Imran's Poetry: 06/14/14

Jun 14, 2014

Laaon kahan se dhoond kay yaadon ki roshni

Tareek ho gaya hai mohabbat ka yeh safar

Andheray mangnay aye thay roshni ki bheek

Hum apna ghar na jalatay to aur kiya kartay

Resham hoon roshni ka hawaon main urr na jayon

Tu mujh ko apnay lams ky anchal main de pannah

Tum bhi denay lagi duniya ko andheron ka pata

Roshni bhi to thi ek zamanay kay liye

Yeh kiya kahabar thi keh daka paray ga aankhon par

Hamaray ghar main hamain roshni ne loota hai

Milti hai mujh ko is ki lakeeron main roshni

Main jab shafeeq dekhta hoon apnay hath ko

Ussay dekho jo tumhari taraf dekhta hai

Us se mohabbat karo jo tum se mohabbat karta hai

Us ki suno jo tumhari sunta hai

Aur apna hath ussay jo thamna chahta hai

Jo umda guftagoo karta hai

Woh mohabbat karnay main dair nahin karta

Afreen hai us mohabbat par jo izhaar

Jo izhaar se qabool ho jaye

Mohabbat apnay aap ko paish karti hai

Issay khreeda nahin ja sakta

Mohabbat aik aisi cheez hai

Jo seekhnay aur batanay ki nahin

Mohabbat aur shak

Aik dil main jama nahin hotay

Mohabbat dukhon ki sar zameen

Aur ansoo'on ka samandar hai

Yeh mout ky waday aur zindagi ka khatama hai

Mohabbat agar sachi ho to manzal tak

Ponchana asaan hai

Mohabbat kartay hain to zindagi

Bahaar kay liye karo

Chand dino kay liye nahin

Jazbaat , ehsaasat , azmaishon

Aur khwaishaat se mat khelo

Us ne bhi loat ky anay main umar ganwa di

Us ne bhi loat kay anay main umar ganwa di

Jis ko so baar kaha shaam na honay dena

Be'khawabi kay aadi hum bhi jab se huye hain

Be'khawabi kay aadi hum bhi

Jab se huye hain

Khawab sohanay bikar gaye hain

Guriyan aur patolay jab se

Chootay tab se ....

Meet puranay bichar gaye hain

Sach poocho to ..............

Dil to apna ab bhi chahye

Mazi apna palat kay aaye

Raat ko saray bachay phir se

Aankh macholi khelein phir se

Lakin jana .......

