Imran's Poetry: 02/17/15

Feb 17, 2015

Ik ghazal us pe likhon dil ka takaza hai bhout

In dino khud se bichar janay ka dharka hai bhout

Raat ho din ho ghaflat ho keh baidaari ho

US ko dekha to nahin hai ussay socha hai bhout

Tishnagi kay bhi maqamaat hain kya kya yehni

KAbhi dariya nahin kaafi , kabhi qatra hai bhout

Meray haathon ki lakeeron kay izaafay hain gawah

MAin ne pathar ki tarah khud ko tarasha hai bhout

Koi aya hai zaroor aur yahan tehra bhi hai

Ghar ki dehleez pe ae noor ujaala hai bhout

Dil'kash parinda (Nazam)

Dil'kash parinda

Hamra zehan ik azaad panchi ki tarah se hai

Jo her ik pal

Kisi parwaaz ko tiyaar rehta hai

Magar kuch log is ko aik pinjray main

Muqeed kar kay rakhtay hain

Issay sonay ka dana to khilaatay hain

MAgar

Azaad hi honay nahin detay

Issay apni khushi aur apni khwaish se

KAbhi chughnay nahin detay

KAbhi sonay nahin detay

YEh hansana chahata hai to

Issay hansanay nahin detay

YEh rona chahta hai to

Issay ronay nahin detay

Bhout si khoobsurat manzalon ko
Kabhi panay nahin detay

Kabhi bad'boo zada be'rang be'wuqat rawiyon ko

Kabhi khonay nahin detay

MAgar

Meray zehan main jo prinda hai

Bara sar'kash bara baaghi hai yeh

YEh meray dil ki tehni par

teharta hi nahin aa kar

Hamesha khol kay par

Soch ki parwaaz ko tiyaar rehta hai

YEh her ik shakhs ka daala hua

Daana nahin chughta

Kisi bhi do'ghlay chehray ko gar dekhye

Shor karnay se nahin rukta

Issay jab chot lagti hai

Tarapta hai

Phar'rakta hai

Jhagarta hai

Kabhi Aansoo giraata hai

Kabhi fariyaad karta hai

Mujhay yeh tang karta hai

YEh mujh se jung karta hai

Magar phir bhi

Bara na'yaab panchi hai

Bara dil'kash prinda hai

Mujhay is se mohabbat hai

Khushi hai keh yeh zinda hai

Kabhi yeh rooth jaata hai

Kabhi yeh maan leta hai

Magar mujh se mukhatab ho

To meri jaan leta hai

Meray saaray iraadon ko

Kasooti par parakhta hai

Na jab tak faisala de dy

Hamara dil dharakta hai

Hamesha din nikalta hai

Hamesha raat hoti hai

Magar is kay liye andar koi

Be'mousami be'waqat ki barsaat hoti hai

Yeh baarish is kay dil'kash par kay ooper

Aag ki tarah barasti hai

Jhulasti is main is ki saari ki saari

hi hasti hai

Paron ko khol kar

Aankhon ko apni band kar kay

Oper ko munh utha'ta hai

Mujhay mehsoos hota hai

Madad kay wastay apni

Khuda ko bulaata hai

YEh us se kar kay astagh'faar

Haal-e-dil sunaata hai

Baat-be-baat pe hansanay walo

Tumhain kya maloom

Andar ki ghutan kya hoti hai

Satah-e-Aab ki lehrain gin'nanay walo

Tum kya samjho gehraai kya hoti hai

Apni aankhon ko tarawat ki tez chamak se chaka chond karnay walo

Bhookay logo ! tumhain kiya maloom bhook kiya hoti hai

Zindagi ko arzaan rakhnay walo

Na'shukray logo

Tumhain kya maloom , zindagi ki qeemat

Mout ki talkhi kya hoti hai

Saans ki dori kya hoti hai ?

