Uljhano ka meri sansoon ko na shikwa hota

Uljhano ka meri sansoon ko na shikwa hota

Zindagi ka maza a jata Humain jeenay main

Hum gila kartay na tujh se kabhi dil tootney ka 

Kaash ke do dil hotay jo meray seenay main

Muskuraney ki baat kartay ho

Muskuraney ki baat kartay ho

Kis zamaney ki baat kartay ho

Ab to kanj-e-qafas bhi raas nahin

Ashiyane ki baat kartay ho

Jhilmilaney lagay nazar ke chragh

Kis ke aney ki baat kartay ho

Roz jhooti tasaliyan de kar 

Dil barhaney ki baat kartay ho

A ke dekho Yeh rabt shabnam-o-gul 

Kyn rulaney ki baat kartay ho

Hum ko la ke faraib-e-farda main

Azmaney ki baat kartay ho

Ishq aur mushak do hain , aik nahin

Kis ghraney ki baat kartay ho
Zad pe a kar kisi ki kyn faizi 

Choat khaney ki baat kartay ho

Poet Sayed Faizi

Pathar bana diya mujhay roney nahin diya

Pathar bana diya mujhay roney nahin diya

Daman bhi teray gham ne bigoney nahin diya

Tanhai'yan tera pata poochti rahien 

Shab bhar tumhari yaad ne soney nahin diya

Ankhon main a ke baith gaye  ashkon ki lehar

Palkon pe koi khwaab paroney nahin diya

Dil ko tumharay naam ke ansoo aziz thay

Duniya ka dard samoney nahin diya

Nasir youn us ki yaad chali hath thaam ke 

Melay main is jahan ke khoney nahin diya

Poet : Nasir

Chandani ki banhon main yeh badan sunehra hai

Chandani ki banhon main yeh badan sunehra hai

Khwaab hai haqeeqat hai, shaam hai sawera hai

Poochat hai kyn mujh ko be-qarar kar ke youn

Taray husan ki batain tera naam le ke youn

Jaisay ik zamaney ko intizaar tera hai

Chandani ki banhon main yeh badan sunehra hai

Khwaab hai haqeeqat hai, shaam hai sawera hai

Teray bin mohabbat ki dastaan adhuri hai

Meri zindagi ke liye tu bhout zaroori hai

 Is bharay zamaney main aik tu hi mera hai

Chandani ki banhon main yeh badan sunehra hai

Khwaab hai haqeeqat hai, shaam hai sawera hai

Poet : Nadeem Sayed

Dil main ik lehar se uthi hai abhi

Dil main ik lehar se uthi hai abhi 

Koi taza hawa chali hai abhi

Sor barpa hai khana-e-dil main

Koi dewaar se giri hai abhi

Kuch to nazak mijaaj hain hum bhi

Aur yeh chot bhi nai hai abhi

Jee jalaney de hum-nafas keh mujhay

Fursat-e-naala-e-shabi hai abhi

Bhari duniya main jee nahin lagta

Janey kis cheez ki kami hai abhi

Tu shreek-e-sukhan nahin hai to kiya

Hum sukhan tari khamoshi hai abhi

Yaad ke be-nisaan jazeron par 

Tari awaz a rahi hai abhi

Poet : Nasir Kazmi

Dil dhar'keny ka sabab yaad aya

Dil dhar'keny  ka sabab yaad aya 

Woh teri yaad thi , ab yaad aya

Aj mushkil tha sambhalna ae dost

Tu musibat main ajab yaad aya

Din guzara tha bari mushkil se

Phir tera wada-e-shab yaad aya

Haal-e-dil hum bhi sunatay lakin

Jab woh ruksat hua tab yaad aya

Baith saya-e-gul main nasir

Hum bhout roye woh jab yaad aya

Poet : Nasir Kazmi

Ussay gumaan tha keh chaha ussay zamaney ne

Ussay gumaan tha keh chaha ussay zamaney ne

Aziz sab ko tha magar zarora'ton ki tarah

Gham hai ya kushi hai tu meri zindagi hai tu

Gham hai ya kushi hai tu

Meri zindagi hai tu

Afata'on ke dour main 

Chain ki ghari hai tu

Meri raat ka chragh

Meri neend bhi hai tu

Main khizaan ki shaam hoon

Rut bahar ki hai tu

Doston ke darmiyaan

Waj-e-dosti hai tu

Meri sari umar main

Aik hi kami hai tu

Main to woh nahin raha

Haan magar wohi hai tu

Nasir is diyaar main 

Kitna ajnabi hai tu

Poet : Nasir Kazmi

Teray baray main jab socha nahin tha

Teray baray main jab socha nahin tha

Main tanha tha magar itn atanha nahin tha

Teri tasveer se karta tha batain

Meray kamray main aina nahin tha

Samandar ne mujhay piyasa hi rakha 

Main jab sehra main tha piyasa nahin tha

Mananay roothney ke khail main hum 

Bichar jayein ge yeh socha nahin tha

Suna hai band kar li us ne ankhain

Kai raton se woh soya nahin tha

Poet : Meraaj

Aap ki yaad ati rahi raat bhar

Aap ki yaad ati rahi raat bhar

Chashm-e-nam muskurati rahi raat bhar

Raat bhar dard ki shama jalti rahi

Gham ki lo thar'thrati rahi raat bhar

Bansuri ki sureeli suhani sada

Yaad ban ban ke ati rahi raat bhar

Yaad ke chaand dil main utar'ty rahay 

Chandani jagmagati rahi raat bhar

Koi dewana galiyon main phirta raha 

Koi awaz ati rahi raat bhar

Poet : Makhdoom Mehu-din

Chale to kat hi jaye ga safar Ahista Ahista

Chale to kat hi jaye ga safar Ahista Ahista

Hum un ke pas jatay hain magar Ahista Ahista

Abhi taron se khelo chandani se dil beh'layo

Milay gi us ke chaheray ke saher ahista ahista

Dareechon ko to dekho , chilmano ke raaz ko samjho

Uthain ge parda haye baam-o-dar ahista ahista

Dikha dena ussay zakham-e-jiger ahista ahista

Samjh kar , soch kar , pehchaan kar , ahista ahista

Dahaly gi raat aye ge sehar ahista ahista

Piyo in ankh'riyon ke naam par ahista ahista

Yaka-yak aisay jal bujhney main lutaf jaan-kani kab tha

Jalay aik shama par hum bhi magar ahista ahista 

Youn hi ik roz apney dil ka qissa bhi suna dena 
Khitaab ahista ahista nazar ahista ahista