Ab yeh sab kuch kab mumkin hai

Umar kay pal kay neechay se to

Khasa pani guzar chuka hai

Charhta dariya utar chuka hai

Hasti apni habaab ki si hai

Yeh numaish saraab ki si hai

Naazki us ky lab ki kiya kehyea

Pankhari ik gulaab ki si hai

Bar bar us ky dar pe jata hoon

Halat ab iztraab ki si hai

Mir un neem'baaz aankhon main

Sari masti shraab ki si hai

Ik jhonka choo kar guzra hai

Koi yaar purana guzar gaya

Phir yadain dil main jagi hain

Koi kushboo ly kar guzra hai

Phir zindagi yahan par tehar gai

Koi waqat thaam kar guzar gaya

Phir beeti batain yaad ayein

Koi sapna dekha kar guzar gaya

Phir teri be'wafai yaad ayi

Koi rukh mor kar guzar gaya

Phir pairr hara sa gir gaya

Koi dil tor kar guzar gaya

Zara si baat pe her rasam tor aya tha

Dil-e-tabaah ne bhi kiya mizaaj paya tha

Mauaaf kar na saki meri zindagi mujh ko

Woh ik lamhay main tujh se tang aya tha

Shagufta phool smait kar khali banay jaisay

Kuch is tarah se tu ne badan churaya tha

Guzar gaya hai koi Lamha-e-shaher ki tarah

Abhi to main ussay pehchaan bhi na paya tha

Pata nahin keh meray baad un pe kiya guzri

MAin chand khwaab zamanay main chor aya tha

Khamosh ho khoye khoye ho

Us shakhs ki yaad main roye ho

Woh jis ne tumhain barbaad kiya

Bhoolay sy nakabhi yaad kiya

Woh jis ky piyaar main barson se

Tum jagay aur na soye ho

Jo saray rishtay chor gaya

Aur tanha tum ko chor gaya

Tum ab dil ki duniya main

Us shakhs ki yaad samoye ho

Dil ki baat zubaan tak lana kitna mushkil hai

Haal-e-dil aur'on ko sunana kitna mushkil hai

Aik hamain hai teri chahat ' aik duniya ki majboori

Beech samandar dia jalana kitna mushkil hai

Tum duniya ky shaidai ho , main sapno ka bashinda

Sath hamain youn tera nibhana kitna mushkil hai

Aik nayi duniya ki chahat liye , aya hai kitni door

Wapis loat ky ghar ko jana kitna mushkil hai

Wehsahat ky saaz pe raksaan maatam ky kuch alfaaz

In honton pe geet sajana kitna mushkil hai

Ab to her aik hi hum ko dard ka mara lagta hai

Apnay zakham logon ko dekhana kitna mushkil hai

Roz mujh se aik nayi tamana karta hai yeh mera dil

Is nadaan bachay ko samjhna kitna mushkil hai

Hum aankhon se kehnay wale , tum hontonko sunanay wale

Apni chahat youn tumhain batana kitna mushkil hai

Us ne phir poocha meri khamoshi ka sabab

Is rangeen duniya main udasi ka sabab

Is tarah toot ky chahnay ka sabab

Youn apnay dil main basanay ka sabab

Her lamha us ko sochnay ka sabab

Apnay naam se youn jurnay ka sabab

Bahnon main rakhnay ki tamana ka sabab

Labon se choonay ki tamana ka sabab

Juda ho janay ky dar ka sabab

Kho janay ky dar ka sabab

Bichar janay ky dar ka sabab

Bhool janay ky dar ka sabab

Kiya kahoon main , kiya kehta

Bas yahi keh saka ,keh

Tum meri ho

Mujhay tum se mohabbat hai

Sochti hoon janay kaisay ? keh paaon gi main ussay

Milti hoon to dil ki sari batain badal jati hain

Chahaye manzal dushwaar ho aur door bhi

Hamsafar us jaisa ho to musaftaein badal jati hain

Youn to raat ka aalam haseen hota hai , madhosh bhi

Magar chaand dekhon to meri raatein badal jati hain

Mat chaho keh mujhay aadat nahin itnay chahnay walon ki

Yeh na hon log kahin , jald hi aadatain badal jati hain

Yeh jo ik pyara sa rishta hai kuch tera hai kuch mera hai

Yeh jo ik pyara sa rishta hai