Raaton ko gehri neend sonay walay

Be'hiss logo

Rat'jagon ki nafrat main

Kitna karb hota hai

Baat-be-baat hansnay walo

Tumhain kya maloom dard ki tees kya hai

Tumhain kya maloom andar ki ghutan kya hai

Tum kya samjho

Tum kya jano

Soch be'ghar , Aankh pathar , lab maqfal ho gaye

Raabton kay silsalay saaray

Mo'atal ho gaye

Dastaan ik khwaab ki

Mutthi main hi simati rahi

Aur kuch kirdaar youn phailay

Mufasal ho gaye

Suno jo bhook hoti hai bhout safaak hoti hai

Suno jo bhook hoti hai

Bhout safaak hoti hai

Kisi firqay kisi mazhab se is ka wasta kaisa

Tarapti Aant main jab bhook ka shola bharakta hai

To woh tehzeeb kay be'rang kaaghaz ko

Tamadan ki sabhi jhooti daleelon ko

Jala kar raakh karta hai

Nazar bhooki ho to phir chodween ka chaand bhi roti sa lagta hai

Khudi ka fal'safa

Jhooti daleelain sab sharafat ki

Mehaz bakwas lagti hain

HAqeeqat main yahi sab se bara sach hai

Keh yeh jo bhook hoti hai

Bari bad'zaat hoti hai

Chalo woh ishq nahin, chahnay ki aadat hai

Yeh kya karain hamian doobnay ki aadat hai

Tu apni sheesha'gari ka hunar na kar zaa'ia

Main Aaina hoon mujhay tootnay ki aadat hai

Main kya kahoon keh mujhay sabar kiyon nahin aata

Main kiya karon keh tujhay dekhnay ki aadat hai

Teray naseeb main Ae dil , sada ki mehroomi

Na woh sakhi , na tujhay maangnay ki aadat hai

Wisaal main bhi wohi hai firaaq ka Aalam

Keh us ko neend mujhay Mujhay rat'jagay ki aadat hai

Yeh muskalain to phir kaisay raastay teh hon gay

Main na'saboor ussay sochnay ki aadat hai

Yeh khud'Aziyati kab tak faraz tu bhi ussay

Na yaad kar keh jissay bhoolnay ki aadat hai

Woh zehar ki tarah meray dil main utar gaya

Neela mera wajood gharri bhar main kar gaya

Woh zehar ki tarah meray dil main utar gaya

PAlkein larz kay reh gayein aur deep bujh gaye

Ilzaam ab kay baar bhi Aandhi kay sar gaya

Ab kis liye sambhaal kay rakhon bisaa'ratein

Aankhon se khwaab cheen kay jab chara gar gaya

Us se bichar kay dil ka huwa hai ajeeb haal

Paanay ki Aarzoo gayi , khonay ka dar gaya

JAb mousamon ne phir se bagawat ki thaan li

Tehni pe phool khilnay se pehlay bikhar gaya

Behtar hai khud rafu'gari seekhon keh aaj to

Ghaayo khulay hi chor kay woh chara gar gaya

Us pe yaqeen ba'haal huwa to woh aik dam

Iqraar kay maqaam pe Aa kar mukar gaya

Aankhon se neend . dil se sukoon ho gaya juda

Lagta hai apnay saath koi haath kar gaya

Suraj ne saath chora to dekha palat kay tab

Socha jo saath chalta tha sayaa kidhar gaya

Abar-e-bahar ne phool ka chehra (Parveen Shakir)

