Imran's Poetry: 05/20/14

May 20, 2014

Ana ke sath kuch lamhay bitana thek hai lakin

Anaa kay saath kuch lamhay bitana theek hai lakin

Anaa kay saath sab lamhay bitana sakhat mushkil hai

Kamal main us ki teeron ka zakheera kam nahin hota

Khata us ka nishana ho

Yeh mumkin hi nahin jana

Anaa kay haath se tootay huye taaray

Kabhi jurtay nahin dekhey

Samnadar kay kinaray jis tarah miltay nahin dekhay

Anaa kay saath kuch lamhay bitana theek hai lakin

Anaa kay saath sab lamhay bitana sakhat mushkil hai

gungunatay huye anchal ki hawa de mujh ko

ungliyan phair kar balon main sula de mujh ko

jis tarah faltoo guldaan paray rehtay hain

apnay ghar ke kisi konay se laga de mujh ko

main teray hijar main chup chaap na mar jayon kahin

main saktay main kabhi a kar rula de mujh ko

roothna tera meri jaan liyea jata hai

aisay naraz na ho , hans ke dekha de mujh ko

aur kuch nahin manga meray malik tujh se

us ki ungliyon ki khaak bana de mujh ko

log kehtay hain keh yeh ishq nigal jata hai

main bhi is ishq main aya hoon , dua de mujh ko

Poet : Wasi Shah

kon kehta hai , shrarat se tumhain dekhtay hain

jaan-e-man hum to mohabbat se tumhain dekhtay hain

tum ko maloom nahin tum ho muqadas kitnay

dekhtay hain to aqeedat se tumhain dekhtay hain

dekh ke tum ko kisi aur ki yaad ati hai

hum kisi aur hi nisbat se tumhain dekhtay hain

sath ghairon ke nazar ayo to jee kurh'ta hai

kiya kahin kaisi aziat se tumhain dekhtay hain

jhonkani parti hai , yeh jaan main hamain

kon kehta hai sahoolat main tumhain dekhtay hain

Poet : Wasi Shah

khamoshi raat ki dekhta hoon aur tujhay sochta hoon

madhosh aksar ho jata hoon aur tujhay sochta hoon

hosh walon main jata hoon to ulajti hai tabiyat

so be'hosh para rehta hoon aur tujhay sochta hoon

tu maan main meray aa ja main tujh main sama jayon

adhooray khwaab sajota hoon aur tujhay sochta hoon

jamanay lagti hain jab laho mera furqat ki hawa'ein

to shaal qurbat ki orhta hon aur tujhay sochta hoon

Poet : wasi shah

Apnay ehsaas se chu kar mujhay sandal kar do

Main sadiyon se adhoori hoon mujhay mukamal kar do

na tumhain hosh rahay na mujhay hosh rahay

is qadar toot kar chayo keh mujhay pagal kar do

meri hathaili ko apnay pyar ki mehandi se rango

meri ankhon main apnay pyar ka kajal bhar do

dhoop hi dhoop hoon main toot ke barso mujh par

is qadar barso meri rooh ko jal thal kar do

tum chup lo mera dil , oat main apnay dil ki

aur mujhay meri nigah'hon se bhi ojhal kar do

masla ho to nigha'hain na chura'o mujh se

apni chahat se, tawaja se mujhay hal kar do

apnay gham ko kaho her waqat meray sath rahein

ik ehsaan kar do , us ko musalsal kar do

mujh pe cha jayo kisi aag ki surat jana

aur meri zaat ko sookha hua jungle kar do

Poet : Wasi Shah

dyar-e-ghair main kaisay tujhay sada detay

dyar-e-ghair main kaisay tujhay sada detay
tu mil bhi jata to tujhay ganwa detay

tumhi ne hum ko sunaya na apna dukh warna
dua woh kartay keh hum asmaan hila detay

Hamein yeh zoham raha ab kay woh pukarein gay
Unhein yeh zid thi keh her baar hum sada detay

woh tera gham tha keh taseer meray lehjay ki
keh jis ko haal sunatay ussay rula detay

tumhain bhulana hi awal to dastaras main nahin
jo iktiyaar bhi hota to kiya bhula detay