Kuch tera hai , kuch mera hai

Kahin likha nahin kahin parha nahin

Kahin dekha nahin , kahin suna nahin

Phir bhi jaan pehchaan hai

Kuch tera hai , kuch mera hai

Kuch mousam sa , kuch albela

Kuch apna sa kuch begana sa

Kuch chanchal sa kuch sharmeela

Kuch sukh sa , kuch sanjeeda hai

Kuch uljha hua , kuch suljha hua

Kuch masti bhara kuch khafa khafa hai

Kuch mera hai kuch tera hai

Yeh piyara sa jo rishta hai

Kabhi karri dhoop main saya hai

KAbhi andheri raat main jugnoo hai

KAbhi bin badal barasta hai

Kabhi bhatkay huuon ka rah'bar hai

Kabhi rasta kabhi manza hai

Kuch tera hai kuch maera hai

Yeh piyaar sa jo rishta hai

Kabhi dhaagay se issay baanda nahin

Kabhi ehad-o-piaymaan main jakra nahin

Kabhi haq bhi to apna jataya nahin

phir bhi yeh kitna piyara hai

Jisay hum ne sachay moti ki tarah

Dil ki seep main qaid kiya

Sab ki nazron se dhaanmp liya

Kabhi maan diya , kabhi aitabaar kiya

Sab kuch hi is par waar diya

Kuch Mera hai kuch tera hai

Yeh piyara sa jo rishta hai

Bhout door hai tu magar phir bhi hum ko

Teray paas anay ko dil chahata hai

Dosti tujh se nahin teri seerat sy ki hai

Is liye dost bananay ko dil chahata hai

Bhroosa na tha dosti par kabhi hum ko

Teray milnay ky baad bhroosa karnay ko jee chahata hai

Hamain narazgi main is tarah manaya hai yu ne

Keh phir rooth janay ko jee chahata hai

Tu acha hai tujh se to rootha na jaye

Par tujh ko stanay ko dil chahta hai

Dosti ne dia bhout fraib hum ko magar

Teri dosto ko nibhanay ko dil chahata hai

Tu sehta hai sab kuch magar piyaar karta hai

Allah se tujhay mangnay ko dil chahata hai

Dosti ik anmol rishta hai

Jo ik phool ki manind hai

Woh phool keh jo khil kar

Saray baagh ko motabar kar dy

Haan dosti wohi rishta hai

Jo do dilon se shuro hota hai magar

Jan'mon yaad rehta hai

Jan'mon sath rehta hai

Haan woh rishta hai

keh jo kabhi bhulaya nahin ja sakta

Kabhi tora nahin ja sakta

Haan sachi dosti kabhi toot'ti nahin

Kabhi mit'ti nahin

To phir ik ehad karain

Hum bhi sachi dosti karain

Yeh na samjh ky bichra hoon to bhool gaya hoon

Teri dosti ki kushboo meray hathon main aaj bhi hai

Mohabbat se barh kar mujhay tum se aqidat hai ae dost

Yeh maqaam tera buland tera sab doston main aaj bhi hai

Tu woh hai jo barson ki talash ka samar hai

Tumhain sochna meri yadon main aaj bhi hai

Yeh aur baat hai keh majbooriyon ne nibhane na di dosti

Warn ashamil sachai meri wafaon main aaj bhi hai

Mera her shair meri chahaton ki gawahi de ga

Chahaton ki kushboo in lafzon main aaj bhi hai

Zindagi main jis ko barh ky chaha woh tum hi ho

Waisay shamil her shakhs meray doston main aaj bhi hai

Shairon ka lafaz lafaz tasawar bana hai

Sfhay sfhay main ik aks kitabon main aaj bhi hai

Her lamha zindagi main mohabbatein naseeb hon tumhain

Shamil meri duaon main tu aaj bhi hai

Itna hi yaad rakh mujhay

Jaisay kisi kitaab main

Beetay dino ky dost ka

Khat ik parra hua milay

Lafaz mittay mittay se hon

Rang ura ura sa ho

LAkin woh ajnabi na ho

Uth kar teray galay lagay

Bhoolay huye tamaam dukh

Guzray huye tamaam sukh

Beetay dino ki qitaah

Tum se kahay aur ro paray

Itna hi yaad rakh mujhay

Beetay dino ky dost ka

Jaisay koi khat mile

Rakha hua kitaab main

Main ne dhoonda sabr-o-qaraar

Subha ki thandak main

