehna
Agar aye , to sath apny
koi jugnoo , koi tara bhi le aye
Keh mera dil
Meray ghar ki tarah
Tareek rehta hai
qariya qariya pooch rahi hai khalqat ik sawal
qariya qariya pooch rahi hai khalqat ik sawal
kab tootay ga sar se hamaray lohay ka yeh jaal
lohay ka yeh jaal keh jis main
60 baras se qaid hain apnay saray khaab-o-khyal
banjar maah-o-saal
banjar maah-o-saal keh jin ke
chaheray haray kachoor hain lakin aankh laal-o-laal
aankhain laal-o-laal keh jin ke main
hole hole te'har rahay hain pheekay zard mal'laal
qariya qariya pooch rahai hai khalqat ik sawal
kab tak is matti ke baitay hon ge youn be'haal
kab tak hum ko banan ho _ neelami ka maal
Poet : Amjad Islam Amjad
shab-e-tareek main roshan sitary meray ansoo hain
shab-e-tareek main roshan sitary meray ansoo hain
tabhi to jaan-e-jaan tujh ko bhi piyare meray ansoo hain
meray seenay ke pathar se koi chashma nahin phoota
meri num'naak aankhon ke kinaray meray ansoo hain
rukain to aankh jal jaye , beh'hain to aag lag jaye
inhain pani nahin samjho , shar'raray meray ansoo hain
tumhari aankh bhi nam hai , meri bhi chashme num deeda
to qadr-e-mushtarik bas ik tumharay aur meray ansoo hain
sehar-e-dam choomtay hain jo gulon ko phool paton ko
woh tabas'sum ke nahin qatray woh saray meray ansoo hain
palat ke us ne dekha to woh wapis loat aya hai
zaban-e-khamshi ke ista'aaray meray ansoo hain
sun ae uzma mohabbat bhi to karo'baar hai jis main
munafah teri kushiyan hain ,khsaray meray ansoo hain
koi baat na sahari jaye
koi baat na sahari jaye
zindagi kaisay guzari jaye
ab tamasha nahin dekha jata
note phenko keh madari jaye
ishq bazi bhi ajab bazi hai
jeeti jaye hai na hari jaye
jheel , badal ya koi moj-e-khraam
teri tasveer utari jaye
meri qismat to nahin zulf teri
jab sanwaro , yeh sanwari jaye
cheez hoti hai usi ki jana
jaisay aik pairr main aari jaye
jis ki jhankaar main dil ka araam tha woh tera naam tha
jis ki jhankaar main dil ka araam tha woh tera naam tha
meray honton pe raqsan jo naam tha woh tera naam tha
dost jitny thay na'ashna ho gaye , parsa ho gaye
sath meray ruswa jo sar-e-aam tha woh tera naam tha
subha se shaam tak jo meray pass thi woh teri aas thi
shaam ke baad jo kuch lab-e-baam tha woh tera naam tha
mujh pe qudrat rahi hamesha mehar'baan de diya sara jahan
par jo sab se bara inaam tha woh tera naam tha
chup chup rehna kuch na kehna yeh bhi aik udasi hai
chup chup rehna kuch na kehna yeh bhi aik udasi hai
hans ke saray sadmy sehna yeh bhi aik udasi hai
baithay baithay kho sa youn hi door khyalon main
chalty chalty hanstay rehna yeh bhi aik udasi hai
dil ki batain sun kar hansna yeh to sab ki aadat hai
in bataon pe hantay rehna yeh bhi aik udasi hai
maar ke kankar lehrein gin'nana , baith ke jheel kinay par
kuch logon ka hai yeh kehna , yeh bhi aik udasi hai
kuch pehlay in aankhon aagay kiya kiya na nazara guzray tha
kuch pehlay in aankhon aagay kya kya na nazara guzray tha
kiya roshan ho jati thi gali , jab yaar hamara guzray tha
thay kitney achay log keh jin ko apnay gham se fursat thi
sab poochain thay ahwaal jo koi dard ka mara guzray tha
ab ke to khizaan aisi tehri , woh saray zamaney bhool gaye
jab mousam-e-gul her phairay main a a ke dobara guzray tha
thi yaron ki bohtaat to hum ayaar se bhi be'zaar thay
jab mil baithay to dushman ka bhi sath gawara guzray tha
ab to hath sujaei na devey lakin ab se pehlay to
Aankh uthtay hi aik nazar main aalam sara guzray tha
khaali hath ka dukh aisay kyn tarpata
khaali hath ka dukh aisay kyn tarpata
sehra tah woh shaks to piyaas hi de jata
hijar ki dhoop main chob-e-kushak huye hum
raakh na karta to woh phir sadiyon sulgata
sood-o-ziayan ka roz hisaab kiya jaye
apno main kab khulta hai aisa khata
jabar main sari baat ana par ati hai
chahat main to jee chahaye manwata
meray sath uljh kar baat barha baitha
jo uljhan thi dheeray dheeray suljata
mehfil main jis baat par barham ho baitha
dheeraj se tanhai main woh samjhata
sab se achi baat tumhari hai mola
sab se acha rang tumhara hai data
karay dariya na pul msmaar meray
karay dariya na pul msmaar meray
abhi kuch log hain uss par meray
juda kab se hon ab dekh ayon ghar ko
kahan gaye kiya dar-o-dewaar meray
wahin suraj ki nazrain thein ziada
jahan thay pairr saya daar meray
wahin yeh shaher hai to shaher walo !
