Imran's Poetry: 06/18/14

Jun 18, 2014

Bicharna mout jaisa hai

Bicharnay ki aziyat ko agar tum jaan'nana chahao

To kuch pal ko

Zara yeh saan apni rok kar dekho

Tumhein mehsoos yeh ho ga

Bicharna mout jaisa hai

Suna hai nosh woh hum se bichar janay ka talib hai

Ussay yeh kon samjhaye bicharna mout hoti hai

Woh armano ki ujri hui basti phir aaj abaad hoti ja rahi hai

Pehla sajda

Woh armano ki ujjri hui basti

Phir aaj abaad hoti ja rahi hai

Jahan se karwaan-e-shouq guzray

Na janay kitni muddat ho gayi hai

Pala tha sohbat-e-ehal haram main

Main barson se tabistaan-e-aashna tha

Bani na lakin khuda se , na button se

Main dono aastano se khafa tha

Magar kuch aur hi aalam hai ab to

Main apni hairaton main kho gaya hoon

Mujassam ho gaye hain husan-o-jabroot

Mujhay lena main behka ja raha hoon

Koi yazdaan ho butt ho aadmi ho

Izaafi qeematon se mawara hoon

Main pehli baar sajda kar raha hoon

Hai ussay door ka safar dar'paish

Hum sambhalay nahin sambhaltay hain

Bichartay lamhay us ne kaha

Jee na paaon gi

Tumharay bin

Phir aaj muddat baad

Mehakti hawa

Suna gayi

Haal us ka

Garmi-e-hasrat-e-na'kaam se jal jatay hain

Hum chraghon ki tarah shaam se jal jatay hain

Shamh jis aag main jalti hai numaish kay liye

Hum usi aag main gum'naam se jal jatay hain

Khus'numai to nahin shaiwa siyaal se hum

Shola-e-aaraz-e-gulfaam se jal jatay hain

Jab bhi ata hai mera naam teray naam ky sath

janay kiyon log meray naam se jal jatay hain

Mohabbat ky parday ka yeh waar dekha

Ajab hi zamanay ka fankaar dekha

Kaleesa ho mandar ho masjid keh kaaba

Usi buut ko main ne nazar paar dekha

Her ik ja pe urti hui khaak pai

Yahi ik manzar her ik baar dekha

Ussay main ne socha to dharka laga hai

Bichar hi na jaye to la'chaar deka

Mohabbat mili hai mujhay aaj atif

To main ne bhi hans ky sooy-e-daar dekha

Jiis ki hathaili pe apna naseeb tha

Milna itifaaq to bicharna naseeb tha

Ho gaya door door jo meray dil kay bhout qareeb tha

Main us ko dekhnay ko tarasta reh gaya

Jiis ki hathaili pe apna naseeb tha

Tumharay sath ka jab se mila hai sath mujhay

Na janay kiyon mujhay khud se mohabbat honey lagi hai

Mera kiya haal hai teray bina kabhi dekh tu le

Jee raha hoon tera bhoola hua wada ban kar

Lagi jab sawan rut ki jhari

Jal thal aankh thi bari

Teray samnay manzal thi

Aur meray paas

Bas ik gharri

Sahil par ik tanha larki

Sard hawa ka bazoo thamay

Geeli rait pe ghoom rahi hai

Janay kis ko dhoond rahi hai

Bin kajal, be'kal aankhon se

Khulay samandar ky seenay par

Fraatay bharti kashti ky bad'baan ky lehranay ko

Kis hairat se dekh rahi hai

Kis hasrat se apna anchal masal rahi hai

Zindagi ky staye huywe

Mout ky dilnasheen qadmon main girtay hain

Girr girratay hain

Minatein kartay hain

Hamain bhi apnay sath ly chalo

Un andheray raston par

Ky jin se koi wapis nahin ata

Aankhon se parhi jati hai haya ki kahani

