Imran's Poetry: 03/27/15

Mar 27, 2015

Sab baatein fazool hon jaisay

Kitni haseen hai us ki khamoshi

Ajnabi shaam , Dhund chaai hui hai jheelon par

Ajnabi shaam

Dhund chaai hui hai jheelon par

Urr rahay hain parinday teelon par

Sab ka rukh hai nashemano ki taraf

Bastiyon ki taraf , bano ki taraf

Apnay gal'lon ko le kar charwahay

Sarhadi bastiyon main ja ponchay

Dil-e-na'kaam ! main kahan jaaon ?

Ajnabi shaam ! main kahan jaaon

Islaam ki hajoo main kahoon meri kya majaal

Haan ' dastaan-e-karb-o-bala likh raha hoon main

Naam hi naam chaar su , aik hajoom ru-ba-ru

Koi to ho meray siwa , koi meray siwa nahin

Chand ne taan li hai chadar-e-abar

Ab woh kapray badal rahi ho gi

Hai ajab kuch moamala dar'paish

Aqal ko aa'gahi se khatraa hai

Be'zaar ho gayi ho bhout zindagi se tum

Jab bas main kuch nahin to be'zaar hi raho

Woh khuda ho keh adam-o-iblees

sab kay sab azmaye jayein gay

Yeh kis maqaam pe soojhi tujhay bicharnay ki

Keh ab to jaa kay kahin din sanwarnay walay thay

Ehad-e-rafaqat theek hai lakin , mujh ko aisa lagta hai

Tum to meray saath raho gi , main tanha reh jaaon ga

Hai iktiyaar main teray to mojaza kar de

Woh shakhs mera nahin , ussay mera kar de

Na koi chaap zinda hai , na dastak

To kya main ghar main darwaza na chahon

Jab mujhay bhi nahin koi ehsaas

Tum ko mera azaab kya maloom

Tera khayal to hai par tera wajood nahin

Teray liye to yeh mehfil sajaai thi main ne

Kal par hi rakho wafa ki baatein

Main aaj bhout bujha hau hoon

Gham Kay Maare jo Sada detay Hain

Takht Shaahon Kay Hila detay Hain

Bheegay MouSam Mein Sulagtay aansoo

Meri Aankh0n Ko jala detay Hain

Kitnay Zalim Hain Hawa K jhonkay

Soye Zakhmon Ko jaga detay Hain

Aisi Bakhshi Hai UdaaSi tu Ne

Ab Lateefay Bhi rula detay Hain

Teray Honto'n Se Woh jharrtay Mouti

Mujh Ko Neend0'n Se jaga detay Hain

Ab Na "Dost" Ko Sadayein daina

Hum Na Loutein Gain, Bta detay Hain..!

Bohat majbur hain hamdam na itna yaad aayo tum

Bohat majbur hain hamdam

Na itna yaad aoo tum

Na yun itna sataoo tum

keh itna yaad aa kr yun

hamen pagal bana k tum,

faqat itna bata do k,

hamari jaan lo ge kya?

magar ye bhi haqeeqat hai,

tuhmari yaad hi to hai,

jo har pal sath rehti hai,

khushi mein bhi,

ghamon mein bhi,

udasi k palon mein bhi,

tuhmari yaad hi to hai,

jo har pal ye batati hai,

mujhe ehsas dilati hai, K

hum TUM BIN adhure hain keh

HUM TUM SE HI POORY HAI

Ye Zindagi Bari Khubsurat Hai Par Mujhy Jeena Nahi Aata

Har Cheez Me Nasha Hai Par Mujhy Peena Nahi Aata

Sab log Mere Bina Jee Skty Hain

Sirf Mujhy Hi Apno ky Bina Jeena Nahi Aata

Yeh Na Samaj k Bichra Hon To Bhol Gaya Hon Tujhe

Tare Hathon Ki Khoshbo Mare Hathon Main Aaj Bhi Hai

Ye Or Baat Hai Majboreyon Ne Nebhane Na Di Dosti

Warna Shamil Sachai Mari Wafaon Main Aaj Bhi Hai

Mohabat Say Barh Kr Tum Say Aaqedat Hai Mujhay

Yon Maqam Tera Boland Muj Main Aaj Bhi Hai

Har Lamha Zindagi Main Mohabaten Naseeb Hon Tujhe

Shamil Tu Mari Zindagi Ki Duaon Main Aaj Bhi Hai

Yunhi Doorion men guzar gayi zindgi

Kbhi Wo Juda.

Kbhi Men Juda.

In Chahaton k morr pr.

Kbhi wo ruka.

Kbhi Men ruka.

Wohi Raaste.

Wohi manzilein.

Na use khaber.

Na mujhe pta.

Apni Apni anaa Ki Aag Men.

Kbhi Wo Jala.

Kbhi main Jala.

Ye Qudrat ka

Ajeeb sa khel tha

Na wo bewafa

Na men bewafa

Phir ye kesa insaf hy

Na mujy wo mila na me usy mila.