Pyaar

Abar-e-bahar ne

Phool ka chehra

Apnay be'nafshi haath main lay kar

Aisay chooma

Phool kay saray dukh

Khushboo ban kar beh niklay

Parveen Shakir

Bhout Asaan hai doulat kamaana

Zara miyaar se girna paray ga

Kiya gham'khwaar ne ruswa, lagay aag is mohabbat ko

Na laway jo taab gham ki , woh mera raaz'daan kiyon ho

Hairaan hoon yeh kon sa dastoor-e-wafa hai

Tu misaal-e-rag-e-jaan hai to kiyon mujh se juda hai

Tu ehal-e-nazar hai to nahin tujh ko khabar kiyon

Pehlu main teray koi zamanay se kharra hai

Likha hai mera naam samandar pe hawa ne

Aur dono ki fitrat main sakoon hai na wafa hai

Uth'ti hain jo pehlu se meray dard ki lehrain

Be'taab samandar koi seenay main daba hai

Ae zeest kay dozakh se guzartay huye lamho

Socha hai kabhi tum ne keh jeena bhi saza hai

Teri jabeen pe likha tha keh tu mujhay bhula de ga

So main bhi bhaamp gaya tha keh tu bhula de ga

Her ik shakhs se larta raha main teray liye

Her ik ne mujh se kaha tha keh tu bhula de ga

Yeh teri aankhon pe halqay se par gaye kaisay

Mujhay to tu ne kaha tha keh tu bhula de ga

Nikaal laaya hai ilzaam phir puraanay tu

YEh hum ne teh bhi kiya tha keh tu bhula de ga

Kuch is liye bhi keh ik till tha teri aankhon main

Mujhay to tab bhi pata tha keh tu bhula de ga

Gaye dino ki azeez baatein nigaar subhein , gulaab raatein

Bisaat-e-dil bhi ajeeb shay hai hazaar jeetein , hazaar maatein

Anjaam-e-ishq sunaata hoon zara tawajo se suniye

Majbooriyan , ruswaiyaan , tanhaiyaan aur phir mout

Mohabbat woh baarish hai

Jissay choonay ki khwaish main

Hatheliyan to geeli ho jaati hain

Magar haath hamesha

Khaali rehtay hain

Ishq karo to adaab-e-wafa bhi seekho

Yeh faarigh waqat ki be'qaraari mohabbat nahin hoti

Ae dil abhi tak yaad kar raha hai us ko

Pagal hai tu qasam se , us ne to teray baad bhi hazaaron bhula diye

Woh saath tha to yaqeen maano janat thi zindagi

Ab to her saans zinda rehnay ki wajah poochti hai

Raastay main ik shajar hai zameen par para huwa

Sayaa magar hai apni anaa par arra huwa

Deeda'waron ne us ko banaya ameer-e-shaher

Tha jis ki chasam-e-kour main pathar jurra huwa

Kis kis se taziyat ka fareeza ada karoon

Her Aadmi kay sar pe hai qutba garha huwa

Toray ga kon waqat kay zalim jamood ko

Ehal-e-hunar kay lab pe taala para huwa

Qaatil bhi yaar thay meray maqtool bhi aziz

Wasif main apnay aap main naadim bara huwa

Suno humdam meray mujh ko bhout kuch tum se kehna hai

Suno humdam meray mujh ko

Bhout kuch tum se kehna hai

Yeh raatein

mujh pe bhaari hain

Yeh shaamein

Gham se taari hain

Bhout kuch yaad aata hai

Bhout mujh ko rulaata hai

Suno ik kaam kar do na

YEh apni baatein saari