Niqaab daal kar koi parsa nahin hota

Chasham-e-saaqi ne yeh kiya khail racha rakha hai

Chasham-e-saaqi ne yeh kya khail racha rakha hai

Koi zahid koi madhosh bana rakha hai

Jo phansa phir na kabhi rihaai mangi

Teri zulfon ne ajab jaal bicha rakha hai

Husan ho ishq ho dono ka asar yaksaan hai

Cheez hai ik magar naam juda rakha hai

Rukh pe lehrati hain kabhi shano se uljh parti hain

Tu ne zulfon ko bhout sar pe charha rakha hai

Teri makhmoor nighaon se hai ronaq sari

Warna saaqi teray mae'khanay main kiya rakha hai

Wajood-e-zan se hai tasveer-e-kainaat main rang

Isi kay saaz se hai zindagi ka sooz-e-rawan

Dil dhraknay ka sabab yaad aaya

Woh teri yaad thi ab yaad aaya

Aaj mushkil tha sambhalna ae dost

Tu museebat main ajab yaad aaya

Din guzra tha bari mushkil se

Phir tera wada-e-shab yaad aaya

Tera bhoola hua paimaan-e-wafa

Mar rahain hain agar ab yaad aaya

Phir kai log nazar se guzray

Phir koi shaher-e-tarab yaad aaya

Haal-e-dil hum bhi sunatay lakin

Jab woh rukhsat hua tab yaad aaya

Baith kay saya-e-gul main nasir

Hum bhout roye woh jab yaad aaya

Kab se apni talash main gum hoon

Ae khuda mujh ko mujh par afshaa kar

Kon baantay ga dukh teray nasir

Doston se bhi chup kay roya kar

Zikar itna kiya tera hum ne

Qabl-e-zikar ho gaye hum bhi

Tapish hy apny hi gunahon ki yaro

Mery shehr ka mosam khush gawaar nai hota

Din bhr kr k nafratain insano sy

Kehty hain k razi parwar digaar nai hota

Muhabbt kanch ka soda

Muhabbt aag ka darya

Muhabbt June jaisi hai,

Muhabbt barf jesi hai,

Muhabbt rat kali hai,

Muhabbt neela mosam hai,

Muhabbt kacha angan hai,

Muhabbt titliyon ka ghar,

Magr phir bhi, Muhabbt ho hi jati hy,

Kisi anjaan basti se,

Kisi anjaan hasti se,

Kisi kaghaz ki kashti se,

Kisi khirki ke manzar se,

Kisi dhundli si hasrat se,

Kisi jhooti tasalli se,

Muhabbt ho hi jati hai.

Muhabbt ho hi jati hai...

Zara jo door jaty ho

To tab ehsas hota hy

K baqi kuch nhi rhta

Mere jivan k angan mein

Meri khushion k daman mein

Tere bin kuch nhi rhta

Udasi chai rhti hy

Spne adhore se lgte hain

Din sadion se lgte hain

Umedain mrne lgti hain

Tere hathon se mere hath

Achanak choot jate hain

Mere arman rote hain

Tujhe awaz dete hain

Tujhe wapas bulate hain

k Tum bin Hm adhory hain

Suno Tum Ne Kabhi Sahil Pe Bikhri Rait Dekhi Hai?

Samandar Sath Behta Hai

Magar Us K Muqaddar Main Hamesha Pyas Rehti Hai

Suno Tum Ne Kabhi Sehra Main Jaltay Pairh Dekhay Hain?

Sabhi Ko Chhaaon Daitey Hain

Mgr In Ko Silay Main Dhoop Milti Hai

Suno! Tum Ne Kabhi Shakhon Se Bichhartey Phool Dekhay Hain?

Wo Khushbu Baant Daitay Hain Bikhar Janay Talak,

Lekin Hawa Ka Sath Daitay Hain

Suno! Tum Ne Kabhi Mailay Main Bajtay Dhol Dekhay Hain?

Ajab Hai Almiya In Ka

Bohat Hi Shor Kartay Hain,

Mgr Andar Se Khaali Hain

Yehi Mera Fasana Hai

Bus Itni Si Paheli Hai

Yehi Meri Kahani Hai..