Hum apnay bachon se kaisay kahein keh yeh guriya
Hamaray bas main jo hoti to hum dila detay

tumhari yaad ne koi jawaab hi na diya
meray khyal ke ansoo rahay sada detay

Sama'aton ko main ta'umar kosta "Syed"
Woh kuch na kehtay magar hont to hila detay

tum meray dard bhi, gham bhi, meray alaam bhi tum

tum meray dard bhi, gham bhi, meray alaam bhi tum
tum mera chain ho jana , mera araam bhi tum

kamyabi ko nahin hum ne tumhain chaha hai
hum tumharay hain, bhalay ho gaye na;kaam bhi tum

main maseeha hoon agar, mera wazeefa tum ho
main hoon mujhram to meri jaan mera ilzaam bhi tum ho

muktalif heelon bahano se mujhay sochtay ho
aik din khul ke pukaro ge mera naam bhi tum

raat din tum ko faqat tum ko mujhay sochna hai
meri fursat bhi tumhi aur mera kaam bhi tum

jis se roshan mera angan hai tumhi ho woh chragh
sach to yeh hai keh tumhi ghar ho dar-o-baam bhi tum

yeh siysat bhi ajab khel hai bhoolay panchi
yahan siyaad bhi tum ho to teh-e-daam bhi tum

dukh dard ke maron se mera zikar na karna

ghar jayo to yaron se mera zikar na karna

woh zabt na kar payein ge ankhon ke smandar

tum raah guzaron se mera zikar na karna

pholon ke nasheman main raha hoon main sada se

dekho kabhi kharon se mera zikar na karna

shyed andehary hi mujhay raah dikha'ein

ab chnad sitaron se mera zikar na karna

woh meri kahani ko ghalat rang na de dain

afsana nigaron se mera zikar na karna

shyed woh meray haal pe be'sakhta ro dain

is baar baharon se mera zikar na karna

le jayein ge gehhraei main tum ko bhi baha kar

dariya ke kinaron se mera zikar na karna

woh shaks milay to ussay her baat batana

tum sirf isharon se mera zikar na karna

tab yaad bhout tum atay ho

jab raat ki nagan dasti hai

nas nas main zehar utar'ta hai

jab chaand ki kirnain tezi se

is dil ko cheer ke ati hain

jab ankh ke andar hi ansoo

zangeeron main bandh jatay hain

sab jazeeron pe cha jatay hain

tab yaad bhout tum atay ho

jab dard ki jhanger bajti hai

jab raqs ghamon ka hota hai

khabon ki taal pe saray dukh

wehshat ke saaz bajatay hain

gatay hain khwaish ki lay main

masti main jhoomtay jatay hain

sab jazeeron par cha jatay hain

main bhi kitna pagal hoon na....!

main bhi kitna pagal hoon na....!

jab bhi raat ko ghar ana ho

apnay darwazay pe dastak detay lamhay

aksar meri soch yeh mujh se kehti hai

aaj to darwaza kho le ge

mujh ko dekh ke muska'ey ge

mera matha choomay ge

sharma'ye ge

ghar main dakhil ho kar main bhi koi shirarat karon ga

to khud main smit kar reh jaye ge

main bhi kitn apagal hoon na

kiya kiya socha karta hoon

main bhi kitn apagal hoon na....!!

