Tumharay shaher ka mousam bara sohana lagay
Main ik shaam chura loon agar bura na lagay
Jo doobna hai to itne sakoon se doobo
Keh aas paas ki lehron ko bhi pata na lagay
Tumhare bas main agar ho to bhool jao hamain
Tumhain bhoolney main shayed hamain zamana lageay
Na jane kiya hai kisi ki udaas aankhon main
Woh munh chupa ke bhi jaye to be'wafa na lagay
Hamare pyaar se jalne lagi hai ik duniya
Dua karo kisi dushman ki bad'dua na lagay
Poet : Ahmed Faraz