YEh apni yaadein saari

Tum kiyon lay nahin jaatay

JAb aana hi nahin tum ne

To phir kiyon yaad aatay ho

Meri aankhon main ban kar ashk

Phir kiyon ruk se jaatay ho

Suno maahi , main apnay zabt ka daman

KAhin chor na baithon

Loat aayo meray humdam

Keh main khud ko tor na baithon

Bahaar tham , abhi jashn-e-bahaar baaqi hai

Ru'ba'ru gul hai , par deedar-e-yaar baaqi hai

Hazaar sajday kiye diyaar-e-haram main phir bhi

LAhoo main sha'aar, aur dil par ghubaar baaqi hai

YEh sab jaam-e-mohabbat ka asar hai saqi

Raat dhal gayi phir bhi khumaar baaqi hai

Khuda ki zaat se umeed chortay kiyon ho

Khizaan kay baad samaa khush'gawaar baaqi hai

Lab-e-dariya yahaan koi shaher tha shayed

Lakin us ki faqat kuch dewaar baaqi hai

Phir shuru'aat nahin mujh se huwi

Phir ik parwaaz sitaaron ki diyaar baaqi hai

Tum kisi aur se maloom to kar kay dekho

Hum kisi aur kay kitnay hain , tumharay kitnay

Kalaam karti nahin , bolti bhi jaati hai

Teri nazar ko yeh kaisi zubaan aati hai

KAbhi kabhi mujhay pehchaanti nahin woh aankh

Kabhi chragh se chaaron taraf jalaati hai

Ajab tazaad main palti hai teray wasal ki yaad

Keh ik aag bujhaati hai ik lagaati hai

MAin us ko dekhta rehta hoon raat dhalnay tak

Jo chaandani teri galiyon se ho kay aati hai

Yeh roshni bhi Ataa hai teri mohabbat ki

Jo meri rooh kay manzar mujhay dikhaati hai

Umeed-e-wasal bhi hai kaanch ki choori

Keh pai'maanay main kai baar toot jaati hai

Kya sochtay rehtay ho sada raat gaye tak

Kis qarz ko kartay ho adaa raat gaye tak

Thak haar kay Aa baitha hai dehleez pe teri

Deedar ko mohsin hai gadaa raat gaye tak

Aa toor pe chaltay hain abhi raat hai baaqi

Shayed hamain mil jaye khuda raat gaye tak

Shamma teri Aamad ko jalein thein sar-e-shaam

Hotay rahay parwanay fida raat gaye tak

Kuch Aalam-e-tanhai main Ashkon ne diya saath

Aankhein rahi sailaab zada raat gaye tak

Mohsin ko shab-e-wasal mila jaam ba'mushkil

Ho paye na phir dono juda raat gaye tak

Agar daaman nahin in ka muyassar

Kisi dewaar hi se lag kay ro lain

Milay ronay se fursat to kisi shab

Sitaaron ki haseen chaaon main so lain

Nigahon ki zubaan koi jo samjhay

Sar-e-mehfil kabhi hum lab na kholein

Bhout asaan ho jaye gi manzil

Chalo hum hi kisi kay saath ho lain

Koi jo Aa basay dil main to Jalib

Kabhi us ghar kay darwazay na kholain

Azaab-e-deed main Aankhein lahu lahu kar kay

Main sharam'saar hua teri justagoo kar kay

Suna hai shaher main zakhmi dilon ka mela hai

Chalein gay hum bhi magar pairahan rafu kar kay

Musafat-e-shab-e-hijraan kay baad bhaid khula

Hawa dukhi hai chahraghon ki Aabroo kar kay

Yeh kis ne hum se lahu ka khiraaj phir maanga

Abhi to soye thay maqtal ko sur'kharoo kar kay