Jab kisi jaam ko honton se lgaya mein ne

Raqs krta howa dekha tera saya mein ne

Mujh se math pooch mere mohtasib-e-shehr se pooch

kiyon teri aankh pe paimaana banaya mein ne ?

Loog kehte hein qaseeda wo tere husn ka tha

Aam saa geet jo mehfil mein sunaya mein ne

Maikada bund tha laikin joon hee grja baadal

Apni tauba ko chatkh'ta howa paya mein ne

Shair-o-naghmaat ka rishta kbhi tota na qateel

Jab ghzal ban k wo aaya usay gaaya mein ne

Main To Awara Hun,,! Badnam Hun Zmaney Mein Magr..

Tum Log Tu Muqadas Ho, phir Wafa Q Nhi Karty........

Qafas Main Rehtay Rehtay Ho Gai Hai Mujhay Qaid Say Ulfat...

Main Khud Hi Noch Leta Hoon, Meray Jab Parr Nikaltay Hein...!!!

Roz_o_shab youn naa aziy'yat mein guzaray hotay

Chain aa jaata agar khul k haaray hotay

Khud sy fursat hi muyas'sar nahi hoti warna

Hum kisi aur k hotay tu tumharay hotay

Tujhay bhi gham ny agar theek sy barta hota

Teray chehray py khad_o_khaal hamaray hotay

Aik bhi mouj agar hamari himayat karti

Main ne us paar kai log utaaray hotay

Lag gai aur kahin umar ki poonji warna

Zindagi hum teri dehleez pe haaray hotay

Kharch ho jatay isi ek muhabbat mein kiyon

Dil agar aur bhi seeney mein hmaray hotay

Basa kay khud ko meri aankhon main kahan chalay tum

Yeh shaher-e-ishq hai yahan hijrat ki ijaazat nahin hamein

Meray mizaaj pe hairaan hai zindagi ka shaoor

Main apni mout aksar galay laga kay mila

Ba adab agar koi aik mil jaye

Sab haseeno se munh mor loon

Hansanay pe bhi aa jatay hain be'saakhta aansoo

Kuch log mujhay aisi dua de kay gaye hain

Her ik pal ka taaluq teray khayal se hai

Meri ghazal ka taaluq teray khayal se hai

Bandha hua hai teri aarzoo se sara badan

Her ik amal ka taaluq teray khayal se hai

Yeh tishnagi to mujhay jaan se bhi pyaari hai

Keh meray thal ka taaluq teray khayal se hai

Keh meri rooh ki saari bahaar tujh se hai

Kanwal kanwal ka taaluq teray khayal se hai

Yeh zindagi bhi hai teri ataa ae jaan-e-jaan

Agar ajal ka taaluq teray khayal se hai

Yeh meri rooh munaqish hai teri yaadon se

Keh is mehal ka taaluq teray khayal se hai

Firaaq-o-hijar kay yeh jis qadar masaa'il hain

Sabhi kay hal ka taaluq teray khayal se hai

De mujhay azeeyat jee bhar kay

Wehshat meri rag rag main tu rakh de

Phatt jayein meri aankhein dehshat se

Kat jayein meray hont kisi haibat main

Dil dharkay youn keh dhol bajay chorahay main

Youn shor ho meri saanson main

JAisay ghungroo tawaa'if kay paironkay

Dil aisay mujhay siskaata hai

JAisay sifaak bhairiya jungle main

Hirni ko paarr kay khaata hai

Youn dard meray tan main uth'ta hai

JAisay waqat-e-naazan mout ka ham'raahi

Saanson ki loata de ik ik paai

Tu jaan-e-ghazal , tu rooh-e-adab

Tu meray liye wisaal ki shab

De apna haath meray haathon main

Keh aaye saans meri saanson main

Sapnay kaisay baatein karein

Khadshon ki zanjeer pari hai

Neend bhari sab aankhon main

Sapnay kaisay baat karein

Jin logon ka rasta taktay

Umrain rizq khaak huwein

Ab woh log aur un kay sapnay dekhnay wali

Aankhein bujh kar raakh huwein

Raakh kay is ambaar main hoon

Kaisay kaisay zinda khawab

Kahwabon ki is raakh ko lakin

Chairay kon ?

Jis matti main rait mili ho

Us main kaisay baagh lagaein

Dariya hi pa'yaab hon ! jab to

Is main kashti kya lay jayein

Khushboo ik awara jhonka

Is jhonkay ko ghairay kon

Kaisay duniya ko batlaaon

Tum hotay ho meray kon !!!