Jab woh mera naam

Apnay hathon ki lakeeron main

Talaash kar ky thak gayi

To dheeray se sar jhukaya

Aur muskura ky kaha

Lakeerain jhoot bolti hain

Mujhay sab log kehtay hain

Mohabbat jantay ho tum

Mohabbat mantay ho tum

Mohabbat aag jaisi hai

Jo jalti hai to bujhti hai

Mohabbat geet jaisi hai

Kai sazoon pe mabni hai

Mohabbat rangon ki titli

Jo kushboo dhoond lete hai

Magar kiyon mujh ko lagta hai

Yeh saray lafaz jhootay hain

Agar sach hai

To bas yeh hai

Mohabbat aap jaisi hai

Kabhi gum sum

kabhi chanchal

Kabhi jugnoo

Kabhi badal

Kabhi yeh need hai to

kabhi yeh khwaab jaisi hai

Mohabbat aap jaisi hai

Mohabbat khaas tohfa hai

Mohabbat khaas logon ky liye

Ik khaas tohfa hai

Gulabon ki hai mehkahat to sharmahat kali ki hai

Agar yeh gul ki surat hai to narmahat kali ki hai

Yeh bhanwaray ki hai be'baaqi to ghabrahat kali ki hai

Hawaon ki hai khamoshi to yeh aahat kali ki hai

HAi chanda ki jhalak is main

Sitaron ki chamak bhi hai

Kabhi suraj ki garmi si

sabaki si , dhanak bajti hai

Mohabbat khaas logon kay liye

Ik khaas tohfa hai

Sitary jo chamaktay hain kisi ky chasham-e-hairaan main

Mulaqatain jo hoti hain jamal-e-abar-e-baaran main

Yeh na abaad waqaton main

dil-e-nashaad main ho gi

Mohabbat ab nahi ho gi

Yeh kuch din baad main ho gi

Guzar jayein gy jab yeh din

Yeh un ki yaad main ho gi

Mohabbat ab nahin ho gi

Yeh kuch din baad main ho gi

Tu agar dhoop banay apni amaan main rakh loon

Main teri sari tapish qariya-e-jaan main rakh loon

Janay phir teri yaad kon se pehlo se aye

Jee yeh kehta hai tujhay apnay gumaan main rakh loon

Apnay logon main bhi kuch dost nikal atay hain

Aakhri teer bacha keh apni kamaan main rakh loon

Meri neend main abhi aik khwaab baqi hai

Meri mohabbat ka sawaal jawaab baaqi hai

Ankhon se izhaar-e-mohabbat kiya to hota

Khamoshi ky ghamon ka hisaab baqi hai

Aap ki justago ne aisi aag laga di dil main

Ab bhi shama jalti hai aur iltihaab baaqi hai

Aap hi ki aankhon main gum madhosh rahoon

Woh sunehra lamha shab-e-mehtaab baaqi hai

Murjha chuka hai waqat intizaar kartay kartay

Lakin meri mohabbat ka woh gulaab baaqi hai

Ranga hai mujhay kuch aisay rangon main

Ky wafa ki dastaan aik kitaab baaqi hai

Chuaa hai aap ky labon ko us paimaanay ne

Jis main meri zindagi kuch shraab baaqi hai

Ab junoon kab kis ky bas main hai

Us ki kushboo nafas nafas main hai

Haal us said ka sunaye kiya

Jis ka sayaad khud qafas main hai

Kiya hai gar zindagi ka bas na chala

Zindagi kab kis ky bas main hai

Ghair se to raha zara hoshiyaar

Woh teray jisam ki hawas main hai

Pa shakista para hoon magar

Dil kisi naghma-e-jaras main hai

June hum sab ki dastaras main hain

Woh bhala kis ki dastaras main hai

Hum ko barbaad usi ne kiya jab jaan liya

Paniyon pe jo likha tha ussay sach maan liya

Hum ne dhoonda hi nahin dard ka darmaan hargiz

Aa pari jab koi mushkil ussay asaan liya

Baar ha jo hua barbaad aood ky hathon

Hum ne her baar wohi gosha veeraan liya

Jaan aankhon main simat ayi khabar us ko na di

Us ki purshish ka bhi hum ne kahan ehsaan liya

Ban ky anjaan mile jis ko ujalay main batool

Usi chanada ko andheray main bhi pehchaan liya

Batain kartay huwey hont achanak ruk jatay

Aur aankhain is ky peechay peechay chal parti thein