Ujaar rut ko gulaabi banaye rakhti hai Mohsin

Hamari aankh teri deed se wuzoo kar kay

Meray tee'maar daaron se

Maseeha jab yeh keh dain gay

Dawa taseer kho baithi

Dua ka waqat Aa pooncha

Bimaari ik bahaana thi

Qaza ka waqat Aa pooncha

To kya tum itnay be'hiss ho

Yaqeen is par na laao gay

To kya tum itnay zaalim ho

Mujhay milnay ma aao gay

Wisal main bhi dil-e-be'zaar utha laaen gay

Kab, kahan , kya , meray dil'daar utha laaen gay

Chahiye kya tumhain tohfay main ? bata do warna

Hum to bazaar kay bazaar utha laaen gay

Youn mohabbat se na hum khana'badosh ko bula

Itnay sada hain keh ghar baar utha laaen gay

Gar kisi jashan-e-mussarat main bhi chalay jaaen

Chun kay Aansoo teray , gham khwaar utha laaen gay

Qatal kar dain gay mujhay yaar , khabar hai mujh ko

Dafan karnay mujhay agh'yaar utha laaen gay

JaaNisaar aisay hain ehbaab , jo paani maangon

To kuwaan khodnay talwaar utha laaen gay

Us be'wafa se haath milaanay kay wastay

Mehfil main sab se haath milana parta hai

Teri anjuman kay sab chehray thay na Aashna

Teri khushi kay liye sab ko galay lagana para mujhay

Jab mili tanhai main jee bhar kay roya

Woh huye ru'ba'ru to muskuraana para mujhay

Meri aankhon se koi parh na lay naam tera

Is dar se palkon ko jhukana para mujhay

Tinka tinka kar diya jo banaya tha Aashiyaana

Hukam-e-jaana tha keh sab kuch jalaana para mujhay

Dar ba'dar ho sar-e-bazaar mohabbat kar lo

Roz marna hai to phir yaar mohabbat kar lo

Halat-e-zaar, shab-e-gham bhi , laal aankhein bhi

Sab samjh jaayo gay , aik baar mohabbat kar lo

Khud'kushi kay liye marna , koi laazim to nahin

Zindagi se jo ho be'zaar mohabbat kar lo

Shaikh kehtay hain namazein parho sajda bhi karo

Hum yeh kehtay hain gunah'gaar mohabbat kar lo

Is qadar raat gaye , shab sawal karti hai

Tum se kis ne kaha tha yaar mohabbat kar lo

Zameen walon se yeh keh kar taluh hota hai her suraj

Ujaalay baant denay se ujaalay kam nahin hotay

Jee bhar gaya duniya se bas aik tamana hai

Tu ho tera jalwa ho aur gosha-e-tanhai ho

Likhna meray mizaar kay kutbay pe yeh haroof

Marhoom zindagi ki harasat main mar gaya

Janay kab , Kis se , Kaisay milna paray

Kitnay chehray uthaye phirtay hain

Agar tum azmat ki bulandiyon ko choona chahtay ho

To apnay dil main insaniyat kay liye

Nafrat ki ba'jaye mohabbat abaad karo

Jalaal-o-din Romi

Achay lagay tum hamain , hum ne bata diya

Nuqsaan yeh hua keh , tum maghroor ho gaye

Naye chragh liye shaam-e-be'kassi aayi

KEh dil bujha to sitaaron main roshni aayi

Junoon-e-shouq ne poncha diya kahan mujh ko

Nigaah-e-yaar bhi aksar thaki thaki aayi

Hamaray paas kahan aanso'on ki soghatein ?