Din ky ujalay main

Chaand kay halay main

Shaam ki sehnai main

Raat ki tanhai main

Doston ky jhamaily main

Aur baith ky akelay main

Main ne dhoonda sabr-o-qaraar

Kushiyon ky mousam main

Ansoo'on ky alam main

Dosron ki baaton main

Be'cain raton main

Doston ki qurbat main

Apno ki mohabbat main

Chaand ki chandani main

Main ne dhoonda sabr-o-qaraar

Chain se na soya main

Din raat roya main

Haqeeqat hui mujh pe zahir

Aur mil gaya mujh ko aakhir

Meray dil ka sabr-o-qaraar

Meri duaon main

Sari iltajaon main

Sadgi ibadat main

Rab se mohabbat main

Aur phir koi dukh koi azaab

Koi ranj na raha is kushi ky baad

Meray khaliq , meray maalik

Meri Allah se dosti ky baad

Hamara tumhara sath bas yahin tak tha

Rok lo qadam jee bhar ky dekho

Hamara tumhara sath bas yahin tak tha

Manzal mile na mile ab hamari qismat

Keh zindagi ky sath safar bas yahin tak tha

Tum chal nahin saktay is se aagay ik qadam

Ruk jayo keh phoolon kachaman yahin tak tha

Aagay aa rahin hain gham mujh se milnay galay

Keh apni kushiyon ka thikana bas yahin tak tha

Utho aur naye ham'raahi talaash karo

Keh yeh khwaab suhana bas yahin tak tha

Basi hain ajab khwaishain meray dil main

Mujhay chahaye janay ki khwaish nahin hai

Hamesha rahay woh meray samnay bas

MAin us se kahoon aur woh mujh ko sunnay bas

Meray dil main utray yeh hasrat nahin hai

Basi hain ajab khwaishain meray dil main

Jo main rooth jayon to mujh ko manaye

Meray paas aye zara muskuraye

Jo main ro paron to woh ansoo bahaye

Dupatay ky palu se meri bheegi palkon ky aansoo smaitay

Meray paas baithay

Mujhay batlaye , mujhay samjhaye

Yeh her pal udasi kuch achi nahin hai

Tumhari nigha'on main rim jhim yeh shabnam

kuch sajti nahin hai

Nahin chahat keh woh mujh ko sochay

Mujhi ko woh chahaye

Mujhay apnay jeevan ka hissa banaye

Mujhay us ki chahat se matlab nahin hai

Us ki mohabbat ki chahat nahin hai

Haan khwaish hai jis ki

Hai woh lafaz Tawajah

Woh shab dosti hai

Suno tum mujhay achi lagti ho

Suno

Tum mujhay achi lagti ho

Tumharay bholay pan se piyaar karna

Mujhay acha lagta hai

Duniya ky fraib main

Ek tumhara lehja hi sacha lagta hai

Tumharo mohabatein hain ik sogaat meri

Tumhari zaat hai ik roshan sitara

Zamanay ki sakhti rahay door tum se

Sada qaim rahay rishta hamara

Youn hi sada kush rahao

Shaad raho abaad raho

Kushiyon se hum'kinaar raho

Dost ban ban ke mile mujh ko mitanay wale

Main ne daikhay hain kai rang badalnay wale

Tum ne chup reh kar sitam aur bhi dhaya mujh par

Tum se achay hain meray haal pe hansanay wale

Main to ikhlaaq ky hathon hi bika karta hoon

Aur hon gy teray bazaar main biknay wale

Aakhri dour pe Salam-e-dil-e-muztar le lo

Phir na loatain gy shab-e-hijar pe ronay wale

Tu door hai mujh se , par paas bhi hai

Teri kami main kahin , tera ehsaas bhi hai

Tujh se dost hain laakhon jahan main meray

Par tu dost bhi hai aur khaas bhi hai

Tu ne kushiyaan mujhay itni de hain keh aaj

Tujhay khonay ka dil main ehsaas bhi nahin hai

Khuda ne youn nawaza , teri dosti se mujhay

Keh mujhay khud pe gumaan hai aur naaz bhi hai

Kiya kahabr tum ko dosti kiya hai

Yeh roshni bhi hai andhera bhi hai

Khwaishon se bhara jazeera bhi hai

Bhout anmol ik heera bhi hai

Dosti ik haseen khwaab bhi hai

Paas se dekho to saraab bhi hai

