Imran's Poetry: 12/13/14

Dec 13, 2014

Yeh doulat bhi lay lo , yeh sohrat bhi lay lo

Yeh doulat bhi lay lo , yeh sohrat bhi lay lo

Bhalay cheen lo mujh se meri jawani

Magar mujh ko lota do bachpan ka sawan

Woh kaaghaz ki kashti woh baarish ka paani

Mohallay ki sab se puraani nishaani

Woh buriya jissay bachay kehtay thay nani

Woh naani ki baaton main pariyon ka daira

Woh chehray ki jhuriyon main sadiyon ka pehra

Bhulaye nahin bhool sakta hai koi

Woh choti se raatain , woh lambi kahaani

Kari dhoop main apnay ghar se nikalna

Woh chiriya woh bulbul woh titli pakarna

Woh guriya ki shaadi pe larna jhagarna

Woh jhoolon se girna aur gir kay sambhalna

Woh peetal kay challon kay pyaaray se tohfay

Woh tooti hui chooriyon ki nishaani

Woh kaaghaz ki kashti woh baarish ka paani

Hamaray baad tumhain apna bananay kon aye ga

Hamaray baad tumhain apna bananay kon aye ga

Rulaanay to sab ayen gay hansaanay kon aye ga

Bari mushkil hain chahat ki sabhi rasmain sabhi qasmain

Karain gay pyaar sab lakin nibhaanay kon aye ga

Rulaanay to sab ayen gay hansaanay kon aye ga

Kahin majbooriyan hon gi kahin tanhaiyaan hon gi

Tumhain her mor pe rasta dikhaanay kon aye ga

Rulaanay to sab ayen gay hansaanay kon aye ga

Zaroorat her kisi ko ho gi teri meharbaani ki

Sitam seh kar tumhain mananay kon aye ga

Rulaanay to sab ayen gay hansaanay kon aye ga

Hamaray baad tumhain apna bananay kon aye ga

Rulaanay to sab ayen gay hansaanay kon aye ga

Sohaani chandani raatain hamain sonay nahin deti

Sohaani chandani raatain hamain sonay nahin deti

Tumharay pyaar ki baatain hamain sonay nahin deti

Tumhari reshmi zulfon main dil kay phool khiltaythay

Kai phoolon kay mousam main kabhi hum tum bhi miltay thay

Puraani woh mulaqaatain hamain sonay nahin deti

Tumharay pyaar ki baatain hamain sonay nahin deti

Sohaani chandani raatain hamain sonay nahin deti

Kahin aisa na ho lag jaye dil main aag paani se

Baadal lain raasta apna ghataein meharbaani se

Keh yaadon ki yeh barsaatain hamain sonay nahin deti

Tumharay pyaar ki baatain hamain sonay nahin deti

Sohaani chandani raatain hamain sonay nahin deti

Tu is tarah se meri zindagi main shaamil hai

Tu is tarah se meri zindagi main shaamil hai

Jahaan bhi jaaon yeh lagta hai teri mehfil hai

Yeh asmaan yeh baadil yeh raastay yeh hawa

Her ik cheez hai apni jaga thikaanay se

Kai dino se shikayat nahin zamanay se

Yeh zindagi hai safar tu safar ki manzil hai

Jahaan bhi jaaon yeh lagta hai teri mehfil hai

Teray baghair jahaan main koi kami si thi

Bhatak rahi thi jawaani andheri raahon main

Sakoon dil ko mila aa kay teri baahon main

MAin ik khoyi hui moj hoon tu saahil hai

Jahaan bhi jaaon yeh lagta hai teri mehfil hai

Teray zamal se roshan hai kainaat meri

Meri talaash teri dil'kashi rahay baaqi

Khuda karay keh yeh dewaangi rahay baaqi

Teri wafa hi meri her khushi ka haasil hai

Jahaan bhi jaaon yeh lagta hai teri mehfil hai

Tu is tarah se meri zindagi main shamil hai

Meray aziz tujhay yeh khushi mubarak ho

Meray aziz tujhay yeh khushi mubarak ho
Nayi bahaar nayi zindagi mubarak ho
Is se pehlay keh teri chasahm-e-karam
Maazrat ki nigaah ban jaye
Pyaar dhal jaye meray ashkon main
Arzoo aik aah ban jaye
Mujh pe aa jaye ishq ka ilzaam
Aur tu be'gunnah ban jaye
Main tera shaher chor jaaon ga
Main tera shaher chor jaaon ga

Is se pehlay keh saadgi teri
Lab-e-khamosh ko gila keh dy
Teri majbooriyaan na dekh sakay
Aur dil tujh ko be'wafa keh dy
Jaanay main be'khudi main kiya poochon
Jaanay tu be'rukhi se kiya keh dy
Main tera shaher chor jaaon ga

Main tera shaher chor jaaon ga
Chor kar saahil-e-muraad chala
Ab safeena mera kahin tehray
Zehar peena mera muqadar hai
Aur teray hont dil'nasheen tehray
Is tarah teray astaanay pe rukon
Jab na paaon talay zameen tehray
Main tera shaher chor jaaon ga