Kisi ko apna bana kay bari hansi aayi

Jahan-e-daar-o-rasaan ho kay bazam-e-shair-o-ghazal

Hamaray samnay apni hi zindagi aayi

Tumhari yaad ko araam-e-jaan banaya tha

Tumhari yaad bhi lakin kabhi kabhi aayi

Hazaar rang diye jis ne zindagi ko

Ussi nazar se mohabbat main saadgi aayi

Meray khaloos ka Aalam na poochna Mohsin

Shakist-e-jaam se awaaz-e-zindagi aayi

Main youn hi shouq main kab tak ussay pukara karon

Woh mera hai ya nahin hai , ab kya ishaara karon

KAha hai us ne keh main her roz aaon ga

Kya main us kay liye rozana ghar sanwara karoon

Tamaam log dekhtay hain nazar bhar kay ussay

To kiyon na roz main us ki nazar utaara karoon

Jo ban gaye hain meray liye wabaal-e-jaan

Main sochti hoon keh un sab se ab kinaara karon

Woh meri zindagi hai aur doosron kay saath rahay

Yeh be'rukh main bhala kis tarah gawaara karon

Kisi ki yaad ko dil main basa kay roye

Kisi ki tasveer seenay se laga kay roye

Jo wada kiya tha hum ne kisi se

Hum us waday ko nibha kay roye

Jis shakhs ko hamari zaroorat na thi

Hum us ko apni Aarzoo bana kay roye

Jis ne hamain apnay qadmon talay bhi jaga na di

Hum ussay apni palkon pe bitha kay roye

Jo samjh na saka hamari dil lagi

Hum us se dil laga kay roye

Meray seenay main her ik din kisi ki mout hoti hai

Meray seenay main her ik din

Kisi ki mout hoti hai

KAbhi armaan martay hain

KAbhi kuch hasraton ki laash uth'ti hai

Kabhi kuch chahaton ka

Aur kabhi kuch arzo'on ka

Sissak kar dam nikalta hai

KAbhi kuch zakham chal kar

Dil ki chokhat par

Naha kar khoon main maatam manatay hain

KAbhi kuch yaad maazi ki

Meray dil kay dareechay se

Nikal kar raqs karti hai

To aisi be'qaraari aur maatam kay aalam main

Meri kuch shairy aur shokh se jumlay

Muqaddas dil ki turbat par

Gulaabi phool rakhtay hain

Luta kar her cheez manzil-e-ishq ki raah main

MAin hans para hoon aaj khud ko bar'baad dekh kar

Main tum se kaisy kahon Ae meharban meray

Keh tu hi ilaaj hai meri her udaasi ka

Auron pe ho rahi hain hazaron nawazishein

Afsoos hum yaad kay bhi qaabil nahin rahay

Baadshah teray asaab pe taari main thi

Woh bhi din thay keh teri raaj kumaari main thi

Yeh bhi sach hai keh mujhay maar diya hai tu ne

YEh bhi sach ahi keh tujhay jaan se pyaari main thi

Sari duniya ko pata hai keh tum meray ho

Sari duniya ko pata hai tumhari main thi

Dard kab tha woh teray dil miain junoon tha mera

Ashk kab thay woh teri aankh se jaari main thi

Ab to ik jism hoon jis main koi dharkan hai na dil

KAbhi saanson ki tarah jaari-o-sari main thi

Mujh ko duniya ne baant'na chaha lakin

Jiss taraf dil tha udhar saari ki saari main thi

Kya phir ik matti kay mujasmay se umeed-e-wafa

Ae dil tujhay sach main izzat raas nahin

Mujhay doston ki lambi qataron se nahin matlab

Agar tum dil se meray ho to ik tum hi kaafi ho

Kamray ko jo phoolon se saja doon to rulaa doon

Woh raat tujhay yaad dila doon to rulaa doon

KAb samna kar paye ga tu meri nigah ka

Chehray se teray zulf hata doon to rulaa doon

Ae jatay huye shakhs tera hosla kya hai

Surkhi si jo aankhon main barha doon to rulaa doon

Do ashk bhula detay hain khud se kiye paimaan

Ik baar agar haath barha doon to rulaa doon

Paishaani pe ab tak hai teray lams ka par tao

YEh shamma achanak jo bujha doon to rulaa doon

Ae meray dushman , Ae meray sang sifat dil

Ehsaas jo tujh ko bhi dila doon to rulaa doon

Jo waqat baaqi hai ik shaam main guzar jaye

Main zehar itna piyoon sara shaher mar jaye

Udaasiyon ka woh taizab hai meray funn main

MAin shiar likhon tera husan na bikhar jaye

Andehri raat main jalnay ko dil tarasta hai

Kabhi to chaand zara dair ko utar jaye

Meray qalam ka wajood itna khoobsurat ho

Ameer-e-shaher meri zindagi se dar jaye

Mujhay mitanay ki dhun main kahan woh shakhs

Apnay hi honay se na mukar jaye

Main kaisay bhula doon woh din

JAb pehli baar main ne tumhari awaz suni thi

Us waqat se le kar aaj talak

Meri dharkano main tum basi ho

Main kaisay bhula doon woh din

Jab main ne tumhara naam suna tha

Meri zubaan ne qasam uthaai thi

Keh tumharay naam kay siwa

Kisi ka naam na loon ga

MAin kaisay bhula doon woh din

Jab tumharay wajood ki khushboo paa kar

Meri her saans mehak uth'ti thi

US aik din ne meri zindagi , meray halaat

meray din raat badal kar rakh diye

MAin kaisay bhula doon woh din

Meri jaan aa meray paas zara sham kay baad

Mil kay maangain gay mohabbat ki dua shaam kay baad

Jin ki taqdeer main khwaab nahin neend nahin

Orh letay hain woh sitaron ki rida shaam kay baad

Aao mil baith kay kuch waqat guzarain jana

Main sochon tujhay tu apni suna shaam kay baad

Tum mujhay chor gaya shaam se pehlay pehlay

Yeh na poocho mera kya haal hua shaam kay baad

Tum yahan thay to her ik shaam saji rehti thi

Ab to lagta hai raat hoti hi nahin shaam kay baad