Zakhm yaadon kay nahin mit'tay hain asaani se

Zakhm yaadon kay nahin mit'tay hain asaani se

Daagh dhultay hain kahan behtay huye paani se 

Dekhti jaati hoon mailay ka tamasha chup chaap 

Kya pata bol paray aankh hi veerani se 

Roshni ka yeh khazana meri aankhein hi na hon 

Shamma to main ne bhujha di hai parishaani se 

Meray chehray pe jhalakta hai kisi aur ka aks

Aaina dekh raha hai mujhay hairaani se

Baandh li main ne dua rikhat-e-safar main "Naina"

Dar jo lagta hai mujhay be'sar-o-samani se

Zakhm yaadon kay nahin mit'tay hain asaani se

Zakhm yaadon kay nahin mit'tay hain asaani se

Daagh dhultay hain kahan behtay huye paani se 

Dekhti jaati hoon mailay ka tamasha chup chaap 

Kya pata bol paray aankh hi veerani se 

Roshni ka yeh khazana meri aankhein hi na hon 

Shamma to main ne bhujha di hai parishaani se 

Meray chehray pe jhalakta hai kisi aur ka aks

Aaina dekh raha hai mujhay hairaani se

Baandh li main ne dua rikhat-e-safar main "Naina"

Dar jo lagta hai mujhay be'sar-o-samani se

Misal-e-barg main khud ko urana chahti hoon

Misal-e-barg main khud ko urana chahti hoon

Hawa-e-tund pe maskan bana'na chahti hoon 

Woh jin ki aankhon main hota hai zindagi main malaal 

Usi qabeelay se khud ko milaana chahti hoon 

Jahan kay band hain , sadiyon se mujh pe darwaze 

Main ik baar usi ghar main jaana chahti hoon 

Sitam sha'aar ki chokhat pe adal ki zanjeer

Bara'ey daad rasi ab hilana chahti hoon 

Na'janay kaisay guzaron gi hijar ki saa'at 

Gharri ko tor kay sab bhool jaana chahti hoon 

Musafaton ko mili Manzil-e-talab "Naina"

Wafa ki raah main apna thikaana chahti hoon