Main tera shaher chor jaaon ga
Mujh ko itna zaroor kehna hai
Waqat-e-rukhsat salaam se pehlay
Tor loon rishta-e-nazar main bhi
Tum utar jaao baam se pehlay
Yeh meri jaan mera wada hai

Kal kisi waqat shaam se pehlay
Main tera shaher chor jaaon ga

Apnay rukh par nigah karnay do khoobsurat gunnah karnay do

Apnay rukh par nigah karnay do

Khoobsurat gunnah karnay do

Rukh se parda hatayo jaan-e-haya

Aaj dil ko tabbah karnay do

Rukh se zara naqaab utha do , meray hazoor

Jalwa ek baar phir dikha do , meray hazoor

Woh mar'mari se haath woh mehka hua badan

Takraya meray dil se , mohabbat ka ik chaman

Meray bhi dil ka phool khila do , meray hazoor

Husan-o-jamaal aap ka , sheeshay main dekh kar

Madhosh ho chuka hoon main , jalwon ki raah par

Gar ho sakay to hosh main la do , meray hazoor

Tum hamsafar milay ho mujhay is hayaat main

Mil jaye jaisay chaand koi sooni raat main

Jaao gay tum kahaan yeh bata do , meray hazoor

Aankhon se dil main utar kay tu meri dharkan main hai

Meray yaar meray pyaar teri mehak meray tan mann main hai

Aankhon se dil main utar kay tu meri dharkan main hai

Meray yaar meray pyaar teri mehak meray tan mann main hai

Teri qasam haan teri qasam

Pyaar kabhi na ho ga yeh kam dilruba ho gaye teray hum

Teray liye hi aye hain hum tu hai meray jeenay ki kasam

Tu hi tu meri shokhi sharam rab mera ab meray sajan main hai

Aankhon se dil main utar kay tu meri dharkan main hai

Meray yaar meray pyaar teri mehak meray tan mann main hai

Meray geeton ka suljhan hai tu

Pyaasa hoon main aur sawan hai tu

Thandi si ek agan hai tu

Tu megh aur main damini tu raag hai aur main raagni

Oh sanam teray liye main bani teri khanak meray kangan main hai

Aankhon se dil main utar kay tu meri dharkan main hai

Meray yaar meray pyaar teri mehak meray tan mann main hai

Meray geeton ka suljhan hai

Woh kaaghaz ki kashti woh baarish ka paani

Yeh doulat bhi lay lo , yeh sohrat bhi lay lo

Bhalay cheen lo mujh se meri jawani

Magar mujh ko lota do bachpan ka sawan

Woh kaaghaz ki kashti woh baarish ka paani

Mohallay ki sab se puraani nishaani

Woh buriya jissay bachay kehtay thay nani

Woh naani ki baaton main pariyon ka daira

Woh chehray ki jhuriyon main sadiyon ka pehra

Bhulaye nahin bhool sakta hai koi

Woh choti se raatain , woh lambi kahaani

Kari dhoop main apnay ghar se nikalna

Woh chiriya woh bulbul woh titli pakarna

Woh guriya ki shaadi pe larna jhagarna

Woh jhoolon se girna aur gir kay sambhalna

Woh peetal kay challon kay pyaaray se tohfay

Woh tooti hui chooriyon ki nishaani

Woh kaaghaz ki kashti woh baarish ka paani

Mujhay teri mohabbat ka sahara mil gaya hota

Agar toofan nahin aata kinaara mil gaya hota

Na tha manzoor qismat ko , na thi marzi bahaaron ki

Nahin to is gulistaan main , kami thi kiya nazaron ki

Meri nazron ko bhi koi nazara mil gaya hota

Agar toofan nahin aata kinaara mil gaya hota

Khushi se apni aankhon ko , main ashkon se bhigo leti

Meray badlay tu hans leti , teray badlay main ro leti

Mujhay ae kaash tera dard sara mil gaya hota

Agar toofan nahin aata kinaara mil gaya hota

Mili hai chandani jin ko , yeh un ki apni qismat hai

Mujhay apnay muqadar se , faqat itni shikayat hai

Mujhay toota hua koi , sitaara mil gaya hota

Agar toofan nahin aata kinaara mil gaya hota

Mujhay teri mohabbat ka sahara mil gaya hota

Agar toofan nahin aata kinaara mil gaya hota

Teray kushboo main basay khat main jalaata kaisay

Jin ko duniya ki nigahon se chupaye rakhaa

Jin ko ik umar kalejay se lagay rakha

Jin ka her lafz mujhay yaad tha paani ki tarah

Yaad thay mujh ko jo paighaam-e-zubaani ki tarah

Mujh ko pyaaray thay jo anmol nishaani ki tarah

Tu ne duniya ki nigahon se jo bacha kar likhay

Saal ha saal meray naam bra'bar likhay

Kabhi din main to kabhi raat main uth kar likhay

Teray kushboo main basay khat main jalaata kaisay

Pyaar main doobay huye khat main jalaata kaisay

Teray haathon kay likhay khat main jalaata kaisay

Teray khat aaj main ganga main baha aya hoon

Aag behtay huye paani main laga aya hoon