Dukh milnay pe yeh azaab bhi hai

Aur yeh piyaar ka jawaaz bhi hai

Dosti youn to maya jaal bhi hai

Ik haqeeqat bhai 'ik khyal bhi hai

Kabhi furqat kabhi wisaal bhi hai

Kabhi zameen kabhi falaq bhi hai

Dosti jhoot bhi hai sach bhi hai

Dil main reh jaye to kasak bhi hai

Kabhi yeh haar , kabhi yeh jeet bhi hai

Dosti saaz bhi sangeet bhi hai

Shair bhi , nazam bhi , geet bhi hai

Wafa kiya hai wafa bhi dosti hai

Dil se nikli dua bhi dosti hai

Bas itn asamjh lo to

Piyaar ki intiha bhi dosti hai

Bas tum mujhay achi lagti ho

Tum itni sundar ho keh nahin

|Tumhain aik nazar jo dekhay woh

Sudh budh bhoolay , madhosh rahay

Bas tum mujhay achi lagti ho

Tum hans do to mousam badlay

Tum jaago to duniya jaagay

Jhilmil jhilmil manzar hon sab

Auna soog hi kuch aagay

Bas tum ko dekhain , aur dekhtay hi jayein

Maloom nahi tum itni piyari

Itni sundar ho keh nahin

Bas tum mjuhay achi lagti ho

Mujh se ziada agar tumhain koi chahaye to

Meray hathon se apna hath churra lena

Apnay daman se meri umeedain

Meray sajdon se apna sar hata lena

Mujh se ziada agar tumhain koi chahaye to

Tor den apiyaar ki zanjeerain

Mita lena apnay hathon se lakerain

Meri aankhon se apnay khwaab

Khwabon se meri tasveer mita lena

Magar shart yeh hai

Mujh se ziada agar tumhain koi chahaye to

Itni si dua hai keh anay wala her lamha

Haseen chahaton ky phool bakhshay urooj bakshay

Tumhari duniy main roshni ho

tumhari mehfil main kushiyaan hoon

Kabhi bhi tum tak dukhon ki dastak na ponch paye

Tumhari aankhon main jo sitaray chamak rahay hain

Youn hi chamaktay rahein hamesha

Tumharay dil tak judaeiyon , be'wafaiyon ki koi andheri kiran na ponchay

Khuda karay keh tum her aik dil ka qaraar looto

Tumhari her aik tamana her aik khwaish tumhari

Honton tak atay atay tumharay qadmon tak aa ponchay

Jo ho sakay to main tumharay sab dukhon ko apnay andar utaar loon

JAnta hoon yeh mumkin nahin magar dua to mera haq hai

Yeh muktasir duaon ka tohfa sambhaal rakhna

Meray andheron ki fikar chor do

Tum bas apna khyaal rakhna

Kaisay bataon main tumhain , meray liye tum kon ho

Kaisay bataon main tumhain

Meray liye tum kon ho

Yadon main tum , khwaabon main tum

Sansoon main tum , aahon main tum

Meray liye hansana bhi tum , Meray liye ron abhi tum

Meray liye pana bhi tum , meray liye khon abhi tum

Tum subha main tum shaam main

Tum sochon main , Tum ho meray her kaam main

Tum din main , tum raat main

Tum ho meri her baat main

Kaisay bataon main tumhain , meray liye tum kon ho

Yeh jo tera roop hai , yeh zindagi ki dhoop hai

Chandan se trasha badan , mehka hai jis main gagan

Yeh shokiyan , yeh mastiyan , tumhain hawaon si mile

Zulfon ko ghataon se mile

Honton pe kaliyaan khil gayi , aankhon ko jheel mil gayi

Sheshay ky jais ang hai , pholon ky jais arang hai

Nadiyon ki khail si chaal hai

kya husan hai kiya haal hai

Kaisay bataon main tumhain , meray liye tum kon ho

Takta hoon main jissay her pal tumhi woh tasveer ho

Tumhi taqdeer ho meri , tumhi nizara ho mera

Tumhi sitara ho mera

Meray saray jeevan main tum

Her pal main tum , Her kirchan main tum

Meray liye sagar bhi tum ,meray liye sahil bhi tum

Meray liye raasta bhi tum , Meray liye manzal bhi tum

Kaisay bataon main tumhain , meray liye ..

