Imran's Poetry: 03/06/15

Mar 6, 2015

Hamara saahil se koi wasta nahin raha

Manzil ko janay ka koi raasta nahin raha

Talaash kar kay thak gaye hain us haseena ko

Us ka bhi hum se koi raabta nahin raha

Sitam yeh hai keh hum bhi rahay naqas-ul-aqal

Shayed isi liye us ka koi aasra nahin raha

Dil to karta rehta hai Aah-o-fagaan aksar

Magar is se milnay ka koi dilaasa nahin raha

Ab bujh gaya hai umeedon ka chragh Anjum

Hamara apna bhi koi laadla nahin raha

Hijar ki shab ka kisi ism se katna mushkil

Chand poora hai to phir dard ka ghatna mushkil

Moja-e-khwaab hai woh , us kay thikanay maloom

Ab gaya hai to yeh samjho palatna mushkil

Jin darakhton ki jarrain dil main utar jaati hain

Un ka aandhi ki daraanti se bhi katna mushkil

Quwat-e-gham hai jo is tarah sambhalay hai mujhay

Warna bikhron kisi lamhay to sametna mushkil

Us se miltay huye chehray bhi bhout honay lagay

Shaher kay shaher se ik saath nimatna mushkil

Ab kay bhi khoshon pe kuch naam thay pehlay se likhay

Ab kay bhi fasal ka deh'kaano main batna mushkil

Parveen shakir

Baja keh aankhon main neend kay sil'salay bhi nahin

Shakist-e-khwaab kay ab mujh main hoslay bhi nahin

NAhin nahin ! yeh khabar dushmano ne di ho gi

Woh aaye aa kay chalay bhi gaye milay bhi nahin

YEh kon log andheron ki baat kartay hain

Abhi to chand teri yaad kay dhalay bhi nahin

Khafa agarcha hamesha huye magar ab kay

Woh bar'hami hai keh hum se unhain gilay bhi nahin

Sehraa ki tarah rehtay huye thak gayein aankhein

Dukh kehta hai ab koi dariya bhi to dekhon

YEh kya keh woh jab chahye mujhay cheen lay mujh se

Apnay liye woh shakhs tarapta bhi to dekhon

Tum subha ka tara lagtay ho , ik noor ka dhaara lagtay ho

Yeh phool chragh kahan tum se, tum chand sitara lagtay ho

Meray shaher se guzra hai woh badal ki tarah

Dast-e-gul phaila hua hai meray aanchal ki tarah

Keh raha hai kisi mousam ki kahani ab tak

Jism barsaat main bheegay huye jungle ki tarah hai

Oonchi awaz main us ne to kabhi baat na ki

Khafgiyon main bhi woh lehja komal ki tarah

Mil kay us shakhs se main laakh khamoshi se chalon

Bol uth'ti hai nazar paaon kay cha'ghal ki tarah

Paas jab tak woh rahay dard tham'ta rehta hai

Phailtaa jata hai phir Aankh kay kajal ki tarah

Ab kisi tor se ghar janay ki surat hi nahin

Raastay meray liye ho gaye daldal ki tarah

Jism kay tehra-o-asaib zada mandir main

Dil sar-e-shaam sulag uth'ta hai sandal ki tarah

Kabhi zindagi main agar akelay ho

Aur dard had se guzar jaye

Aankhein teri

Baat'be'baat ro parein

TAb koi ajnabi

Teri tanhai kay chaand ka narm haala banay

Teri qamat ka saaya banay

Teray zakhmon ka saaya banay

Teri palkon se shabnam chunay

Teray dukh ka maseeha banay

Parveen shakir

Wohi mantazir nigahein , wohi shaam-e-gham ka aalam

Hum azal se dekh rahay hain teri wapisi ki raahein

Dekhta hoon keh koi pursaan nahin ghareebon ko

Dekhta hoon keh koi pursaan nahin ghareebon ko

Sochta hoon keh mujhay jeenay ka haq hai bhi keh nahin

Udaas tha is qadar keh soya nahin raat bhar

Palkon se likh raha tha tera naam chaand par

Kabhi aaye ga ussay hamara bhi khayal

Shayed yeh bhi hamara hi khayal hai

Chiriya poori bheeg chuki hai

Aur darakhat bhi pata pata tapak raha hai

Ghonsala kab ka bikhar chuka hai

Chiriya phir bhi cheh'hek rahi hai

Ang ang se bol rahi hai

Iss mousam main bheegtay rehna kitna acha lagta hai

Baarishon se tumhari yaadon ka

Koi rishta bhout purana hai

Samjh main zindagi aaye kahan se

Parhi hai yeh ibaarat darmiyaan se

Ba'aaz log rawiye bhi parh letay hain aur

Ba'aaz log alfaaz bhi samjhnay se qasir hotay hain