kahan hain koocha-o-baazaar meray
tum apna haal mej'joori batayo
mujhay to kha gaye azaar meray
jinhain samjha tha jaan parwar ab tak
woh sab niklay kafan bardaar meray
guzartay ja rahay hain din hawa se
rahain zinda salamat yaar meray
Awargi main had se guzar jana chahiye
Awargi main had se guzar jana chahiye
lakin kabhi kabhaar to ghar jana chahiye
mujh se bichar ke in dino kis rang main hai woh
yeh dekhny raqeeb ke ghar jana chahiye
is buut se ishq kejiye lakin kuch is tarah
poochay koi saaf mukar jana chahiye
afsos apnay ghar ka pata hum se kho gaya
ab sochna hai yeh keh kidhar jana chahiye
baithay hain her faseel pe kuch log taaq main
acha hai thori der se ghar jana chahiye
nadaan jawani ka zamana guzar gaya
ab aa gaya burhapa sudhar jana chahiye
baithay raho ge dasht main kab tak hassan raza
jeena agar nahin hai to mar jana chahiye
Poet : Hasan raza
kabhi tum ne yeh bhi socha
kabhi tum ne yeh bhi socha
keh tumharay dil girifta
tumhain kitna chahtay hain
tumhain zindagi se barh kar
jo aziz hum ne jana so koi sabab to ho ga
kabhi tum ne yeh bhi socha
tumhain roz-o-shab ke dukh main
kabhi bhoolna bhi chayein
to kabhi bhi na bhool payein
keh yeh ehad-e-zindagi hai
jissy torna bhi chahein
to kabhi na tor payein
mantay hain keh jag main hai rawaaj aur tarah ka
mantay hain keh jag main hai rawaaj aur tarah ka
paya hai magar hum ne bhi mizaaj aur tarah ka
us se apni bni hai na kabhi banay gi
hum aur tarh ke hain samaaj aur tarah ka
zakham muskuratay hain ab bhi teri aahat par
zakham muskuratay hain ab bhi teri aahat par
dard bhool jatay hain abhi bhi teri aahat par
shabnami sitaron main phool khilney lagtay hain
chaand muskuratay hain ab bhi teri aahat par
umar kaat di lakin bachpana nahin jata
hum deay jalatay hain ab bhi teri aahat par
ghantiyaan bajti hain raqas honey lagat hai
dard jagmagatay hain ab bhi teri aahat par
teri yaad aye to need jati rehti hai
khwaab toot jatay hain ab bhi teri aahat par
ab bhi teri aahat par aas loat ati hai
hum deay jalatay hain ab bhi teri aahat par
aapis main baat cheet ki zehmat kiye bagair
aapis main baat cheet ki zehmat kiye bagair
chal rahay hain sath shakiyat kiye bagair
aankhon se kar rahay hain biyaan apni kaifiat
honthon se haal-e-dil ki wazahat kiye bagair
dono ko apni apni anaein aziz hain
lakin kisi ko nazr-e-malamat kiye bagair
tehra hua hai waqt-e-marasam ke darmiyaan
behr-e-khleej main koi wusaat kiye bagair
hairaan hain keh itnay baras kaisay kat gaye
rasmi sa koi ehad-e-rafaqat kiye bagair
woh ja nahin chukay hain magar is ke ba'wajood
tanha kharay hain hum ussay rukhsat kiye bagair
chaara garon ko 2no se partah hai wasata
lakin kisi ke haq main kiyanat kiye bagair
Gosha-e-zehan main be'rabat khayalon ka hajoom
Gosha-e-zehan main be'rabat khayalon ka hajoom
chashm-e-tanhai se chun kar wohi be'baak se aashk
lamha-e-wasal ke is ahed-e-framoshi ko
yaad karta hai siskata hai bilakata hai bhout
aaj bhi dasht-e-musafat ke khatan raston main
jalti bujhti hui be'naam rafaqat ki shuaa
aarz-e-waqat ki surkhi pe chalak parti hai