Dehaan ka rasta kho jata tha

Mehfil main jis simat woh jati

Kamray ka woh hissa jaisay ya'dam roshan ho jata tha

Jado'gar thein aankhain us ki

Palkain thein ik raaz

Rooh main jhil mil kar deti thein

Aisi thi awaaz

Zaahir kisi surat bhi kahin naam na karna

Hain log bhout khaas hamain aam na karna

Janay ki ijazat to diya detay hain lakin

Rastay main kahin atay huywe shaam na karna

Kuch roz se yeh haal hai furqat main tumhari

Be'kaar paray rehna koi kaam na karna

Hum bhi na dikhaein sar-e-raah giribaan

Tum bhi meray wadon ko sar-e-aam na karna

Is shart pe hai tark-e-taaluq ki ijazat

Bad'zamanay main mera naam na karna

Yadon ka nasha hosh urra deta hai arshad

Saaqi se kaho samnay ab jaam na karna

Hum jo bichray to batao bhala kiya ho ga

Teri aankh main jalta hua

Meri yaad ka ik dia ho ga

Poochain gy log

Tujh se sabab teri udasi ka

Kahin palkon pe koi ansoo atka ho ga

Bhool jayein gy log rafta rafta

Samjh kar ik hadsa is ko

In aankhon main magar

Ik dard sa tehar gaya ho ga

Talaaq to de rahay ho gharoor-o-qehar kay saath

Mera shabaab bhi lota do meray mehar kay saath

Kisi ki yaad main ab aisa bhi haal kya karna

Keh jo mila nahin us ka mal'laal kya karna

Ab aisa kiya hua tum jaan haar baithi ho

Zara se hijar pe khud ko nidhaal kya karna

Ussay bhulana bari baat to nahin phir bhi

Ussay bhulanay ka koi kamaal kya karna

Yeh zindagi to faqat rog ban gayi hai

Dil-e-tabbah ka her pal kya karna

Bhout mumkin hai duniya cheen le mujh se teri yadain

Keh main ab aur teray gham ki hifazat kar nahin sakta

Mujhay azaad kar touq-e-aseeri bakshanay wale

Main zanjeeron main ilaan-e-bagawat kar nahin sakta

Meri mushkil yeh hai keh mujhay adakaari nahin ati

Haqeeqi aadmi rasmi mohabbat kar nahin sakta

Hum ne khud main aap ko paroya hai

Hum ne khud main aap ko

paroya hai aik tasbeeh ki tarah

Agar hum tootay to

Bikhar aap bhi jayein gay

Main ussay chor ayi hoon

Main ussay chor aayi hoon

Main mohabbat ki ibtidaa aur

Intihaa kay mutalaq nahin jaanti

Main us kay mehni bhi samjhi nahin hoon

Magar jis kay bina

Saans lena bhi mumkin nahin tha

Jis kay bicharnay kay khayal se hi

Dil ki sari ragein toot'ti thein

Woh jis ki kaj'adaai

Sahi nahin jati thi

Woh jis ki aik pal ki be'rukhi se

Kamlaa si jati thi

Woh jis ki halki si takleef

Mujhay bo'khalaa deti hai

Woh jsi ki choti si farmaish

Poori karnay ko kya kya jatan karti thi

Jis ki her baat seh jati thi

Jissay roothnay nahin deti thi

Aaj us ki aakhri tamana bhi

Puri kar aayi hoon

haan tum sahi samjhay ho

Main us kay liye ussay chor aayi hoon

jis kay na honay se

Meray jeevan kay sab rang khatam ho gaye hain

Kabhi daman , kabhi palkein bighona kis ko kehtay hain

Kisi mazloom se pocho keh rona kis ko kehtay hain

Rafu karna jissay aata hai apnay dil kay zakhmon ko

Tumhein bat'laye ga seena parona kis ko kehtay hain

Kabhi meri jaga khud ko rakho phir jaan jaao gay

Keh duniya bhar kay dukh dil main samona kis ko kehtay hain

Na khawab awar dawaein kha kay bhi neend aa sakay tum ko

Samjh lo gay keh kaanton ka bichona kis ko kehtay hain

Meri aankhein meray chehray ko ik din ghour se dekho

Magar mat poochna , veeran hona kis ko kehtay hain

Tumhara dil kabhi pighlay agar gham ki haraarat se

Tumhein maloom ho jaye ga rona kis ko kehtay hain