Kaash main teray bun-e-gosh main bunda hota

Raat ko be'khabri main jo machal jata main

To teray kaan se chup chaap nikal jata main

Subha ko girtay teri zulfon se jab basi phool

Meray kho janay pe hota tera dil kitna malool

Tu mujhay dhoondti kis shoq se ghabrahat main

Apnay mehkay huye bister ki her ik salwat main

Joun hi karti teri narm ungliyan mehsoos mujhay

Milta is gosh ka phir gosha-e-manoos mujhay

Kaan se tu mujhay hargiz na utara karti

Tu kabhi meri judai na gawara karti

Youn teri qurbat-e-rangeen kay nashay main madhosh

Umar bhar rehta meri jaan main tera halqa ba'gosh

Kaash main teray bun-e-gosh main bunda hota

tumhain jana ijazat hai kwh in tareek raahon par

tumhain jana ijazat hai
keh in tareek rahon par
thakan se khud main paon
andheron se kabhi dil doal jaye
thak se jayo to
meray jaltay huye lamhon
meray kangaal hathon se chura ke apnay hathon ko
fiza ki nagmagi se tum naye geeton ko chun lena
haseen palkon ki nokon par naye kuch khwaab bun lena
koi gar pooch le mera to us se zikar mat karna
meray jeevan ki jalti dopehar se be'gharz ho kar
tum apni chandani raton main jugno palti rehna
meri tanhayon ki wehston ki fikar mat karna
tumhain is ki ijazat hai
meray sab khat jla dena
meray tohfon ko dariya main baha dena daba dena
meri her yaad ko dil se kurchana aur mita dena
tumhain bilkul ijazat hai
keh jab chayo bhula dena
magar itni guzarish hai agar aisa na ho jana
to acha hai ...... !

raat ka pichla pehar hai

matami malboos orhay

dard ki inwadiyon se

wahiston ke rastay se

lar'kahrati , dagmagati

baal kholay , bain karti

chandani ko sath le kar

meri janab chal pari hai

Aa rahi hai

teri yaad

jab tumhari ankh ho gehray samandar ki tarah

kyn na lagta ho samandar deeda-e-tar ki tarah

is liye roshan kiya hai teray chahray ka chragh

dopehar tareek hai meray muqadar ki tarah

na'shanasa jis ki dewarain hain , dar ajnabi

woh mila mujh ko hamesha ik naye ghar ki tarah

us ne jab meri taraf piyar se dekha ho ga

us ne jab meri taraf piyar se dekha ho ga

meray baray main baray ghour se socha ho ga

subha ko jis ne sajae hai hansi honton par

raat bhar us ko kisi gham ne staya ho ga

kar ke wada bhi agar ap nahin aayein ge

naam bad'naam zamanay main wafa ka ho ga

hans ke hum jo baat kar letay hain us se kurasheed

haal apna woh samjh letay hain acha ho ga

her dard ko ae jaan main apnay seenay main chup loon

kantay teri rahon ke main palkon pe saja lon

bichari hai meri neend bichray ho tum jab se

jee chahay tujhay roz hi khawabon main bula loon

tu pass na a, haan zara daman to barha de

ashkon ko kahan tak main in ankhon main sambhalon

liye jaye janay kahan hamain waqat ka dariya

is dil par lagay zakham zara aj dikha loon

us ki ankhon main mohabbat ka sitara ho ga

ik din aye ga woh shaks hamara ho ga

jis ke honay se meri saans chala karti thi

kis tarah is ke baghair ab apna guzara ho ga

zindagi ab keh mera naam na shamil karna

gar yeh teh hai keh yahi khail dobara ho ga

mujh se aksar woh kehti thi

meri bas itni se khwaish hai

kuch aisay pehchani jayon

ap ke naam se jani jayon

Pehlay meray khat ko us ne

Ik anjanay khauf se , dar kar

tukray tukray kar dalay

ab ik haseen ehsaas kay tabeh

jis ka koi naam nahin hai

pichlay kitnay hi ghanton se

darwazay ki aoat main chup kar

tukray jor rahi hai.... pagal

ek shaks ko dekha tha taron ki tarah hum ne

ek shaks ko chaha tha apno ki tarah hum ne

ek shaks ko samjha tha phoolon ki tarah hum ne

woh shaks qayamat tha kiya karain us ki batain

din us kay liye paida aur us ki hi thi raatain

kab milta kisi se tha hum se thein mulaqatain

Rung us ka shababi tha zulfon main thein mehka'rain

Ankhain thein keh jado tha palkain thein keh talwarain

Dushman bhi agar dekhain to jaan se dil haarain

Kuch tum se woh milta tha baton main shabahat thi

han tum sa hi lagta tha shokhi main shararat main

lagta bhi tum hi sa tha dastoor-e-mohabbat main

Woh shaks hmy ek din apno ki tarah bhula

taron ki tarah dooba pholon ki tarah toota

Phir hath na aya woh hum ne bhout dhoonda

Tum kis liye chonkay ho kab zikar tumhara hai

kab tum se takaza hai kab tum se shikayat hai

Ek taza hikayat hai sun lo to enayat hai

ek shaks ko dekha tha taron ki tarah hum ne

ek shaks ko chaha tha apno ki tarah hum ne