Imran's Poetry: 12/25/14

Dec 25, 2014

Dard ki dastaan abhi baaqi hai

Mohabbat ka imtihaan abhi baaqi hai

Dil karay phir wafa karnay aa jaana

Dil hi to toota hai , jaan abhi baaqi hai

Talaash kar na saka phir mujhay wahan ja kar

Ghalat samjh kay jahan us ne kho diya tha mujhay

Main likhon to kiya likhon teri tareef main

Meri soch kay dairay se bahir hai tameer teray husn ki

Lagta hai raqeebon ki baaton main aa gaye ho tum

Milna to bhout door ab guftagoo karna bhi gawara nahin samjhtay

Baarish ki awargi ne her rut badal daali

Jinhain mushkil se bhoolay thay woh phir yaad aanay lagay

Hansaata tha phir mujhay rula bhi deta tha

Kar kay aksar waday mujh se bhula bhi deta tha

Be'wafa tha magar acha lagta tha dil ko

Kabhi kabhi baatain mohabbat ki suna bhi deta tha

Thaam leta tha haath mera kabhi youn hi khud

Kabhi haath apna meray haath se chura bhi leta tha

Kabhi be'waqat chala aata tha milnay ko

Kabhi qeemti pal mohabbat kay ganwaa bhi deta tha

Ajab dhoop chaaon sa mijaaz tha us ka

Moh'tabar bhi karta tha nazron se gira bhi deta tha

De diya ishq ki nokri se isteefa main ne

Keh abhi umar nahin meri itnay gham uthanay ki

Yahan pal pal jalna parta hai

Her rang main dhalna parta hai

Her mor pe thokar lagti hai

Her haal mainchalna parta hai

Her dil ko samjhanay kay liye khud se larna parta hai

Kabhi kabhi khud ko khona parta hai

Kabhi chup chup kay rona parta hai

Kabhi neend na aaye phoolon pe

Kabhi kaanton pe sona parta hai

Kabhi mar kay jeena parta hai

Kabhi jee kay ,arna parta hai

Kabhi to khushiyaan loat kay aayein gi

Is aas pe jeena parta hai

Ajab hai uljan meri , ajab tarz-e-zindagi hai

Kabhi gham hai apna saaya

Kabhi be'naam se khushi hai

Kis pe karon bharosa

Kis se karon main shikwa

Sab naam kay hain rishtay

Baraf chehron pe jami hai

Chaha to hai sabhi ne

Par apnay apnay dhang se

Jana nahin kisi ne

Meri zaat ki jo kami hai

Main ne to jaan-o-dil se nibhaye saaray rishtay dost

Is ka sila to dekho aankhon main bas nami hai

Khud ko bana lo sang'dil

Yahi seekha hai is chaman se

Yahi dastaan-e-zindagi hai

Duniya lafzon se bas saji hai

Nafrat ki aag ko mohabbat kay lahoo se bhujha dena fitrat hai hamari

Hum woh pagal log hain jinhain kisi ki be'wafai se bhi pyaar ho jaata hai

Tujhay paanay ki hasrat main kab tak tarasta rahoon

Koi aisa de dhoka keh meri saans toot jaye aur teri jaan choot jaye

Khuda ka shukar hai jo us ne khwaab bana diya

Warna us se milnay ki tamana kabhi poori na hoti

Hoti jo agar mohabbat to woh poochtay zaroor haal hamara Dost

Hum itnay khush naseeb kahan keh koi hamain dil se yaad karay

Karni hai khuda se ik guzarish

Keh teray pyaar kay siwa koi bandagi na milay

Her zindagi main milay teray jaisa dost

Yaar phir kabhi zindagi na milay

Khush mizaaji bhi mashoor thi hamari

Saadgi bhi kamaal hai

Hum shareer bhi intiha kay thay

Ab sanjeeda bhi be'misaal hain

Woh ik shakhs jo hamain zindagi se pyaara hai

Baghair us kay veraan yeh jahan saara hai

Woh nahin janat keh us ki zaat kiya hai

Wohi to hai jo mohabbat ka ik sitaara hai

Nahin milta to dil ki halat ajeeb hoti hai

Keh is main mera nahin dil ka qasoor sara hai

Woh apni sab baaton ko chup chup kay biyaan karta hai

Yahi to ada hai jis ne hamain maara hai

Woh kiya tha

Kiya hai

Kiya ho ga

Kiya khabar

Yahi pata hai keh woh jaisa bhi hai

Bas hamara hai

Main ne ilaaj-e-ishq jo poocha tabeeb se

Dheemay se lehjay main bola 'zara piya karo '