Kaisay bataon main tumhain , meray liye tum kon ho

Ussay anjanay raaston se guzar janay ki khwaish thi

Mohabbat main amar honay ki

Mar janay ki khwaish thi

Woh kehta tha keh jeevan tairagi hai

Uar hamain is tairagi main

Rang bharnay hain

Roshni ky

Yeh hum ko muktasar se

Chan lamhay jo qismat se muyassar hain

Yeh lamhay hum dono ko baa'ham

Mohabbat se abaad karnay hain

Kisi ko dekhna hai aur

Kisi se baat karni hai

Jahan yeh din guzar jayein

Wahin pe raat karni hai

Woh kehta tha

Mohabbat ka koi mousam nahin hota

Yeh her mousam ky jazbay hain

Kabhi bhi kam nahin hotay

Adhoori se mohabbat hai

Hamain takmeel kari hai

Mohabbat ko naye dhab se

Basar karnay ki khwaish thi

Usay shab bhar jagati hai

Na janay kon si chahat

Ussay her pal rulati hai

Shnasa tha magar

Her aik se anjaan rehta tha

Bhout aadat thi lakin

Sada veeraan rehta tha

Ussay her shakhs ko

Hairaan kar janay ki khwaish thi

Mohabbat main amar honay ki

Mar janay ki khwaish thi

Tark-e-taluqaat pe roya na tu na main

Lakin yeh kya keh chain se soya na tu na main

Kitna mushkil hai kushbo'on kay liye

Kitna mushkil hai khushbo'on kay liye

Rooth kar bhi gulaab main rehna

Tanha thi aur hamesha se tanha hai zindagi

Hai zindagi ka naam , magar kya hai zindagi

Meray mehboob ne wada kiya hai panchwein din ka

Add caption

Meray mehboob ne wada kiya hai panchwein din ka

Kisi se sun liya ho ga keh duniya chaar din ki hai

Piyaar aur mohabbat us dour ki baat hai faraz

Pyar aur mohabbat us dour ki baat hai faraz

Jab makaan kacchay aur log sacchay hua kartay thay

Her shaks nahin hota her shaks ky qabal

Her shakhs nahin hota her shakhs kay qaabil

Her shakhs ko apnay liye socha nahin kartay

Meri aankhon ky samandar main jalan kaisi hai

Aaj phir dil ko tarapnay ki lagan kaisi hai

Ab kisi chhat pe chiragon ki qatarain bhi nahin

Ab teray shaher ki galiyon main ghuttan kaisi hai

Baraf ky roop main dhal jayein gy saray rishtay

Mujh se poocho keh mohabbat main agan kaisi hai

Main teray wisaal ki khwaish ko na marnay doon ga

Mousam-e-hijar ky lehjay main thakan kaisi hai

Raigzaron main jo banti rahi kaanton ki rida

Us ki majboor si aankhon main kiran kaisi hai

Mujhay masoom si pagal larki pe taras ata hai

Ussay dekho to mohabbat main magan kaisi hai

Teray qareeb rahon ya keh door jaaon main

HAi dil ka ik hi aalam tujh hi ko chahon main

MAin janta hoon woh rakhta hai chahatein kitni

Magar yeh baat ussay kis tarah bataaon main

Jo chup raha to samjahy ga bad'gumaan mujhay

Bura bhala hi sahi kuch to bol aayon main

Phir is ky baad taa'aluq main fasalay hon gy

Mujhay sambhaal ky rakhna bichar na jayon main

Mohabbaton ki parkh ka yahi to raasta hai

Teri talaash main niklon tujhay na paaon main

Koi kehta hai pagal mujh ko

To soch main , main parr jata hoon

Keh kyon kar pagal kehlaya

Kya pagal'pan hai dikhlaya

Jab apnay aap se poochta hoon to

Kuch batain miliein jin se shayed

Main pagal pagal dekhta hoon

Kuch qasmain thein jo yaad rakhein

Kuch wadon ko abaad rakha

Keh kahin na yeh gum ho jayein

Kuch waday thay kiye hum ne jo

Un par qaiam rehnay kay liye

Ik koshish hamesha jari hai

Dar hai gar aisa na kiya to

Kamzoor kahin na par jayein

Kya is ko kehtay ho pagal

Gar aisa hi hai to sun lo

Mujhay fakhar hai keh main pagal hoon

Mujhay piyaar hai is pagal'pan se

Main pagal rehna chahta hoon

Meri aankhon main tum meri baaton main tum

Meri aankhon main tum

Meri baton main tum

Meri sansoon main tum

Meri raaton main tum

Sirf tum , Sirf tum

Meray hansanay main tum

Meray ronay main tum

Meray jagnay main tum

Meray sonay main tum

Sirf tum , Sirf tum

Main bolon to kiya

Chup rahoon bhi to kiya

Dekhon to kiya

Dekhna chaon to kiya

