Imran's Poetry: Saghar Siddiqui Poetry

Showing posts with label Saghar Siddiqui Poetry. Show all posts

Jun 1, 2018

Woh zindagi keh jissay zindagi se nisbat thi

Tumhari zulf-e-parishan pe waar di hum ne

Kuch aisa sard hua jazba-e-wafa saghar

Khud apni zaat bhi hans hans kay haar di hum ne

Apr 19, 2016

Kuch ilaaj-e-wehshat-e-ehal-e-nazar bhi chahiye

Aik pathar bar dukan-e-sheesha gar bhi chahiye

Na'mukamal hai saqoot-e-karwan ki daastan

Is main thora sa biyan-e-rah'bar bhi chahiye

Jin kay daman main duaon kay siwa kuch bhi nahin

Un ghareebon ki duaon main asar bhi chahiye

Gulistan-e-aarzu kay inqalabi dour main

Aik jashan-e-mousam-e-barq-o-sha'rar bhi chahiye

Jo laga detay hain qasar-e-zindagi main aag si

Aisay sholon kay liye ik ashk-e-tar bhi chahiye

Phir inhi angraiyon main hashar kay saman hon

Bazam-e-jana main koi aashfta sar bhi chahiye

Hon na saghar jis main sang-o-meel ki pabandiyan

Manzalon tak aik aisi rah'guzar bhi chahiye

Dard kay maron pe hansta hai zamana be'khabar

Zakham-e-hasti ki kasak se hai nishana be'khabar

Nikhaton kay saye main tootay paray hain chand phool

Bijliyon ki yo'rashon se Aashiyana be'khabar

Husan-e-barham ko nahin haal-e-parishaan se gharz

Saaz-e-dil ki dharkano se zamana be'khabar

Hum qaraar-e-dil nahin hain , hum nahin aankhon ka noor

Hum sa awara kiyon hota hai , thikana be'khabar

Dono aalam wusat-e-aagosh ki tafseer hain

Dekhnay main hai nigah-e-mehar'mana be'khabar

Aap apnay fun se na'waqif hai Saghar ki nazar

Lal-o-gohar ki ziaon se khazana be'khabar

Jab gulistan main baharon kay qadam aatay hain

Yaad bhoolay huye yaron kay karam aatay hain

Log jis bazm main aatay hain sitaray le kar

Hum usi bazm main ba'deeda-e-num aatay hain

Main woh ik rind-e-kharabaat hoon meh'khanay main

Meray sajday kay liye saghar-e-jam aatay hain

Ab mulaqaat main woh garmi-e-jazbaat kahan

Ab to rakhnay woh mohabbat ka bharram aatay hain

Qurb-e-saqi ki wazahat to bari mushkil hai

Aisay lamhay thay jo taqdeer main kam aatay hain

Main bhi jannat se nikala hua ik butt hi to hoon

Zouq-e-takhleeq tujhay kaisay sitam aatay hain

Chasham-e-saghar hai ibadat kay tasawur main sada

Dil kay kaabay main khayalon kay sitam aatay hain

Her shagoofa sanaan ki surat hai

Mousam gul-e-khizan ki surat hai

Lamha lamha hai bojh seenay main

Waqat sang-e-giraan ki surat hai

Hai wara-e-qaraar aansu bhi

Dard ik meharban ki surat hai

Raastay reh'numa-e-deed-o-dil

Zindagi karwaan ki surat hai

Zoq-e-tadbeer ho to her zarha

Jalwa-e-keh'kishan ki surat hai

Zindgani hai gosh bar'awaz !

Aadmi dastaan ki surat hai

Haye ! dastoor-e-mehfil-e-hasti

Khamoshi zuban ki surat hai

Meray aashar sun kay farmaya !