phir se milnay ki yeh mahoom-e-talab aur tarap
aaj bhi zehan ke gooshon main chamak uthti hai
aaj bhi soch ke angaar jazeeray main tu
aankh ke noor main tu dil ke sawaray main tu
ajnabi shaam ki dam torti barsaat main tu
hai lakeeron ki tarah sibat meray hathon main
meray honthon ka tabussam meray din raat main tu
ham'kalami ka koi waqia guzar bhi nahin
phir bhi lagta hai moujood hai her baat main tu
mujh se waqif hi nahin teri tabiyat lakin
tarz-e-afkaar main tu shava-e-guftaar main tu
tu hi tu hai meray her atraaf ki her sha main pinhan
kabhi iqraar ka hasil kabhi inkaar main tu
kabhi saya kabhi sehra kabhi nazron ka sarab
kabhi shabnam kabhi nighat kabhi raang-o-kushboo
tu meri neend mera khwaab meri subho shaam
tu musarat tu mera dukh tu mera sab kuch hai
tu mera kuch bhi nahin phir bhi mera sab kuch hai
Poet : Mohsin changaizi
kabhi ban sanwar ke jo aa gaye to bahar-e-hussan dikha gaye
kabhi ban sanwar ke jo aa gaye to bahar-e-hussan dikha gaye
meray dil ko daagh laga gaye woh naya shagufa khila gaye
koi kyn kisi ka dil lubhaye dil koi kyn kisi se lagaye dil
woh jo bachtay thay dawa-e-dil , woh dukaan apni bharha gaye
meray paas atay thay dam-ba-dam woh juda na hotay thay aik dam
yeh dikhaya charkh ne kiya sitam keh mujhi se aankhain chura gaye
yahi shauq tha hamain dam-ba-dam keh bahaar dekhain ge ab ke hum
joun hi chootay qaid-e-qafas se hum to suna khizaan ke din aa gaye
Poet : Bahadur Shah Zafar
hamaray baad safeer-e-saba aakhir kon
hamaray baad safeer-e-saba aakhir kon
talaash-e-manzil-e-janaa main hai musafir kon
rahein khilwat-e-shab , chandani se pooch kabhi
keh shaher shaher bhatak'ta hai teri khatir kon
hamain aziz thi maqtal ki abroo warna
meray jahan main hai apney lahoo ka tajir kon
hami ne sheikh ka pindaar khud sari tora
wagarna us ki nazar main nahin tha kaafir kon
sukhan wari hamain waja-e-sharaf nahin mohsin
magar hamaray siwa shaher main hai shaair kon
Poet : mohsin naqvi
Adhoora hai her ik sapna hamara
Adhoora hai her ik sapna hamara
kabhi jhooly , kabhi sawan nahin hai
yeh mar jati hai apni mout khud hi
mohabbat ka koi dushman nahin hai
meray khwaab matti ke ghar thay , jo pehli barish main beh gaye
Jo baat kabhi na kehni thi , woh baat munh se nikal gai
jo lafz tujh se kehney thay woh dil ke goshay main reh gaye
khwaab khwaab thi zindagi, khwaab khwaab thi her kushi
meray khwaab matti ke ghar thay , jo pehli barish main beh gaye
hazaar jaam-e-tasaduq hazaar mae'khaney
hazaar jaam-e-tasaduq hazaar mae'khaney
nigha-e-yaar ki lazat shraab kiya janey
Usi ka shaher ,wohi mudaei, wohi munsif
Usi ka shaher ,wohi mudaei, wohi munsif
mujhay yaqeen tha mera hi qasoor niklay ga
dil tha akela aur gham hain hazaron
dil tha akela aur gham hain hazaron
akelay ko mil kar hazaron ne loota
Kaisay mumkin tha kisi shaks ko apna karty
Kaisay mumkin tha kisi shaks ko apna karty
aaina log thay , kiya logon se dhoka kartay
hanstay phirtay thay sar-e-bazam ana ki khatir
warna halaat to aisay thay keh roya kartay
Hum ajeeb tarz ke log thay, hamaray aur hi rog thay