Chalo hum maan letay hain

Tumhain hum kho chukay lakin

Tumhari yaad ab tak bhi

Hamain be'taab rakhti hai

Hamari saans ab tak bhi

Tumhari aas rakhti hai

Magar ab yeh bhi suntay hain

Tumhain bhi mil gaya koi

Magar afsoos hum jaisa

Agar paao kahin tum to

Mujhay do harf likh dena

Manzil mil gayi mujh ko

Uljhay huye halaat kay shikwa na kiya kar

Khairaat main khushiyon ki tamana na kiya kar

So baar kaha itni mohabbat nahin achi

So baar kaha itna bharosa na kiya kar

Halaat tujh ko mujh se na milnay kabhi dain gay

Ae mehboob meray , meri tamana na kiya kar

Kiya jannay yeh kis mor pe lay jaye zamana

Tu mujh ko kisi pal bhi elehda na kiya kar

Mumkin hai kisi roz mar jaaon achanak

Tu mujh se pyaar itna ziyada na kiya kar

Ae zindagi ja dhoond koi kho gaya mujh se

Woh nahin mila to sun tujhay bhi khuda hafiz

Bari tabdiliyaan laye hain apnay aap main lakin

Tumhain bas yaad rakhnay ki woh aadat ab bhi baaqi hai

Darja'bandi dekhi jaye to hamara yaar awwal hai

Rooth janay main , dil jalanay main , bhool janay main

Ab kay zikar mera un kay hawalon main nahin tha

Shyed main kahin chahnay walon main nahin tha

Lagta hai keh qismat main andheray hi likhaye thay

MAin raat ka jugnoo tha ujaalon main nahin tha

Kiyon ppochtay phirtay ho meray pyaar ka qissa

Kirdaar main shamil tha misaalon main nahin tha

Ghairon ki tarah un kay rawaye thay meray saath

Main ab kay baras un kay khayalon main nahin tha

BAnn thann kay guzarta tha woh zulfon ko sanwaray

Is bahar koi phool to us kay baalon main nahin tha

MAin us ki isi baat pe hairaan hua hoon

Pehlay sa maza us kay sawalon main nahin tha

Hairat se meray dost mujhay dekh rahay hain

Yeh zakham to guzray huye saalon main nahin tha

Ussay kehna gilay un se hotay hain

Jo dil kay paas hotay hain

Shikayat us se hoti hai

Jo be'had khaas hotay hain

Mera tujh se gila karna

Tumhain youn hi rula dena

Khafa karna

Teri ta'eed kay badlay jafa karna

Mohabbat ki alaamat hai

Mohabbat main kabhi hargiz

Issay dil par nahin lena

Ussay kehna mohabbat ki

Tawaqo un se hoti hai

Keh jin se aas hoti hai

Gilay un hi se hotay hain

Jo dil kay paas hotay hain

Baaz aa jayo apni be'rukhi se warna

Jissay hum bhool jaatay hain to bas phir bhool hi jaatay hain

Dekhna tum meri mout ka sun kar bhi bhi na aayo gay

Tum samjh baitho gay yeh koi aur bahana hai phir se milnay ka

Yahan khamosh nazron ka nazara kon banta hai

Bhout gehray samandar ka kinara kon banta hai

Chalo hum dekhtay hain ab khud ko barbaad kar kay bhi

Hamari bar'badiyon main bhi hamara kon banta hai

Koi sheesha agar tootay to wapis jurr nahin sakta

Mohabbat main fanaa ho kar dobara kon banta hai

Chalo phir azmaa lo tum sabhi apnay paraon ko

Tumharay dard main dekhain tumhara kon banta hai

Kamzor par gaya hai mujh se tumhara taaluq

Ya phir , kahin aur silsaly mazboot ho gaye hain

Meri chahaton main shikwaye

Teray raabton amin waqfay

Haan yahi nishaaniyaan hain

Keh tu door ho raha hai

Elaaj-e-dard-e-dil tum se

Maseeha tum se ho nahin sakta

Tum acha kar nahin saktay

MAin acha ho nahin sakta

Ussay kehna keh us ki yaad main be'had azziyat hai

Ya apna naqsh dho jaye , ya phir se mera ho jaye

Tumhain jo yaad rakha hai yahi apni mohabbat hai

Tumhain jo yaad rakha hai

Yahi apni mohabbat hai

Mohabbat karnay walon ki

Mohabbat kab badalti hai

Jo dil main naqsh ho jaye

Aur nigahon main simat aaye