Aik yeh bhi faghaan ki surat hai

Apna veerana-e-alam Saghar

In dino gulistan ki surat hai

Chaman se , barq -o-shar'rar se khitaab karta hoon

Shaoor0o0fikar-o-nazar se khitaab karta hoon

Qadam qadam pe khilata hoon gul ma'ani kay

Jahan shams-o-qamar se khitaab karta hoon

Jabeen pe satoot-e-ilhaam kay taqazay hain

Zaban-e-qalb-o-jiger se khitaab karta hoon

Main aik mard-e-qalandar , main aik dewana

Talooh-e-noor-e-sehar se khitaab karta hoon

Mizaj-e-shabnam-o-lala baat hai meri

Nigah-e-shola nagar se khitaab karta hoon

Na karwan se shikayat , na reh'numa se kalaam

Ghubar-e-rah'guzar se khitaab karta hoon

Her ik gaam pe hain pathron ki dewarein

Sakoot-e-ehal-e-humar se khitaab karta hoon

Bi'nam-e-azmat-e-yazdan kabhi kabhi saghar

Waqar-e-husan-e-bashar se khitaab karta hoon

Main iltafaat-e-yaar ka qaa'il nahin hoon dost

Sonay kar narm taar ka qaa'il nahin hoon dost

Mujh ko khizan ki aik lutti raat se hai pyar

Main ronaq-e-bahar ka qaa'il nahin hoon dost

Her sham-e-wasal ho nayi tamheed-e-aarzu

Itna bhi intizaar ka qaa'il nahin hoon dost

Do chaar din ki baat hai nahin zindagi ki baat

Do chaar din kay pyar ka qaa'il nahin hoon dost

Jis ki jhalak se maand ho ashkon ki aabru

Us motiyon kay haar ka qaa'il nahin hoon dost

Laya hoon be'hisaab ginahon ki aik fard

Mehboob hon shumaar ka qaa'il nahin hoon dost

Saghar ba'qadar-e-zarf luta'ta hoon naqad-e-hosh

Saqi se main udhaar ka qaa'il nahin hoon dost

Hans nahin saktay shagoofay taazgi se rooth kar

Hum zamanay main jiye hain zindagi se rooth kar

Zulf-e-jana se mili fikar-o-nazar ki chandani

Zulmatein hum ne nikharein roshni se rooth kar

Khud mananay kay liye aaye mujhay deir-e-haram

Sajda-e-ilhaam paya bandagi se rooth kar

Gham se ronaq ho gayi ka'shana taqdeer main

Mut'maein hai dil ki duniya her khushi se rooth kar

Aik din saqi ! yahi tootay huye jaam-o-sabu

Meh'kaday tarteeb dain gay tishnagi se rooth kar

Sochtay hain hasraton kay mor par shaam-o-sehar

Jayein gay Saghar kahan un ki gali se rooth kar

Meray chaman main baharon kay phool mehkein gay

Mujhay yaqeen hai shararon kay phool mehkein gay

Kabhi to deeda-e-nargis main roshni ho gi

Kabhi ti ujray diyaron kay phool mehkein gay

Tumhari zulf-e-parishan ki aabru kay liye

Kai ada se chinaron kay phool mehkein gay

Chamak hi jaye gi shabnam lahu ki boondon se

Rawish rawish pe sitaron kay phool mehkein gay

Hazaron moj-e-tamana sadaf ucchalay gi

Tala'tamon se kinaron kay phool mehkein gay

Yeh keh rahi hain fizaein bahar ki Saghar

Jiger afroz isharon kay phool mehkein gay

Allah ray ! Us chasham-e-inayat ka jadu

Ta'umar raha husan-e-mulaqaat ka jadu

Maloom na tha sehar gazeedan-e-wafa ko