Hum ajeeb tarz ke log thay, hamaray aur hi rog thay
main khizaan main us ki muntazir , ussay intizaar bahaar ka tha
meri lamhay bhar ki bhi guftagoo us se na ho saki kabhi
mujhay fursatein na mil sakien , woh hawa kw rath pe sawaar tha
Youn mujh ko nigha'on ke tarazoo main na tolo
Youn mujh ko nigha'on ke tarazoo main na tolo
hai shauq to be'sakhta aankhon main samo lo
ab ke dil ko main laya hoon hathali pe saja ke
is husan ke baazar main kiya daam hain bolo
Ik hijar tha jis ne bita di tamam umar
Ik hijar tha jis ne bita di tamam umar
ik pal tha hum ne jis ko zamana bana liya
badal utar ke aa gaye aankhon ke aas paas
barish ne meray dil ko nishana bana liya
Ajab hijar parasti thi us ki fitrat main
Ajab hijar parasti thi us ki fitrat main
shajar ke tooty patay talash karta tha
tamam raat parday hata kar chaand ke sath
jo kho gaye woh lamhay talash karta tha
Her roz meray aangan main ik matam barpa hota hai
Her roz meray aangan main ik matam barpa hota hai
ik khwaab toot janey par , koi sari raat rota hai
yeh jo sar'gashta se phirtay hain kitabon wale
yeh jo sar'gashta se phirtay hain kitabon wale !!!!!
in se mat pooch keh inhain rog hain khwabon wale
hayee ik shaks jissy hum ne bhulaya bhi nahin
hayee ik shaks jissy hum ne bhulaya bhi nahin
yaad any ki tarh yaad woh aya bhi nahin
jany kis mor pe le ayi hamain talab teri
sar pe suraj bhi nahin , raah main saya bhi nahin
hum ko to umar kha gayi khair hamain gila nahin
hum ko to umar kha gayi khair hamain gila nahin
dekh to kiya se kiya huye yaar ke khad-o-khaal bhi
ab ke faraz woh hua jis ka na tha gumaan tak
pehli si dosti to kiya , khatam hai bol chaal bhi
jee uthay hashar main phir jee se guzarney walay
jee uthay hashar main phir jee se guzarney walay
yaan bhi paida huye phir aap pe marney wale
hai udasi shab-e-maatam ki suhani kaisi
chayon main taroon ki niklay hain sanwarney wale
Bheegi aankhon wali larki
janay kyn raat ke kisi lamhay
kisi wah'my se achanak
meri aankh khul jati hai
woh bheega hua chahera janey kyn
yaad anay lagta hai
woh sahil ke kinay baithi
bheegi aankhon wali larki
muskuratay huye
raat ke us lamhay mujh se
kehti hai
chah'hatain kabhi raigaan nahin jaten
suno
tum haar gaye
us ka inkaar bhi haq tha sar-a-sar meray
us ka inkaar bhi haq tha sar-a-sar meray
yeh jo halaat huye jatay hain behtar meray
woh koi chaand ka tukra bhi nahin tha lakin
chandani us ki bichi rehti hai andar meray
main akela tha so us maarakay main kaam aya
aur peechay hi kahin reh gaye lashkar meray
doobta bhi nahin sahil pe utra bhi nahin
naaz karta hai safeeny pe samandar meray
roshni main jo musalsal nahin reh sakta main
sath hoti hai koi shaam bhi din bar meray
sookh jata hai yeh behta hua pani aksar
aur her baar nikal atay hain pathar meray
dehaan rekta hoon zafar zakham-e-tamasha ka bhout
pahir bhi tankay kai khul jatay hain aksar meray
Poet : Zafar Iqbal
khwaishon ke ghanay gungle main
khwaishon ke ghanay gungle main
intizaar ke qayamat lamhon main
thak haar kar hazaar baar dil poochay
aur kitn aintizaar karna hai