Ab to is raah se woh shakhs guzarta bhi nahin

Ab kis umeed pe darwaze se jhaankay koi

Koi aahat , koi awaaz, koi chaap nahin

Dil ki galiyan bari sunsaan hain , aaye koi

Rooh main koi gham hai posheeda

Zindagi be'wajah udaas nahin rehti

Dekh lay aa kay zara chain se sonay walay

Kaisay rotay hain teri yaad main ronay walay

Nahin aaya meri miyyat pe koi bhi dost

Meray qatil hain meri laash pe ronay walay

Tujh ko aaye gi lahoo se bhi wafa ki khushboo

Meray ashkon kay nishaan chehray se dhoondnay walay

Aadmi laakh sambhal kar bhi chalay to

Haadsay ho kay hi rehtay hain yeh honay walay

Mujh ko ghairon se nahin koi shikayat ab tak

Meray apnay hain meri kashti ko dabonay walay

Aa to gaye ho zindagi main magar itna khayal rakhna

Hum jaan to detay hain magar janay nahin detay

Kabhi paigham-e-ulfat , aur kabi tera khaffa hona

Hai to sara'sar na'jaiz

LAkin teri yeh bhi meharbani , teri woh bhi meharbani

Main khud zameen mera zarf Aasmaan ka hai

Keh toot kar bhi mera hosla chitaan ka hai

Bura na maan meray harf-o-lafz zehar sahi

Main kya karon keh yahi zaaiqa zubaan ka hai

Meri sanjeedagi mashoor hai zamanay main

Meri khamoshi bhi pehlu meray biyaan ka hai

Her ik ghar pe musallat hai dil ki veerani

Tamaam shaher pe saya meray makaan ka hai

Bichar kay uss se main bas is liye nahin bikhra , Mohsin

Woh keh gaya tha yahi waqat teray imtehaan ka hai

Mujhay na saans aati hai na mera dam nikalta hai

Magar yeh beech ka aalam bhout takleef deta hai

Samandar na nigalta hai na saahil par patakhta hai

Magar yeh doobna ubharna bhout takleef deta hai

Jo tum bolo sanwar jayein jo tum bolo bikhar jayein

MAgar yeh tootna jurna bhout takleef deta hai

Tum maano to batayein jo samjho to samjhayein

Tumharay bin adhoora pan bhout takleef deta hai

Bhout shouq hai na tujhay behas ka

Aa baith bataa ! wafa kya hai ?

Kiyon sharminda kartay ho , yeh rasmi baatein pooch kar

Haal mera wohi hai jo tum ne bana rakha hai

Aye pagal dil zid na kar dharak to sahi

Zindagi apni jaga shart-e-mohabbat apni jaga

Phir dil ne kaha hy use mangu khuda se

Phir aankhon ne uski deedar ki chahat ki hai

Phir aaj baras gai aankhen yaad men us ki

Phir neend ne aankhon se shikayat ki hai

Phir lehje men dukh aa simta hai

Phir aansuon ne ankhon se baghawat ki hai

Phir wo uska sath yaad aa gaya

Phir dil ne mehsoos uski zaroorat ki hai

Uske dukh or uski yaad ko seene se laga kar

Boht toot kr mene us se mohabbat ki hai

Agar be-aaib chaho to farishton se nibah kar lo

Agar be-aaib chaho to

Farishton se nibah kar lo

Main aadam ki nishaani hoon

Mujhey insaan rehnay do

Kya sochty rehty ho sada raat gaye tak

Kis qarz ko krty ho ada raat gaye tak

Thak haar k aa betha hai dehleez pe teri

Deedar ka raaz hai gda raat gaye tak

Ye kon hai,? Yousuf sa hasee'n dhondh raha hai

Yaqoob koi mehv-e-nida raat gaye tak

Aa toor pe chalty hain abi raat hai baqi

Shayd hmen mil jaye khuda raat gaye tak

Shmma teri aamad ko jalai thi sr-e-sham

Hoty rahy prwany fida raat gaye tak

Kuch aalam-e-tanhai mein ashkon ne dia sath

Aankhen rahen sailaab zda raat gaye tak

Raaz ko shab-e-wasal mila jam ba-mushkil

Ho paye na phir dono juda raat gaye tak

Gham kay maaray jo sada detay hain,

Takht shaahon k hila detay hain,

Bheegay mousam mein sulagtay aansoo

Meri aankhon ko jala detay hain

Kitnay zalim hain hawa k jhonkay

Soye zakhmon ko jaga detay hain

Aisi bakhshi hai udaasi tu nay

Ab lateefay bhi rula detay hain

Teray honto'n se woh jharrtay mouti

Mujh ko neendo'n se jaga detay hain

Ab na "dost" ko sadayein daina

Hum na loutein gain, bta detay hain