Subhon kay pas-e-parda hai zulmaat ka jadu

Aankhon main rawan kosar-o-tasneem kay mantar

Zulfon main nihan sham-e-kharabaat ka jadu

Aata ho jissay rasm-e-mohabbat ka wazifa

Chalta nahin us par gham-e-halaat ka jadu

Bar'bat ka jiger cheer gayi taar ki fariyad

Mutrab pe asar kar gaya naghmaat ka jadu

Lehraye woh gaisu keh uthein gahm ki ghata'ein

Ashkon ki jharri ban gayi barsaat ka jadu

Hum sahir-e-aqleem-e- sukhan ban gaye Saghar

Is dhab se jagaya hai khayalaat ka jadu

Qareeb-e-daar katta din to raat kaanton par

Guzaar di hai kisi ne hayat kaanton par

Taghiuraat se afzon hai irtaqa ka mizaaj

Mila hai gul ko chaman main sabaat kaanton par

Bala se daman-e-hasti jo taar taar hua

Meray junoon ne lagaai hai ghaat kaanton par

Chitak rahay hain shagoofay tumhari yaadon kay

Saji hai shabnam-o-gul ki baa'raat kaanton par

Yeh aur baat hai phoolon ka zikar tha Saghar

Keh itifaaq se ponchi hai baat kaanton par

Nigaron kay melay , sitaron kay jhurmat

Bhout dil'nasheen hain , baharon kay jhurmat

Jawan hain agar wal'walon kay tala'tum

To mojon main bhi kinaron kay jhurmat

Meray chaar tinkon ki taqdeer dekho

Chaman dar chaman hain shararon kay jhurmat

Teray gaisu'on se janam paa rahay hain

Gulistan gulistan nazaron kay jhurmat

Chalakta raha hai mera jaam-e- zareen

Mehaktay rahay hain chinaron kay jhurmat

Jahan jal gayi shamm-e-bazam-e-tamana

Wahin mil gaye jaan nisaron kay jhurmat

Tujhay yaad rakhein gi Saghar baharein

Teray shair hain Gul'zaron kay jhurmat

Teri nazar ka rang bahano ne le liya

Afsurdagi ka roop tarano ne lay liya

Jis ko bhar bahar main ghunchay na keh sakay

Woh waqiya bhi meray fasano ne lay liya

Shayed milay ga qariya-e-mehtaab main sakoon

Ehal-e-khird ko aisay gumano ne lay liya

Yazdan se bach raha tha jala'lat ka ik lafz

Us ko haram kay shokh biyabano ne lay liya

Teri ada se ho na saka jis ka faisala

Woh zindagi ka raaz nishano ne lay liya

Afsana-e-hayat ki takmeel ho gayi

Apno ne lay liya keh baygano ne lay liya

Bhooli nahin woh qos-e-qazah ki si suratein

Saghar tumhein to mast dhiyano ne lay liya

Sakoot-e-gham se jo guzray na phir mili awaz

Yahin kahin in hi galiyon main kho gayi awaz

Yeh keh'kishan meray naghmaat ki larri yaro !!

Kiran kiran ki sama'at main hai meri awaz

Bhout dino se hai pa'maal dil ka her ghuncha

Main muntazir hoon koi aaye shabnami awaz

Na chair azar-e-mohabbat ki daastan Ae dost

Keh bazam-e-ishq main hoti hai khamoshi awaz

Main khud nigar hoon kisi mor pe na thehron ga

Azal se deti rahi mujh ko zindagi awaz

Shab-e-firaq koi gun'guna kay guzra hai

Keh ban gayi hai sitaron ki roshni awaz

Khuda karay keh sitaron ko na chu sakay "Saghar"