aur kitna tanha chalna hai
manzil kahan hai
justagoo main jis ki jiye ja rahay hain
hijar ka zehar , judai ka qehar
tanha sahay ja rahay hain
kiya khabar hai ussay
kiya aye ga waqat-e-milan
tabeer paney ko
umeed bar anay ko
aur kitna waqat chayea
kitna waqat chayea
Na manzalon ko, na hum raah guzar ko dekhtay hain
Na manzalon ko, na hum raah guzar ko dekhtay hain
ajab safar hai keh bas hum safar ko dekhtay hain
na pooch jab woh guzarta hai be'niazi se
to kis malaal se hum naam-e-bar ko dekhtay hain
teray jamaal se hat kar bhi aik duniya hai
yeh sar'chasam magar kab idher ko dekhtay hain
woh be'khabar meri aankhon ka sabar bhi dekhein
jo tanz se meray damaan-e-tar ko dekhtay hain
yeh jaan kani ki ghari kiya tah'er gai hai keh hum
kabho qaza ko kabhi chara gar ko dekhtay hain
hamari dar badri ka yeh majra hai keh hum
musafaron ki tarah apney ghar ko dekhtay hain
Poet : Ahmed Faraz
woh rangon main dhali larki
Woh rangon main dhali larki
woh rangon main dhali larki
tumhain kitna yeh bola tha
keh meri zindagi main is tarah shamil nahin hona
jab aankhain subha ko kholon , pukaron naam main tera
kabhi jo aaina dekhon
tumhara aks meri aankh ki puttli main jam jaye
kushi mujh ko milay koi
tumhara sath main dekhon
dekhon main bhi yahi chahon keh meray pass bas tum ho
tumhain kitna yeh bola tha
mujhay badal se , barish se mohabbat hai hamesha se
magar tum ne mohabbat ko junoon main kyn badal dala?
main ab barish ke mousam main tumhi ko dhoondta kyn hoon
inhi sochon main bheegta hon , main tanha bheegta kyn hoon
tumhain kitna yeh bola tha
meri aadat nahin badlo
meri khatir nahin badlo
magar tum ne badal dala
mera sab kuch badal dala
main ab jo khud ko takta hoon , mujhay tum yaad ati ho
tumhain kitna yeh bola tha mujhay tum yaad mat ana
keh tum ko bhoolna waisay hi meray bas se bahir hai
mujhay jab yaad ati ho to yeh mehsoos hota hai
mujhay tum yaad karti ho
tumhain kitna yeh bola tha mujhay tum yaad mat karna
mujhay tum yaad mat ana
meri iss zindagi main iss tarah shamil nahin hona
tumhain kitna yeh bola tha
woh rangon main dhali larki
kabhi jab baat karti hai
to us ke lafaz kushboo ki tarah mehsoos hotay hain
woh hansti hai to jaisay
sara aalam uss hansi main doob jata hai
woh lab us ke woh aankhain aur woh chaheray ki shadabi
keh jaisay apsara koi
woh mera naam lati hai to
meri rooh main jaisay nasha sa utar'ta hai
mera mann jhoom uth'ta hai
woh rangon main dhali larki
jhukaye apni palkon ko kabhi jo mujh se kehti hai
mujhay tum se mohabbat hai
to us ka shar'mageen lehja yaqeen mujh ko dilata hai
keh duniya khoobsurat hai
woh rangon main dhali larki
udasi ke saay'on ko jab oorh leti hai
mera dil khoon rota hai
main uss ki sharbati aankhon ki numi se bheeg jata hoon
woh rangon main dhali larki
jissay mujh se mohabbat hai
mera izhaar sunti hai to sab bhool jati hai
jhukaye apni palkon ko woh aisay muskurati hai
keh jaisay apsara ho
woh rangon main dhali larki
meray lafzon main rehti hai
mujhay aksar yeh kehti hai
mujhay tum se mohabbat hai.....!!!
Subscribe to:
Posts (Atom)
