Mujh se bichar kay khush rehtay ho

Mujh se bichar kay khush rehtay ho

Meri tarah tum bhe jhootay ho

Ik tehni par chaand tika tha

Main yeh samjha tum bethay ho

Ujlay ujlay phool khilay thay

Bilkul jaisay tum hansaty ho

Mujh ko shaam bata dati hai

Tum kaisay kapray pehnay ho

Tum tanha duniya se laro ge

Bachon se batain kartay ho

Poet : Bashir Badar

Woh chandani ka badan kushboaon ka saya hai

Woh chandani ka badan kushboaon ka saya hai 

Bhout Aziz humain hai magar paraya hai

Tum itni door sitaron ke paas rehtay ho 

Tumhain khuda ne hamaray liye banaya hai

Ussay kisi ki mohabbat ka aitabaar nahin

Ussay zamaney ne shyed bhout sataya hai

Kahan se aye yeh kushboo yeh ghar ki kushbo hai
Is ajnabi se andheray main kon aya hai

Tamam umar mera dam isi dhuaien main ghuta

Woh ik chragh tha main ne ussay bhujhaya hai

Poet : Bashir Badar

Youn hi be sabab na phira karo koi shaam ghar bhe raha karo

Youn hi be sabab na phira karo koi shaam ghar bhe raha karo

Woh ghazal ki sachi kitaab hai ussay chupkay chupkay parha karo

Koi hath bhe na milaye ga jo gale milo ge tabaak se

Yeh naye mizaaj ka shaher hai zara fasley se mila karo

Abhi raah main kai mor hain koi aye ga koi jaye ga

Tumhain jis ne dil se bhula diya ussay bholney ki dua karo

Mujhay istihaar si lagi hain yeh mohabton ki kahaniyaan 

Jo kaha nahin woh suna karo Jo suna nahin woh kaha karo

Kabhi husan parda naseen bhe ho zara aashqana libaas main

Jo main ban sanwar ke kahin chalon meray sath tum bhe chala karo

ANhin be hijaab woh chaand sa keh nazar ka koi asar na ho

Ussay itni Garm-e-shauq se bari der tak taka  karo

Yeh khizaan ki zard se shaal main jo udaas pair ke pass hai

Yeh tumharay ghar ki bahaar hai issay Ansoaon se hara karo

Poet : Bashir Badar

Daag-e-Dil hum ko yaad Aney lage

Daag-e-Dil hum ko yaad Aney lage

Log apney diye jalaney lagay

Kuch na pa kar bhe mutmain hain hum

Ishq main haath kiya khazaney lagay 

Khud frabi se khud frabi hai

Paas ke dhol bhe suhaney lagay

Ab to hota hai her qadam pe gumaan

Hum yeh kaisa qadam uthaney lagay

Is badaltay huye zamaney main

Teray qissay bhe kuch puraney lagay

Aik pal main wahan se hum uthay

Baithney main jahan zamaney lagay

Apni qismat se hai mufar kis ko

teer par urr ke bhe nishaney lagay

Shaam ka waqat ho gaya baqi 

Bastiyon main shraar Aney lagay

Poet : Baqi Sadiqui

Baat karni Mujhay Mushkil kabhi aisi to na thi

Baat karni Mujhay Mushkil kabhi aisi to na thi

Jaisi ab hai teri mehfil kabhi aisi tona thi

Le gaya cheen ke kon tera sabr-o-qarar

Be-qarari tujhay Ae dil kabhi aisi to na thi

Teri Aankhon ne khuda janey kiya kiya jadoo

Keh tabiyat meri mayal kabhi aisi to na thi

Aks-e-ruksaar ne kis ke hai tujhay chamkiya

Taab tujh main Mae_e_kamil kabhi aisi to na thi

Kiya sabab tu jo bigarta hai zafar se her yaar

Khoo teri Hoor-e_shamiyal kabhi aisi to na thi

Poet : Bahadur Shah Zafar

Mujhay Ik Nazam Likhni Hai

Mujhay Ik Nazam Likhni Hai

Kisi bhe khoobsurat shaam main milney chalay ayo

Mujhay Ik Nazam Likhni Hai

Sunehri dhoop ke jaisa tera rang roop ujla sa

Dhulay barish se dekho to haseen piyaray nazaray hain

Falak ke istaaray hain

Yeh teri aankh jaisay hain

Mujhay Ik Nazam Likhni Hai

Teri zulfain hai gehri jhoomti phirti ghatayon si 

Nasheeli Aankh main teri shraboan ki si masti hai

Tumhari naram palkon par jo roshan se sitaray hain

Mujhay un ko bhe choona hai

Teray in band honthon main chupi jo muskurahat hai

Yehi to shairy hai bas

Mujhay Ik Nazam Likhni Hai

Teri aankhain bhout kuch bolti hain

Teri batain shahad sa gholti hain

Yeh phoolon pe giri shabnam taray galon ki jaisi hai

chamakti chandani jaisi teri roshan jabeen par bhe

Mujhay Ik Nazam Likhni Hai

Ghani shakhon ke paton main chupa woh chaand piyara sa

Teray chaheray ke jaisa hai 

Teray is chaand chaharay par

Mujhay Ik Nazam Likhni Hai

Kisi bhe khoobsurat shaam main milney chale ayo

Poet : Arshad Malik

Jab bhe ati hai khyalon main tumhari Aankhain

Jab bhe ati hai khyalon main tumhari Aankhain

Bheeg jati hain kisi gham se hamari Aankhain

Dhal gayi shaam andheray ne tanabaien garaien 

so gayein thak ke teray hijar ki mari aankhain

Tum meray pass nahin phir bhe tumhara chahera

Sochti rahti hain yeh dard ki mari aankhain

Silsala toot bhe sakta tha basarat ka kabhi

thaam lati na agar aankh tumhari aankhain

Hum isi ass pe Aankhon ko khula rakhtay hain

 Loat ayein na kisi roz tumhari Aankhain

Gatay gatay humain ik shaks ki yaad ati hai

Bheeg jati hain sae-e-bazam hamari Aankhain

Janey kiya baat hai kyn dekhti rahte hain umar

Meri Aankhon ki taraf shaher ki sari aankhain

Poet : Abrar Umar

Koi chaudavein raat ka chaand ban kar tumharay tasawar main aya to ho ga

Koi chaudavein raat ka chaand ban kar tumharay tasawar main aya to ho ga

kisi se ti ki ho ge tum ne mohabbat kisi ko gale se lagaya to ho ga

Labon se mohabbat ka jado jaga kar bhari bazam main sab se nazrain chra kar

Nighahon ki rahoon se dil main utar kar kisi ne tumhain  bhe churaaya to ho ga

kabhi Ainay se nighahain mila kar jo li ho ge bharpoor angrai tum ne

to ghabra ke teri in angraiyon ne teray husan ko gud gudaya to ho ga

Tumharay khyalon ki angnayiyon main meri yaad ke phool mehakay to hon ge

Kabhi apni Aankhon ke kajal se tum ne mera naam likh kar mitaya to ho ga

Nighahon main shamaa-e-tamana jala kar taki to hon ge tum ne bhe rahain kisi ki

kisi ne to tum se kiya ho ga wada kisi ne tumhain bhe rulaya ho   

Poet : Akhtar Azaad