Sirf tum , Sirf tum

Kehna chaon to kiya

Keh na payon to kiya

Kuch bhi nahin keh ky bhi keh jayon to kiya

Sirf tum , Sirf tum

Kush ho jayon to kiya

Gham'gusaar to kiya

Maan jayon to kiya

MAin manoo to kiya

Sirf tum , Sirf tum

Roothon to kiya

Sataon to kiya

Rula keh phir hanson to kiya

Sirf tum , Sirf tum

Paas ayon to kiya

Door jayon to kiy a

Door j akeh phir yaad ayon to kiya

Sirf tum , Sirf tum

Gham baton to kiy a

gham chupaon to kiya

Na bata kar bhi sab kuch bataon to kiya

Sirf tum , Sirf tum

Kushiyaan doon to kya

Aik hansi mangoon to kya

Dil ko behlaon to kya

Kaam ayon to kya

Sirf tum , Sirf tum

Teray bagair zindagi sochon to kya

Tujhay sath rakhna chayon to kya

Tujh se bicharna na chayon to kya

Tujhay her pal paas paon to kya

Tujhay pana chayon to kiya

Teray paas ana chayon to kiya

Aur kya hai yeh kuch bhi to nahin

Sirf tum , Sirf tum , Sirf tum , Sirf tum

Jab agalay saal yeh waqat aa raha ho ga

Yeh kon janta hai kon kis jaga ho ga

Tu meray samnay baitha hai aur main sochta hoon

Keh atay lamhon main jeena bhi ek saza ho ga

Yeh hi damaktay huye pal dhuwan dhuwan hon gy

Yehi chamakta hua din bujha bujha ho ga

Lahoo rulaye ga woh dhoop chayon ka manzar

Nazar uthaon ga jis simat jhat pata ho ga

YAhi jaga jahan aaj mil ky baithay hain

Is jaga par khuda janay kal kiya ho ga

Bicharnay wale tujhay dekh ke sochta hoon

Tu phir milay ga to kitna badal gaya ho ga

Ab ky saal kuch aisa karna

Apnay pichlay 12 maah ky

dukh sukh ka andaza karna hai

Bisri yadain taza karna

Sada sa ik kaaghaz ly kar

bhoolay bisray pal likh lena

Apnay saray kal likh lena

Saray dost ikhtahay karna

Sari subhain hazar rakhna

Sari shamain paas bulana

Aur ilawa in ky dekho

saray mousam dehaan main rakhna

Ik ik yaad gumaan main rakhna

Phir mohabbat qiyaas lagan a

Gar to kushiyan barh jati hain

To phir tum ko meri taraf se

Anay wala saal mubarak

aur agar gham barh jayein to

mat be'kaar ta'kalluf karna

Dekho phir tum aisa karna

Meri kushiyaan tum le lena

Mujh ko apnay gham de dena

Be'naam sa yeh dard , Tehar kiyon nahin jata

Jo beet gaya hai , woh guzar kiyon nahin jata

Sab kuch to hai , Kiya dhoondti rehti hain nighaein

Kiya baat hai , Main waqat pe ghar kiyon nahin jata

Woh ik hi chehra to nahin saray jahan main

Jo door hai woh dil se utar kiyon nahin jata

Main apni hi uljhi hui rahon ka tamasha

Jatay hain jidhar sab main udhar kiyon nahin jata

Woh naam jo na janay kab se , na chehra na badan hai

Woh khwaab agar hai to bikhar kiyon nahin jata

Tum door ho kay bhi meray paas rehtay ho

Meray dil main bastay ho meray sath rehtay ho

Sab-e-tanhai ki ik ik ghari banti hai

Kushboo ban kay tum mera aangan mehkatay ho

Tumhari yaad ki hiddat se jab jalta hai dil mera

Tab tum piyaar ka sawan ban ky baras jatay ho

JAb bhi kabhi woh sur'mai aankhain uth'ti hain

Mera dil machalta hai aur tum saansain ban jatay ho

Shab-e-hijraan main chamaktay maah-o-anjum

Sab maand partay hain jana jab tum samnay atay ho

Tumharay sard raweya pe haan jalta hai jee mera

Kiyon khud bhi taraptay ho aur mujh ko bhi tarpatay ho

Pehla sa haal pehli si wehshat nahin rahi

Shayed keh teray hijar ki aadat nahin rahi

Rangon main ik rang teri sadgi ka rang

Aisi hawa chali keh woh rangat nahin rahi

Raahon main ik raah woh ghar loatnay ki raah

Tehrain kisi jaga per woh tabiyat nahin rahi

Namoon main ik naam sawal-e-ashna ky naam

Ab dil pe koi aisi koi ibarat nahin rahi

Raton mai ik raat meray ghar ki chand raat

Angan ko meray us raat ki zaroorat nahin rahi

Zakhmon main ik zakham mata-e-hunar ka zakham

Ab koi arz-o-hurrat nahin rahi

Sanata bolta hai sada mout laga faysal

Awaz to reh gayi hai sama'at nahin rahi