Saroor-e-zeest kay paron main doobti awaz

Apr 18, 2016

Main talkhi-e-hayat se ghabra kay pee gaya

Gham ki siyah raat se ghabra kay pee gaya

Itni daqeeq shay koi kaisay samjh sakta hai

Yazdan kay waqiyaat se ghabra kay pee gaya

Chalkay huye thay jaam , parishaan thi zulf-e-yaar

Kuch aisay haadsaat se ghabra kay pee gaya

Main aadmi hoon , koi farishta nahin hazoor

Main aaj apni zaat se ghabra kay pee gaya

Duniya-e-haadsat hai ik dard'naak geet

Duniya-e-haadsat se ghabra kay pee gaya

Kaantay to khair kaantay hain in se gila hi kya

Phoolon ki waardaat se ghabra kay pee gaya

Saghar woh keh rahay thay keh pee leejiye hazoor

Un ki guzarshaat se ghabra kay pee gaya

Fariyad kay taqazay hain naghma-e-sukhan main

Alfaaz so gaye hain kaghaz kay pay'rahan main

Her aan das rahi hain mazi ki talkh yaadein

Mehsoos kar raha hoon be'chargi-e-watan main

Tukra koi ataa ho ehraam-e-bandagi ka

Sorakh par gaye hain ikhlaas kay kafan main

Ae paasban-e-gulshan tujh ko khabar nahin hai

Sholay bharak rahay hain phoolon ki anjuman main

Ae yaar ! teray gham se fursat agar mili to

Tabdeeliyan karon ga is aalam-e-kohan main

Dekha hai main ne dil ki be'tabiyon ka manzar

Ik toot'ti kali main , ik doobti kiran main

Is darja dard afshaan gunchon ki daastan thi

Kaantay se chubh rahay hain ehsaas kay badan main

Shakhon pe un kay Saghar gaisu mehak rahay hain

Tarteeb paa rahi hain rangeeniyan chaman main

Khata waar-e-murawat na ho marhoon-e-karam ho ja

Musarat sar jhukaye gi pur'sitar-e-alam ho ja

Inhi be'rabt khawabon se koi tabeer niklay gi

Inhi uljhi hui rahon pe mera hum'qadam ho jaa

Kisi zar'daar se jins-e-tabasum maangnay walay

Kisi be'kas kay laashay par shareek-e-chasham-e-nam ho ja

Kisi din in andheron main chraghan ho hi jaye ga

Jala kar daagh-e-dil koi zia-e-shaam-e-gham ho ja

Tujhay suljahye ga ab inqalab-e-waqt ka shana

Taqaz-e-junoon hai gaisu-e-doran ka kham ho ja

Tajasus markaz-e-taqdeer ka qayel nahin hota

Shaoor-e-bandagi ! begana-o-dair-o-haram ho ja

Yeh manzil aur gard karwan Saghar kahan apnay

Simat kar raah guzar-e-waqat par naqsh-e-qadam ho ja

Bigra jo naqsh-e-zeest bana shahkaar-e-zeest

Aisay mittay keh ban gaye parwar'digar-e-zeest

Kuch is tarah se zeest ko apnao dosto

Ta'hashar mout ko bhi rahay intizaar-e-ezeest

De haadsat-e-no ki surahi se aik jaam

Saqi zara utarnay laga hai khumaar-e-zeest

Hilaaj ko qabool thi sooli raqeeb ki

Musawar-e-zeest kay liye kafi hai daar-e-zeest

Atki hui hai nok-e-mazda pe lahu ki boond

Kaanton main pal rahi hai aroos-e-bahar-e-zeest

Layein ghazal kay shaher se tashbeha kay chragh

Ae hum sukhan ! chalo keh sajaein diyaar-e-zeest

Saghar ki zindagi pe koi tab'sarah na kar

Ik shamma jal rahi hai sar-e-rah'guzar-e-zeest

Khird ba'khair ! junoon ko salam karna hai

Jahan-e-ishq main ab aur kaam karna hai

Yeh rang-o-bu kay khazanay baray dar'khishaan hain !

Dil-o-nigah ko bhi lala-faam karna hai

Kitab-e-surat-e-ko'nain youn uthana hai

Keh zarhay zarhay ko mehar-e-da'waam karna hai

Sada-e-bu zar-o-suliman yahi thi duniya main

Musaraton ko ghareebon kay naam karna hai

Jinhein khuda ki tarah bolnay ki aadat hai

Unhein zuban-e-bashar main kalaam karna hai

Meray shaoor ko hajat nahin takaluf ki

Tajaliyon ko nazar ka ghulam karna hai

Koi haqeer se shay daal meray saghar main

Keh zindagi ko bara-e-awam karna hai

Woh azam ho keh manzil-e-baydaar hans paray

Her naqsh-e-paya jurrat-e-ruswa hans paray

Ab kay baras bahar ki surat badal gayi

Zakhmon main aag lag gayi gulzaar hans paray

Is dard-e-dastan ki tamheed aap hain

Jis dastaan-e-dard pe gham khawar hans paray

Hairaan ho rahi hai shagoofay pe chandani

Shayed qafas pe aaj giriftaar hans paray

Lut jaye teray naam se her talkhi-e-jafa

Woh kaam kar kay be'kas-o-na'daar hans paray

Meray junoon ne aaj woh sajda adaa kiya

Butt khana-e-hayat kay asaar hans paray

Phir shaad'maan huye hain kharabay hayat kay

Saghar kisi kay gaisu-e-kham'daar hans paray