Mujhay tum se yeh kehna hai mujhay tum se mohabbat thi

Mujhay tum se yeh kehna hai

Mujhay tum se mohabbat thi

Mujhay tum se mohabbat hai

Meray din raat main tum ho

Meri her baat main tum ho

Khushi kay jitnay mousam bhi

Tumharay saath dekhye hain

Meray jeevan ka haasil hain

Tumharay naam kay jugnoo

Tumharay lams ki khushboo

Tumharay pyaar ka jaadu

Meri rag rag main shamil hain

Main apni zaat kay chahye kisi mousam main rehta hoon

Her aik mousam tumhara hai

Tumhara saath pyaara hai

Meray her pal main rehti ho

Mera dil hai pagal sa

Isi pagal main rehti ho

Suno ! tum se yeh kehna hia

Keh tum meri mohabbat se kabhi mat bad'gumaan hona

Keh meri zindgaani kay sabhi rastay jo sach poocho

Tumhari simat aatay hain

Main tum se door reh paaon ab yeh mumkin nahin jaana

Suno ! ehad-e-mohabbat ki mujhay tajdeed karni hai

Purani baat hai lakin mujhay phir bhi yeh kehni hai

Mujhay tum se mohabbat thi , mujhay tum se mohabbat hai

Her ik mousam tumhara hai

Tumhara saath pyaara hai

Suno ae hamsafar meri

Poet :~ Atif saeed

Suno ae hamsafar meri

Mujhay tum se yeh kehna hai

Mujhay tum se mohabbat thi

Mujhay tum se mohabbat hai

Meray din raat main tum ho

Meri her baat main tum ho

Khushi kay jitnay mousam bhi

Tumharay saath dekhye hain

Meray jeevan ka haasil hain

Tumharay naam kay jugnoo

Tumharay lams ki khushboo

Tumharay pyaar ka jaadu

Meri rag rag main shamil hain

Main apni zaat kay chahye kisi mousam main rehta hoon

Her aik mousam tumhara hai

Tumhara saath pyaara hai

Meray her pal main rehti ho

Mera dil hai pagal sa

Isi pagal main rehti ho

Suno ! tum se yeh kehna hia

Keh tum meri mohabbat se kabhi mat bad'gumaan hona

Keh meri zindgaani kay sabhi rastay jo sach poocho

Tumhari simat aatay hain

Main tum se door reh paaon ab yeh mumkin nahin jaana

Suno ! ehad-e-mohabbat ki mujhay tajdeed karni hai

Purani baat hai lakin mujhay phir bhi yeh kehni hai

Mujhay tum se mohabbat thi , mujhay tum se mohabbat hai

Her ik mousam tumhara hai

Tumhara saath pyaara hai

Suno ae hamsafar meri

Poet :~ Atif saeed

Meray rag-o-pay main sama gaya woh shakhs

Meri zindagi main chaa gaya woh shakhs

Meray dil se dil mila gay awoh shakhs

Mujhay khush'naseeb bana gaya woh shakhs

Mujhay de gaya apni her khushi

Meri aankhon se neend chura gaya woh shakhs

Janay kya baat thi us main aisi

Mujhay mohabbat karna sikha gaya woh shakhs

Kehnay ko saath apnay aik duniya chalti hai

Par chup kay is dil main tanhai palti hai

Bas yaad saath hai

Teri yaad saath hai , , , , , !

Pehlay dil ki ujrri zameen par khawaab mohabbat kay sajaye

Pehlay dil ki ujrri zameen par

Khawaab mohabbat kay sajaye

Phir , , , , ,!

Meri aankhon main kuch deep jalaye

Kabhi cyhaand , kabhi gulaab kaha

To , , , , ,!

KAbhi sapno ki raani kaha

Phir , , , , ,!

Woh meri zindagi ban gaya

Aur , , , ,!

Jab us ki mohabbat meri rooh ko deemak ki tarah lag gayi

To , , , , , , , ,!

Us ne mujhay chor diya

Tum ko maloom hai keh shaam-o-sehar

Bas tumhein sochta raha hai koi

Raat akaash par ghatta thi bhout Chaand aankhon main aa gaya logo

Raat akaash par ghatta thi bhout

Chaand aankhon main aa gaya logo

Us ne dukh sukh hazaar keh daalay

Mujh se kuch na kaha gaya logo

Keh raha tha keh dard ne mujh ko

Sakhat pathar bana diya kab ka

Jheel aankhon ne Orh kar kaai

Mujh ko ghar bana diya kab ka

Keh raha tha keh ab mera sagar

Meri jaanib kashish nahin karta

Dukh ki hairat main doobi kirno ko

Apni baanhon main ab nahin bharna

Keh raha tha keh ab meri kirnein

Be'ghar ka azaab sehti hain

Orhay kaali ghatta sisakti hai

Wasal rut ko sairaab kehti hai

Keh raha tha keh aasmaan dil ka

Shab ka aalma hai gham ki sill jaisa

Subha ka chehra zard hota hai

Main ne chup chaap

Saray dukh sun kar

Apnay sar ko jhuka diya logo

Aankh se behtay sill dard kay saath

Chand ko bhi baha diya logo

Apna sapna mitta diya logo

Chand main ne baha diya logo