Alaamat hai yeh chahat ki

To chahat kab badalti hai

Tum hi ko chahtay hain hum

Tum hi se pyaar kartay hain

Yehi barson se aadat hai

Aur aadat kab badalti hai

Yeh ek lafaz shayed ban gaya hai zindagi meri

Woh ik masoom si chahat

Woh ik be'naam si ulfat

Woh meri zaat ka hissa

Woh meri zeest ka qissa

Mujhay mehsoos hota hai

Woh meray paas hai ab bhi

Woh jab jab yaad aata hai

Nigahon main samaata hai

Zubaan khamosh hoti hai

Magar yeh aankh roti hai

Main khud se pooch leta hoon

Jissay main yaad karta hoon

Ussay kiy apyaar tha mujh se

Jawaban soch leta hoon

Ussay bhi pyaar tha shyed

Isi Shayed se wabasta hai ab to her khushi meri

Yeh ek lafaz shayed

ban gaya hai zindagi meri

Tumhain chaand kahon ya chaand jaisa kahon

Teray hi khayal main raat guzar jaati hai

Be'basi kay haal main raat guzar jaati hai

Tu mujhay yaad karta hai keh nahin

Isi sawal main raat guzar jaati hai

Teray chehray ka aks zehan main banaata hoon

Tasawur-e-hilaal main raat guzar jaati hai

Tumhain chaand kahon ya chaand jaisa kahon

Sochon kay jaal main raat guzar jaati hai

Kaash keh tu her waqat meray saath rahay

Khwaish-e-kamal main raat guzar jaati hai

Raat ki tanhai main , meri aankhon se girtay aansoo bhi bol uthaye

Mat baha hamain itna , keh hum teri aankhon main aana hi chor dain

Ek dojay kay ho jayein hamain aisi haseen ek raat chahiye

Jaisay phool se juda hoti nahin khushboo

Mujhay aisa tera saath chahiye

Meray liye na sahi zamanay kay liye sahi

Meray haathon main hona tera haath chahiye

Dil se mil jaye dil sada kay liye

Haan aisi hi haseen mulaqaat

Raat to aati hai her subha kay baad

Raat main bhi honi kuch baat chahiye

Zabardati ka pyaar bhala kis kaam ka

Tera pyaar mujhay dil se din raat chahiye

Hum tum se bhout mohabbat kartay hain

Teri la'jawab chahat ko hum bhulayein kaisay

Tum ko bhool kar khud ko chain dilaein kaisay

NA janay kon si kashish teray paas lay aati hai

Teray paas aa kar tujh main samyein kaisay

Hum ne dil se chaha hai tujhay magar

Teri chahat kay qabil khud ko banayein kaisay

Kiyon poochtay ho hum se aanso'on ki shiddat

Hum in main tera aks tujhay dikhaein kaisay

Hum tum se bhout mohabbat kartay hain

Magar tumhain yeh ehsaas dilaein kaisay

Unhain hum se shikayat hai keh hum her kisi ko dil main basaatay hain Dost

NA samjh hain woh nahin samjhein gay keh hamain her chehray main wohi woh nazar aatay hain

Jeetay thay kabhi hum bhi shaan se

Mehak uth'ti thi fiza kisi kay naam se

Magar guzray hain kuch aisay maqaam se

Keh nafrat si ho gayi hai mohabbat kay naam se

Bas dua karna meray liye

Kuch din jee loon teray liye

Saans chalay saath saath

Meray haath main ho tera haath

Meri her khushi teray liye

Tera her dukh ho meray liye

Mehsoos ho yahi tamaam umar

Tum jee rahay ho meray liye

Main jee rahi hoon teray liye

Chalo keh dain zamanay bhar se

Keh tum ho meray liye

Main hoon teray liye

Bas dua karna meray liye

Kuch din jee loon teray liye

Dil behal jaye to chor detay hain log

Koi aur mil jaye to chor detay hain log

Char din ki chandani ki qadar karna dosto

Chandani chal jaye to chor detay hain log

Qasmain to khaatay hain log sadaa jeenay ki

Zehan badal jaye to chor detay hain log

Din badal jayein to jazbaat badal jaatay hain

Halaat badal jayein to chor detay hain log

Log mohabbat kartay hain matlab kay liye

Matlab nikal jaye to chor detay hain log